【全美最貴豪宅】手袋設計師躍升豪宅大王：間屋係世界第八大奇觀
1 :
GS(14)@2017-03-23 06:27:193,000萬美元（約2.34億港元）的名車收藏、過百件精美藝術品、戶內外豪華家庭影院、4條保齡球道、還有數之不盡的美酒及娛樂設施，叫價2.5億美元（約19.5億港元）的超級豪宅貝沙灣路924號，是美國豪宅大王馬科夫斯基（Bruce Makowsky）第九個住宅項目。到底這位從電視消費頻道上賣手袋起家的設計師，為何會一步步走上豪宅大王之路呢？駐洛杉磯記者：張紫茵馬科夫斯基接受《蘋果》專訪時表示酷愛設計，過去30年他一直在設計手袋、鞋履及首飾等，當他還在紐約時，他閒時亦會幫人設計家居、巨型遊艇、私人飛機等，所以室內設計漸漸成為他興趣。六年前搬到加州後，就開始發展他的豪宅項目，成為加州地產界新貴。「我不明白，為甚麼（有錢人）願意花2至3億美元（約15.6億至23.4億港元）在遊艇上，每年只在船上幾個星期；他們亦願意花上千百萬在私人飛機上，但他們住的房子只值幾千萬美元。所以我要建造最華麗、氣派的綠洲，仿如將巨型遊艇的奢華設計帶到陸地上，讓人享受在家的感覺。」這個貝沙灣項目是他第九個作品，亦是最大型最豪華。他形容，這是有錢人的「終極夢想家居」，屋內擁有一切最好的設施。過去他出售的三個豪宅，買家都是不是美國人，而分別是荷蘭、加拿大以及歐洲的富豪。馬科夫斯基表示，他們非常喜歡豪宅的設計，加上洛杉磯的生活多姿多采，所以得到世界各地買家的青睞。自項目推出以來，打着「全美最貴豪宅」的旗號，貝沙灣路924號已經得到全球傳媒關注。馬科夫斯基指，項目在1月底開始宣傳後，收到海量的電話查詢希望來看房子，不少有興趣的買家更是來自美國，所以很有信心可以把房子賣出。被問到底花了多少錢去建這個豪宅，馬科夫斯基表示他傾盡家財，無預算地將最好的藝術品、智能家居科技，以及用料、名車配套、專業管家等，希望將這個項目做得盡善盡美。他說：「過去四年我都留在這個豪宅內，逐寸逐寸地打造這個地方。我真的好喜歡這個房子，所以要將它放售亦有點不捨得。」不過他亦樂於見到其他人與他一樣喜歡這個房子，並享受住在裏面。馬科夫斯基更自豪地表示，他覺得這個房子是「世界第八大奇觀」，住在這裏令人如天堂般，難以用言語形容。如果硬要在雞蛋裏挑骨頭，他笑言「有人跟我說，如果我的智能控制系統（可控制室內溫度、燈光等）能移動太陽，將會是終極完美，他會立即寫支票把房子買下來，可惜我的系統無法控制太陽吧！」但他還是補了一句，「但南加州始終都是太陽很足的」。對於馬科夫斯基的背景，不少人感到非常好奇。翻查資料，他跟太太Kathy過去成立了一家手袋公司Van Zeeland Inc.，是紐約着名中檔及百貨公司手袋入口商，同時亦於電視的消費頻道上銷售。從事設計、安排生產採購、進口、營銷及銷售女士品牌及私人品牌手袋、錢包及相關飾物，旗艦品牌有Kathy Van Zeeland Handbags、B. Makowsky和 Tignanello。公司截至2007年年底的除稅及非經常性項目溢利為3,700萬美元（約2.89億港元）。馬科夫斯基與太太於2008年將公司以3,300萬美元（約2.57億港元）出售予香港上市公司利豐（494），此後他將資金投資在洛杉磯房地產上，開展他的豪宅設計事業。馬科夫斯基去年以7,000萬美元（約5.46億港元）將一間比華利山豪宅，賣給瑞典電子遊戲億萬富豪Markus Persson，與當初標價8,500萬美元（約6.63億港元）比，成交價差不多打了個八折。目前貝沙灣924號開價為2.5億美元，成為全美國開價最高的房屋。據《福布斯》資料顯示，較標價第二位最貴豪宅The Manor高出5,000萬美元（約3.8億港元）。過去在洛杉磯荷爾貝山（Holmby Hills）的The Playboy Mansion亦曾叫價2億美元（約15.6億港元），最終卻以半價1億美元（約7.8億港元）成交；而標價第三高的是位於佛州馬納拉潘市（Manalapan）的一棟海邊豪宅，去年叫價1.95億美元（約15.2億港元），但至今尚未賣出。
來源:
http://hk.apple.nextmedia.com/international/art/20170322/19966445
【想嫁Oppa？】住慣細屋係優勢「好彩你係港女」
1 :
GS(14)@2017-07-07 01:33:00港女Ariel加Oppa Joo，喺大阪學日文結緣，因工作定居泰國，佢哋係用日文傾計。
【尋找首爾的香港】一段四國戀情，港女Ariel加Oppa Joo，喺大阪學日文結緣，o依家因工作定居泰國。
Ariel上個月揼低Joo，自己喺泰國飛返嚟香港探父母。佢話自細就鍾意日本文化，點知無緣識到日本男仔，反而喺日文班識到Oppa。未識Joo之前，Ariel對韓國零認識，淨係知道大長今同喊晒口韓劇，當然，韓文程度都係零。Joo亦都唔識廣東話，所以佢哋溝通係用日文！
自細鍾意日本文化嘅Ariel話，莫講話韓文，識Joo之前對韓國零認識。
Joo會帶Ariel感受韓國地道文化，好似掃街，
又會教佢講韓文單字。
透過視像同Joo做訪問，問佢識幾多廣東話，佢就一連串咁爆晒出嚟，「黐線、正仆X、洗手、我愛你、掛住你、殺死你......」Ariel聽到佢講「洗手」就笑，「佢嚟香港，嚟我屋企，我媽咪次次都嗌佢洗手、洗手，所以佢記住咗！」不過，要用第三語言溝通傾計，少不免會詞不達意，或者產生誤會。Ariel舉例話，「我成日話Joo鬧我，鬧嘅日文我哋用『叱る』，Joo對『叱る』嘅定義係指住人哋個鼻嚟鬧，但係我覺得大聲講嘢就係鬧，當大家都唔理解對方意思，就會冷戰！」有時雞同鴨講，有時生活文化唔同，又會產生拗撬，Joo第一時間就諗到「酒」！Joo解釋，「韓國人鍾意飲酒，有時工作上都有需要飲，但係Ariel自己唔飲，佢父母都唔飲，就唔明點解我要飲酒。」Ariel坦言最唔鍾意見到Joo飲醉酒，「真係會飲醉酒嘅，係飲醉，嗰陣就會鬧交喇！」
Ariel話有時好似置身韓劇，Joo會好似啲男主角咁，摸吓佢個頭，又會踎低幫佢綁鞋帶。
Ariel話Oppa係大男人，但其實係顧家孝順，會買架大啲嘅車載佢屋企人喺泰國四圍玩。
拍拖兩年，慢慢磨合，減少衝突，其實當中Sweet嘢仲多！Ariel話有時Joo會令佢好似置身韓劇，「我睇韓劇嗰陣會好冧，就會望住Joo，Joo就話『假㗎！講大話㗎！唔好信呀！』但係我諗返，啲男主角會摸吓女朋友個頭，Joo又真係會摸吓我個頭，都冧㗎！仲有踎低綁鞋帶嗰啲，係真係有㗎！」除咗咁，Joo仲會不其然咁撒嬌，好似問佢喺四個國家中最鍾意邊度，佢就擺出一副想冧香港人嘅樣，話係「香港~」Ariel即刻篤爆佢話「講真話！」佢先笑住話順序係韓國、日本、香港，最後係泰國。唔知你想唔想搵個Oppa男友，Ariel就話身邊嘅朋友都無話好羨慕，只係個個都問佢，「Oppa係咪好大男人？」Ariel無否認，但係認為Oppa嗰種大男人係顧家孝順，因為Joo喺好多事情上，都會主動諗埋佢屋企人。Ariel以喺泰國買車為例，「喺泰國得我哋兩個人，其實佢可以買架型啲嘅兩座位車，但係佢就諗埋我屋企人同佢屋企人，預埋佢哋嚟旅行，要載佢哋周圍去玩，所以買架七人車。」
Joo喺泰國做生意，Ariel做Model，齊齊定居泰國。
佢哋喺泰國租2、300呎嘅屋，Joo覺得細，Ariel覺得ok，Joo就話好彩Ariel係港女，唔介意住細屋。
佢哋定居泰國，係因為Joo喺當地做生意，做Model嘅Ariel又簽咗公司，可以派佢去泰國做嘢。Ariel話喺當地搵屋，Joo就發掘到港女大優點，「我哋喺曼谷租2、300呎嘅屋，Joo覺得好細，但係我就話ok，咁佢就同我講，『你係香港人真係好，我唔洗畀咁多錢租間大屋，將來無錢，買間細屋畀你都會好滿足！』我話係呀，我哋香港人住慣細屋！」嚟緊佢哋搬去芭提雅，一樣租返2、300呎嘅屋。嚟到訪問尾聲，正當Ariel同Joo講bye bye，Joo就大嗌：「等等！」原來「bye bye」令佢諗起多一個港韓文化差異，「喺韓國，收線唔會講『bye bye』，係講『哦~知道了！』但係Ariel成日要講『bye bye』！」Ariel偷笑話，如果Joo唔講「bye bye」佢會嬲，「開頭唔知㗎嘛，我覺得好似無啦啦就cut咗線咁，咪嬲囉！」所以o依家Joo都習慣咗講「bye bye」！アリエル泰國曼谷的韓式・生活
https://www.facebook.com/jooooting/記者：鄒倩婷（阿仙）攝影：峰、Neo剪接：Roy編審：Kaman
來源:
http://hk.apple.nextmedia.com/entertainment/art/20170706/20080292