📖 ZKIZ Archives

有翼難飛?


年三十半日市，開市埋位一樣跟傳統、搵來沈大師同林大師以術數為主題，由投資到經濟到政治人物把脈，得著甚多!

兩位大師去年測市甚準，都預言入市位應是新曆二月後，而立秋後見復蘇，果然在中秋後見高位，重上24000點。

雞年把脈，兩位雖然「貼」指數範圍相近，上下都係大約萬八至二萬五，不過時間就好有分歧，一個估上落上、一個估落上落，某程度就好似黃師傅同SKY SIR之爭，都係英雄所見略有不同。

佢地都同意、今年最大變數，其實係特朗普上場之後，同習主席之間會有幾大沖突，按林建華推算、特習二人，一個屬全火、一個係全土，年中打後、點都會來拼一次!

經濟學人都已經預告，由特朗普坐入「橢圓形辦公室」起，一場災難性既貿易戰已經預定會發生，而當中只有極少數既生還者，一切都值得大家恐懼。

雖然唔少人批評特朗普混亂、政策前後矛盾，不過佢地美國優先既想法，似乎係相當貫徹，特別係貿易上美國一直處於劣勢，誓言要作出改變。

中美一併似乎好似兩位大師預言，係難以避免，問題係點樣先可以唔觸及中國既底線?
經濟學人提出左三個意見：
1. 唔好將貿易同地緣政治掛勾。中國在貿易談判上可以有討價還價餘地，但意圖將南海爭議同台灣地位同貿易掛勾，中國肯定係吋土不讓、

2. 要避免損害自己。特朗普口口聲聲話要列中國做貨幣操控國，但有無認清、中國其實係努力避免人民幣大幅貶值。過分施壓，最終損害只係美國最低既階層、

3. 特朗普應該要好好學奧巴馬，呢點佢雖然絕不會認同，但過去八年來，美國先後十六次向世貿投訴中國，無一單係輸。善用現有機制，有時有意想不到收獲。

話說回來，兩位大師既今早推測，雖然有術數成分，但都係按現今政經局勢作出分析，可觀性高。想重溫兩位大師對雞年運程預測，可以上番我地facebook，另外仲推介有劉紹文劉老師、以及黃師傅黃瑋傑、同埋青姐胡孟青既雞年開市貼士，大家唔好錯過。

做下廣告、有留意我地FACEBOOK觀眾可能會發現，近日我地加強左社交媒體既內容，希望做到可以同電視有更多互動、以及接觸到更多觀眾。

新媒體興起，電視作為單向傳播媒介，已經愈來愈顯得不足，希望觀眾都可以在FB內，對我地節目有咩意見，都歡迎留言，比多啲意見我地。

講左咁多好似壞消息，大年三十晚其實唔多應該，不過正如雞既特性、除左好似沈大師講係「有翼難飛」外、亦都有「聞雞起舞」、「一嗚驚人」特性，我地都希望可以發揮、更早向觀眾提示最新市場變化，令大家可以早著先機，雞年有更好回報。
PermaLink: https://articles.zkiz.com/?id=233954

恐龍有毛有翼中國首次發現奇化石

1 : GS(14)@2015-07-23 01:28:31

科學家在中國東北遼寧省發現一個體型大、有羽毛和翅膀的短前肢恐龍化石，並將其命名為振元龍。中國地質科學院地質研究所呂君昌研究員，與英國愛丁堡大學布魯塞特博士，近日共同在《科學報告》雜誌發表論文，稱在遼寧省的火山岩中，發現極為完整約兩米長的恐龍化石，估計是一億二千五百年前所留下。從化石上所見，振元龍有羽毛和翅膀，是速龍的近親，看似像火雞或禿鷹，是全球第二次發現有短前肢馳龍。暫時未知振元龍能否飛，但專家估計一雙翼可能用來在樹叢間滑翔，或者只是恐龍整體結構一部分，又可能是用來保護巢內的恐龍蛋。英國曼徹斯特大學古生物學高級講師納德博士表示，本次發現的振元龍顯示「很多恐龍，甚至全部的恐龍都有羽毛或者絨毛」。今次是第一次發現發現這麼大體型的短前肢恐龍長有羽毛和翼。布魯塞特博士稱，「如果說現在古生物研究在發生地震的話，中國就是震央。」因為中國有很多化石儲藏室，放滿新的恐龍化石，還從沒研究過。
BBC中文網





來源: http://hk.apple.nextmedia.com/international/art/20150718/19224070
PermaLink: https://articles.zkiz.com/?id=291703

有腳有鼻仲有翼加勒比海驚現怪魚

1 : GS(14)@2016-02-03 14:43:21

有漁民聲稱在加勒比海撈起一條有腳和人鼻的怪魚。該隻怪形怪相的生物有鱗無鰭，有一對腳兼腳趾，口上有像人樣的鼻。卡里亞庫島的漁民看到那生物後，都打冷顫，說從未見過這種海中生物，有人更以為在科幻恐怖片。一位74歲漁夫表示，在網中發現那「異形後」，簡直目瞪口呆。他認為那生物不懂游泳，卻在海床行走。英國《每日鏡報》





來源: http://hk.apple.nextmedia.com/international/art/20160203/19477449
PermaLink: https://articles.zkiz.com/?id=295161

有毛有翼離巢做老細Bosco靠短訊冧掂日模女友

1 : GS(14)@2016-09-07 21:46:17

黃宗澤(Bosco)出年就同大台約滿，有傳佢唔想再續約，因為想開自己嘅工作室，就算樂小姐落力留佢，叫佢改簽邵氏都冇用。Bosco現時喺內地拍劇有過千萬人仔酬勞，經營嘅蠔吧生意又唔錯，仲諗住喺其他地方再搞飲食業。離巢都係人之常情。另外，Bosco同胡杏兒喺12年分手之後，極速同大自己9年嘅楊崢撻着，不過21日後又極速散咗。之後又傳過拍劇嘅時候，龔嘉欣、劉佩玥都力追佢，情史真係水蛇春咁長。不過Bosco家陣同日籍女模Jun蜜運中，但係佢哋只係靠message維繫感情，連Bosco自己都話異地戀好難keep。




來源: http://hk.apple.nextmedia.com/entertainment/art/20160907/19762460
PermaLink: https://articles.zkiz.com/?id=308001
Next Page
ZKIZ Archives @ 2019