被指遭貼大字報 文頌嫻追究
1 :
GS(14)@2016-08-13 14:50:21■文頌嫻不知道丈夫李梓慎被貼大字報。資料圖片
文頌嫻於2012年陀着B女嫁商人李梓慎，之後淡出娛樂圈做少奶奶。昨日有周刊爆李梓慎被貼大字報，因保安即交由警方處理，文女對丈夫被貼大字報全不知情，還反問會否被整蠱。文女昨透過短訊回覆：「有關我同我先生嘅報道，內容失實同無中生有，我正同律師研究將採取法律行動。對於雜誌嘅報道手法對我女兒造成騷擾及嚴重影響我先生嘅聲譽，我同我嘅家人都感到好憤怒！」傳有意復出的文女一家現居何文田的豪宅，月租達5萬，加上囡囡學費等其他家庭開支，每月基本支出十多萬。撰文：小米
來源:
http://hk.apple.nextmedia.com/entertainment/art/20160812/19732504
陳家洛請願指遭梁特挑釁
1 :
GS(14)@2017-01-12 07:58:22■陳家洛指昨到特首辦請願時遭梁特出言挑釁。
【本報訊】正當北京想以發還回鄉證等溫和手段拉攏民主派之際，已決定不連任的特首梁振英昨遇上到行會外請願的公民黨陳家洛，陳指梁期間多次以語言挑釁他，對他說：「呢個係升五星紅旗嘅地方，你今日出嚟呢度做乜嘢？」梁振英在網誌否認指控，聲稱只說歡迎陳來看升旗，陳斥梁左毒上腦。
「呢度升五星旗你嚟做乜」
陳家洛昨早與街坊到特首辦請願，要求將鴨脷洲利南道海濱撥作社區用途，記者現場所見，梁振英收過陳信件後主動向對方說話，之後至少3次主動回頭再向陳說話，更一度指向特首辦的升旗位。陳之後稱梁不是聽取訴求而是出言挑釁，「我哋都未開聲，梁振英行出嚟就對住我講，話呢個係升五星紅旗嘅地方，你今日出嚟呢度做乜嘢？」陳又指梁之後再回頭對他說：「呢度係中華人民共和國地方，你走嚟做乜嘢？」最後一次折返時更說：「嗰邊有個居民，佢攞住支五星旗嚟我哋呢個地方，陳家洛，你嚟呢度做乜嘢？」陳批評梁作為特首，只會挑釁和製造矛盾，「佢成個腦真係染到紅晒，左毒上腦，唔知點解見到我就怒髮衝冠」。梁之後在其facebook上載國旗與區旗飄揚短片，又在網誌否認指控，「我向陳家洛表示行政長官辦公室大樓每天早上八時都會升起五星紅旗和區旗，歡迎他來看升旗」。之後更截錄陳過去接受訪問說過「試想像某天一覺醒來，那象徵着中國共產政權的五星紅旗升不起來了，這個政權真的倒了」。陳反駁梁根本沒說過歡迎他到特首辦看升旗，「佢係大話精一個，完全無藥可救」，指當時身旁的街坊可作證。■記者林俊謙
來源:
http://hk.apple.nextmedia.com/news/art/20170111/19893186
指遭政治檢控「已到瘋狂地步」
1 :
GS(14)@2017-08-02 06:10:17■由於剛被DQ，長毛訪問後便要交還議員辦公室。謝榮耀攝
【本報訊】「長毛」梁國雄經常出入法庭，不是他興訟挑戰政府，就是政府因他犯法抗命而檢控他。他於本案裁決前接受訪問時坦言，今次因涉嫌未向立法會申報黎智英的25萬元捐款而被控，是政府首次針對他的個人誠信而提出起訴。長毛自言「應該冇罪」，又重申受執法司法配合的打擊，故期望大眾支持，「希望以前捐開錢畀社民連嘅人可以再捐」。
諷廉署大細超不查689
被問到本案會否令人覺得捐錢給他或惹麻煩，從而影響社民連募捐，長毛認為確會產生寒蟬效應，「啲人驚俾人知道吖嘛」。他指社民連並非經常收到巨額捐款，「25萬已經好多喇！你睇吓民主黨、睇吓民建聯、睇吓公民黨就知啦，非富則貴，衣香鬢影」。長毛說：「當然我都希望以前捐開錢畀社民連嘅人可以再捐啦，有啲真係要隱姓埋名嗰啲人唔好驚啦，?家我都可以代社民連收㗎。」關於本案，長毛稱「當然廉署執法有佢嘅尺度啦」，但似乎「對某啲人特別嚴厲，用好多人力物力去追，對某啲人就唔係」。說時他展示身穿T恤上的標語，寫有「徹查689 UGL5000萬」，謂「搞咗好耐都冇理啦」。長毛又說起在立法會橫洲事件會議中搶奪時任發展局副局長馬紹祥桌上文件，被控藐視立法會，認為政府竟利用保護立法會議員的條例來控告一名立法會議員，是天大的笑話，況且「仲係告一個唔告一個，朱凱廸議員就唔使告，我又要告」。長毛又舉另一個例子，他在星島舉辦的校際辯論比賽中向林鄭月娥示威，政府「用一條完全未用過嘅所謂食環條例嚟告我」，然而當日「譚香文激動過我好多啦，直情衝埋去林鄭月娥嗰度」，形容政府針對他的政治檢控「已經達到咗一個瘋狂嘅地步」。剛被DQ的長毛繼續宣洩無奈，指政府一方面以釋法干涉立法會事務，奪去議員議席，但另一方面，「我去打（官司）話曾鈺成剪布唔啱，咁佢又話，我哋法庭係唔會理立法會裏面嘅事」。長毛因議員身份而被控本案，最終因另一案而失去議席，但他認為，「議員只不過係其中一種嘅政治領袖，通過選舉由選民授權佢喺議會裏面做政治領袖，當然佢亦都可以響議會外做政治領袖」。訪問在長毛向立法會秘書處交還議員辦公室限期當日進行，辦公室仍留下不少物資有待處理。至訪問尾聲，記者關上燈，打算替長毛拍照時採用百葉簾滲入的自然光，此時長毛突然有點動氣說：「唔好搞到愁雲慘霧，好似收檔咁，我唔想個感覺咁悲觀，我受夠呢啲喇！」長毛指一張照片的力量勝過千言萬語：「你影完攞張相去參展，我冇所謂，但係你畀《蘋果》就唔好。」最後長毛開燈才繼續讓記者拍照。■記者楊家樂
來源:
http://hk.apple.nextmedia.com/news/art/20170801/20108173
Next Page