速水直道冧港女想帶鹹魚返日
1 :
GS(14)@2016-03-14 01:44:04日本型男速水直道入行後首度襲港，此行他為節目取景，昨日更在尖沙嘴舉行粉絲見面會，大會招待近百名幸運兒親近偶像，速水全程表現得相當親民兼冧爆粉絲，既送抱抱又從後幫女影迷穿上圍裙，搞到現場尖叫聲不絕！速水直道參演日劇《電車男》、《朝5晚9》等都在亞洲區大熱，除了演戲外，他的廚藝亦相當了得，其主持的料理節目《MOCO'S Kitchen》已播出六年，他在鏡頭前煮過超過1,200款美食，趁節目在港播出，速水與香港粉絲在見面會上交流廚藝心得。昨日活動在早上11時半開始，速水有備而戰甫出場即用廣東話講：「大家好！」他大讚香港夜景迷人，前日有到大澳，並搞笑地說：「鹹魚Very Good！」速水此行亦有食點心，他稱看到動物形狀如豬仔的得意包點卻不捨得食落肚，而有眼的流心奶黃包也教他大開眼界。速水在會上盡情放電，更為三位得獎影迷從後邊攬邊穿上圍裙。
■速水來港辦活動，冧得港女暈晒大浪。
■速水大讚香港夜景，並在維港留影。
半裸下廚拍寫真
完成見面會，速水接受訪問時談到美容心得，他指：「你們女士比我清楚吧，我只會在飲食方面做到均衡。而我有做大量運動，如跆拳道、空手道等。」來港吃了很多食物，他笑稱鹹魚不能帶回日本，因為太大陣味。提到開餐廳做老闆，速水笑稱：「有沒有投資者呀？我都望有這天，但開店不容易，現在有自已的烹飪節目已很滿足了。」速水覺得女士煮得一手好菜能討男士喜愛，他笑言若女士廚藝差，他仍會讚賞，但會趁對方看不見時加點調味料。問到速水會否出寫真，他反問：「想要我出甚麽寫真？裸上半身來煮菜？會被油彈到灼傷呀！我會用碗碟來遮掩身體！」他早前與山下智久合作拍劇，他稱山下最近比較忙碌，更反問記者：「你喜歡山下嗎？」記者說喜歡後，速水搞笑地站起來作勢走人，還說：「那我走先了。」認真搞笑。採訪：阮瑜
來源:
http://hk.apple.nextmedia.com/entertainment/art/20160313/19527129
【港女幸福過韓女】港女想知USB有幾爽 港男想試M到有幾痛
1 :
GS(14)@2016-10-18 08:15:28女扮男裝嘅樂瑥就咁衝入舞女房，啲舞女以為畀人睇蝕晒。(《雲畫的月光》截圖)
【三個粉絲追韓劇】熱播韓劇《雲畫的月光》劇情越嚟越緊張，女扮男裝嘅洪樂瑥（金裕貞飾）因為係逆賊之女而面臨殺身之禍，想知世子（朴寶劍飾）救唔救到佢，就要追住今晚播出嘅結局篇。樂瑥由細到大都要女扮男裝其實相當痛苦，之不過，如果有一日嘅時間畀你可以女變男、男變女，相信會係一個幾難忘嘅體驗！
如果有得變性一日，有港女話要試吓打飛機、做USB壞男人，
韓女就話想去男廁「目及」嘢。
豪邁啲嘅港女話想試吓喺叢林屙噓噓，
又話想用男人聲講粗口！咁港男呢？話想試吓M痛有幾痛，
想試吓做娘娘收兵，
兼釣吓金龜喎！
無論是港男港女，定韓男韓女，一聽到可以變性一日，都即刻諗起性事。有港女就話想試下打飛機、做「USB」壞男人，有韓女就話要去汗蒸幕沖涼，去男廁「目及」嘢，或者喺街四圍媾女。有啲女仔豪邁啲，就話要用男仔嘅聲線講粗口、喺叢林屙噓噓。男仕呢？竟然想體驗吓嚟M，話啲女仔成日講到好痛咁，想試吓係咪真係咁痛喎，又有男仔話想試吓做娘娘收兵或者釣金龜。
如果有得揀，大家想做男仔定女仔？
結果發現多數人想做男仔，覺得方便簡單啲。
不過呢位韓男就話想做女仔，因為唔使當兵喎！
雖然性別係天性嘅，不過問到如果有得揀，想做女仔定男仔，發現七成受訪者都揀做男仔。港女Charlie話因為唔想戴bra，最重要喺床上可以做主動嗰個！有男仔就話唔想做女仔，因為嚟M好辛苦，或者怕生仔好痛。viu韓劇導賞員阿愁和Daniel都話要做男仔，阿愁覺得男仔之間無咁多勾心鬥角，相處簡單啲，Daniel就話男仔唔使化妝咁麻煩，沖個涼就可以即刻出門口。而想做女仔嘅，多數本身都係女仔，覺得畀男仔遷就好啲，而且着衫又靚啲，仲可以化妝，做男仔太單調。有位韓仔都話想做女仔，因為唔使服兵役喎！
其實韓國係大男人主義社會，做男仔着數啲o架！(《雲畫的月光》截圖)
韓女就呻話如果有bb要放產假，啲同事會畀臉色你睇。
其實尤其對於韓國人嚟講，做男仔點都着數啲，因為韓國係大男人主義社會。有韓女就話女人打工最麻煩係有咗BB，佢話：「雖然放產假係好正常，但係啲同事要做埋你嗰份，就會畀臉色你睇！」韓女Choe Ji Su覺得韓國喺男女平等方面仲未做到，所以有「玻璃天花」呢個形容詞。「玻璃天花」即係睇到目標，但上唔到位。《經濟學人》由2013年起首創「玻璃天花板指數」，從教育、就業、人工、做唔做到老細等因素，比較各國職場女性嘅地位同平等狀況，韓國每年都排榜尾，所以計落如果做女人，都係做港女好啲！
呢位韓女都話韓國未夠男女平等，女仔面對「玻璃天花」。
《經濟學人》有「玻璃天花板指數」，比較各國職場女性嘅地位同平等狀況，韓國每年都排榜尾，所以計落如果做女人，都係做港女好啲！(網上圖片)
主持：動主播阿仙、viu韓劇導賞員阿愁和Daniel記者及繙譯：卓惠媛(Joyce)攝影：陳家文、李錦鏵《雲畫的月光》片段由Viu提供：
https://goo.gl/LCYTGt【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161018/19804243