【果籽人話】88歲鬥木老：後生女唔好入行
1 :
GS(14)@2018-03-06 03:49:50龍伯家中有數十張大小不一的木凳，是廿年來養活自己和老伴的依靠。
一click免費下載《籽想去東京》旅遊指南：
http://bit.ly/2rSv4c4全新旅遊專頁，即like籽想旅行：
https://fb.com/travel.appleseed「呢一行好難捱，咁樣就捱到白頭，但都賺不到大錢。」88歲龍伯的手做木凳，早前成為網上熱話，吸引不少市民和團體慕名上門光顧，包括一位做木工的年輕女生。行動不便的龍伯，每天坐着自家改裝的有轆籐椅，在家中製作各種大小的入榫凳，太太則在旁拖着風濕腳，幫忙招呼偶爾上門的客人。龍伯自豪對記者說：「廿年來就靠雙手養活自己。」
貪木工可坐着做60歲入行
龍伯八十有八，他說廿年前才開始做木工，讓記者有點摸不着頭腦……全職做木工已有四年，今年32歲的阿恩，同樣好奇龍伯60歲時為何不退休。「退休有乜好？坐喺公園都過唔到一日，幾時坐到過世！」龍伯年輕時本做搬運雜工，六十歲時遇意外後行動不便，聽朋友說木工不用到處走，又可以坐着工作，便入行做木匠，「始終可靠自己搵食，但而家你咪入行喇。」這是他第一次說「不要入行」。他行動緩慢，坐在有轆籐椅上，配合木棍像撐艇般在家中穿梭。「我腳唔好，要靠佢幫手先做到。」他口中的「佢」，正是他坐着的籐椅。籐椅於二十年前從坊間家品店賺入，為了方便自己在家中活動，龍伯又到家具店買了幾個膠轆，鑲在藤椅椅腳。「我鏟起晒啲包膠，喺屋企行起上來會順啲，之後凳底又加塊木板，畀我擺幾條手巾仔。」龍伯說自己最清楚自己需要，親自改裝最合心水。所以大概十年前，他又在椅腳與椅腳之間，加裝了共四塊半圓形木板。「我要爬高爬低，有時坐低坐唔正，張凳會向後碌，我咪跌倒腰骨囉！加木板就唔會跌。」龍伯邊說邊示範，他坐上籐椅，任他前後左右、左右前後怎樣傾側，半圓形木板總會有先一點着地，支撐着整張藤椅，絕不可能連人帶椅倒地。難道龍伯研究過力學？「黐線！我都要不斷試，試過咁唔得就轉第二樣，鬼叫跌親係自己痛咩。」阿恩笑說這設計早該得獎，龍伯當堂站起來說：「我又真係未評估過自己啲專利值幾錢。」
他的凳在成網上熱話後，不少熱心市民上門四凳，兩老即使行動不便仍然親自招待。
龍伯從不假手於人，也不讓太太參與任何工序，只讓太太做較輕鬆的工作，如打掃木塵和招呼客人等。
他身旁的正是自家改裝的有轆籐椅，龍伯形容是他的好幫手。
做凳靠自己廿年從未加價
或者出售自己的設計，龍伯會換來更多收入，不過他選擇了賣入榫凳養自己和老伴。他數着家中數十張大大小小的存貨，「16吋好多人買，坐又得，做茶几仔又得；32吋就最好坐，高度剛剛好。」即使行動不便，他做凳絕不假手於人，由選木材、切割、組裝到上油，做一張要足足花一星期。但廿年來從沒加價，一直只賣約百元一張。「我賣凳有百幾蚊一日，一個月有三千幾蚊，叫做唔會餓死。」一樣有做木凳的阿恩，深知這些凳不應只賣百多元，她勸龍伯加價，龍伯卻耍手搖頭直說不可能。「係人人都知凳靚，但就係唔願畀錢，啲人丟低五十蚊我可以點。」他憶述之前在荃灣楊屋道擺攤，有人嫌一百元一張凳太貴，放下五十元就離開，那天他賣完一張就氣得提早回家。此時，他捉住阿恩雙手，說：「廿年前木工搵到食，而家點做，你唔好做啊。」他第二次叮囑阿恩「不要入行」。
龍伯叮囑阿恩（右）千萬不要入行，寧願她花青春做別的事情。
這一塊古董木牌匾，是友人在六十年代送給龍伯的，上面的粉筆字是龍伯親手寫上：「青春留下一串串。」
龍伯不願加價，阿恩便試着買走了四張凳，希望加工後賣貴一點，把錢全數交給龍伯。「我想搵個方法，不只想增加龍伯收入，更想令佢知道其實大多數人係願意畀貴啲。」龍伯聽見即時反對，更對阿恩大喝「千祈唔好」，「你想幫我做，千祈唔好，做木工呢行你捱唔到，邊一行有錢你就去邊行，唔好搞木工啦！」短短兩小時的交談，龍伯三番四次叫阿恩不要入行，似是推倒自己堅持了廿年的決定。他更深知做木工「搵唔到食」，從沒要求子女繼承父業，「廿年前人人叫你一聲師傅，今日想賣一張凳都難，後生嘅為乜仲要做落去？」臨離開時，他告訴阿恩和記者，只要家中所餘的木材用盡，就會真的退休，更着我們不用幫忙，「青春好快過，我同我老婆頭髮都白晒，你趁青春做媖其他事好過，我就捱咗大半世。」記者：黃凱婷攝影：蕭志南、潘志恆
來源:
https://hk.lifestyle.appledaily. ... e/20180304/20321555