林峯千語BB世紀拖手
1 :
GS(14)@2013-05-22 14:26:45http://www.sharpdaily.hk/article ... %E6%8B%96%E6%89%8B/
黑白貴袋襯到絕
昨早5時45分，阿峯和千語BB孖公仔返抵香港機場，同行還有阿峯堂妹林夏薇和男親友。峯語齊戴黑超又齊拎Hermes Kelly Bag，阿峯提着價值逾10萬元的黑色袋，千語BB則拿8萬元的白色袋，黑白配襯到爆。出閘後阿峯阿四上身體貼地幫女友推行李，兩人邊行邊笑心情勁靚。記者恭喜他們並問是否已註冊？手上沒婚戒的阿峯否認：「作嘢。」再問是否帶女友見家長？他說：「唔答呢啲。」今年會否派利是？他耍太極說：「我年年開工都會派利是。」
一路上阿峯不時與千語BB喁喁細語，又輕搭女友膊頭及攬腰，幫女友將行李搬上車兼打點好一切後，阿峯突然當着現場十多名記者面前，首度拖着千語BB的手，然後送她上車，兩人隔着車窗依依不捨道別後，阿峯折返機場辦登機，原來他要轉飛橫店開工，為多見女友幾面才特地送她出閘，認真癡纏。後來阿峯笑着說：「行程好開心。」弟弟喜歡阿嫂？阿峯說：「多謝關心。」
千語BB回家休息幾小時後，便到西九出席內衣活動，被問是否見家長？她撒嬌說：「純粹畢業禮。佢哋好nice，冇催婚。」千語否認閃婚卻直言想嫁阿峯：「閃完又分，拍拖梗係視佢為結婚對象。」她又否認阿峯贈送300萬元法拉利跑車給她。
周迅高聖遠拖手
1 :
GS(14)@2015-02-13 00:04:56
【台北直擊】周迅和老公高聖遠昨晚拖手現身台北，出席代言品牌H&M在松高首間旗艦店的開幕派對，她甜絲絲表示新婚感覺很甜蜜。對於老婆被戲稱做「周公子」，高聖遠說：「在我面前她非常有女人味。」
■石貞善透露老公吳建豪在港工作並否認婚變。台灣《蘋果日報》
周迅夫婦日前在外地被影到在車內拍一場激吻戲，由於同場有電影《直航殺機》（Non-Stop）的西班牙導演贊美哥勒施拉（Jaume Collet-Serra），有傳兩人拍對方執導的荷李活新戲，周迅說：「基於商業保密不能透露太多，不好意思。」另同場還有以deep V性感登場的楊丞琳、林依晨及吳建豪老婆石貞善，石貞善指老公在香港工作，問到兩人婚變傳聞，她說：「沒事沒事。」採訪：顏英儀攝影：陳慧安
來源:
http://hk.apple.nextmedia.com/entertainment/art/20150212/19038408
金鐘國熊黛林甜蜜拖手
1 :
GS(14)@2015-05-05 22:57:08■熊黛林讚節目拍檔金鐘國，將她視作妹妹般照顧。
內地女星熊黛林（Lynn）和韓國王牌節目《Running Man》（RM）成員認真有緣，繼早前與金鐘國合作節目《叮咯嚨咚嗆》傳緋聞後，再與李光洙於假想情侶節目《如果愛》中，被配成一對。
■劉在錫在《RM》上踢爆金鐘國冇記性。
Lynn提到於節目中與金鐘國手拖手上山下海，又齊齊逛超市煮飯仔，她大讚男方廚藝十分好，並說：「我都幾喜歡識煮飯的男生，他很照顧女嘉賓，對我好像照顧妹妹一樣。」她又讚光洙是暖男，希望二人的銀幕情侶形象可以深入民心，並指光洙的粉絲沒有因她親近光洙呷醋，反而叫她要多多照顧對方。此外，劉在錫在前日播出的《RM》中投訴金鐘國，他說：「我當年曾主持過金鐘國所屬組合Turbo的歌迷會成立儀式，但他卻說不記得我了。」撰文：江瑚
來源:
http://hk.apple.nextmedia.com/entertainment/art/20150505/19135582
早產孖女分開醫重逢即刻手拖手
1 :
GS(14)@2015-07-21 09:09:02英國蘇格蘭一對早產孖女，剛出生就要分開接受治療，但也沒能分隔她倆之間的聯繫，她們七周後育嬰箱重逢，竟即時手拖手，場面溫馨。約翰斯通姊妹（Lily and Grace Johnstone）早產十三周，出生時只有兩磅重，做出生後首七周她們要分開接受治療，當情況穩定後才在育嬰箱重遇，竟立刻伸出小手，尋找姊妹，似為對方打氣，媽媽憶述說：「她們在醫院為生命搏鬥時，全程手拖手，像給予對方力量，我不知道她們如果沒有對方可否捱過這一關。」一對孖女去年八月已出院，如今肥肥白白，仍然形影不離，媽媽說，若她帶走其中一個離開房間換尿片時，另一人就會一直哭，直到對方回來為止，姊妹情讓媽媽感動：「她們愛在一起，她們總是對著對方笑，她們會是一生的好友。」英國《每日郵報》
來源:
http://hk.apple.nextmedia.com/international/art/20150721/19227139
猷亨陳瀅甜蜜拖手揈揈下 P牌泊車勁輪盡
1 :
GS(14)@2016-01-18 19:00:25賭王嘅幾位公子最近都戀事多，何猷君同富女友Kimmy打得火熱，另一邊廂何猷亨亦情傾宅男女神陳瀅，更同傳媒直認係拍拖，相當重視女方。昨晚8點半左右，仲係P牌嘅猷亨，揸住架跑車載女友去到史丹利街附近一棟商廈食飯，猷亨明顯對架車唔係好熟，喺史丹利街連泊3個車位都唔成功，要搵代客泊車幫手俾指示，不過花咗成十分鐘都泊唔到嗰三個位，之後就去咗隔離街一個非車位泊車，搞咗一輪泊好車後，兩個人落車睇下架車有冇花。見到冇花，陳瀅就一馬當先行，猷亨拿拿臨鎖車，之後急急腳追上去拖實女友，佢哋上咗去商廈食飯，大約45分鐘後，猷亨同一位男性朋友落返去架車到，喺車尾廂拎咗啲嘢比個朋友睇，又可能此時襯女友唔喺身邊，猷亨就食返支煙先，可能女友唔鐘意喺佢面前食煙。去到10點半左右，猷亨就同女友手拖手閃人，兩人拖手時揈下揈下，真係甜到隔住個Mon都feel到，又一邊有講有笑咁上返跑車，猷亨好有風度咁車女友返九龍站上蓋嘅君臨天下寓所。
來源:
http://hk.apple.nextmedia.com/entertainment/art/20160118/19456939
拖手嘆咖啡Sweet爆嘉穎凱琳私家位談情
1 :
GS(14)@2016-02-28 16:33:01【柴可夫】■食完下午茶齊齊坐嘉穎車走，唔知係咪趕下場呢？
【大坑】鄭嘉穎同陳凱琳（Grace）上年因為合作拍劇墮入愛河，據悉今次嘉穎相當認真，視對方為結婚對象，而家兩人處於熱戀階段，經常被影到甜蜜拍拖，日前佢哋就喺大坑被本報影到一齊嘆下午茶。
【密密食】■嘉穎難得放假，把握時間同Grace過二人世界。
【轉靚位】■滿足完記者影相之後，佢哋返咗私家位繼續食。
大方任影
當日約下午4點幾，記者發現嘉穎同Grace喺一間賣麵包嘅咖啡室歎咖啡，最初兩人坐喺近門口嘅座位撐枱腳，兩人有說有笑，之後發現有記者影相，兩個人好有默契咁笑笑口畀記者影相，相比起以前每次拍拖斷正都黑面嘅嘉穎，今次變得友善得多，可能係想同大家分享佢哋嘅甜蜜。滿足咗記者之後，兩個人想要個較寧靜嘅空間，兩人選擇搬番入咖啡室內嘅吧枱坐，店員睇嚟同佢哋非常熟絡，主動行埋去傾偈，當店員見門外有記者影相，仲主動幫手將窗簾拉低。大約5點左右，鄭嘉穎就埋單兼為女友開門，嘉穎喺女友手中接過紙袋仲順勢拖住，佢哋拖實走到另一個街口攞車，火速踩油離開。最近嘉穎仲放緊假，所以有時間拍拖，據悉內地一直有電視劇搵佢演出，但就未揀到啱嘅劇本，同時今年佢都希望可以有機會參與拍電影。採訪、攝影：畢紹基、吳耀輝
【埋單走】■粗重嘢由嘉穎做番，Grace梗係笑得甜。
【拖到實】■兩個人由踏出餐廳一刻起就已經拖到實。
來源:
http://hk.apple.nextmedia.com/entertainment/art/20160228/19508699
惡搞「Follow Me To」台夫婦拖手變拖鼻窿
1 :
GS(14)@2016-05-21 13:13:30俄羅斯攝影師奧斯曼（Murad Osmann）及妻子娜塔莉（Nataly Osmann）以「Follow Me To」系列照片在全球爆紅，夫妻倆走到哪裡、拍到哪裡的牽手照不但閃爆一堆人，也興起許多人倣效，而台灣有一對爆笑夫妻，拍了一輯改良版，絕對笑到你肚痛！來自台中的網友Forrest Lu和老婆Agnes Chien日前前往夏威夷度假，兩人也拍了一系列「Follow Me To」的照片，甜蜜中卻是笑點十足，令許多網友看了都說「這對台灣夫妻絕對會紅到國外去！」、「爆紅倒數中」。台灣《蘋果日報》
來源:
http://hk.apple.nextmedia.com/international/art/20160518/19617015
嬲嬲豬無視男友係咁氹唐詩詠唔畀洪永城拖手
1 :
GS(14)@2016-05-25 10:03:43【嬲爆爆】■洪永城昨日與女友唐詩詠在銅鑼灣穿梭，不過唐詩詠最初面黑黑似乎有點嬲。DV圖片
【銅鑼灣】洪永城（Tony）與唐詩詠本月9日晚被本報拍到在西半山睇樓，似想買大屋築愛巢，昨日兩人又相約到銅鑼灣逛街。約下午5時左右，記者在希慎道發現兩人，當時唐詩詠正一臉不悅，面黑黑對住男友，而Tony就不斷說話，似在努力想氹回女友，但女友卻不瞅不睬。
【兩食檸檬】■洪永城落足嘴頭氹女友，甚至出手扶過馬路，但失敗而回。
■唐詩詠再度快閃，懶理洪永城好意。
■唐詩詠直到見到女性友人，才重拾笑容。
扶過馬路被拒
後來Tony與唐詩詠一起過馬路，Tony明知有記者在現場，仍企圖示好想扶女友過馬路，但詩詠卻加速步行避開，食了一次檸檬的Tony沒有放棄，之後第二度想捉住唐詩詠手過馬路，但女友可能還在生氣，未肯給他拖手，再度加速避開，令到Tony再一次食檸檬。不過，Tony唔忿氣，繼續說話氹對方，結果終於見到詩詠展露笑容，兩人又開始邊行邊說話。兩人之後走到附近一間餐廳，原來他們約了一位女性朋友喝咖啡，由於越來越多記者趕到現場不斷拍照，Tony僅坐了一會就先行離開。記者立刻上前追問是否要買大屋準備迎娶唐詩詠？他笑笑口說：「冇啲咁嘅事！」問他有否結婚計劃？他答：「暫時未有結婚打算。」再問他結婚會否請馬國明？他只笑沒回應，然後向記者揮手離開。事後記者打給洪永城，問他為甚麼激嬲女友？他回應：「冇呀！我哋好開心！佢冇嬲！可能影相角度問題，以為佢嬲啫！」
■翠如大談與男友蕭正楠同遊韓國，一樣甜蜜。
■關菊英與同性密友周偉利昨日亦在銅鑼灣行街。DV圖片
翠如拍拖返港
曾與洪永城傳緋聞的黃翠如前晚在九龍灣出席活動，同場還有唐詩詠老友馬國明。翠如BB早前跟男友蕭正楠同遊韓國，她表示不夠時間買衫，在旅行途中要洗衫替換，她強調跟男友是各自洗衫，雙方不會見到對方的內衣褲。馬國明被問到有傳洪永城向唐詩詠求婚，他表示跟洪永城不熟，亦未有聽聞唐詩詠提及此事，認為唐詩詠結婚自然會公佈。此外，關菊英與同性密友周偉利昨日在銅鑼灣行名店，兩人在店外見到有記者，菊姐都有微笑打招呼，然後與周偉利上車離去。採訪、攝影：徐錦池、非非
來源:
http://hk.apple.nextmedia.com/entertainment/art/20160525/19625865
Next Page