📖 ZKIZ Archives

中環在線：彤叔嫡孫年底小登科 李華華


2009-01-23  AppleDaily


 

新 世界發展（017）主席鄭裕彤前排俾人誤傳佢抱恙入院，真係大吉利是。不過唔緊要，事關鄭家今年底將會有喜事──彤叔嫡孫鄭志剛（Adrian）噚日透 露，計劃今年11月同未婚妻拉埋天窗喇。Adrian舊年中已經同女友Jennifer Yu訂婚，噚日同傳媒行家食晏時，公佈今年底就會結婚，婚禮形式未定，但一定喺香港舉行，唔係灣仔會展就係君悅酒店，話晒係自己地頭嘛。佢哋舊年喺君悅搞 咗個casual嘅訂婚禮，結婚應該隆重好多啩！不過Adrian實在太忙，中港百貨、內地地產同私募基金都係歸佢負責，嚟緊仲要去歐、美同日本周圍睇投 資項目，所以佢話，結婚去邊度度蜜月都未諗好。前排市傳彤叔入院，當時佢身在北京，收到電郵即刻打電話落香港搵阿爺問清楚，先知係流料。
PermaLink: https://articles.zkiz.com/?id=5437

醞釀爭產　搪瓷大王嫡孫告姑姐

1 : GS(14)@2013-07-14 11:30:56

http://hk.apple.nextmedia.com/news/art/20130714/18334054


                【本報訊】已故搪瓷大王陳兆民嫡孫、前聯合集團主席李明治女兒李淑慧夫婿陳禹嘉，因身家逾四億的祖母今年中逝世，引發與姑姐對簿公堂。陳禹嘉指姑姐因爭議祖母的生前居住地點，故入稟高等法院，要求法庭聲明祖母過身時正居於香港。

要求澄清祖母死前居港

                  原告陳禹嘉於入稟狀指，他是祖母黃秀珍在2004年7月所訂立遺囑的唯一執行人，祖母在今年5月13日逝世前是定居香港，但因被告陳美珠對定居地點有爭議，故要求法庭澄清。
有報道指享年95歲的黃秀珍生前身家逾四億，雀友包括鍾楚紅及徐楓家姑等。
黃晚年患有老人癡呆症，2005年遭陳美珠由香港帶到三藩市居住，惹來陳禹嘉不滿，於是向當地法院爭奪黃秀珍的監護權，法院裁定陳禹嘉勝訴。

       

                陳禹嘉是尼日利亞最大華商、華亨集團主席，父親陳一心是由曾任東華三院總理的陳兆民與髮妻所生。陳兆民以搪瓷生意起家，16歲在上海做學徒出身，其後到香港開廠，生意越做越大，分別在非洲多國設廠生產搪瓷，在陳一心協助下，曾開拓電池、瓦通紙和電線等生意。
黃秀珍是陳兆民的繼室，因無所出，1947年收養了陳美珠。陳美珠有兩段婚姻，她1969年與紡織大王方肇周的外甥張廣鑫結婚，1982年張廣鑫因病逝世後，1992年改嫁前政務司司長陳方安生的五弟方桂生。
案件編號：HCA1284/13                                                        
PermaLink: https://articles.zkiz.com/?id=283305

許晉亨家族坐擁百億資產霍啟剛長子嫡孫多公職

1 : GS(14)@2017-08-19 19:08:00

香港城中有唔少富豪家族，而佢哋嘅子女雖然被視為豪門少爺同千金，不過其實好多都好能幹，唔止繼承家業，有唔少仲有公職在身。霍啟剛38歲嘅霍啟剛係霍英東嘅長子嫡孫，佢除咗係霍英東集團副總裁之外，佢喺社會有唔少公職，當中就包括香港青年聯會主席、天津市政協委員等，而佢更喺去年嘅巴西奧運做擔任香港奧運代表團團長。許晉亨今年55歲嘅許晉亨係已故船王許愛周幼子許世勳嘅細仔，08年同李嘉欣結婚之後育有囝囝Jayden。而許晉亨現時喺家族嘅中建企業入面擔任董事之一，而家許氏家族資產喺2006年估值達200億港元。莊家彬莊士集團主席莊紹綏嘅長子莊家彬05年加入莊士集團，現於莊士集團擔任聯席董事總經理，而其家族資產估計逾80億元。邱詠筠已故遠東集團創辦人邱德根的孫女邱詠筠，12歲去英國留學，02年喺倫敦大學國王學院畢業後回港，現時擔任遠東發展及帝盛酒店主席，去年仲獲得首屆世界傑出華人青年大獎。




來源: http://hk.apple.nextmedia.com/entertainment/art/20170819/20125848
PermaLink: https://articles.zkiz.com/?id=340275
Next Page
ZKIZ Archives @ 2019