查金庸 What’s Up? 榮暉賣殼 只欠東風
1 :
GS(14)@2015-02-13 11:31:22http://www.metrohk.com.hk/index.php?cmd=detail&id=267204&search=1
最近查金庸留意到有隻賣殼意圖非常明顯嘅股仔，有一定值博率，就係榮暉國際（0990）。榮暉主要喺台灣做成衣零售，基本上都係蝕本生意。大股東王力平先生已經無心戀戰，舊年11月委託金利豐證券配售手頭上12億股或32.82%股權，每股作價0.2元，王先生減持後失去控股股東地位，只持有29.25%股權。點知唔夠三個月，集團上星期又宣布配售7.3億股新股，配售價0.161元，集資用途係發展借貸業務，完成後，王先生股權進一步攤薄至24.38%。
今次嘅配售代理同樣都係金利豐證券，查金庸絕對有合理懷疑，「金仔」已經幫佢搵緊又或者搵到新殼主，睇返上次配舊股加埋今次配新股，總共有44%股權落入一眾「人頭」手上，相信等時機成熟就會正式宣布賣殼，讀者不妨密切留意，近日資金重新流入細價股，有賣殼概念嘅股仔應該可以吐氣揚眉。