半夜晒素顏搲戲拍大S被笑冇性生活：淘氣
1 :
GS(14)@2016-11-06 15:49:08徐熙媛(大S)同徐熙娣(小S)不時喺網上晒自拍相，有時一瞬間真係「大小S」不分，咁話晒大S生完一仔一女之後，專心湊小朋友未有復出拍戲，之不過大S確係keep得幾好!前晚11點幾，佢喺微博素顏相，見大S個黑眼圈都幾大，留言：「我好想演戲！我知道我的長相不夠Blablabla??我是個媽媽；但是我願意呈現自然的我，演出平凡真實的故事。為了夢想，我迫不及待展現真實素顏的我！」有網民留言：「這麼晚發自拍，一定沒有性生活吧。」大S竟然回覆呢位網民話：「淘氣！」大S仲好有自信咁話素顏，「我認為是女演員最好的狀態」，之但係相中嘅大S頭髮散亂、皮膚亦冇修飾過。此外，好友劉若英於微博大讚：「美極了！」小S亦有轉貼post稱：「根本就可以重出江湖了！！」但係小S今早都有post相，但係佢就只係晒腿傷痕纍纍嘅相，寫道：「腿，徹底的爛了！現在只能靠臉了~」
來源:
http://hk.apple.nextmedia.com/entertainment/art/20161106/19824491