2010-10-28 AD
|
||||||
人稱「大凌張」嘅股壇中人張志誠,佢做大股東嘅大凌集團(211),唔經唔覺都已經停咗牌成六年半,但咪以為咁就一沉不起,查實仲有新嘅搞作,仲有繼續投資,買吓嘢o架! 話說近排唔少公司發債集資,超人李嘉誠旗下和黃(013)都跟風,發行咗一批總值20億美金嘅永久資本證券,票面年息都有成6厘,咁好息,連大凌集團都落叠,認購咗些少。 而 大凌噚晚就特登出咗通告,話自己做咗超人嘅債主,之但係睇真啲,集團只係買咗130萬美金,即約1014萬元港紙,佔成批債都唔夠0.07%,真係雞膆咁 多!集團喺通告度又話,呢批債券票面息率高過本港大銀行嘅定期存款利率,係投資嘅良機,仲話買咗可以改善集團營運資金,但要留意,其實和黃都未正式公佈呢 次發債詳情,大凌爆響口,唔知有冇咩唔妥呢? |
||||||