📖 ZKIZ Archives

兩岸三地：土炮方法化解海嘯 因念

2008-10-14  AppleDaily

中國人嘛，水本來就是財！不過，過去一個多月，金融海嘯一直困擾我們，詞不達意啊！我們現在不是水多到要被淹死，是資產跌價，銀行閂水喉，市場上沒水。我們現在是處於「金融沙暴」，快要渴死。作為以農立國的中國，是否就以最土炮的辦法來解決困難？

土地產權法規混亂

上 周召開的中共第十七屆三中全會，焦點就是放在「三農」問題上。與今年2月份的二中全會，討論深化行政管理體制和國家機構改革相比，這次審議的《中共中央關 於推進農村改革發展若干重大問題的決定》，可能對於中國未來有重大而深遠的影響。參考78年的十一屆三中全會，當年正是確定把全黨工作重點，轉移到社會主 義現代化建設上的戰略決策，實行影響過去30年中國發展的改革開放之始，所以這次三中全會的時間和歷史意義，一直受到外界關注。今次會議有望在幾個方面突 破，包括農村基本經營制度、農村土地管理制度、農村金融制度和城鄉經濟社會發展一體化制度等，其中以農村土地和金融體系最為市場期盼。看官可能知道，中國 土地產權，特別是農地，一直牢牢的抓在國家手裏。農民只能以「農用地承包」的方式，向政府獲得農地經營權。加上內地有關法規混亂，例如《農地土地承包法》 明文規定，家庭承包可以採取轉包、出租、互換、轉讓或者其他方式流轉。不過，《土地管理法》則規定「農民集體所有的土地，使用權不得出讓、轉讓或者出租用 於非農業建設」，不能正規和集體銜接金融制度等問題，要搞活農村經濟，這個土地管理制度的改革，似乎正正就是問題核心。此外，金融體系的配套，中國政府只 要稍為加快自己的印鈔機，不難推動一下幾家農業金融機構的活力，達至水到渠成。

啓動農民經濟能力

當前大力鼓吹內銷的宏觀政策 下，要政府為居住在城市的人民動腦筋，正如筆者之前提過，無疑是吃力不討好，但如能以政策啓動農民的經濟能力，的確可以達到多方面的政經目的。處於低潮中 的低潮，不妨思考，當黎明到來的前夕，看官是否要到田野間走走，吸收大自然精華。因念[email protected]

土炮護膚品發圍屋邨仔年賺千萬

2010-4-1  NM

今年只得三十二歲的楊振源，在屯門屋邨長大，會考只得零分，但憑着一股毅力，屢敗屢戰地研發了多種護膚品和沐浴露，每年賺逾千萬元。誰說香港的新一代難發圍？ 位於旺角商業大廈內的彩豐行，以賣護膚品和沐浴露為主，每逢假日都人山人海， 買了四、五支沐浴露的鄭女士說：「抵呀，廿幾蚊有一公升，夠一家三口用三個月，質素又OK！」而OL梁小姐則貪其紙面膜夠平：「十蚊一塊，敷得多都唔肉痛。」 彩豐行老闆楊振源笑言：「自己生產自己賣，無咗中間零售批發，四間門市又係樓上鋪，租金成本平好多。」 憑着一個平字，彩豐行每月有過千萬元營業額，每年賺逾千萬元，楊振源年紀輕輕便居於千呎屯門獨立屋，開保時捷跑車，他說：「有時我都會覺得自己好似發緊夢。」因為當初他面對的這盤生意，是一個名副其實的爛攤子。 臨危受命 他生於七八年，父親是美容產品推銷員，母親是家庭主婦，還有一個妹妹，「以前真係好窮，住喺屯門嘅舊式屋邨，四個人逼喺三百呎地方。」九三年，父母嘗試自己做生意，成立了一間美容產品研發公司，是彩豐行前身，「爸爸賣開美容用品，覺得有得做，又識咗個化學博士，於是喺屯門工廠區租咗個幾百呎單位開始搞研發。」 他 則讀書唔成，九五年會考捧蛋，工作三日打魚兩日曬網，「做過地盤，賣過鞋，做一陣就放幾日假抖吓。」直至數個月後，父親離家出走，他才一晚長大，父親離開 原因楊振源說是父母感情問題，「我當然唔開心啦，母親都好傷心。」難過之餘，母親不想人財兩失，要他入公司幫忙支撐大局，「媽媽唔想嘥咗盤生意，佢好傷 心，所以我好聽話。」 當時整間公司除他外，只有兩個工人，分別負責包裝和搬運，「每個月得兩萬蚊生意。」父親遺下的只有幾張化學配方，「係沐浴露、按摩膏之類配方，就咁手寫喺張紙上面，成張中藥方咁。」 以身犯險 只得十七、八歲的他只能頂硬上，無錢買辦公室家具，便落街執，「呢個工廠區啲人，傢俬明明好新淨都唔要，我執咗好多枱、櫈、文件架之類。」 無 任何化學背景的他照方執藥，買化學品試做父親留下的配方，「有啲溝都溝唔埋，但只要溝得埋，起到泡，沖到涼，就攞去賣。」過程中無任何安全措施，「以前唔 識呢啲嘢，水都係就咁煲滾就用，點似得依家識用多重過濾。」成品只有自己做人體實驗，「最慘係試辣椒減肥膏，落得太多辣椒粉落去，仲搽到全身都係，熱到不 得了，瞓覺要成張床鋪滿冰袋。」 當時產品主要賣給小型美容院，全部超低價，「十八蚊一公升洗面奶，大大支送俾間美容院試，試得好先幫襯。」沐浴露則賣給桑拿浴室，「九蚊一公升。」但產品質素相當一般，故營運半年，依然有蝕無賺，「第一年要問阿媽攞咗五、六萬蚊嚟營運。」 楊振源表示當時母親的積蓄有限，僅是勉強維持，他其實想放棄，寧願去做份普通工作，「但阿媽唔俾，佢話一定要堅持，唔好嘥咗盤生意。」 幸好，轉機出現在一年後，楊振源說：「當時我開緊洗面奶，有少少溝唔埋，點知唔小心倒咗啲用嚟做按摩啫喱嘅化學品落去，居然又滑又溝得埋。」 正 所謂時來運到，誤打誤撞令產品升級之餘，還結識了兩位貴人，「喺其中一個原料供應商識到兩個啱啱入去做的大學畢業生，一個做推銷，一個做技術研究，大家好 投契。」除了生意關係外，還成了死黨，「以前有配方，但唔知就裡，佢哋就會話俾我知入面每一樣原料嘅作用。」當然有新原料，亦會搵楊振源幫襯，而他亦言聽 計從，互惠互利。 惟楊振源始終欠缺研發技術，故索性另闢蹊徑，「七年半前，有一次去女友屋企食飯，見佢阿婆煲庶糖水沖涼，我心諗加啲庶糖落沐浴露咪得囉。」做出了庶糖沐浴露，「原來庶糖有滋潤保濕作用，用完個身唔會乾，好多人鍾意。」至今，這支沐浴露賣出了逾七百萬支，是彩豐行的成名作。及後，他發明了多隻類似產品，「好似我老婆生仔後洗頭要用薑皮驅風，我就喺洗頭水加入薑，做咗薑洗頭水。」 楊振源簡歷 32歲已婚育有兩子 95年：中五畢業，打散工數月後入彩豐行 05年：彩豐行開設網上訂購服務 07年：於旺角設立首間門市 09年：於廣州開設辦公室及招募總代理，準備攻入內地市場 漸見規模 隨着產品質素改善及種類增加，彩豐行每月生意額翻了一番，但楊振源仍不敢隨意加價，故相當慳儉，「好記得當時開沐浴露，唔想花錢買大攪拌機，於是用個大膠筒，上面釘個木架固定就攪，一路攪啲木碎一路跌落去，之後要用絲襪濾走啲木碎。」 人手不足，亦只敢請人工較平的包裝阿姐或傷殘人士，「佢哋人工平又忠心，而且佢需要呢份工作。」他自己更一星期做足七日，每日做十二小時。 慢慢，產品由批發給美容院自用，到供貨給美容院售賣，一間美容院兼護膚品零售店負責人陳小姐說：「我哋見佢價錢平咪入貨試吓，佢吸引到鍾意買平貨嘅客。」 黃小姐亦是在美容院認識彩豐行，「我七、八年前喺將軍澳一間細美容院做護膚療程，見佢有護膚品賣，包裝上寫住係彩豐行，覺得平之餘又幾好用，跟住上網搵資料，直接打電話同彩豐行訂，價錢仲平。」訂滿三百元產品，彩豐行免費送貨，楊振源說：「二十一蚊一公升嘅沐浴露最好賣，但買滿三百蚊先免費送貨，無理由買咁多沐浴露o架，咁就逼到人試其他嘢。」隨貨還會附送大量試用裝，迎合女士普遍貪小便宜的心態。 搶攻內地 結果成功吸引了一群人工有限的OL幫襯，彩豐行的營業額自此幾何級數上升，有錢落袋後，楊振源開始尋求進一步擴展，「如果永遠都係我自己開機生產，間公司好難再有動力發展下去。」在兩位死黨的建議下，他嘗試改革，「佢哋成日周圍去唔同廠，見識肯定多過我，佢哋叫我放權俾員工，訓練一個人做我個位，然後自己再上。」 不過，年紀大的員工，認為楊振源後生，難免輕視，年紀輕的則「好似小朋友扭計咁，唔認同佢哋就唔開心」。他無奈地說：「我未喺大公司做過，無經驗，原來一間公司又要分部門，又會有人事問題。」他笑言管理比研發生產難得多，至今仍在學習階段。 近 年，他看電視見其他品牌有ISO9001、GMP等認證，決定申請埋一份，惟不是易事，「所有嘢都要講程序，我足足花咗一年時間去重新執過成個生產過程同 管理方式，先至考到。」產品出廠後，楊振源仍是身先士卒地試用，但同時會送去化驗所化驗，再把化驗報告放上網，讓客人更有信心。 兩年前彩豐行 開設門市，現於旺角、屯門、尖沙咀及銅鑼灣均有樓上鋪，「啲客始終鍾意攞上手試吓先幫襯，有門市，生意額多一倍。」而且，有不少國內自由行客幫襯，「通常 係香港親戚朋友介紹佢哋買，我哋標榜香港製造，大陸人鍾意港產多過國產好多。」去年楊振源索性在國內招募代理，「我哋已經有兩樣產品通過測試，可以在內地 發售，未來兩年，全力攻入大陸。」

舊班底另起爐灶　狙擊土炮潮牌

2011-12-29  NM

本刊《壹盤生意》○九年曾訪問過本地潮流服飾品牌chapel'，老闆楊偉雄（Luke）創業僅兩年，現在香港及廣州各擁有三間分店，月賺五十萬元，堪稱土炮奇葩。
上週三，記者到旺角瓊華中心及新之城行街，突然發現一間名為NATKIEL的飾品店，無論裝修及產品包裝均與chapel'十分相似。在職員協助 下，找到老闆駱正道（阿道），他對「抄襲」直認不諱：「我以前幫chapel'打工，一年前老闆飛起我，我撬走設計師同Sales主管，打造新品牌。」阿 道直斥舊老闆Luke不肯分紅予幫他打天下的兄弟班，以致眾叛親離。Luke則反指阿道「無料到」，句句充滿火藥味。為了還以顏色，阿道的新店無論產品或 定價，都瞄準chapel'來打，短短一年，已在廣州及香港開設九間分店，月賺二十萬，氣勢如虹。

位於旺角新之城 二樓的NATKIEL，過百呎地方不時擠滿人，穿着黑色短裙的鄭小姐對身邊的朋友說：「呢度嘅飾物用膠袋獨立包裝，排得好整齊，好似尖沙咀加連威老道嗰間 賣衫及飾物嘅鋪頭chapel'。」今年六月，阿道首先在新之城插旗，三個月後，又在葵涌廣場、瓊華中心及淘大商場先後開店，最新的銅鑼灣東角駅分店，開 張僅一個月。NATKIEL的發展道路亦跟足chapel'，一年前先在廣州開店，再回流香港插旗，現廣州已有四間分店。樣樣抄到足，更撬走多名老臣子， 擺明車馬狙擊舊東家，無非為了「一啖氣」。

為錢反目
阿道與Luke共事逾八載，曾經稱兄道弟。事緣於○七，他跟隨 Luke到廣州打天下，由時裝批發做起，後開店轉做零售，創立品牌chapel'。○八年回流香港，先後於銅鑼灣及尖沙咀開鋪，成為人氣潮牌。阿道指自己 在公司沒有正式銜頭，一直留守廣州，負責打理廣州分店，包括招聘、培訓員工。他當正自己是CEO（總裁），每月只回香港兩次，最後卻發現付出不獲「認 同」。「Luke最初借錢開鋪，冇乜錢，但後來公司每月賺咁多，而我人工仲係二萬蚊，無股份，無分紅，過年得一封一百元嘅利是。」阿道激動道。去年， Luke請來老婆、細姨及其丈夫等親戚入主尖沙咀分店，一眾「開國功臣」地位反不及「皇親國戚」。阿道見勢色有變，遂於去年六月份與Luke攤牌，提議分 紅，怎知Luke一臉不屑，反問道：「你識睇鋪咩？你識入貨咩？你咩都唔識。」阿道聽後火上心頭：「即係當我無料到啦，睇吓點。」言畢即拍枱走人。為了證 明自己「有料到」，半年後，阿道於廣州另起爐灶，開設NATKIEL，與chapel'打對台。 週日，記者找到在廣州忙着開分店的Luke，他在電話中冷笑道﹕「我無當阿道係兄弟，我對佢係零重視，佢走咗一啲都唔可惜。」他指讓阿道打理廣州鋪，是 「收留佢喺公司學嘢」，「我請親戚有咩問題，佢哋係做得嘢。阿道一直無將我呢個老闆放喺眼內，日日瞓到下晝四、五點先返工，仲好意思問我攞錢？」Luke 句句有骨。另一邊廂，阿道即時反駁﹕「我幫你做到咁大間，俾錢好正常。我唔使限制幾時返工，都可以管到人，依家跟我走嘅員工唔係傻嘅。」

兩店大比併

撬走舊班底
反撲戰第一擊是「撬人」。阿道不懂設計，便以股份為 餌，游說chapel'的首席設計師溫宇軒（阿軒）過檔。「Luke唔分錢俾我，都唔會分俾你。你過嚟幫我，唔使你出錢，但有三成股份。」阿道說。二十八 歲的阿軒，在理大設計系畢業後曾加入Bauhaus打工。阿軒坦言與Luke原屬好友，經常結伴去旅行買衫。Luke曾表示會分股份予阿軒，但卻不了了 之。最令阿軒心淡的是Luke安排親戚入主店鋪，「櫥窗點擺由我話事，佢哋又要叉隻腳入嚟。」阿軒說。 另外，阿道亦一次過撬走chapel'在廣州的銷售經理及銷售員共七人，以及與Luke相識近十年的香港分店銷售員Corn，做香港區的銷售經理。 「chapel'定嘅『跑數』上限好高，好像銅鑼灣店人流少，sales好多時得底薪，拿唔到佣金。」Corn說。阿道給予Corn二萬元月薪，更可在半 年內，分得香港區總盈利的百分之五作紅利，以每間分店每月三萬元盈利計，年中和年尾分別可分到約五萬元紅利。「一年有兩次花紅分，就算第一個月冇糧出，我 都唔介意幫佢打天下。」Corn力撐新老闆。

細鋪插旗 打游擊
chapel' 以服飾及飾物雙線發展，NATKIEL則主攻飾物。「快餐時裝毛利超過九成，但好難同H&M、ZARA撼，飾物毛利都有八成五，唔似得時裝俾大品 牌壟斷，仲有得做。」阿道在南海另覓廠房訂造飾物，每星期有十個新款上架，逢週二、週四返新貨。吸取chapel'的經驗，他將設計改為較中性和型格， 「chapel'設計好女性化，好多喱士、絨布材料，但我多啲窩釘、金屬。」一些chapel'好賣款式，如佗錶頸鏈，他更改錶面的圖案後，同樣受歡迎。 chapel'店鋪動輒過千呎，阿道則專攻人流集中､約一百呎的商場鋪。每間開業資本限於二十萬元，每月有二至三萬元盈利，即再物色新店，密食當三番。現 時，旺角新之城和銅鑼灣東角駅生意最好，盈利逾五萬元。「我同chapel'都係針對後生女同OL市場，價錢由幾十蚊至百零蚊，目的係令客人覺得好平，密 密消費。chapel'價錢係整數嘅，我專登定9字尾，好像$49、$39，平佢一蚊﹗」阿道說。

我當你拍檔　你當我員工
說到底，阿道､阿軒和 Luke的矛盾，源自老闆和開國功臣間經常存在的誤解。前者自我升格，當老闆是「拍檔」，但原來老闆只當你是「員工」。任何承諾若沒有白紙黑字為證，都是空談，最後往往成為反目理由。
早年Luke曾開鋪賣hip hop衫，喜歡跳舞的阿道，因幫襯Luke而成為朋友。Luke高峰期時與拍檔擁有十四間分店，後來因分賬不清而拆夥。阿道鼓勵Luke創業，助他在廣州 搞chapel'。現二人雖已反面，但Luke講起創業路，仍對阿道心存感激，「我感激佢嘅建議，如果唔係，我都唔會有今日，但佢都係睇到我有潛質，先同 我拍檔啫。」Luke說。
NATKIEL驟眼看有如chapel'分店，設計師阿軒卻指不能說是抄襲，「用膠袋入包裝係我同Luke去日本旅行時發現嘅，覺得咁樣擺會好企理，我依家照樣咁，係因為我鍾意，無話邊個抄邊個。」阿軒說。

開業資料
（06/2011） 租　金*$73,500 頂手費$45,000 裝　修$88,000 入　貨$30,000 雜　費$1,000 總投資$237,500 *兩個月按金，一個月上期

營業資料
（11/2011） 總營業額$120,000 租　　金$24,500 入　　貨$30,000 人　　工#$15,000 雜　　費$1,000 盈　　利$49,500 #一個全職、一個兼職，未包老闆人工

廣州做零售陷阱多
長 居廣州的阿道，警告內地有不少「死場」，陷阱比香港多。為求穩陣，他租下地王廣場和流行前線，後者月租要三萬元人民幣，與香港旺場差不多。「呢度好似香港 嘅旺角，多年輕人行街。」商場租務部為求招租戶，還會講大話，「地王廣場原本話喺商場門口開咖啡室，吸引人流，點知開咗幾間都係賣手袋，咖啡影都冇。」 租鋪時，還要預留一筆「頂手費」，「間鋪明明丟空，都要俾頂手費，三至七、八萬元不等，視乎租務部開價。」阿道說。內地OL買飾物亦不及香港人爽手，因此 廣州分店生意參差，每店盈利數千元至三萬元人民幣不等。「只要有錢賺都會做落去。」阿道笑說。 ####

土炮賀歲 阿倫 卿卿雙箭頭 曾志偉鎮壓黃百鳴

2013-01-31  NM

09年，黃百鳴以大堆頭開拍賀歲片《家有囍事2009》，票房理想，翌年邵氏電影加入農曆年檔戰線，由曾志偉領軍，動用旗下TVB友，以人海堆砌出《72家租客》，創出3,440萬的票房成績，拋離對家黃百鳴《花田囍事2010》一條街。鬥足三年，雙方在本地的票房距離逐漸拉近，今年志偉遠道搵來息影多年的葉玉卿出山，拍住譚詠麟擔正《我愛HK恭囍發財2013》，火併年度華語片票房第二位的《低俗喜劇》班底，由杜汶澤、鄭中基、薛凱琪、吳君如等孭飛的《百星酒店》。蛇年的賀歲檔，曾志偉繼續鎮壓黃百鳴！黃宗澤捱剪 邵氏的賀歲片，一向善用旗下資源，千軍萬馬！三年來沿用同一條橋，兩pair演員同一個角色，後生到中坑。今次扮演主角譚詠麟和葉玉卿年輕版的，是膽拖拍足四年的黃宗澤和徐子珊；戲中黃宗澤有一場為飾演茶客的高海寧頂包扮女人，低胸晚裝加上冬菇頭，呃人兼嚇人，原本是綽頭賣點之一，但礙於片長有限，最終難逃一剪的命運。「吓，真o架？電影公司嘅決定都無辦法，難得高Ling嗰條晚裝裙我都著得落，仲諗住可以俾觀眾對比吓邊個著得好睇啲添！」黃宗澤說。 志偉落嘴頭 移居美國全職相夫教子的葉玉卿，回歸復出，開工兩日，與譚校長和喬寶寶拍攝大型歌舞場面，表現絕無生疏。同譚校長的一場，導演兩take已經收貨；至於同喬寶寶合作的一場印度熱舞，人妻卿卿晒廿三吋腰，冇失禮街坊。據了解，曾志偉趁卿卿將回港為電影做宣傳，已打算再落嘴頭，游說對方多拍一部電影和電視劇。 鄭中基笠戲服 至於埋位幫過邵氏拍《我愛HK開心萬歲》的毛舜筠，今年掉轉槍頭，泊黃百鳴《百星酒店》碼頭，無古天樂無甄子丹，搵來創下三千萬《低俗喜劇》功臣，金馬男配角鄭中基同薛凱琪搭檔，演員片酬慳唔少，但鄭中基仍要用上三小時黐毛扮人狼，再打出一雙零毛腿，出齊法寶。鄭中基對狼人戲服一見鍾情，更將之據為己有。「Ronald話想睇吓囡囡見到自己呢個毛毛look有咩反應，所以拍完就問工作人員攞咗套衫，話留番十月Halloween用！」一名工作人員說。 愈拉愈近 曾志偉、黃百鳴在賀歲片戰場鬥足三年，在香港的票房，曾志偉一面倒全勝，但距離一年比一年收窄，去年輸個馬鼻的黃百鳴，今年能否扭轉劣勢，拭目以待。 曾志偉2010年《72家租客》主要演員：曾志偉、張學友、袁詠儀、黃宗澤、鄧麗欣、鍾嘉欣、王祖藍票房：3440萬 黃百鳴2010年《花田囍事2010》主要演員：吳君如、黃百鳴、鄭中基、楊穎票房：1554萬 2011年《我愛HK開心萬歲》主要演員：曾志偉、梁家輝、吳君如、袁詠儀、黃宗澤、王祖藍、陳法拉票房：2669萬 2011年《最強囍事》主要演員：甄子丹、古天樂、劉嘉玲、張栢芝、黃百鳴、杜汶澤、熊黛林票房：2032萬 2012年《2012我愛HK喜上加囍》主要演員：馮淬帆、曾志偉、毛舜筠、黃宗澤、何韻詩票房：1412萬 2012年《八星抱喜》主要演員：甄子丹、古天樂、陳慧琳、吳君如、杜汶澤、黃百鳴、熊黛林票房：1210萬

土炮升級版 Money Cafe

來源: http://moneycafe-icable.blogspot.hk/2015/03/blog-post_6.html

挑機Google Glass 土炮智能眼鏡搶灘

2016-05-19  NM

兩年前Google曾推出智能眼鏡Google Glass，半年後宣布暫時停產。 三十三歲的鄭文輝Jordan是香港五大寫app公司MADMAD的老闆，眼見Google Glass的不足，於是抽身出來自行研發智能眼鏡MAD Gaze。 一推出便被指抄襲Google Glass，連Google都警告他指「Glass」一字已被註冊，為避免Google採取法律行動，Jordan惟有改名。 不過對於抄襲，Jordan反駁： 「電動車都係比亞迪出先，但點解個個都買Tesla？因為佢做得好。」 上月參加電子產品展，更成功與中國、愛爾蘭、瑞士三個國家的代理簽訂合約，共賣出一萬一千部MAD Gaze。 同樣做電子產品的快譯通創辦人譚偉豪，與Jordan談了短短半小時，已經有興趣注資，「嘩！你（記者）介紹咗個好嘢俾我喎，我都好有興趣投資。」我點sell：Google做唔好，我自己做 Jordan上年憑着MAD Gaze奪得ICT大獎，早前被質疑未能出貨的咖啡機Arist同樣是該獎項的得主，差別在於Jordan成功出貨，並簽訂合約，將會於六月與九月出貨共一萬一千部，給三個國家的代理，「我研發咗兩年，今次賣一批收到五千幾萬，已經收番大部分成本，我估下年會有錢賺。另外同多個歐美國家傾緊。」 連Google都沒有控告MAD Gaze侵權，網民卻不斷指責他抄襲，「抄人就抄人，改變唔到事實」、「……根本明抄Google Glass，尊重吓知識產權啦copy cat！」對於這些意見，Jordan早已習慣，「在我心目中，內地有一個品牌就是抄襲，為什麼？佢嘅外貌、名稱與Google很相似，似到你分不出，連佢嘅缺點都抄了，像我剛才對你說的四大缺點。那間公司全都有，這些就叫做抄。」他充滿信心回應網民：「我哋會喺2016年做成績俾大家睇，我們從沒有說過我們是第一個做，但我們有機會是做得最好的那個。」 當VR（Virtual Reality，虛擬實境）開始引起市場關注時，Jordan已經研發更新的AR技術（Augmented Reality，擴增實境），「因為VR相對簡單，門檻較低，所以公司選擇做AR。」VR眼鏡與AR眼鏡於外形與功能上都有很大分別，VR眼鏡戴上後與現實分開，用家的動作會於罩着雙眼的VR眼鏡屏幕中呈現，暫時民間主要用作遊戲。而AR眼鏡的顯示屏細小得多，並不會阻擋視線，能夠對用家看到的景像產生反應，以協助用家的日常生活，「其實暫時好多功能電話都有，例如影相、拍片、睇地圖，不過踩單車嗰時，你唔使雙手就拍到片。壞車時望一望引擎部分，自動會有片段彈出教你修理。」 唔使五千蚊有交易 MAD Gaze暫時有兩個版本，分別是價格三六九九，容量是4GB，連上眼鏡的舊版，以及價格四九九九，容量是8GB，獨立不連眼鏡的新版。價錢比Google Glass平一倍有多，Jordan指是為普及智能眼鏡，「一副三、四千蚊玩吓新嘢，唔使考慮太多，如果去到Google成萬二蚊，就算如我有消費能力，都會諗一諗先。」他還希望以這個價錢搶到部分GoPro的生意，「一般人影相都用手機，唔用單反。同一道理，GoPro拍片質素係好，但MAD Gaze都拍到片，價錢差唔多，仲有好多其他功能。」Jordan大學畢業後於VTC及港大碩士課程任教，於一三年創辦MADMAD，當初公司主要負責開發軟件，並沒有考慮做實體產品，「我買咗副Google Glass，嘗試將公司開發嘅AR技術放入，但發現佢唔支援，加上快無電、價錢貴、一定要佩戴眼鏡，唔鍾意戴眼鏡嘅點算呢？於是我自己做。」 專家盤問：香港公司真係得？ 譚：譚偉豪J：Jordan 譚：全球有多少間做智能眼鏡公司？Ｊ：有很多，但真的有售賣，或準備售賣的，全球大概只有十間。不過我哋方向好唔同，佢哋賣給大機構，用來給物流公司點貨，或醫療機構手術之用，只有小量功能。不像我針對大眾市場，我做了一個ecosystem（生態系統），有自己的硬件、app store、AR雲端平台。 譚：嘩！咁你要做到Apple一樣？好aggressive（進取）喎，香港公司做唔做到呀？Ｊ：現階段我舉辦了一個比賽，以十萬元獎金，吸引全球程式員為眼鏡寫app，現有數百個參賽隊伍。暫時我賣了萬多副，有很多歐美國家還在洽談中，當我賣更多，自然會有更多公司主動寫app放進來。 譚：全球只賣了萬幾副，是這個市場不大嗎？Ｊ：老實說，上年全球AR眼鏡只賣了不到九萬副。但我估計Google Glass一七年底會重推市場，到時會炒熱這個產品，其他大品牌都會加入市場。我做過research，估計一八年全年，AR眼鏡會賣到三千萬副，單賣硬件金額已經以千億計。市場現時不大，但我着眼將來，我比Google賣平一半，目的就是盡快搶佔市場。而且連帶的整個如同iTunes一樣的AR生態系統，是非常值錢。 譚：Google的ecosystem很大，你能贏到Google？Ｊ：原本Google Play上的app其實不能放到眼鏡上，要根據Google Glass的介面，全部重新編寫過才可以放出來，所以它們是要重新開始。 譚：我試試潑冷水，我覺得專利多到七彩，很危險。我做快譯通一個鉸位，條線點轉上去都俾人告，你有冇預一筆錢打官司？Ｊ：已經差啲俾人告啦，Google發過電郵俾我，話我唔可以叫glass。至於專利，我哋都做過research，暫無發現相關專利，加上很多技術都是我自己研發，現時更正為自己的技術申請專利。 譚：你有沒有核心技術，令你可以行先過人？Ｊ：第一個是個微型顯示器，他要懂得如何將顯示器與鏡頭等部分連接在一起。第二是CPU，我用一個叫AMD的牌子，那個CPU不能直接放到智能眼鏡上，我為此自行寫了一個程式，其他人不易模仿。 譚：老實說，那兩個技術可以令你比人好一點，但未去到可以擋住其他公司，靠這個贏是沒有可能。Ｊ：對呀，所以我會靠ecosystem，加上我們落地普及的速度，盡快霸佔市場佔有率。 終極判決：起碼要有三億 連Google都停產唔做住，一間香港公司咁有guts去做，我覺得好值得嘉許。而且做B to C（Business to Consumer）唔易做，他們不是初步構思，已經賣了萬幾副，所以我會俾到八分，是絕對可投資的公司。如果有更好的股東，產品外觀改少少，就有九分十分。如同過往我當評判，我關注start up團隊的組合，因為最後什麼人是你的股東，決定你個企業行到幾高。舊嘅唔去，新嘅唔嚟，如果舊股東唔能夠為公司增值，就要叫佢退出，好似好殘忍，但佢離開時已經賺咗五倍、十倍。現時他們有做廠、做軟件、做marketing，要再壯大做到一個如同iTunes或Android般的生態系統，就一定要加入金融界人，要開發更多app要錢，另外你賣得多，自然會吸引人以專利權告你，打官司都要錢。現時公司有三千萬未夠，下一輪融資起碼要有三億，一個金融人就幫到手。我同幾個拍檔有個天使投資基金，專投初創企業，好似MAD Gaze這類大型start up，我都可以聯同幾個天使一同投資，Jordan下一輪融資可以搵我呀。 撰文：孫樂祈攝影：鄭樹清攝錄：廖健昌[email protected]

網上街市土炮靚料送上門

1 : GS(14)@2010-09-05 23:01:56

2010-9-2 NM

今晚想入廚炮製大餐，卻沒時間落街買靚料？或者一想到濕滑腥臭的街市就怕怕？傳統北角春秧街街市，有一個很「潮」的街市佬鍾耀華，將客人的不便轉換為商機。由他一手打造的「摩登街市」 ——和平優鮮店，將街市變「網市」，新鮮豬肉、嘉美雞、瓜菜通通可以網上訂購，即日速遞上門。

劏雞佬出身，偏偏遇上活雞業式微。○八年，四十五歲的鍾耀華說服經營本地豬場及雞場的羅柱康入股做靠山，將經營半世紀的家族雞檔轉型，主攻本地製造的農產品，門市、網站雙線發展。捱過拍烏蠅、入錯貨的蝕本期，過去一年終於有錢賺，各股東已磨拳擦掌籌備開分店，進攻九龍市場。

上週五下午一點，住在香港仔海怡半島的徐太，悠閒地在家看電視。「叮噹！」門鐘響起，徐太看一下牆上的鐘，心忖：「應該是送菜來了，真準時。」開門，果然是和平優鮮店的送貨員。一手交錢一手交貨，今天買了豬排骨、半隻嘉美雞及豆卜，剛好二百八十元。半年前，徐太在朋友介紹下，開始幫襯和平優鮮店。 「先去鋪頭睇過一次，見佢賣嘅豬、雞及醬料等，都係經過驗證嘅本地貨。我一向唔鍾意行街市，又濕又熱，而家早上九點打電話落單，中午就送到了，每星期都會幫襯一、兩次，有時會一次過買定兩、三日的餸。」徐太說。

一站式網上街市

「嘉美雞、烏頭……幾時要？下午？冇問題……」鍾耀華開工時一直戴着藍牙耳機，親自接聽電話訂單。「豬扒？唔好意思，賣晒啦，聽日呀……」收線後，鍾耀華興致勃勃地走到收銀機旁的電腦，打開公司的新網頁介紹道：「仲未整好o架，全部相都重新影過，多咗好多貨。」網頁內，豬的各個部位、各種鮮雞、魚、菜及糧油雜貨等，均圖文並茂，分門別類，有齊名稱及價錢。港島、九龍及新界（除屯門外）分別買滿百五、二百及三百元，就免費送貨。店鋪每月用兩萬元，以外判形式包下一部客貨車及一部電單車送貨，中午十二時前訂貨，下午就可送上門，收貨時才找數。

街市檔口到處是平價「內地貨」，和平優鮮店以近年買少見少的土炮新鮮菜、肉做賣點。其中，獨家售賣的健營豬最受歡迎，一斤瘦肉賣四十八元，比普通豬貴四成，仍其門若市，佔生意額五至六成。「健營豬冇吃激素或減肥藥等，豬肉煮熟後沒有『騷』味，但瘦肉比例只有六成，比普通豬的八成低。」身材高大，穿着圍裙的鍾耀華，看起來像個「豬肉佬」，但其實不會「斬豬肉」，用二萬元請了個正牌豬肉佬。「斬豬肉都係一門手藝，所以人工好貴，我大哥學緊啦。」鍾耀華指着身材樣貌跟他有八成似的大哥說。

店鋪熱賣第二位是鮮雞，有嘉美雞、石岐雞，以及冰鮮的音樂雞等，售價由七十到一百五十元不等，比街市普通的鮮雞高出四成幾。「平均一日可以賣出兩隻豬，一百五十隻雞，毛利都係三成左右。」鍾耀華表示，時值暑假，不少中產熟客離港度假，加上新網頁剛推出，網上生意略跌，但仍佔生意額超過四成。

撞板多過吃飯

在平民街市賣貴價貨，鍾耀華坦言店鋪開業頭兩個月十分冷清。「好多街坊都接受唔到，日日拍烏蠅，試過半隻豬兩日都賣唔去。」當日的艱辛，現在說起已一笑帶過。「不斷同客人解釋健營豬嘅優點，賣不去寧願蝕本價清貨，甚至免費送俾客試食，講冇用，一定要俾佢哋吃過，先知唔同。」另外，鍾耀華還在港島區地鐵站派傳單，及在筲箕灣到西環的小巴線上做了一年半的車身廣告。

當時，不但濕貨滯銷，店內的乾貨亦無人問津。「我淨係識賣雞，唔識入貨，入過家樂牌雞粉、史雲生雞湯、韓國杯麵，但攞貨少，唔夠超市平，最後要用成本價傾銷。」鍾耀華笑着自嘲道：「初時真係撞板多過吃飯。」直至見到本地健營豬開始有客路，便索性連乾貨也以香港製造做賣點。

鍾耀華透過上網及翻閱雜誌，捐窿捐罅搜羅本土品牌。「睇《飲食男女》、《新假期》等，仲有蘇絲黃、高師傅的飲食節目，搵佢哋推介啲醬料。呢隻檳城麻油阿蘇成日講，其他如頤和園及大孖牌醬料、元朗康寧牛奶等，都係咁搵返來。」鍾耀華在店內貼滿雜誌介紹產品的剪報，甚至阿蘇的照片。「雜誌講一句好過我講十句，有客人以為阿蘇來過添。」鍾耀華表示，他入貨都用現金即時找數，所以大部分品牌都肯供貨，沒有限量。至於定價，一般較city'super略低，由於入貨少，毛利只有約三成。

大膽變通化危為機

捱過大半年的蝕本期，和平優鮮店才有錢賺，現時每月扣除鍾氏兩兄弟的人工後，已有三萬元盈利，大部分顧客都是來自中產屋苑，如附近的寶馬山花園、康怡，甚至紅磡海名軒等。「我嘅客戶都係唔鍾意或冇時間去街市買餸嘅中產階層，佢哋對食材有要求，亦消費得起。」鍾耀華表示，有熟客於○四年，他創立網上「每日鮮雞速遞」時，已開始幫襯。

「有次見到個菲傭來買雞，攞住電話影來影去，原來係影俾女主人睇，再決定買邊隻雞。」當時鍾耀華靈機一觸，與推廣網站天天有魚合作，推出網上訂購鮮雞服務，並效法pizza店，用電單車送貨，反應出奇熱烈。「一隻龍崗雞，網上價比街市貴三、四成，都有唔少熟客訂購，報紙、雜誌都走來訪問我。」鍾耀華說。直至兩年前，政府回收雞牌，並要求「活雞日日清」，業內怨聲載道，鍾耀華幾番掙扎後，以一百二十萬出售雞牌予政府，將雞檔轉型。「（禽流感）爆發一次就冇人買雞，但市民不食雞，都會食豬，不食豬，都要食菜吧。」這個想法得到健營豬供應商羅柱康的支持，二人遂合資七十萬，開設和平優鮮店。

早前，另一個投資者黃志毅主動加盟，與羅柱康合資開設只做網上速遞的「和平優鮮餸」。「嚟緊兩間店會合併，我哋發覺淨係做網上唔可行，客人一定要先到鋪頭睇過摸過，有信心先會選擇網上訂購。」鍾耀華表示。上週五，他們剛與長實簽訂租約，租下美孚盈暉臺商場的鋪面，分店將於十月開張，到時會加入急凍海產。「做生意不能一味死咕咕，要試吓又變吓，變吓又試吓。」看起來憨厚老實的鍾耀華最喜歡將這句話掛在口邊。

開業資料（08年11月）

租金*︰$150,000

裝修△︰$470,000

入貨︰$50,000

人工︰$20,000

雜費︰$30,000

總投資︰$720,000

*兩個月按金，一個月上期

△包括添置器具：$170,000

營業資料 （10年7月）

營業額︰$450,000

入貨︰$270,000

租金︰$50,000

人工#︰$80,000

雜費︰$20,000

盈利︰$30,000

#包括鍾氏兩兄弟人工共$30,000

一點意見

1. 年輕一代只會去超市，不喜歡落街市，一站式網上街市有得做，但現時店內的濕貨種類不夠多，如魚類只有烏頭，可考慮向售賣本地天然飼養魚的魚販譚強入貨。另外，要加入家常菜常用的牛肉，令不同顧客都可以一次過買齊所需餸菜，不需要再去街市。

2. 針對師奶客，產品包裝要有大大個健康驗證嘜頭，增加信心。另外，師奶大多有種「大人唔捨得食，都要買俾小朋友吃」的心態，可增加針對小朋友的優質食材，如日本蔬果及雞蛋等。

3. 可為店內的王牌產品提供簡單的食譜，甚至可考慮在店內即場烹煮予客人試食，食物香氣亦可提升購買慾。

麥麗敏

著名食譜作家江獻珠首徒，人稱大師姐，精通本地優質食材，著有《全港食材最強》及《要省，不如不吃》等，曾幫襯和平優鮮店。

---

土炮薄餅店 由屋邨起家

1 : GS(14)@2011-11-24 20:51:20

http://finance.sina.com.hk/news/40/2/1/4304590/1.html

【明報專訊】多年來，本地的薄餅店市場，除了由必勝客（Pizza Hut）獨佔鰲頭之外，其他來自外國的二線品牌，絕大多數都和它相距甚遠。反而，由港人創辦的土炮品牌「芝脆雞」，這3年間卻開設了23間分店。究竟這公司的葫蘆裏有什麼招數，能在短短幾年急速崛起呢？今期就就和大家一起剖析。

芝脆雞行政總裁許登山表示，該公司創辦人尹顯勝曾在Pizza Hut、肯德基（KFC）等多家公司工作過大約20年，對於薄餅和炸雞的製作方法、定價計算方式、外送的營運模式，早已相當了解。因此，2008年底創業時，他就想到將兩者的概念綜合起來，同時提供薄餅、意粉/焗飯、炸雞，再加上燒排骨，共四大類食物，種類比一般薄餅店為多。至於店名，亦有參考兩者，將之綜合而成，故意改到英文是Cheese Pizza，中文則稱為芝脆雞。目的是既要令人想起薄餅，又要令人想起炸雞。


避撼巨企 初期主攻新界屋邨

芝脆雞初期主力在大型薄餅店較為忽視的新界區、領匯（0823）商場或其他屋邨舖位開舖，並以略低的價錢殺入市場，成功建立起橋頭堡。

許登山表示，除了粉嶺的第一間店之外，那批最初由領匯提供的舖位，有三至四成是屬於偏靜和丟空了一段時間；餘下則是為了平衡中西食肆種類，不和原租客續約，改為將舖位租給該公司。因此這些舖位的租金比較廉宜，平均只佔分店營業額的一成以下，有助該公司初期快速擴張。

...

---

2 : GS(14)@2011-11-24 20:51:49

http://finance.sina.com.hk/news/40/2/1/4304589/1.html

【明報專訊】坦白說，記者找芝脆雞做訪問，並不是說其食品的味道或賣相比Pizza Hut優勝。只是因為，芝脆雞在市場推廣手法上，確有一些值得借鏡的地方。這間公司的崛起，也是典型的香港仔奮鬥故事。

只不過，芝脆雞現在已經大了很多，共有23間分店，第24間正在裝修中（10間直營店和14間加盟店）。顧客對它的期望和要求已不可以再和當初的街坊生意比較。例如，上月就曾經有顧客在其facebook專頁投訴說，近來送食品上門的速遞員收錢後，沒有說多謝云云。

許登山則表示，培訓店長很需要時間，近期的確因此而放慢了開店速度。該公司希望，在未來三年擴大中央工場，除了繼續製作薄餅的批底之外，還生產醬汁和醃製肉類，以減輕分店的負荷。
採美式製法 減損耗

說起製作薄餅，其實有兩種方式。歐洲式的製法是，在顧客落單後，才用生麵團加配料即焗。其優點是即叫即焗、新鮮鬆軟。但缺點是，生批底不可以留過夜，會有一些損耗。

而美式的製法，則是預先焗熟批底；待顧客落單後，再搽上橄欖油和鋪上配料翻焗。這樣做的好處是節省時間，接到單後很快起貨。而且，用不完的批底可以放進雪櫃，留待翌日再用。

據悉，Pizza Hut乃採用歐式製法，芝脆雞則是採用美式製法。但翻焗不會令薄餅變得較乾、較硬嗎？許登山聲言，該公司對麵團的配方進行過多次改良，令批底可以鎖住水份。經過市場3年的考驗，不覺有過乾或過硬的問題。該公司使用美式製法，主要是為了減少食材損耗。

---

3 : GS(14)@2011-11-24 20:52:17

http://finance.sina.com.hk/news/40/2/1/4304588/1.html

【明報專訊】在港分別有大約78間分店和15間分店的Pizza Hut和Pizza Box，眼見芝脆雞迅速壯大，亦紛紛放下身段。其中，Pizza Hut以副線品牌PHD（薄餅博士）開設座位較少、主力做外賣的新分店，已迅速開了15間。而且，PHD不論在開店位置、營業時間以及定價上，都對芝脆雞有相當針對性。例如，芝脆雞大量在屋邨開店，PHD亦效法；前者在沙田乙明邨開店，後者則在附近的瀝源邨開店。PHD更不惜早一小時開舖、遲一小時收舖。

Pizza Box方面，近期則不時在星期五、六、日推出大批買一送一的優惠，甚至還罕有地用上電視廣告來宣傳。
芝脆雞擬3年內衝出香港

江正文聲言，各有各做，暫時還看不到，芝脆雞的生意有受到PHD多少影響。許登山則表示，現時已經有投資者和他們商討合作，想在內地或東南亞開店。該公司計劃3年內實現這目標，預算採用合資公司的方式。


真是想博大來做...

---

4 : GS(14)@2011-11-24 20:54:25

http://www.inv168.com/phpBB3/viewtopic.php?f=5&t=65922
文章由 Bighead » 週四 11月 24日, 2011年 11:17 am
果然有台型成個老細款 :inv168_08:

文章由 Bighead » 週四 11月 24日, 2011年 11:29 am
更勁係已引起pizza hut迫住反擊了

文章由 ochow » 週四 11月 24日, 2011年 11:58 am
我認為現時仍須在年半前寄語牛兄一样:仍須蹈光养晦,暗度陈倉,切忌得意忘形,現時开始的一年半是最爲关建

文章由 hkils2001 » 週四 11月 24日, 2011年 12:05 pm
對, 要打好根基, 穩打穩紮!

我也重覆半年前的建議, 給各巴打們168九折卡, 此乃身份象徵, 為168巴打們專享, 既可增加固定客源, 又可增加收入, 一石二鳥也, 大家有了貴賓卡, 一定會多多幫襯牛兄!!!! :inv168_01:

文章由 ochow » 週四 11月 24日, 2011年 12:06 pm
敵人的資源遠比我们多,要打正規軍正是我所担心的事

由 晴天陰天 » 週四 11月 24日, 2011年 12:09 pm
恭喜牛哥又見報 :inv168_03:

pizza hut好耐無食過啦...依家貴到屎
2人set都成150-160蚊...d set又fix哂轉野又要加錢
加加埋埋成2百幾d料又少 :inv168_07:
幫親牛哥化算好多 :inv168_08:

文章由 hkils2001 » 週四 11月 24日, 2011年 12:21 pm
我而家都係幫襯, pizza and 雞 同 阿牛兄, 不過我鐘意 pizza and 雞 :bbs03: , 佢既質素同價錢同阿牛兄有得揮, 阿牛兄真的要努力, 要俘擄我的心, 讓我做你的忠實fans :bbs21:

由 洛克 » 週四 11月 24日, 2011年 1:25 pm
只要唔心雄去租大鋪, 繼續集中做外賣, 減少固定經營開支, 就算打價格戰, 都仍可生存, 大財團唔一定贏曬 :mrgreen:

文章由 kkccho08 » 週四 11月 24日, 2011年 2:19 pm
都係個幾句

少做堂食, 主都外賣

文章由 xdboy » 週四 11月 24日, 2011年 5:26 pm
除非pizza黑都大做外賣頂爛市
否則永遠係輸在要比無良地租
牛哥加油 :inv168_10:

文章由 公屋仔 » 週四 11月 24日, 2011年 7:20 pm
pizza黑已經做緊野...
唔同創業, 阿牛哥依家要守業, 肯定比以前更辛苦
呢個時間最考驗個人意志同毅力.
不過呢... 我有信心佢一定可以捱過.

---

5 : KENLIN(17685)@2011-11-27 11:59:58

公屋屋邨既消費力其實係十分強, 尤其係隱形既大陸消費力更加無人知有幾強, 但以前係全部流失到大街, 領匯就係希望將消費力重新引流回邨內, 芝脆雞如果堅守 "農村包圍城市" 戰略, 絕對可以創造出屋邨pizza專家既新市場, 形成獨有既藍海

---

6 : idsdown(1658)@2011-11-27 12:09:25

del

---

7 : 龍生(798)@2011-11-27 18:12:00

芝脆雞...我差少少成股東, 但最後都無買到

我個人意見, 條rib 就好抵食, 但算不上好好食

炸雞其實只係好一般, 但佢既pizza 就真的非同小可...

絕對係值得搭車去食的質素

據講用上日本面粉, 總之真係好好食, 又脆又有咬口, 材料又夠多, 真係講起都想食呀!!!

---

8 : GS(14)@2011-11-27 22:00:04

我真是好喜歡他個批，但最重要張租約一定要耐，少過兩年一定蝕

---

9 : GS(14)@2011-11-27 22:00:38

這是我看佢盤數話畀我聽的事，一間投資大約200萬，一個月賺幾萬，十萬...

---

10 : KENLIN(17685)@2011-11-28 01:09:36

領匯租約好似2年死, 之後生, 除非頂唔順d租, 好少趕租客走

---

11 : GS(14)@2011-11-28 21:14:47

10樓提及

---

領匯租約好似2年死, 之後生, 除非頂唔順d租, 好少趕租客走

咁如果是，應該能夠頂得住，但他們話要上市就有點難

---

12 : 鱷不群(1248)@2011-11-29 01:48:10

7樓提及

---

芝脆雞...我差少少成股東, 但最後都無買到

我個人意見, 條rib 就好抵食, 但算不上好好食

炸雞其實只係好一般, 但佢既pizza 就真的非同小可...

絕對係值得搭車去食的質素

據講用上日本面粉, 總之真係好好食, 又脆又有咬口, 材料又夠多, 真係講起都想食呀!!!

點解無買到？

---

13 : 龍生(798)@2011-11-29 02:05:55

怕佢呃人嘛...條件太優厚了

現在回看, 雖然上市不成, 但聽聞那些派息都是真的

在inv168 入了股的相信過百人...

不見大規模索償潮, 相信沒有問題

是否騙人, 還看能否上市

---

14 : GS(14)@2011-11-29 21:30:39

如果以賺1,000萬為目標，以他咁特許經營法，有點兒難

---

15 : GS(14)@2011-11-29 21:32:31

如果24間都是自營，賺1千萬，每間每個月要賺3萬幾，1日要賺1,000蚊，以大家樂規模去計，大約要做10,000蚊生意，即是一日賣300個餐，但是以他當日康怡店的生果，賣到100個算唔錯

---

16 : 龍生(798)@2011-11-30 20:13:22

佢的餐唔止30蚊一個

人均消費我估約60-100

---

17 : GS(14)@2011-11-30 21:02:12

我當日吃下午，生意好淡

---

18 : idsdown(1658)@2011-11-30 21:39:23

唔敢買來吃, 費事跑多個圈

---

19 : 龍生(798)@2011-11-30 23:12:06

但好好食架喎...試下啦

但試pizza 好啦喎, 其他麻麻

---

20 : idsdown(1658)@2011-11-30 23:13:47

我先唔上當, 你唔洗浪費氣力啦

---

21 : GS(14)@2011-12-02 09:48:13

http://www.inv168.com/phpBB3/viewtopic.php?f=5&t=65922&start=30
文章由 Jzx90 » 週六 11月 26日, 2011年 12:17 pm
價錢殺傷力好強, 但係上次weekend想落order, 店員話要等個半鐘, 最後唯有訂 pizza bxx, 因為平過 pizza hxt, 同埋45分鐘送到 :mrgreen:

文章由 omaha » 週一 11月 28日, 2011年 11:40 am

以個人經驗，按背景計競爭對手通常分三類：

1. 上巿公司/大集團
2. 二世祖公司
3. 新冒起但高速成長公司

以容易對付程度計，2 > 1 > 3。

第2類二世祖公司，老豆大把錢，比過億個仔去玩去學做生意。但係因為少歷練，少左果種響弱肉強食既商業森林裏面成長所迫出黎既觸覺同戰鬥力，往往應付唔到咁大間公司、咁多既資源、同咁多既人。起跑線係嬴左幾十條街，但係比個響屋企玩開賽車game既人走去駕F1，往往人地都未正式同佢鬥既時候自己已經炒左車。

第1類上巿公司/大集團，體積大轉身慢，內裏架構同人事都複雜，所以行動往往都可以預期。下面果班人抱住打工心態對競爭亦唔敏感，到新晉對手響某一範疇形成威脅，慢慢傳下傳下，傳到上(手查)得fit果個人時先作出回應，但係又礙於已經成晒形既運作模式、複雜架構所引致既高成本同低效率、加上內部人事阻力，都未必可以應付到輕裝上陣既新晉對手。

第3類新冒起但高速成長公司，響比佢大N倍既對手底下仍然能夠生存並高速成長，應該已經摸出一套獨特而又有競爭力既經營模式。再加上心態上由於資源有限，每做一個決定都唔係資源分配既問題，而係生死存亡既問題，當中所爆發出黎既能量會好強，個品差d既更加會係無所不用其極，激到你一肚火！

文章由 Jzx90 » 週二 11月 29日, 2011年 1:03 am
大公司殺手間, 叫業主唔租俾你, 叫supplier唔供貨, 從而增加你成本, 黎慢慢淹死你 :inv168_35:

文章由 ochow » 週二 11月 29日, 2011年 1:10 am
小時候玩三國志都玩得多，劉備初時仲可以打游擊，到三分天下時去北伐就難好多

文章由 遊戲王 » 週二 11月 29日, 2011年 9:01 am
依家多數驚地主佬多，Food Supplier處於戰國時代，唔得閒玩手段 :lol:

而且，主力做外賣，唔入大商場都ok，Pixxa Bxx 好多地鋪都入左村屋 / 唐樓？幾醒架佢地。

文章由 omaha » 週五 12月 2日, 2011年 9:38 am
  大公司殺手間, 叫業主唔租俾你

又係個人經驗... 雖然有部份分店同上巿公司/大集團同場，不過業主唔租就未試過... 可能正如商場D人所講，交到條數比得多Turnover rent，個舖又靚靚仔仔，個場實會留返個位比你...

  叫supplier唔供貨

呢樣發生過唔少次，咁又冇乜野既，咪搵個第二個supplier 0羅，可能逼到自己搵d仲平仲正既添。不過隨住慢慢成長，呢d影響會愈來愈小。

  從而增加你成本, 黎慢慢淹死你

有陣時比人掉落海唔係壞事... 咁樣會逼到自己更快學識游水。危機往往突顯出你經營個弱點響邊度、個砌圖爭左邊塊，只要一突破到呢D位，個經營模式又會提升到另一境界。有陣時迫得緊，仲會諗到D之前人地未試過既方法，而呢D可能就係outperform同業既關鍵。

---

22 : GS(14)@2011-12-13 22:03:01

http://realblog.zkiz.com/greatsoup38/22078
芝脆雞新界玩曬

去年七月訪問已有十四間分店的「芝脆雞」，半年內再開六間，老闆尹顯勝豪氣地說：「我差元朗和大圍就玩曬全個新界！」

我沿用一貫開舖策略，選址屋邨商場，最新一間是兩個月前的屯門友愛邨商場鋪，店面面積達二千呎。

原本芝脆雞靠外賣賺錢，但近半年電單車司機好渴市，好多大型食肆都爭司機，時薪漲到超過四十蚊，保險更是一年前的三倍，唯有轉路線，開大鋪加靚裝，吸客堂食，原本計劃做五成外賣減至三成。

半年來新開的六家分店，我都落重本裝修，今次友愛分店便花了近一百五十萬。間鋪靚咗，班街坊會覺得在屋邨內都可以去到高級餐廳。地盤工人呢類勞動人口的生意我一樣想做埋，依家先在友愛店試推扒飯、燴飯等三十蚊的飯餐，希望做到所有階層的人都幫襯。

投資者許登山︰開食肆情意結

未投資芝脆雞之前，我包辦他們六家分店的廣告製作。我一向有投資股、樓、鋪，不過近兩年人仔貴，我的朋友紛紛將資金回流香港，更開始投資飲食業，因為是實業，回報穩定，我也跟跟風。

我細個做過飲食，由打雜做起，一直想擁有食肆。一年前我食過粉嶺的芝脆雞，見尹生親力親為，食物質素唔錯，於是主動找尹生傾合作。最初我以加盟者身份開 鋪，後來索性與尹生夾份，成為合夥人。同麥當勞的原理一樣，市面上不可能只有麥當勞賣漢堡包，所以有Burger King；亦唔可能只有Pizza Hut賣pizza。我睇中低收入人士有市場，配合尹生製作食物的經驗，決定先打新界區。

店內的入貨量、食物質素等都由尹生睇實，我負責公司一切管理兼銀行貸款事宜。不過銀行是否批核貸款予將來的新鋪，就要靠你嘅管理啦，尹顯勝！

---

23 : GS(14)@2011-12-13 22:03:26

http://the-sun.on.cc/cnt/news/20111213/00410_051.html
雞髀打人牙骹軟，雞髀力量實非同小可。三年前，江正文（Karl）在一間小店咬過一口炸雞髀，回味無窮，立志要將充滿肉汁的炸雞，推介給所有人。於是，他當上一間新開業小店的開荒牛，成為市務顧問與商務投資董事，打造本地品牌。即使被對手發動浪接浪宣傳攻勢，Karl亦見招拆招，遇強愈強，更助公司成就三年內一間變二十三間分店的飲食界神話。

「咁好食嘅嘢點可以無人知！」戀上雞的Karl，人稱「阿牛」，除了取英文名諧音外，還有其「好捱得」的性格。○二年大學畢業後，他投身報界，曾在不同報館當地產財經記者。七年傳媒生涯中，他經歷過沙士時期，「搵命博」出入剛解封的淘大花園跟進樓盤報道，亦嘗過四個月沒糧出的艱苦歲月。
遇對手見招拆招

而當牛遇上雞的愛情故事，發生於○八年，當時於財經雜誌工作的Karl，暢遊大嶼山時，在東涌一間小店，點了一客炸雞，隨即一咬傾情。他回味說：「成口都係肉汁，超好味，隻髀大大隻，pizza又夠多芝士。」後來，該小店其中一名老闆另起爐灶，設立「芝脆雞」，新店邀請Karl幫手。

已是炸雞迷的Karl當然一口答應，辭去傳媒工作，為該店打江山。他說：「嗰時只係想令港人叫外賣炸雞時有多個好選擇，唔係淨係得大集團嗰一間半間。」

惟萬事起頭難，Karl坦言，初時資金不多，只可寄郵函、派傳單宣傳，但他深信有麝自然香，「食過一定返轉頭，好食就會傳通街。」他每天早上八時，與其他職員於店外派傳單，用「大件夾抵食」形象，成功打入平民市場。結果，分店愈開愈多，引起集團對手注意，頻頻出招。

「我哋主打芝士薄餅同炸雞，佢哋就推出落重芝士薄餅嘅新產品對撼，另一間薄餅店則推出炸雞。」Karl透露，更有對手針對性地搶外賣車手，「凡係介紹我哋車手過檔，介紹人就有幾千蚊收。」可是，浪接浪的攻擊，沒有令他卻步，反而激起他的鬥心，逐一拆招。
有咬住唔放精神

「佢哋出新產品，我哋就送優惠券，實實際際益街坊。佢哋利誘車手過檔，我哋就同車手分析利弊。」Karl說，不少車手因而留低，過了檔的亦返回來。說得興起，Karl的拍檔Ricky，亦形容Karl有一股「咬住唔放」嘅精神。

原來，Karl試過為力邀一名本在大公司工作的美術專才，四次約見均被一拒再拒，不過，Karl並沒放棄，終靠誠意打動對方出手相助，擔起公司美術大旗，「網頁同單張設計都係出自佢手筆。」

近年，Karl加緊宣傳，推出Facebook專頁，至今已有七千名粉絲支持。未來，他更計劃推出新Apps，希望將本地品牌推向全世界。
Karl's Profile

現 職：芝脆雞餐飲有限公司市務顧問與商務投資董事

學 歷：嶺南大學社會科學系學士

興 趣：行山、游水、睇漫畫、耍太極

---

24 : CHAUCHAU(1254)@2012-06-16 17:49:51

http://hk.apple.nextmedia.com/news/art/20120616/16432125


【本報訊】專賣薄餅和炸雞的連鎖食店「芝脆雞」，其中7間分店於本月初結業。約40名員工代表，昨午2時許前往觀塘政府合署的勞工處勞資關係科求助。「芝脆雞」以特許經營運作，共有24間分店。由本年5月至今已拖欠員工薪金，勞工處正展開跟進。「芝脆雞」暫未有回應。

好彩之前無買，計過條數都好似唔太掂...

---

25 : hh0610(1603)@2012-06-16 19:09:23

燒排骨幾好. 薄餅都好, "炸雞"比以前差左.

想講幾樣:
1. 日頭, 特別下午, 冇咩生意. 老老實實, 可以研究D野食塞一塞D時間.
2. 隨著開多左, 質量有少許變差, 外賣亦貴左唔少.
3. 大學宿生生意一定要做. 甚至可以, 半夜最遲一點叫, 兩點前送. 好好賺的.
4. 有時見夜晚, 一堆妹妹仔職員, 有點亂, 人力可優化. 講完.

---

26 : GS(14)@2012-06-16 20:36:07

25樓提及

---

燒排骨幾好. 薄餅都好, "炸雞"比以前差左.
想講幾樣:
1. 日頭, 特別下午, 冇咩生意. 老老實實, 可以研究D野食塞一塞D時間.
2. 隨著開多左, 質量有少許變差, 外賣亦貴左唔少.
3. 大學宿生生意一定要做. 甚至可以, 半夜最遲一點叫, 兩點前送. 好好賺的.
4. 有時見夜晚, 一堆妹妹仔職員, 有點亂, 人力可優化. 講完.

1. 前兩年試過，我都覺他D薄餅幾好食，其他野就差D....
2. 我之前叫朋友睇過，發覺晚上部分新店真是無乜人
3. 開多了，跟唔上管理，加上真是無經驗，是好難做...
4. 大學宿生我都唔知是咪真是咁多，你計條數我睇
5. 呢D店仔做大了，無管理經驗是咁的啦

---

27 : hh0610(1603)@2012-06-16 20:46:49

26樓提及

---

25樓提及

---

燒排骨幾好. 薄餅都好, "炸雞"比以前差左.
想講幾樣:
1. 日頭, 特別下午, 冇咩生意. 老老實實, 可以研究D野食塞一塞D時間.
2. 隨著開多左, 質量有少許變差, 外賣亦貴左唔少.
3. 大學宿生生意一定要做. 甚至可以, 半夜最遲一點叫, 兩點前送. 好好賺的.
4. 有時見夜晚, 一堆妹妹仔職員, 有點亂, 人力可優化. 講完.

1. 前兩年試過，我都覺他D薄餅幾好食，其他野就差D....
2. 我之前叫朋友睇過，發覺晚上部分新店真是無乜人
3. 開多了，跟唔上管理，加上真是無經驗，是好難做...
4. 大學宿生我都唔知是咪真是咁多，你計條數我睇
5. 呢D店仔做大了，無管理經驗是咁的啦

4.計我就唔識計. 不過想當年我地成日幫趁果間大排檔, 做埋外賣, 發到開分店. 只要就近宿舍開一間, 果間一定係發的.

---

28 : GS(14)@2012-06-16 20:47:32

27樓提及

---

26樓提及

---

25樓提及

---

燒排骨幾好. 薄餅都好, "炸雞"比以前差左.
想講幾樣:
1. 日頭, 特別下午, 冇咩生意. 老老實實, 可以研究D野食塞一塞D時間.
2. 隨著開多左, 質量有少許變差, 外賣亦貴左唔少.
3. 大學宿生生意一定要做. 甚至可以, 半夜最遲一點叫, 兩點前送. 好好賺的.
4. 有時見夜晚, 一堆妹妹仔職員, 有點亂, 人力可優化. 講完.

1. 前兩年試過，我都覺他D薄餅幾好食，其他野就差D....
2. 我之前叫朋友睇過，發覺晚上部分新店真是無乜人
3. 開多了，跟唔上管理，加上真是無經驗，是好難做...
4. 大學宿生我都唔知是咪真是咁多，你計條數我睇
5. 呢D店仔做大了，無管理經驗是咁的啦

4.計我就唔識計. 不過想當年我地成日幫趁果間大排檔, 做埋外賣, 發到開分店. 只要就近宿舍開一間, 果間一定係發的.

咁做一兩間是得的，但是支持咁多間就...

---

29 : greatsoup38(830)@2012-06-26 23:56:30

http://www.inv168.com/phpBB3/viewtopic.php?f=5&t=67816&start=45


文章由 kkccho08 » 週一 6月 25日, 2012年 1:25 am
一句講晒 :inv168_05:
成王敗寇

當初入股係自己的決定, 我信個故事, 輸了我本人無乜大不了; 不過我開thread 只係想對自己負責, 聯絡投資者為自己及相關人士爭取利益

當然我唔係乜野白小姐, 六合彩專家, 我最怕事後孔明! 輸錢還輸得起, 但人格我今天依舊不想賠上!

的確, 没有生意係必win, 上市的, 不上市的都一樣. 閣下參與其中, 必然感受良多

但以為自己係市場上買賣就自許高人一等, 高瞻遠矚 , 在下就真係不敢苟同 :inv168_06:

---

30 : greatsoup38(830)@2012-06-26 23:57:14

文章由 omaha » 週日 6月 24日, 2012年 8:18 pm


其實通常貴租易做過平租，因租金往往同營業額成正比，而營業額高先可以較大幅度攤分一D固定開支(e.g.人工)同資本開支(e.g.裝修, 設備)。但個前設係同一大細舖位，貴租舖同平租舖個固定開支同資本開支會差唔多(但當然都會有分別，貴租舖通常會指定用某d contractor做消防同/或電，d報價係你見到會想殺左佢)。

另外平租舖響管理上同現金流上會多d問題...

不過大場對租客有要求，0岩0岩起步的話唔會咁易比你入。

但又咁講，創業唔一定要有舖...

---

31 : greatsoup38(830)@2012-06-26 23:57:22

文章由 Bighead » 週一 6月 25日, 2012年 4:07 pm
牛哥當時也有pm我，但我冇入，主要是如果冇IPO，我覺得回報很低，而我有睇唔到有IPO的可能。如果純想過下老板引則另計。

我覺得牛哥呢幾年的打并經驗真令人羨慕

---

32 : greatsoup38(830)@2012-06-26 23:57:31

文章由 bonbon2468 » 週一 6月 25日, 2012年 4:45 pm
好似 "創世紀" 一樣呀 :bbs22:

有經驗 下次就事半功倍

不過要搵 雞+pizza 咁

利潤高又多人食既 真係難過登天

---

33 : greatsoup38(830)@2012-06-26 23:57:42

文章由 Jzx90 » 週一 6月 25日, 2012年 7:56 pm

查實我做服務業, d客跟住我走, 都係做番一樣既野 :bbs07:

overhead方面, 我掛左係朋友間公司度, share 番d cost, 所以基本維持到 :bbs23:

---

34 : greatsoup38(830)@2012-06-26 23:57:55

文章由 洛克 » 週一 6月 25日, 2012年 8:09 pm

噢! 當年我都係咁, 掛係朋友公司, 慳得就慳, 先立於不敗之地,

一開始就賺, 係一個好預兆, 成功在望 :bbs46: :bbs46:

---

35 : greatsoup38(830)@2012-06-26 23:58:41

文章由 DCC » 週一 6月 25日, 2012年 10:59 pm


其實2010年尾果陣, 我都想入股20萬幫下阿牛因為始終都叫做幫下本地實業家.

1) 屋企人知道後, 大力反對. 因為我屋企早年都開過燒臘+茶餐廳. 檔野午市同晚市生意算好, 但都唔夠D舖租加得快, 最後蝕左10幾萬離場.
我自己大陸個舖都係每2年加25%至40%租, 加到間餐館(當地算有名的餐館)老闆叫救命. 我自己都知飲食業超難做.
但當時我認為阿牛檔野或許有得做的原因係佢玩的主要係領滙d平舖, 加埋做外賣, 應該有得搏, 同埋當時已玩到15間舖以上, 離上市之路不太遠.

2) 除左屋企人反對外, 後來經紀推介我買幾個荃灣同錦上路單位, 我見一買入就收4.5至5.1厘租金, 加埋h按0.8厘息實在吸引(當時連村屋都有超低息h按), 所以最後都係推左阿牛. (我當時連芝脆雞盤數都冇睇. 因為真係玩樓回報高好多)

3) 原來香港搞實業真係好難做. 連領滙場都唔掂, 我以後更加唔會搞生意. 都係炒炒賣賣o岩我.

4) 阿牛哥, 等你件事丟淡了, 心情平服了, 搵我飲茶啦. 你永遠都係我的朋友.

---

36 : greatsoup38(830)@2012-06-26 23:59:01

http://forum6.hkgolden.com/view. ... ghlight_id=0&page=2

[睇你點睇]芝脆雞聽講就黎結業

---

37 : greatsoup38(830)@2012-06-26 23:59:21

http://www.inv168.com/phpBB3/viewtopic.php?f=5&t=67795

---

38 : greatsoup38(830)@2012-06-26 23:59:25

文章由 Wilbur » 週四 6月 14日, 2012年 11:04 am
pizza我鍾意pizza hut同cpk

炸雞我鍾意phd

芝脆雞食過1次,唔好意思講句真係麻麻地,冇再幫襯

---

39 : greatsoup38(830)@2012-06-27 00:01:00

文章由 阿懵 » 週四 6月 14日, 2012年 11:38 am

如果講Pizza, 如果o係元朗o既話, o係輝立隔離有間唔顯眼加外觀殘舊o既意大利餐廳, 味道唔錯. 講價錢, 暫時o黎講Pizza Box係贏家, 當然亦只限外賣自取, 要佢送我會揀Pizza Huts, 堂食會揀意粉屋或意式餐館. 至於炸雞, KFC真係唔錯, 至少想食炸雞會先諗起佢. 做食店齋鬥價無咩著數, 維生ok, 反而食物質素同特色會有較重要影響.(味道o既判斷其實同判斷外觀好醜一樣, 好主觀)

所以生意上, 從不接觸食肆.



文章由 Char » 週四 6月 14日, 2012年 11:55 am
芝脆雞想試好幾次,不過唔係電話打唔通就話送外賣要我等至少個半鐘,我等得小朋友都唔等得啦,個價亦唔係平!

Pizzabox 我食最多, 原因係快及平! 老實講,食得呢啲都係貪方便同平! Pizzabox 最正係外賣自取半價,即大批$7x-8x :inv168_03: 咁啱屋企附近有一間,佢幾乎 (節日另計) 次次15mins內可以取 :bbs46: 我次次打完電話落order, 穿對鞋、落樓攞車、揸車到Pizzabox 門口、啱啱有得攞 :bbs49: 攞完唔駛10分鐘一家大細係屋企開緊餐 :mrgreen: 一家四口一個大批+一個小食都係一舊水 :inv168_27:

Pizzahut 我永遠唔會食, 叫外賣等好L耐 :evil: 價又貴Pizzabox一倍,但味道又唔見得好Pizzabox一倍! 堂食更加唔會,出到街大把平個佢健康過佢嘅嘢食!



文章由 stock_1 » 週四 6月 14日, 2012年 12:12 pm
牛2 哥 want IPO 8xxx , no hope la

Those were the days ....
http://www.youtube.com/watch?v=n4W3TBs2quA


文章由 Jzx90 » 週四 6月 14日, 2012年 12:29 pm

芝脆雞牛頭角打唔通/無人聽, kt話要個半鐘 :inv168_12:

pb 諗法一樣, 快同唔算難食, 唔通係會計師既思維都係差唔多 :inv168_12:

文章由 patpat999 » 週四 6月 14日, 2012年 12:32 pm
控制出品真係難, 其實聽過人講好食, 又d人又話唔好食. 我諗間間分店味道都唔多相同, 做到老麥咁全球一樣味道先ok.



文章由 PChan » 週四 6月 14日, 2012年 1:50 pm
兩三間舖仔要控制出品質素好容易，
但好似牛哥咁發大左咁多間舖要keep著過往個質素，
要keep著班做得野既伙記就真係困難千倍，
我食過某分店幾次，第一次食真係好好味，之後跌晒watt :discuz03:



文章由 黃泰利 » 週四 6月 14日, 2012年 2:01 pm
PIZZA我只食肥天使, 不過冇外賣...

講炸雞, K記就一間間...屯門果間最好食...海X大廈嗰間難食過 :bbs50:

數垃圾食物, 最好食都係冥王, 但可惜, 凡做得好既食肆梗係最快執...

文章由 Wilbur » 週四 6月 14日, 2012年 2:45 pm

以前中環間冥王d炸雞 :inv168_24:

可惜俾個好藍色既假和尚管理

能不執笠乎?

---

40 : greatsoup38(830)@2012-06-27 00:02:33

文章由 價值人 » 週四 6月 14日, 2012年 5:57 pm
o的炸雞唔得 (冇乜香料/雪味甚重/塊皮得個硬字...冇味的), kfc好好多

生意似乎唔多好, 人流同 competitors 相差甚遠

文章由 精英大師 » 週四 6月 14日, 2012年 7:45 pm
我開P都一定有芝脆雞份,我覺得幾好食呵!!可惜!!


文章由 omaha » 週四 6月 14日, 2012年 7:55 pm
咁奇怪? 先果輪先響i蚊年吹風話差唔多砌夠數準備上巿，轉頭又傳結業?

印象中報導話淨利率約20%, 照計如果數字係真的話，即使近排比人反擊，都冇咁易死…

定係股東/加盟店不和一拍兩散? 佢地加盟店好似都有幾大比重?

早幾日第一次食，d 雞都 ok 的…


文章由 Cleopatra » 週四 6月 14日, 2012年 8:18 pm
高登有人咁回應窩-----------------Hi,都唔係因為做唔掂先結業,不知幾向左走向右走好賺.係上面果班傾唔掂數之嘛Z_Z
(已進入法律程序,我講既只可以係咁多)


文章由 遊戲王 » 週四 6月 14日, 2012年 8:52 pm
咦？我幾個月前聽到既係話無錢賺，收支剛好平衡？ :?:

再根據自己手上資料，食材上年既升幅同鋪租... 好賺？ :inv168_12: :inv168_12:



文章由 遊戲王 » 週四 6月 14日, 2012年 9:09 pm
其實佢快速擴張，高薪挖角果下，不成功便成仁。pizza手勢跟師傅，QC 都有排搞。上兩星期叫左兩個乾硬化既餅，真係媽正一聲....

再講薄餅博士追住打.... 老老實實，對手d餅各區味道同料有系統d

p.s. 唔係行內人，但我是 Pizza 怪 :lol:



文章由 遊戲王 » 週四 6月 14日, 2012年 10:23 pm


咁就唔知啦，我關心食架jae :bbs03:

但果時聽朋友講話無蝕錢，但賺都唔得多。因品質出事。(可能上年食材加得勁，將貨就價？)

講開租，d收租佬見放晒架生，唔數人流睇你賺幾多再食到盡？ 我想八下。有冇人指教？ :inv168_27:



文章由 mekong » 週四 6月 14日, 2012年 10:42 pm
2012年06月08日
今日經過環翠商場, 咁啱撞見芝脆雞換鎖。發生咩事呢??
.............
http://blog.yahoo.com/_VI2LRCBUJ ... omment-item-1045954

又唔係領匯封舖喎! 係承租人許先生唔俾人再入去咋喎! 咁大間公司又會用個人名義簽約嘅??（小檔按： 芝脆雞創辦人係尹顯勝, 行政總裁係許登山）

---

41 : greatsoup38(830)@2012-06-27 00:03:36

文章由 阿牛2 » 週五 6月 15日, 2012年 9:56 am
我俾條仆街封我間舖, 搞到我個邊支持唔住停業!今晚會同大家說清楚, 我本人已蝕突!又中哂許登山的奸計, 好多投資者問的問題是我中哂佢的奸計, 我已經死了九成, 今晚死埋個一成吧啦


芝脆雞　土炮薄餅店　由屋邨起家
http://blog.yahoo.com/_VI2LRCBUJLT5L6PNJKMLDAAW6Y/articles/165940

2011年11月24日【明報專訊】多年來，本地的薄餅店市場，除了由必勝客（Pizza Hut）獨佔鰲頭之外，其他來自外國的二線品牌，絕大多數都和它相距甚遠。反而，由港人創辦的土炮品牌「芝脆雞」，這3年間卻開設了23間分店。究竟這公司的葫蘆裏有什麼招數，能在短短幾年急速崛起呢？今期就就和大家一起剖析。

芝脆雞行政總裁許登山表示，該公司創辦人尹顯勝曾在Pizza Hut、肯德基（KFC）等多家公司工作過大約20年，對於薄餅和炸雞的製作方法、定價計算方式、外送的營運模式，早已相當了解。因此，2008年底創業時，他就想到將兩者的概念綜合起來，同時提供薄餅、意粉/焗飯、炸雞，再加上燒排骨，共四大類食物，種類比一般薄餅店為多。至於店名，亦有參考兩者，將之綜合而成，故意改到英文是Cheese Pizza，中文則稱為芝脆雞。目的是既要令人想起薄餅，又要令人想起炸雞。

避撼巨企　初期主攻新界屋邨

芝脆雞初期主力在大型薄餅店較為忽視的新界區、領匯（0823）商場或其他屋邨舖位開舖，並以略低的價錢殺入市場，成功建立起橋頭堡。

許登山表示，除了粉嶺的第一間店之外，那批最初由領匯提供的舖位，有三至四成是屬於偏靜和丟空了一段時間；餘下則是為了平衡中西食肆種類，不和原租客續約，改為將舖位租給該公司。因此這些舖位的租金比較廉宜，平均只佔分店營業額的一成以下，有助該公司初期快速擴張。

廉價「一人餐」　吸客試食

另一方面，該公司也有在一些微細的地方上創新，以吸納新顧客。例如，該公司在同行中首創廉價的「一人餐」，讓消費者可以30元上下的價錢（學生再減2元），一次過吃到意粉/焗飯＋薄餅/炸雞＋餐湯/汽水。

這樣做的目的，是先把顧客引進來，希望他們試過之後，將來會光顧金額大得多的外送服務，甚至到會服務。

優惠大學生　策略看長遠

另外，該公司又在同行中首創提供綠茶（「維他」的紙包裝），以清新、解油膩作號召。

該公司還看準學生的心態也像街坊般，喜歡「大件夾抵食」。於是，為港大、科大、城大、浸大、嶺大等多間大學的迎新營提供優惠，或者再送現金券等，以吸引他們日後再光顧。這一招其實是看長線。因為大學要讀3至5年，那些大學生日後住在宿舍或者搞活動時，還有不少機會再光顧。

「住過大學宿舍的都知道，沒有多少宿生會一星期五六日都光顧飯堂！」芝脆雞市務顧問江正文透露，城大和浸大的宿生通常每張外送訂單都超過600元。甚至香港大學專業進修學院的學生進行義工活動時訂外賣，該公司也會提供9折優惠和現金券。

巧借「一蚊雞」宣傳

今年以來，通脹問題惹人關注，報章的港聞版幾乎每星期都談論這話題。許登山就想出，借用「一蚊雞」來宣傳。但芝脆雞的「一蚊雞」，並非像稻香般一元可以吃一隻雞，而是要買滿200元之後，再加1元，才可免費獲贈1件炸雞。

許登山和江正文承認，這只是噱頭，其實並非什麼大優惠，該公司當時有其他優惠更划算。但因為「一蚊雞」這字眼夠深入民心，居然吸引到不少報章的港聞版報道，以及不少消費者光顧或查詢。

藉facebook抽獎活動推廣

除了派發傳單（初期曾請報販夾在報章內），在飲食雜誌刊登廣告之外，芝脆雞主要是靠網上宣傳，包括facebook、網頁、YouTube等。

其中，低成本得來又有些效果者，就是在其facebook專頁上舉辦一些抽獎活動或有獎遊戲，來吸引人流。例如，該公司曾經送出其現金券、海洋公園的「哈囉喂」入場券，以及電影門票等。其條件是，每多500人或1000人在專頁上按參加連結，就送出多一張入場券或戲票，以吸引網友轉發信息。芝脆雞去年11月才成立其facebook專頁，現時已有7300多名粉絲。

此外，該公司去年底亦曾邀請「大埔足球天使」Lulu拍了一段宣傳短片，放上YouTube，至今累積有5萬餘觀看人次。許登山表示，宣傳開支約佔營業額的一成多。該公司還會在今年底推出iPhone App，以及在明年推出Android App，以方便顧客落單。

明報記者 薛偉傑

---

42 : greatsoup38(830)@2012-06-27 00:06:15

文章由 阿懵 » 週五 6月 15日, 2012年 11:02 am

牛爺,

當買個經驗囉! 雖然你話輸九成, 但你人還健在, 咩都可以再o黎過. 商場如戰場, 同無奸不成商啊! 唔好灰心, 先諗如何收拾殘局, 有咩可以收返先收返, 減少損失.

雖然唔清楚你內部發生咩事, 但唔等於完全冇彎轉, 要打敗部反擊亦唔係冇可能, 如果你有需要幫忙, 就PM我啦.




文章由 kkccho08 » 週五 6月 15日, 2012年 11:17 am
我相信我己經係受害者 :roll:

不過以我理解

股權己經歸邊, 不過有人想獨佔, 踢走其它人.

而分店承租人許山先封店 :roll: 跟手三和公司會賤價出售比A 公司, 借屍還魂以第二個名字重開

今次出面個集資個將會成為犠牲者 :inv168_08:


文章由 阿懵 » 週五 6月 15日, 2012年 11:28 am
蕉神... 唔一定冇得玩落去, 只係未必按你o地呢家o既諗法去東山再起, 你o地先唔好洩氣, 比人坤係會嬲, 但呢個唔係股票市場, 重有好多方法同手段可以扭, 亦有方法可以再起, 睇你o地心態重想唔想玩落去先.



文章由 阿懵 » 週五 6月 15日, 2012年 11:30 am
的確, 如果要扭, 時間同氣力真係要花好多, 值唔值真係睇主家點睇, 但要贏返唔係得一條路, 呢樣係做生意好玩之處.


文章由 kkccho08 » 週五 6月 15日, 2012年 11:35 am


我個人係有唔開心, 而我e 一刻都重尊重牛哥之前所負出過的努力

今次事件, 我個人唔想"用"太多時間去找負責任者.

當初投資都經過思考

1. 公司有need 去擴充
2. 條件唔錯
3. 生意模式可行
4. 目標明確
5. 友情

所以當日投入, 我覺得正確決定


文章由 阿懵 » 週五 6月 15日, 2012年 11:44 am

去搵人"負責", 係不切實際同冇意義, 做得生意就要自己負責, 俾人坤只可以怪自己嫩. 呢家你o地得兩條路, 一當止損了事, 呢個最易做. 二就以殘餘力再由頭開始, 呢個會係超辛苦, 但如果你相信牛爺, 就信到佢尾, 義無反顧, 只要牛爺搞生意呢團火未滅, 遊戲尚未結束.



文章由 阿懵 » 週五 6月 15日, 2012年 11:45 am

其實唔一定係咁, 不過起始第一著好緊要, 呢個決定o左條路易唔易行.



文章由 人之初 » 週五 6月 15日, 2012年 12:07 pm
大部份成功o既自己創業者，都係由挫敗o既階梯中反複往上走。呀牛，逆境經驗係成功o既創業者，不可缺o既人生經歷一環。

愈早泥到，反而對將來愈有利。後生可以輸得起；年紀愈大，輸得起o既條件就愈缺。每一個人在世上o既存活，都係有年限，冇人能夠在人世上，可以得到永生。

記住呢次o既經驗，好好休息後，出泥再戰江湖。衹要有青山，自然就會有柴燒，呢o個係我o既人生親身經驗，呢次係冇老點你的。



文章由 人之初 » 週五 6月 15日, 2012年 12:11 pm
在生意場中，輸o左千祈唔好怪任何人。如古唔係，自己就好難在挫折中得到進化！

呢o個世界，呃人、千人o既絕對唔止一個乜生、物生。想在商場中企站穩陣腳，打出自己o既江山，除o左進化自己，別無他法。

過來人加真心話！



文章由 人之初 » 週五 6月 15日, 2012年 1:20 pm
我而家o既心境，唔o岩後生仔用。

我年過半百，如日落西山；佢o地如日中天，衹不過暫時陽光被風雨、密雲遮住。

想在商場中去殺出自己o既地盤，挫敗o既經歷平常得很。大多數o既成功創業者，都會有自己o既故事。

好平常的。

---

43 : greatsoup38(830)@2012-06-27 00:07:55

文章由 價值人 » 週五 6月 15日, 2012年 10:07 pm
大把 VC (venture capital)仔 自己出來搞 1-3% subject to satisfactory performance (完全冇投入capital)最後都比個 majority shares的大股東老千食埋

淘空又有 / 有人ask叫價太高最後bubble burst又有/.....

一句講晒 pre-IPO 玩 VIP入股已立心不良, 一心造條數出來IPO呃人, FaceBook也如此....., 自己有冇利用價值做VIP先 ????


文章由 bigcrab » 週五 6月 15日, 2012年 11:05 pm
做生意邊有一定
有能力既人都經常失敗，傻既亂闖又可以成功上市 再軌道化
byd 上市前幾年都 電池碩士 都打鑼打鼓 找人入股
(因為當時蝕緊，約二三百萬 可以入5成，約莫等於 廠同機價)
成個中環(vc) 同九龍灣(廠佬)都無人肯
我舊同事而家心都酸 :oops:



文章由 人之初 » 週六 6月 16日, 2012年 8:39 am
講真，我成日上泥，而家至知香港有呢檔o野。

暫時都睇唔出，呢o個題目有乜敏感？

總結自己o既經驗，做生意得三種模式：

1)以誠

2)以呃

3)誠呃互參



文章由 人之初 » 週六 6月 16日, 2012年 8:51 am

有o左做生意o既諗頭，跟住就要講其中最重要o既一環，資金來源，亦係得三種模式：

1)自力。就算搞都偷同搶，都係自己搞番泥，亦算係自力類。

2)他力。融資、夾股、借貸等等。

3)自力同他力互參。

講到呢度，就發覺道家的陰陽之道，套入做生意一樣通。

陰同陽，係指任何事物o既兩極。"呃"同"誠"；"自力"同去"借"。點樣從中搵都最好o既平衡，就係一盤生意成唔成功，做唔做得好，做唔做得大？其中兩個最重要o既有份基因。

---

44 : hh0610(1603)@2012-06-27 00:07:58

我爬緊文, 爆煲?

---

45 : greatsoup38(830)@2012-06-27 00:09:03

文章由 人之初 » 週六 6月 16日, 2012年 9:01 am
做生意其中最、最、最重要，就係要企業o既領頭羊、CEO既水平，整體綜合能力，能去到邊度。

而家在網上有唔少言論，對+x公多貶辭。在某d基層市民角度去睇，未必無理由；但作為一個生意人，我睇佢係當代成功生意人中o既最出色代表人物之一。


文章由 人之初 » 週六 6月 16日, 2012年 9:05 am
權力當然網主大，佢認為有問題，自然會出手。

而家任得大家發表自己言論，就自然就暫時冇問題。

我有d場合做人o既原則，唔去諗人o地點睇，我衹用我o既人生經驗去總結，呢件事我應該點做。

唔好老作，實事實講，唔涉及政治議題，唔好貼文令總舵主會涉及法律糾紛的話，我冇理由去移文。

由 u5p » 週六 6月 16日, 2012年 10:08 am
香港飲食業, 好多老板就喺靠走佬呢條橋而大賺一筆

一個屈尾十, 下次開番另一間支翠雞, 又可東山再起 :mrgreen:

  芝脆雞數分店疑停業

  開業僅五年、曾擁有逾廿間分店的連鎖薄餅餐廳芝脆雞，懷疑部分分店停業，分別有員工及凍肉供應商報稱被拖欠款項，其中逾五十名受影響員工昨午到勞工處求助，要求追討欠薪，估計涉款達一百萬元，部分員工更報稱被拖欠強積金供款。芝脆雞亦有透過團購網站推出優惠券，有購入的市民投訴持券到指定店舖領取食物時，始發現店舖已沒有營業。

  勞工處昨證實，據處方初步了解，部分同屬一間加盟商的芝脆雞分店有停止運作的情況，該處正協助受影響僱員提出申索，現正與該名僱主聯絡，期望進一步了解情況，受影響員工如有任何查詢，可致電29277008查詢。本報曾以電郵聯絡芝脆雞方面查證，又多次致電予該店東主，至截稿前仍未能與對方聯絡得上。

  五十七名芝脆雞員工昨午到觀塘勞工處辦事處求助，指稱芝脆雞七間分店由上星期起相繼停止營業，包括坑口明德商場、將軍澳中心旗艦店及觀塘等，受影響員工被拖欠一至兩個月薪金。在明德分店擔任侍應近一年的陳先生表示，該店於上周五突然「拉閘」，負責人卻無交代何時支付欠薪，員工多次致電公司追討不果，遂到勞工處求助。

  拖欠供應商貨款

  有向芝脆雞供應食材的凍肉供應商職員黃小姐則指，其公司自今年三月起被拖欠貨款，至今已累積卅多萬元，但公司一直聯絡不上對方相關負責人，聲言會從法律途徑追討。

  除欠款外，芝脆雞於今年三月在團購網推出以八十二元優惠價，換購原價一百九十元的套餐優惠券，套餐須在指定八間分店領取。不過，有購券的楊太昨向本報投訴指，位於黃大仙竹園邨的分店兩日前已停止營業，她致電其他分店查詢時，職員指有關優惠券註明在指定店舖領取，要求她耐心等候。

  芝脆雞於上周六在其開設的社交網站facebook發出公告，指部分分店進行內部裝修，顧客可在其餘四間分店（包括竹園邨）領取，但多名市民均在網上留言指，其註明的分店已經關門，根本無法換取食物。



文章由 黃泰利 » 週六 6月 16日, 2012年 11:40 am

師兄你搵BYD呢個CASE嚟同炸雞比, 攪到我又有嘢講...

呢個世界, 不可預測既運氣因素(佛家稱無明, 哲學佬好似叫「不可知力」)事實上冇錯係可以左右全局, 但唔該事前請做好自己人力上, 物質層面上可以做到最好, 理性上檢視一下自己既能力, 先好賴運氣乜乜...

我之前喺呢個POST有段仔講話有人QUOTE段嘢露咗底, 俾人知道佢業務品質上做得唔好但又好自豪又不自知, 勸POST既師兄刪條LINK同篇文又冇人理...

BYD個故仔之所以做得上去, 係喺油價百九幾蚊一桶, 當時有啲忍樣吹到兩百一桶既情況下, 美國佬當時藉機吹再生能源...而家吹完水, 個股價跌番落嚟, 但長遠而言, 電動車係值得投資, 相對對人類發展有貢獻...所以只要喺低位買入, 嬴面會較通街都有通街都係既食肆連鎖特許經營高一千倍, 是以, 你可以話我馬後砲, 我都係嗰句, 唔講到咁白: 「點解+X哥當年唔搵我同大家夾份開塑膠廠?」

---

46 : greatsoup38(830)@2012-06-27 00:10:59

文章由 hkils2001 » 週六 6月 16日, 2012年 12:15 pm
之前幫襯過兩次, 相信門庭泠落應涉及員工管理問題, 造成趕客效應

1. 第一次食佢野, 唔記得送雞, 再送雞時, 個袋爛既
2. 第二次食佢野, 送來後個Pizza 爛o左
3. 第三次想食佢野, 點知臨時刪除優惠, 個套餐要比正價, 唔做我生意, 跟住就再沒有幫襯了

其實我之前第一次幫襯後都向牛兄都反映過一次, 不過現在如斯境況, 都係時候討論一下了


文章由 johnson1 » 週六 6月 16日, 2012年 1:35 pm

基本上呢間野係食中低pizza 市場, 以性價比確係出色, 但唔可以同KFC/Pizza hut 呢類大野相題並論.

我一家都去過幾次, 堂食除左員工training 不足外真係抵及好食(以價論), 外賣確有以上問題.

黃泰利 寫:有人玩移形換影, 唔知邊間打邊間...

  http://www.pizzaandchicken.com.hk/news.php
  見6 月份聲明



文章由 黃泰利 » 週六 6月 16日, 2012年 2:52 pm
Jzx90 寫:

    洛克 寫:

      黃泰利 寫:有人玩移形換影, 唔知邊間打邊間...

      http://www.pizzaandchicken.com.hk/news.php
      見6 月份聲明



    真係當消費者傻既咩, 昆左一水, 就算換左個名, 人地都會估到, 最終咪變左D生意落番去大集團度 :inv168_11:



  係早期partner, 而家既競爭對手, 網友出文要查證, 希望唔係別有用心 :bbs23:

NONO...作為消費者, 個LOGO差唔多, 我點知邊間打邊間???

作為觀察者, 我只關心有冇人別有用心昆人落搭, 特別係呢度有人話只係股東講唔掂數, 又有人擺運氣上枱, 而竟然冇乜人講過, 分析過日常運作, 產品做得好唔好...

BTW, 屈人做五毛對我係冇用, 只有反效果...


文章由 阿懵 » 週六 6月 16日, 2012年 5:59 pm

如果o係荃灣, 我知有Pizza & Chicken早過芝脆雞, 因老媽及細佬們早幾年已成日幫襯, 即使後期有牛爺檔芝脆雞, 佢o地都多去呢檔. 平心而輪, 食品質素上, Pizza & Chicken較好, 不過在價錢上卻差唔多, 店員工作模式亦相近.(打低檔市場都預o左冇咩服務)

---

47 : greatsoup38(830)@2012-06-27 00:11:08

文章由 阿懵 » 週六 6月 16日, 2012年 6:02 pm
若論兢爭者, 我細佬個朋友上年先o係大圍開o左間同類店舖, 名係咩就好似都係咩Pizza或Pizza &咩之類, 一路話會去幫襯o下, 由於好少過沙田大圍, 至今都未幫襯過一次.

---

48 : greatsoup38(830)@2012-06-27 00:11:26

文章由 男不壞女不愛 » 週日 6月 17日, 2012年 12:25 pm
我03年入東涌, 成日叫Pizza & Chicken, D野真係出奇地好食, 但11年後食完口渴, 落太多C父了, 這兩年返而幫抮pizza box.

芝脆雞Cheese Pizza,我睇住佢東涌間野前兩年才開, 低手copycat 羅, 炒人細店既 logo 同用色, 初時以為Pizza & Chicken開分店, 但又奇怪叫 Cheese Pizza, 食物基本一樣咁濟,價單每每平原本那間 10蚊, 問返食開那間, 個店長笑笑口咁話係competitor , 才愰然大悟, 心諗間野咁撚cheap ,連 logo , 名, 食物, 外賣紙都炒促人地九成九, 最後才知168牛哥搞既.... 目標係ipo...............................0 晒左咀.

Pizza & Chicken好食又平才有多年口碑, 我成日叫朋友同事來東涌D玩, 一定要食下, 當年如以pizza nut 比, 好食過佢九條街, 天與地比了.

Cheese Pizza我從沒幫抮, 但最撚憎中國人那種見邊間好搵就copycat, 做撚到市場欄為止. 香港如此, 大69如此. 難度你地眼中沒有創意嗎.

---

49 : greatsoup38(830)@2012-06-27 00:12:25

文章由 阿懵 » 週日 6月 17日, 2012年 1:03 pm
但創意呢樣o野, 唔係話有就有, 好多時要從copy當中摸索同產生, 只抄不變, 就會如你所言, 只係做爛市場之舉, 試諗o下, 香港上市o既食肆, 有幾多係做低檔市場? 即使如太刻薄, 都唔會做到太cheap, 連麥記都近日將$20餐, 陰陰咁加o左$1, 平價市場其實最受食材價格變化影響, 一但食材價格上升, 一係將售價向上調, 咁之前同兢爭者o既價格差就會收窄, 兢爭力亦相應減弱; 另一途徑係將價就貨, 咁就影響品質, 對公司長遠o黎講, 係慢性毒, 未毒發前唔覺有大影響, 毒發就隨時僵直...

畢竟牛爺檔o野近我媽住o個頭多o的, 好多時唔想走太遠, 都會幫襯牛爺檔o野, 但若落到市中心, 選擇多o左, 咁就係另一枝歌仔喇.



文章由 黃泰利 » 週日 6月 17日, 2012年 1:05 pm

男兄, 如果你講既屬實, 似乎已可蓋棺論定...

前一頁有師兄話Pizza & Chicken係「早期既PARTNER, 而家既COMPETITOR」, 我無從得知誰是誰非, 但這話題在168好像令許多師兄寒若噤蟬似的, 甚為古怪...(其實網上集資這行為已甚為古怪, 只是千變萬變, 人性不變而已)



文章由 洛克 » 週日 6月 17日, 2012年 1:26 pm


男哥, 真係講無錯, 不單 Cheese Pizza 只識抄無創意,

連 Pizza & Chicken 及 Pizza Nut 都係抄意大利做既 pizza 店,

做生意做到佢地咁, 真係好賤格, 只係抄, 明明只有在意大利做既 pizza , 先算係正宗 pizza ,

根本係香港賣 pizza 既, 全部都係 copycat , 難度你地眼中沒有創意嗎 ?

所以男哥, 要食 pizza 就飛去意大利食, 你仲係度幫親班 copycat ?

就係因為有你這些連老翻 pizza 都食既消費者, 先至做撚到市場無曬創意 :lol: :lol: :lol:

文章由 阿懵 » 週日 6月 17日, 2012年 1:03 pm
所以呢家真係為試食, 會去搵o的意大利餐館試, 尤其老尖鬼佬去開o個o的, 份Menu都係全意大利文...
為填肚又想食pizaa就先揀呢堆連鎖店,(呢個亦係佢o地o既主要市場) 至於創意, 食店玩得o既"花臣"唔多...
咖啡, 紅酒同茶市場, 都同樣存在品味派同消耗派, 兩邊都有其市場, 壁壘分明.

p.s. 尖咀近月見到唔少好似係菲律賓人開o既pizza店, 其實超抵食, 雖然只一片散裝24" pizza, 但真係可以食得飽,(唔係大胃王o既話) 價錢都係$25~$34間, 味道還不錯, 尤其某間o既脆薯, 諗起都想翻兜. :inv168_24:

---

50 : greatsoup38(830)@2012-06-27 00:21:21

文章由 lovewai » 週日 6月 17日, 2012年 2:22 pm
從種種跡象 拖糧及執前搞團購 極有可能是最後掠水有預謀 但我見到大家因為人情唔去批評依D野 仲搞到有部分董東是受害人 所以打工架是最賤 俾人欠糧都沒有人可憐你

由 rookie » 週日 6月 17日, 2012年 2:29 pm
你講個間應該系Paisanos pizza, 由中環開過黎的. 呢間野我左好耐, 品質keep得好好. 間野系意大利人開的, 標榜意南風味. 當然同正宗sicily ge有出入, 但叫做用心用料去做. 灣仔個間我經常買外賣. 全部都請晒菲律賓人運作. 由落單至收錢handover比客. 他們都微笑對人的. 我想老闆別定待他們不薄. . .

rookie




文章由 u5p » 週二 6月 26日, 2012年 9:21 am
呢位姓江o既股東，只好怪自己on :inv168_38: :bbs06:

  芝脆雞百員工 赴勞處討薪

  【本報訊】連鎖薄餅餐廳芝脆雞早前有七間分店結業，逾百員工昨到勞工處追討欠薪，估計涉款接近二百萬元。涉事東主昨聲稱，指前東主拖欠大批貨款，又違反承諾不肯交出食肆牌照及租約，導致現金周轉不靈，最終無奈結業。勞工處指，會繼續跟進事件，協助受影響僱員取得欠款。

  東主指前東主欠貨款
  逾百名芝脆雞員工昨到觀塘勞工處辦事處進行勞資雙方調解會議，涉事江姓東主亦有到場，雙方就事件進行近四個小時的會議。江昨回覆指，○九年入股該公司，至今年二月，因大股東財困，遂以一千四百多萬元收購該名股東的股份。不過，江後來發現該名舊股東欠下巨額貨款，又不肯交出食肆牌照及店舖租約，導致兩間分店及一間薄餅工場被迫關閉，令他頓時陷入財困，未能向員工支付薪金。江又指，除員工追討欠薪外，又要向其他投資者交代事件，可謂走投無路。

  勞工處指出，截至昨日，合共收到一百四十四名屬同一加盟商的芝脆雞員工求助，當局會繼續進行調解。


文章由 阿懵 » 週二 6月 26日, 2012年 9:28 am

其實呢家再講牛爺點傻法, 都無補於事. 如果按現況無外支持下, 要輕鬆解決, 只有申請破產一途, 但一行呢步, 要再起就會更難.

另一個可行o既方案, 就要睇牛爺之前營運時有冇積"陰德", 有o既話重有彎轉.



文章由 洛克 » 週二 6月 26日, 2012年 9:57 am
報導係屬實的話, 都幾難有彎轉, 如果只欠員工錢, 都仲有機會搞,

街數都唔知有幾巨額, 如果欠既係食材供應商, 一定告硬, 仲有食牌租約KEEP左係果位舊股東度,

好明顯係講唔掂數, 想牛哥出事..... :bbs06:


文章由 阿懵 » 週二 6月 26日, 2012年 10:05 am

um... 所以我先至一開始講"要睇牛爺之前營運時有冇積陰德", 呢樣陰德唔單只對員工, 還包括其他協助者,(股東, 供應商等) 當然談判技巧等o既手段都好影響大局...
執慣晒爛灘子... :inv168_07:



文章由 古漢雲 » 週二 6月 26日, 2012年 10:31 am
1. 食材供應商, 先唔會告 , 有拖無欠,最易搞 ; 人工就一定要俾足!!
2. 千四萬做大股東,會唔會連應收帳款有幾多都唔知??? 自己唔知, 都有a/c 睇
3. 千四萬做大股東, 食牌租約無正本都keep copy 啦

幾十萬生意都驗屍咁驗, 成千萬生意會唔會咁兒嬉??? 單新聞堅定流???



文章由 大廢柴 » 週二 6月 26日, 2012年 10:41 am
呢D情況, 反擊成功都係拿唔返錢的。俾我一定轉晒D錢走，最多咪破產，吹呀。好似K Oten咁, 俾人告之前轉走晒D錢，你告得入都係一毫子都拿唔返


文章由 betfootball » 週二 6月 26日, 2012年 10:48 am

1. 如果只欠單一食材供應商,還可有拖無欠;如果欠多個的話欠多欠少的話,有拖無欠一定不可以;
至於人工,公司沒錢的話怎樣俾足?等清盤後再看了;
2. 飲食業應該沒太多應收帳,我想你指應付帳(欠債),這個要看盤數了;
3. 食牌租約是用公司/個人名義登記,會不會是用另一間公司登記,不屬於芝脆雞名下;


文章由 古漢雲 » 週二 6月 26日, 2012年 11:01 am


1.間公司冇資產,告來把屎,就算有, 仲有第一債權人係員工/清盤人 :inv168_01: 冇供應商告架
2.打錯 :discuz09:


總之,咁大投資,咁都睇唔到,奇.

我個fd買間餐廳仔,一個月揾幾日由朝坐到晚,好天落雨計都足啦,點會咁易信上手.


文章由 洛克 » 週二 6月 26日, 2012年 11:01 am

供應商最怕係走數, 如果你仲有得營業, 比你拖數, 分期還一定有得傾, 但連營業都無, 唔想告都焗告....

成件事最奇怪係個食牌租約, 點解係轉手時, 唔轉埋名比公司 ? 宜家佢地封牛哥舖, 咁租金係咪由佢地比 ?



文章由 omaha » 週二 6月 26日, 2012年 12:10 pm
1. 間公司執左對供應商黎講係最傷，唔執講下數攤長還仲有彎轉。
2. 我冇參與集資... 但睇呢度d師兄0既留言對話，09年集資時應該都冇detail數睇，公司d數本身應立立亂... 我個人經驗係公司裏面咁多個系統，係會計系統要改0既話需時最長，加上佢地公司股權結構複雜，每人hold幾間，股東們又集中精力快速開新舖，呢兩三年間冇時間去完善個會計系統，令應付帳都唔清唔楚都唔出奇...
3. 食牌唔熟... 但租約應有數講，可以搵業主傾傾。如果對方都冇能力接手0既話，業主其實都唔想吉左間舖響度。

不過前題係：間公司真係有錢賺/值得繼續做/有轉機，咁就多d空間有彎轉... 如果唔係就繼續都無謂。

呢d都係睇表面資料得出0既意見... 但實際係點相信當事人先係最清楚。



文章由 阿牛2 » 週二 6月 26日, 2012年 1:16 pm
我已經被勞工處積金局起訴緊, 我可否第時有機會翻身時還錢給你們 ? 我唔想連生命也沒有啊



文章由 Bighead » 週二 6月 26日, 2012年 1:41 pm

Limited company都要上身的嗎？以前低潮也能過關，今次都一樣吧！



文章由 阿懵 » 週二 6月 26日, 2012年 1:49 p

你想第日還到錢俾人, 今日你先留住自己條命先.

何況... 法律o野o者... 要生要死咩? 最多咪冇一排面, 搞得掂咪連本帶利拎返...

面對你o既選擇, 承擔選擇後o既結果同責任...

錢呢樣o野, 有命o既話, 搵唔晒o既!


文章由 黃泰利 » 週二 6月 26日, 2012年 1:58 pm
農場餐廳陳興濤先生也沒講過要生要死吧...他亦屢敗屢戰吧...我說這話是真心鼓勵, 所以我也希望你說的是真心話...



文章由 酒酒酒 » 週二 6月 26日, 2012年 3:55 pm
牛兄,你而家心情我好了解.生意失敗唔等如世界末日,輸錢幾咁閒,唔駛為錢死
過一排塵埃落定, 去散散心, 痛過之後, 從新上路迎接新挑戰



文章由 古里 » 週二 6月 26日, 2012年 4:27 pm

牛, 萬事有商量, 千算萬算都唔好想個"死"字
含住一口氣, 游返上水, 先有機會報仇雪恨
你仲非常年輕, 生命有Take2, 推牌再玩過, 加油



**利益申報: 我無參加過集資計劃


如果您參加左個集資計劃, 請直接私下同牛傾解決方案

如果您沒有參加集資計劃, 又沒有些建設解決方法,
請勿胡亂加插無意義言論, 生命誠可貴,
您的一言一語, 有可能影響別人生命
懇請慎言, 感謝

:inv168_10: 祝各位事事順心, 身體健康



文章由 洛克 » 週二 6月 26日, 2012年 7:16 pm
牛哥, 好多年前我都試過陷入事業困境, 係跌落谷底果隻, 加上其他精神打擊,

曾閃過輕生念頭, 但一轉念就諗反正生同死都無咩分別, 點解唔選擇繼續生, 無謂蝕比個天,

之後一步步地接受現實, 見步行步去處理手上問題, 慢慢地最壞既時間就過去, 最後發現原來唔係想像中咁難過,

禍兮，福之所倚, 因這段困難日子反令做人處事能力有所提升, 之後日子就開始越來越順....

希望這個小故事能幫到牛哥 :mrgreen:



文章由 cy8 » 週二 6月 26日, 2012年 7:24 pm
蝕幾多要死咁巴閉呀

我呢一年都輸百幾萬, 老豆生CANCER , 而家又到自己懷疑生CANCER 都未諗過死

有賭未為輸呀, 有咩比死更可怕,



文章由 人之初 » 週二 6月 26日, 2012年 7:59 pm
我最有興趣知道，之前呢間o野 d o野食：

1)好唔好食？

2)價錢有冇市場競爭力？

3)現有o既經營狀況，公司有冇穩定盈利？

有得做o既生意，自己唔夠本又好，其他原因又好，集資去做，係好正常o既事。如古唔係，就唔會有債券同股票呢兩樣o野。

而呢兩樣o野好o既方面，的確係融資o既好渠道；唔好o既一面，當然有人利用佢泥泥千人亦得。

做飲食，d 野好食係好重要，我又真係想知，做過呢間o野 o既股東o既網友，你有冇長期去食自己間公司制做出泥o既o野，同食完之後，有乜睇法？

長期不斷去食自己餐廳o既出品，係好重要的。如 d o野，自己都會食厭 o左，或認為冇乜吸引力，你又點能得到市場中o既消費者，去接受到你呢？




文章由 godchild » 週二 6月 26日, 2012年 8:10 pm
1)好唔好食？
初期的話: 好食 (我去葵芳O個間)
之後: 當然跌watt了, 焗飯太油, 湯唔熱之類

2)價錢有冇市場競爭力？
有. 30蚊一個set lunch, 我通常選: 湯+雞+焗飯


我最瘋狂時一個星期最少食一次(未計我老婆星期六/日要食, 初初我老婆都鐘意食的).


我唔係股東



文章由 人之初 » 週二 6月 26日, 2012年 8:11 pm
又講番自己做家私。

最賺錢o既家私，唔會係一般常用款o既家私。但係要做得好呢一瓣，能有長期穩定夠做o既客源，品質管理，必然係好重要o既一環！

我呢行o既工廠，基本o既資源同工廠面對o既行內難題，每個廠家，大家都差唔多。

最大分別，就係廠房成本(自置就當然較優)，同埋每一個廠家o既自己經濟實力。

在接近o既經營條件下，點樣將自己o既產品，做到平均分比其他廠家好，就係增取足夠定單o既其中重要因素之一。

我諗，行業有唔同，不過品質好，價錢又吸引到消費者幫趁自己，呢樣就算各人從事唔同o既行業，都係要面對同樣o既從商重要o既課題。

我自己就會經常去監察自己做出泥o既o野，起碼要過得自己呢關，至會再去推去俾客人。



文章由 阿懵 » 週二 6月 26日, 2012年 8:12 pm

人大大,

你呢幾句其實套落做邊樣生意或投資都得, 如果自己都唔鍾意o既產品, 又邊有信心將錢放落去做長線投資...

中五之後, 老媽見我日日游手好閒, 就叫o左我去幫阿叔做保險Sales, 但我自問除o左醫療保險之外, 其他保險都唔信, 所以到走o個陣都只係成o左4單咁大把...



文章由 人之初 » 週二 6月 26日, 2012年 8:21 pm


如古做飲食，初初鍾意食，後來就出現麻麻o既感覺，就唔掂的。當一個客人出現呢種狀況，就等如出現警號，其他客人都大有機會，出現同樣問題。

點樣去改食譜，同維持出產食品o既最佳水準賣俾客，係好重要！！

舉個例：好o既魚蛋粉；牛坑腩；雲吞面，我個人就絕對唔會食厭。

做大眾化o既餐飲，就必然要留意自己o既食物，會唔會俾市場放棄自己。大眾化o既餐飲，量係好重要。做唔到量呢個數，當市場佔有率份額愈泥愈縮，就必然係失敗收場。

強如麥記，都係一路有新o野推出泥。點解呢？？



文章由 bonbon2468 » 週二 6月 26日, 2012年 8:49 pm


呢間野唯一既賣點 係大件抵食夾香口

從來唔係好食

到最近半年 明顯發覺價加料減

心想簡直自掘墳墓

不過我對呢盤生意係好有信心

要賺辛苦錢但近乎ｓｕｒｅｗｉｎ

大件夾抵食下　維持高品質 定期有季節限定

ｄ客猶其後生果ｄ好難唔幫襯

之前我都打算係＂慈黃區＂開番間

不過牛２哥不允就此作罷



文章由 人之初 » 週二 6月 26日, 2012年 8:59 pm

真係成功o既企業家，點得閒泥呢到講廢話？

你太抬高在呢度狗呃o既一班人。當然，我亦係狗呃人物之一。哈哈哈

基督都唔怕上十字架。人生路上o既失敗，有乜可怕？我從來都係從失敗中一路行過泥o既人。我成世人，失敗到今時今日，都一樣活得自在得很喎。 :inv168_01: :inv168_01:



文章由 u5p » 週二 6月 26日, 2012年 9:20 pm

  sigur 寫:十幾年前, 我呀叔就係哩種情況老破 :inv168_07:



點解飲食業比人容易玩金蟬脫殼 cap 水

因為飲食業容許有幾個月拖數, 大老闆欠周身街數, 如果其他股東冇負責採購, 根本唔會知

其他行業, 貨到即磅水


文章由 人之初 » 週二 6月 26日, 2012年 9:34 pm


我睇法相反，牛哥應該呢期更要上多d泥168。

一個成功o既創業家，絕對要識痛定思痛去裝備自己，當自己內心更強大，就自然終有日，有機會成為上公司o既主食。

能夠輕鬆去面對自己傷口上面o既鹽，就自然身體同內心，再唔會輕易有識流血o既傷口。



文章由 阿懵 » 週二 6月 26日, 2012年 9:50 pm
未即死住o既, 但要即刻應對, 我個舊同學之前間廠都試過斷cashflow, 都要即變陣駁血, 不過老細性格問題, 支持o左一段時間, 話辛苦自行結業...




文章由 價值人 » 週二 6月 26日, 2012年 10:47 pm
阿牛只係一隻拉關係的棋子(記者/社會學), capital佢冇/營商經驗/同港交deal的經驗/基金網絡/....etc係0, 比你做大股東老千冇奶油唔知隻棋的利用價值有幾多 ??

憑乜 "subject to satisfactory performance"分股比佢 ???? 有d野無謂寫到太白



文章由 殘劍 » 週二 6月 26日, 2012年 10:56 pm

我唔係股東，但幫襯過好多次，個人覺得
1) 好食，啱我口味
2) 價非常有競爭力，一個批$55 蚊，足料去邊度搵？

不過我個人比較硬頸，如果牛兄係比人千嘅，請各位通知聲，我不再幫襯！




文章由 u5p » 週二 6月 26日, 2012年 11:03 pm
有個 friend 曾經叫我夾份搞間日本料理, 佢負責廚房, 我負責樓面

我諗都唔諗就拒絕咗

一間食肆最重要喺廚房, 冇份參與廚房運作, 即喺話事權比晒人地

---

51 : greatsoup38(830)@2012-06-27 00:21:36

44樓提及

---

我爬緊文, 爆煲?

yes

---

52 : GS(14)@2012-06-28 22:49:14

http://www.inv168.com/phpBB3/viewtopic.php?f=5&t=67795&start=390


文章由 gorilla » 週三 6月 27日, 2012年 10:10 am
創業是否只為左上市? :inv168_07: 我只係無知師奶,多謝關心我的老朋友. 我冇入股的.


__________________________________________________________________________________
你有冇興趣投資一隻準備上市的股票?
發送: 週三 5月 19, 2010 2:57 pm
寄件人: 阿牛2
收件人: gorilla
呢期市況麻麻沒股好炒，你有冇興趣投資一隻準備在1至2年後上市的股票, 有興趣就請覆我啦 thx


私人投資芝脆雞
發送: 週六 12月 04, 2010 9:06 pm
寄件人: 阿牛2
收件人: gorilla
係WO 我的私人投資芝脆雞, 你有冇興趣參興呢？2年合約 1倍回報~
雖然沒444咁快，但都算實業，當分散投資，因為上市的框架已初步完成呢。



文章由 大廢柴 » 週三 6月 27日, 2012年 10:38 am
Delete, 再講實俾淫淫鎖POST

不過大家試下POOL D resource, 睇下幫唔幫到牛哥

會計方面我可以幫手問人
我估法律同勞工法例比較重要, 有冇專家
最後由 大廢柴 於 週三 6月 27日, 2012年 10:41 am 編輯，總共編輯了 1 次。



文章由 ochow » 週三 6月 27日, 2012年 10:50 am

柴爺,內情我唔方便講太多,在我connection 範圍內,你講嘅早已經做過,呢件事好快進入司法程序,呢樹不再太方便講

我而家只能祈禱上帝能幫佢過呢一關



文章由 人之初 » 週三 6月 27日, 2012年 12:31 pm
最多就搞破產，債務重組o者。

牛哥，肯投資呢單o野o既人，佢o地自己同樣要有責任要付。對嗎？


謝fire師兄分享...

呢位陳先生, 點解我成日提佢呢? 第一, 佢炒哂大鑊貼哂地, (其實可以講節節敗退, 由葵芳退到上水), 仲堅持創業不打工, 呢個我好佩服...

第二, 佢以前有冇刻薄過員工我唔知, 枱底有冇做過咩陰質野唔知, 佢仲有冇運行我唔知, 但起碼佢枱面上講到一套philosophy出嚟, 儘管有啲我唔認同, 肚裡有墨水, 有自己觀點立場, 唔知其他人學唔學到佢一半???



文章由 價值人 » 週三 6月 27日, 2012年 5:00 pm
做實業早走早著la, 係英國做 take away, 人人楂benz住大屋

香港靠搵 shareholder fund BOOST VIRTUAL PROFIT IPO 呃人

本土老千 IPO成功 百中無一 la, 20-30年前怕且仲有食肆可成功IPO, 今日只有o的乜乜中國 :mrgreen:



文章由 bunacko » 週三 6月 27日, 2012年 5:05 pm
睇見上文, 都覺得唔少有心brother, 我覺得牛哥可以[168兄弟共渡時艱] ....再次集資



文章由 cy8 » 週三 6月 27日, 2012年 5:09 pm
我都想集資番呢一年輸左個1０0萬,　成立一直賭博投資基金，　 有無人肯入股?

戰績證明：　我剩係呢廿日已ＷＩＮ左四十萬，肯定好過投資甚麼ＩＰＯ，生意 :inv168_01:



文章由 古漢雲 » 週三 6月 27日, 2012年 5:17 pm

  黃泰利 寫:謝fire師兄分享...

  呢位陳先生, 點解我成日提佢呢? 第一, 佢炒哂大鑊貼哂地, (其實可以講節節敗退, 由葵芳退到上水), 仲堅持創業不打工, 呢個我好佩服... This guy only wants to be a boss all his life. He borrowed his friends money to "invest" in his company but no return at all. No friends now. This is why he 由葵芳退到上水..

  第二, 佢以前有冇刻薄過員工我唔知, 枱底有冇做過咩陰質野唔知, 佢仲有冇運行我唔知, 但起碼佢枱面上講到一套philosophy出嚟, 儘管有啲我唔認同, 肚裡有墨水, 有自己觀點立場, 唔知其他人學唔學到佢一半???................................his philosophy only blow water ; his Chinese writing is rubbish ,too.


  In summary, poor guy at all.

文章由 價值人 » 週三 6月 27日, 2012年 5:25 pm

historical earnings = $0.4M/(2 wks)
年化 earnings ~ 10M / yr

用 3倍 PE你就可以入股, cy8 市值 30M, 有水魚入股....cy8將 shareholder fund 變埋 profit, annual profit >>> 10M, 愈多水魚 cy8 市值愈大 :inv168_06:

只要 shareholder fund injections > burn money rate 就有 profit growth



文章由 黃泰利 » 週三 6月 27日, 2012年 6:05 pm

第一, 枱底野唔知係咪事實, 唔評論...

第二, 佢吹啲野紮實過黃偽力...起碼有戰績可依...好過啲人無情情三唔識七喺網上叫人集資(你真係要我講埋呢句?) 想當年我都唔知佢出過咩agruments叫人出錢??? 亦都唔知係咪傳說中只係兩位受害人...仲有啲人唔知真膠定假膠, 攞境定贈興, 竟然仲叫多次歷史重演, 不知所謂...



文章由 阿懵 » 週三 6月 27日, 2012年 6:08 pm
CDG 寫:

      價值人 寫:
      historical earnings = $0.4M/(2 wks)
      年化 earnings ~ 10M / yr

      用 3倍 PE你就可以入股, cy8 市值 30M, 有水魚入股....cy8將 shareholder fund 變埋 profit, annual profit >>> 10M, 愈多水魚 cy8 市值愈大 :inv168_06:

      只要 shareholder fund injections > burn money rate 就有 profit growth


    咁同Ponzi Scheme有乜分別?? :inv168_12:


  it's truth, 尤其中國人的 retail business, all operating gross profit ERODED by rental cost

  做 take away 去 developed countries la, 人地個 business mode 係長久的, 計o下有幾多residentials係左近, d人口味單一兼簡單



我比你呢個, 有個更"過份"o既計劃... :mrgreen: 本來諗住o係香港試o左個Beta版先, 但策略轉變下, 換地方起錨.




文章由 殘劍 » 週三 6月 27日, 2012年 9:36 pm

  黃泰利 寫:我之前已經提過農場餐廳陳興濤個case, 只係呢度個個「好似」時運高當睇唔到...



可唔可以講多幾句，呢位陳生電視節目介紹得多。
不過我睇完我覺得佢d 所謂理想根本唔適合做生意，堅持食肆唔落味精，完全唔實際。



文章由 cy8 » 週三 6月 27日, 2012年 9:52 pm
我個point 係想佢面對現實

而唔好係度講死

拿到條命出來已無可能係開玩笑, 只有兩個動機

無論如何也要面對的

講真交代一聲, 話自己會還, 或破產有幾難啫

洗乜講到條命咁誇張

由其佢係話自己都係俾人昆? 更應該公開交代真正的奸人是誰

如佢真係壓力大到想死既, 舒發下自己總好過收埋的, 呢度事實亦無一個人追過佢甚麼, 點解要用到生命拿出來?



文章由 黃泰利 » 週三 6月 27日, 2012年 10:19 pm
我講呢位陳先生, 並唔係話佢係乜乜商業奇才, 唔跟佢學野就蝕酌, 我絕對冇咁既意思...

我欣賞佢係因為佢輸一大鋪甘都堅持做生意, 不做老闆奴隸, 等待時機再發圍...

如前面講過, 佢有冇機發圍我唔知, 不過我睇番師兄QUOTE嗰條片, 就感覺唔到佢有發達之人嗰種容光煥發, 聲相亦不足. 條片應該一年內, 佢應該仲未發到圍...

N年前我幫襯過農場餐廳, 以價論貨, OK...

N+M年前我去過佢葵芳個場幫襯過, 仲特登食佢最貴個扒($90-$120), 講真, 場地同食物質素都唔值嗰個價, 當然佢葵芳個場主打$30-$50茶記LEVEL, 整體都尚算叫OK...但師兄講得冇錯, 佢做生意未必咁得, 以葵芳三樓個場而論, 個人覺得佢適應唔到嗰度既兵荒馬亂, 就算係N+M年前嗰個場都只係適合賣小食, 而家更加..因此陳敗走葵芳, 退至上水唔係冇道理...

我記得陳係舊時港大畢業果堆, 牌面計點講都有啲實力. 佢48間農場一夜清袋, 到而家退守上水街市, 都硬係要KEEP住同飲食業既關係, 唔想離開呢行...如果不純以成敗論英雄, 呢種精神係值得敬佩...

至於你話唔落味精做唔住, 個人認為呢個係宣傳焯頭, 佢適唔適合做生意唔係由呢一點可以睇得出...

個人品德, 冇擺上枱既就無從評論了...

講番呢個CASE, 只係因為呢度有人嗌生嗌死 (或借生借死), 我用呢位陳先生做例子, 當諷刺又好鼓勵又好, 希望有人可以參考下, 借鏡下...講真, 如果你有一日俾刀行住, 一定要同某網上推銷員合作投資食肆, 否則冇命, 你會選有往績, 有經驗既陳定係...



文章由 洛克 » 週三 6月 27日, 2012年 11:13 pm



唔見得有咩特別之處, 佢只係做慣老細, 慣左獨立思考, 加上以前係點開人, 好難接受再同人打工,

唔係個個打緊工既上司都有做老細既經驗, 佢心理會覺得睇唔起個上司, 點忍到比個唔識野既上司點,

咁咪堅持一定要自己做老細囉 :lol: :lol: :lol:



文章由 洛克 » 週三 6月 27日, 2012年 11:26 pm



你真係混淆不清.... 你有無諗過究竟你係咩身份, 點解一定要向你交代 ?

只不過網上吹吹水, 講到好似欠左你咁, 仲好意思話幫緊人..... :inv168_07:

唔通上次見你輸左百幾個, 我地係咪又要你交代一下點解你會輸 ?



文章由 hw » 週三 6月 27日, 2012年 11:44 pm
路過的... 創業既連基礎都未攪好就諗上市, 心頭太高, 成功唔可能單靠諗.

凡事成敗得失都係一個好經驗, 佢仲後生, 大把機會

文章由 黃泰利 » 週四 6月 28日, 2012年 12:35 am

洛兄, 你說的不是很UNIVERSIAL的CASE, 因為大部分創業既人都失敗收場, 唔通佢地全部唔會再打工? 不過你可以講, 陳比較出名, 所以的確較難做番打工仔...

一個COUNTER EXAMPLE係蛇計錶, 佢都炒咗粉, 唔知有冇老破...早一兩年既消息係話佢同人打緊工...而家唔知...


文章由 洛克 » 週四 6月 28日, 2012年 1:15 am

咁馬死落地行, 創業失敗緊係打番工, 唔洗開飯咩, 但有D人創過業, 就算失敗都會等機會再試...

如果要分創業人類型, 大致可分兩種, 有火及無火,

如果創業人個心有火, 就算之前失敗, 打打工都會諗辦法, 再去搞, 因為本來佢內心就係想做生意呀,

但有類創業人個心係無火, 只不過因時際遇而去創業, 就算失敗左, 因為這類人本意只為搵多點錢先去創業,

佢本來就對做生意沒有什麼渴望, 所以可以好容易接受到重新同人打工 :mrgreen:

---

53 : hh0610(1603)@2012-06-28 23:05:09

cy8雖然係唔好聽, 卻是事實, 大概是:

同D投資人交代左未? 想破產定博人同情. 交代下...

---

54 : GS(14)@2012-06-28 23:07:27

是囉，都要交代下啦

---

55 : 龍生(798)@2012-06-29 02:59:50

我都覺得需要一個交代, 點都好, 應該清楚說明, 而家睇完咁多, 都無表態!

---

56 : glassfund(802)@2012-08-27 22:34:57

ToPost.Me 圖片上傳功能 壞了! 一直想 Reply, 但Realforum貼圖太麻煩! 今日得閒 D 去reply啦, 點知一個 reply 玩左我一粒鐘..
(好心俾版主直接有權 upload photo 啦)

睇到今日"杏花樓" 單野, 令我想起芝脆雞!

我打死唔信牙牛2完全無心無辜, 及當初他完全估計不到今天的局面

大律師陸偉雄表示，根據《證券及期貨條例》，只要任何人邀請公眾將資金投入一門生意或資產，加上參加者無參與日常營運，而參加者可從生意取得回報，即是集體投資計劃，除非事前得到證監會批准，否則刊登廣告邀請市民投資，即屬違法。一經定罪，最高罰款50萬元及監禁3年。他翻閱過杏花樓的廣告及投資合約，斷定這是「集體投資計劃」，必須申批，否則違法。


INV168 PM短信 算唔算?


放大 >> http://www5.picturepush.com/photo/a/9075233/img/9075233.jpg


放大 >> http://www5.picturepush.com/photo/a/9075243/img/9075243.jpg

講真, 我睇完第一個感覺係"龐氏騙局", 當年 REALFORUM 有巴打問我睇法! 我即時反對!

2年收取每年12%息, 而上市前會派發一個認購權, 你可以大折讓七成買貨

上次搞重組, 今次只是用來開舖, 順便給予網友穩賺一倍的機會

投資額其實隨你心意，因為我們一般進場費為2萬元起，2年投資期, 回報率為一倍

Too good to be True!

---

57 : GS(14)@2012-08-27 22:38:20

http://realforum.zkiz.com/thread.php?tid=17341
無人話一定要用topost.me

---

58 : glassfund(802)@2012-08-27 22:43:43

57樓提及

---

http://realforum.zkiz.com/thread.php?tid=17341
無人話一定要用topost.me

如果 topost.me廢左就留好再留係到誤導人啦
有時好難和你溝通





文件盒上傳 - 放大唔到!

---

59 : idsdown(1658)@2012-08-27 22:47:51

在分頁中開啓就可以睇到放大
我用chrome

---

60 : glassfund(802)@2012-08-27 22:50:55

59樓提及

---

在分頁中開啓就可以睇到放大
我用chrome

IE 及 FIREFOX 不成

---

61 : GS(14)@2012-08-27 23:00:51

60樓提及

---

59樓提及

---

在分頁中開啓就可以睇到放大
我用chrome

IE 及 FIREFOX 不成

點會放大唔到呀，scroll咪得囉

---

62 : GS(14)@2012-08-27 23:01:03

我用FF14

---

63 : GS(14)@2012-08-27 23:02:36



自己睇

---

64 : idsdown(1658)@2012-08-27 23:05:01

我個IE, FF全部得喎, 拉到分頁就可以.
IE8, FF14.0.1 , IE8比較煩D
你咩版本?

---

65 : glassfund(802)@2012-08-27 23:06:45

64樓提及

---

我個IE, FF全部得喎, 拉到分頁就可以.
IE8, FF14.0.1 , IE8比較煩D
你咩版本?

得你一個識拉到分頁有鬼用

---

66 : GS(14)@2012-08-27 23:07:30

65樓提及

---

64樓提及

---

我個IE, FF全部得喎, 拉到分頁就可以.
IE8, FF14.0.1 , IE8比較煩D
你咩版本?

得你一個識拉到分頁有鬼用

你個mouse唔可以scroll咩?

---

67 : idsdown(1658)@2012-08-27 23:12:13

65樓提及

---

64樓提及

---

我個IE, FF全部得喎, 拉到分頁就可以.
IE8, FF14.0.1 , IE8比較煩D
你咩版本?

得你一個識拉到分頁有鬼用

咁你用mouse右click檢視圖片都得呱

---

68 : GS(14)@2012-08-27 23:14:28

右click 檢視圖片都得

---

國策透視：過江龍不敵土炮

1 : GS(14)@2016-08-09 07:31:01

筆者在內地不同城市搭的士，經常聽到司機痛駡滴滴等專車軟件，靠燒錢發補貼的方式搶生意。在深圳，有司機話要去市政府門口示威，因為已經令業界無法生存。但在上海，筆者亦聽到有司機讚好，因為當地默許的士可以冚旗選客，在繁忙地段或雨天，乘客要通過專車軟件競價，出高價才能搭到的士，司機收入大增但乘客就慘。從的士司機反應可見，內地每個城市，對網絡專車管理鬆緊程度、與的士利益如何平衡，做法都不相同。對於專車軟件而言，最大的風險來自政策，其生存取決於政府公關力度，所以最後Uber敗走中國，將中國業務賣予滴滴，一點不出奇。在中國互聯網行業，過江龍不敵土炮已成定律。出於意識形態原因，Google、雅虎、facebook等涉及信息自由流動的門戶搜索網站受限。但即使是完全不涉及信息流動的網購、網上酒店機票訂購，到如今的網絡專車，外資都無法生存，互聯網逐步由內地企業獨霸。中國打造網絡長城不留餘力，已經從政治領域擴展到經濟領域，做到一絲不漏。但對騰訊（700）等土炮網企而言，等於一直可以維持壟斷，一世無憂。黃尹華
http://www.fb.com/decodepolicy本欄逢周二、四刊出





來源: http://hk.apple.nextmedia.com/financeestate/art/20160809/19728322

---

【港人研發】土炮智能機械人　語音控制開關家電

1 : GS(14)@2016-10-17 08:09:57

BIG-i現時正於Kickstarter集資中，最便宜是599元美金。



香港人的家中定必會有不同電器，電視、冷氣、風扇等等一應俱全，不過就少不免會有一大堆電器遙控，但如果有一個機械人可以替你控制全屋電器，而且只需說一句便可操控你會喜歡嗎？



所說的便是一個名為BIG-i的家居智能機械人，你只需根據自己需要，說出指定用語，例如「Hey BIG-i，打開電視」，它便會用鏡頭幫你檢視家中的電視在哪，之後就可以發出訊號令電視開機。另外它內置亦有不同資訊，例如可以問天氣、叫它唱歌（播音樂）等等，不過暫時就只能支援普通話或英文。說到這，也許會以為設計師是內地人，但其實是在香港中文大學畢業的香港人，林天麟博士。「其實我之前一直都有造不同種類的機械人，但都是專業用途，普及面不夠廣。我覺得機械人應該普及至每個人都有權利用，有權利享受這技術，所以就向家庭機械人這個方向出發，希望可以幫助到每家每戶」。記者和它相處了一個下午，亦被它玩了一個下午，感覺雖然外形上有點像垃圾桶，但用起來都不錯。據知它將來可以做到video call，或是在家中看看有沒有老人家，這點在保安上做得不錯，另外在智能家居上的遙控器都很好，電視、風扇、燈都可以控制好，整體感覺真的很方便。
BIG-i現時正於Kickstarter集資中，最便宜是599元美金，只不過看到這裡又讓人思考一個問題，將來機械人會否完全取代人類？人類會否連開電視都要假手於機械人呢？科技真的會令人進步嗎？一起想想吧。記者：方健銘攝影：許先煜


你只需根據自己需要，說出指定用語，例如「Hey BIG-i，打開電視」，它便會用鏡頭幫你檢視家中的電視在哪，之後就可以發出訊號令電視開機。

設計師是在香港中文大學畢業的香港人，林天麟博士。



來源: http://hk.apple.nextmedia.com/su ... t/20161017/19802885

---