📖 ZKIZ Archives

大劉坐嘉麟樓食住嘉道理

2016-08-04   NM

大劉唔去福臨門，改以嘉道理家族旗下半島酒店入面嘉麟樓為「新飯堂」，識佢嘅人都知怕觸景傷情，母親葉淑婉去年過身，以往拖住阿媽入福臨門的溫馨情景已不復再，又有人搞搞震傳呂麗君離他而去，真係要贈大劉一首歌《相思淚》：情人別去後人消瘦……加上服侍開佢嘅福臨門廚師都退休，倒不如搵個新竇啦，揀嘉麟樓其實多少因為嗰度係大劉威水戰場。

持有半島酒店的大酒店（45），八十年代由嘉道理家族（佔12%）和梁昌兒子梁仲豪（佔30.4%）共同持有，梁氏負責地產，嘉道理掌管酒店業務，互有默契，相安無事；至八七年，梁氏把手頭30.4%大酒店股份售予大劉，繼而展開一場狙擊戰，大劉聲東擊西，要求加入董事局，嚇到嘉道理家族鼻哥窿都冇肉；最後嘉道理家族也息事寧人，假手第三者向大劉接下大酒店三成多股份才得以脫險，狙擊大酒店一役，大劉以新進梟雄之勢，令老牌家族跪低而響朵，所以坐喺半島酒店入面嘅嘉麟樓，緬懷吓過去威水日子，點都好過踎福臨門嘅。

中環寸嘴：唔係三次創作係N次創作

工廈大王楊耀松長子，游走高級酒店、銀行及知名食肆，與各路人士打交道，自認有jet set生活方式，透過美酒佳餚，察看人生百態，把「生平絕學」不吐不快與粉絲分享。

趁個老友個會籍快到期唔再續，再去多趟薄扶林中華廚藝學院，嗰度俾學生實習，料靚分量足，十五蚊一杯羅漢果茶，仲會不斷free flow任添，最衰唔就腳，假日冇得玩，照計呢個會抵入o架，都叫做俾個機會啲學生實戰一下，提升吓香港食肆嘅水平。咁啱線，美食車先導計劃班評判都喺中華廚藝學院食晏，準備公布入選美食車申請者，不過睇入選美食車菜式，唔夠國際化，全部都係延續本土特色，又唔夠創意，講到鋪天蓋地，攞晒頭彩嗰個「黯然銷魂漢堡」，真係仲抄緊周星馳廿年前《食神》條橋，早排已經有食肆用嚟包裝碗叉燒蛋飯去sell，真係天下文章一大抄，唔係三次創作，而係N次創作，其實咪又係菠蘿包夾住嚿叉燒同隻蛋，嗱，類似嘅嘢，跑馬地有間茶餐廳都有，叫特色菠蘿包餐，三十零蚊有得食，個菠蘿包夾沙爹牛又得，豬扒又得，乜「春」都得呀。請問在座諸君，有冇需要照顧洋人市場，呢個「黯然銷魂漢堡」英文點譯呢？點樣向外國旅客介紹呢？真係笑死人咩，官方英文譯做「BBQ Pork Burger」，咁譯法，又點叫旅客捉到「黯然銷魂漢堡」嘅神髓！

何必打外父工呢？

創科局局長飛鴿傳書，回應小宗上期《楊局長曾經滄海》，謂自己九九年把Kaifa賣給E-Tek後套現四億三，就離開外父間蜆売電器，公司之後投資與撇賬，豈能與他扯上關係，仲補充番自己履歷，如在JDS Uniphase Corporation做副總裁，又在華平創投（亞洲）任高級顧問。咁叻仔，就唔好同外父打工啦！

禮失求諸野

兩千幾年前，孔夫子慨嘆禮失求諸野；估唔到當今之世，搵電視藝人亦要遠走番邦，越洋去到加拿大。你睇，為咗《型•男家族》可以令觀眾耳目一新，無綫620不惜御駕親征，帶同手下去溫哥華揀蟀。揀唔揀到，係未知之數，但就有機會見識當地僑領馮永發間大宅——同埋佢尊夫人嘅插花藝術矣。

PermaLink: https://articles.zkiz.com/?id=209290

東旭集團正式入主構成利好 嘉麟傑15天獲7個漲停板

11月18日晚間，嘉麟傑公告稱，公司實際控制人黃偉國與東旭集團正式簽署了《關於上海國駿投資有限公司之股權轉讓協議》和《投票權委托協議》，以12.75億元的價格協議轉讓其所持有的上海國駿投資有限公司(以下簡稱“國駿投資”)100%股權，同時將其直接持有嘉麟傑4.06%股票的表決權委托給東旭集團行使。協議完成後，東旭集團將通過國駿投資持有嘉麟傑16,319 萬股股票，占嘉麟傑總股本的19.61%，加上通過委托方式擁有黃偉國持有的3,380 萬股股份對應的投票權，東旭集團在嘉麟傑擁有的表決權達到23.67%，成為單一表決權比例最大的股東。

自此，嘉麟傑控股股東的變更一錘定音，將正式納入東旭集團麾下。

對於此次東旭集團收購嘉麟傑，資本市場給予了積極回應。自10月29日該公司披露實際控制人黃偉國與東旭集團簽署了《股權轉讓意向書》後15個交易日內，嘉麟傑股價連續收獲7個漲停板，最高收盤價為13.65元/股，漲幅高達125.62%。

西南證券行業分析人士表示，這主要說明投資者對接手方東旭集團有期待。

公開信息顯示，東旭集團成立於1997年，從光電顯示起步，逐漸發展成為以光電顯示、新能源、地產、金控為一體的多產業大型集團，旗下現有東旭光電、東旭藍天兩家上市公司和40余家全資及控股子公司。

PermaLink: https://articles.zkiz.com/?id=223905

中環在線：貴過嘉麟樓奶黃月四成 福臨門$680盒 李華華

1 : GS(14)@2013-07-17 21:53:16

http://hk.apple.nextmedia.com/financeestate/art/20130717/18337408

                  「富豪飯堂」福臨門一盒蛋黃蓮蓉月餅要680元，除咗哇哇聲，都係哇哇聲！
福臨門月餅一向賣得矜貴，熟客先有份，今年就正式公開發售，兩款4個同6個一盒嘅蓮蓉月餅分別賣680元，平均要170元同113元一個，溢價相當高，仲貴過半島酒店嘉麟樓奶黃月餅40%。

新推「福臨門尚品」

                                      福臨門舊年平均每個月餅都賣120元，已經唔係平。福臨門今年初解決股權糾紛後，由「五哥」徐沛鈞接掌港九福臨門，五哥兒子徐德強隨即大搞，除咗想借殼華人飲食（8272）上市，又投資廠房做包裝食品。
為區分堂食同包裝業務，福臨門亦整個新嘅「福臨門尚品」食品品牌，月餅係頭炮。落重本投資廠房，搵師傅人手製造，再加上包裝精美，售價當然要反映出來，所以兩款月餅咪要賣680元一盒囉。
不過咁，兩、三個人去福臨門食晏，普普通通都要成千蚊落樓，幾百蚊對於「富豪飯堂」嘅食客又算得係乜呢？何況近年一街都係揮金如土嘅自由人，識得買福臨門月餅送禮自奉，可能仲顯得有品味。
否則，嘉麟樓奶黃月餅今年加價九成，賣485元，都唔會網上銷售三日亦反應奇佳啦。所以話，香港地，貧富懸殊幾嚴重！

李華華
PermaLink: https://articles.zkiz.com/?id=283402

諸葛生日薛嘉麟送驚喜

1 : GS(14)@2016-08-21 08:11:09

諸葛紫岐昨日37歲生日，前日她和公司旗下藝人黎美言（Winkie）、黃倩婷、曾博君（Rex）及員工等舉行生日派對，諸葛紫岐開心表示：「同事本來約我喺餐廳開會，我去到一個客都冇，啱啱覺得奇怪，同事就捧個生日蛋糕出嚟，原來大家一早包場幫我慶祝，真係好感動。」她指得到大家的窩心安排，特別是大家預備的禮物，如Winkie的親筆畫、Rex的甜品等。



■諸葛紫岐高興收到黎美言（左）的親筆畫。

但最令諸葛感到驚喜是大家送上老公薛嘉麟這「生日禮物」，她笑說：「佢哋話驚喜一浪接一浪，最後安排薛生入場，大家一齊唱生日歌切蛋糕，呢個生日派對令我好難忘。最開心見到大家好團結，呢個先係我收到最開心嘅生日禮物！」撰文：陳以晴




來源: http://hk.apple.nextmedia.com/entertainment/art/20160821/19744107
PermaLink: https://articles.zkiz.com/?id=306754

【中秋月餅】搶唔到嘉麟樓　奶皇月餅的其他選擇

1 : GS(14)@2016-09-13 00:21:08

奶黃月餅雖然遍地開花，不過仍然有不少香港人追捧半島嘉麟樓的月餅。近日甚至有人在上水的藥房發現水貨，價格比原價貴近五成。其實吃奶黃月餅，倒不一定要左搶右搶。



這款天澄月餅，包裝雖然走小清新的風格，卻是由前嘉麟樓的名廚－劉小明師博主理。他的師傅是當年製作奶黃月餅的團隊領軍，即葉潤發師傅。而這款天澄月餅則以嘉麟樓的配方改進而成，而且是每天新鮮製造。天澄和嘉麟樓的月餅皮均以酥皮製成，口感鬆軟而且有淡淡的椰香。惟天澄的餅皮比較鬆散，令皮、餡容易分開。餡料則嘉麟樓較甜，天澄的甜度反而恰到好處。除了奶黃月餅，劉小明師博還自創了芝士口味，味道清新微酸，有點像吃紐約芝士蛋糕，也少了奶黃月餅的油膩，沒想到月餅也能夠中西合壁。往後幾年會不會又掀起芝士月餅的熱潮呢？說起奶皇月餅的熱潮，近年流行的流心奶皇月餅，連鎖店美心標榜不用加熱，切開便有奶黃流出，暫時是獨家技術。點心皇后「葛賢蕚」徒弟及點心師傅陳彥曾大讚其整體水平較嘉麟樓更佳，近年亦成為自由行搶購對象，在市面上很難購入。向美心公關查詢，現只餘下極少量在部份分店，但拒絕公開確實數字。流心月餅除了奶皇、朱古力味，今年推出流心蛋黃白蓮蓉月餅，蓮蓉內藏流心蛋黃，有起沙效果，但較甜膩，記者還是偏愛奶皇味。天澄月餅，全線天澄閣及松坂庫有售流心奶皇月餅，全線美心西餅有售記者：黃映嫚、何嘉茵


芝士月餅比較創新，味道清新微酸，比奶黃月餅更好吃。

天澄月餅，一盒兩款味道共六件，價錢比嘉麟樓便宜三成多，$228。

美心流心奶皇月餅，標榜不用加熱，切開便有奶黃流出，暫時是獨家技術。


今年新推出流心蛋黃白蓮蓉月餅，蓮蓉內藏流心蛋黃，有起沙效果，但較甜膩。

（左）流心奶皇月餅，$326（右）流心蛋黃白蓮蓉月餅$326。



來源: http://hk.apple.nextmedia.com/su ... t/20160912/19767792
PermaLink: https://articles.zkiz.com/?id=308804

薛嘉麟責莊端兒作古仔

1 : GS(14)@2016-09-27 07:14:45

■薛嘉麟讚太太諸葛紫岐對莊端兒事件處理得好。



諸葛紫岐和老公薛嘉麟昨日出席於沙田馬場舉行的保良盃賽馬日。近日被爆曾結婚的莊端兒，炮轟老闆諸葛紫岐逼她做超越底線工作，又計劃單方面解約。對於有否為太太分憂，薛嘉麟說：「好少事箒，講來講去，有一個人有少少成績，想去無條件轉會，搞場大龍鳳。」薛嘉麟讚諸葛處理得好好，他笑言：「如果咁都搞得到就唔使做。作大堆古仔，講到九唔搭八。等律師招呼佢，佢鍾意亂咁嚟。」諸葛不欲多言，她說：「已交畀律師處理。」此外，許晉亨拿着枴杖，一拐一拐走進馬會會員廂房，問到他的身體狀況？許晉亨只說：「有心！有心！」採訪、攝影：張俊銘




來源: http://hk.apple.nextmedia.com/entertainment/art/20160926/19781781
PermaLink: https://articles.zkiz.com/?id=310131

【香港米芝蓮●總覽】新出爐名單　半島嘉麟樓挖走福臨門大廚即摘星

1 : GS(14)@2016-11-10 08:03:49

2017年米芝蓮指南正式登場！香港三星餐廳數目不變，維持六間，去年上榜的唐閣依然保持三星位置。二星榜方面變動不大，於大阪擁有米芝蓮三星的過江龍懷石料理餐「柏屋」，去年於香港開設分店即獲二星，而去年摘一星的Ta Vie，今年則順利登上二星。一星新上榜餐廳共有七間，包括今年新開業的VEA及Beefbar，而嘉麟樓亦終於登上一星，成為半島酒店首間摘星餐廳。



6家【三星】出類拔萃的菜餚，值得專程到訪
BO Innovation廚魔
L’Atelier de Joel Robuchon龍景軒81/2 Otto e Mezzo BOMBANA
Sushi Shikon唐閣14家【二星】傑出美食，值得繞道前往
Amber
Caprice都爹利會館富臨飯店柏屋*新上榜明閣
Pierre天空龍吟日本料理香宮夏宮新同樂魚翅酒家（尖沙嘴）
Ta Vie*升星天龍軒欣圖軒42家【一星】同類別中出眾的餐廳阿一海景飯店
Akrame
Beefbar*新上榜名人坊高級粵菜*降星
CIAK- In The Kitchen New
Epure*新上榜富豪酒家（尖沙嘴）駿景軒國福樓何洪記
IM Teppanyaki& Wine*新上榜蘇浙匯甘牌燒鵝利苑酒家（旺角）利苑酒家（北角）利苑酒家（觀塘）六福菜館文華廳文華扒房+酒吧
MIC Kitchen
ON彭慶記北京樓（中環）呇（灣仔）勝記勝記海鮮酒家
Seasons by Olivier Elzer New
Serge et le Phoque嘉麟樓*新上榜
Sushi Tokami鮨とかみ*新上榜
Sushi Wadatsumi鮨わだつみ
Tate Dining Room& Bar添好運點心專門店（北角）添好運點心專門店（深水埗）
Tosca
VEA*新上榜
Wagyu Kaiseki Den
Wagyu Takumi一樂燒鵝逸東軒（佐敦）*新上榜夜上海（尖沙嘴）浙江軒記者：飲食籽


2017香港米芝蓮一星

2017香港米芝蓮二星

2017香港米芝蓮三星


飲食籽於「香港澳門米芝蓮指南」發佈現場為大家直擊結果。

三星餐廳總廚合照。

新上榜二星餐廳總廚合照。


新上榜一星餐廳總廚合照。



來源: http://hk.apple.nextmedia.com/su ... t/20161110/19828597
PermaLink: https://articles.zkiz.com/?id=314933

【香港米芝蓮●新星】大廚大劉都「過檔」　嘉麟樓in福臨門out

1 : GS(14)@2016-11-10 08:03:51

半島集團旗下的嘉麟樓以奶皇月餅聞名，每年均引起搶購熱潮，開業近90年，今年才首奪香港米芝蓮一星。不過，今年6月嘉麟樓才換上行政主廚，邀得擁有超過30年烹調粵菜經驗、來自名人飯堂之稱的福臨門的大廚梁燊龍加盟；相對地，上榜多年的福臨門（灣仔）今年卻慘遭搣星，連出名是忠實粉絲、視福臨門為飯堂的華人置業前主席、「大劉」劉鑾雄亦轉軑幫襯嘉麟樓！不過，米芝蓮曾經透露，得獎餐廳要經過評核員多次評核，評審看似「嚴謹」，又未必趕得切試新菜，可能真是「有咁啱得咁橋」！加上福臨門（灣仔）年近70的總廚劉師傅今年5月退休後，幾乎整個廚房大換班，口味和以前不同是一定的。



記者：飲食籽


嘉麟樓開業近90年，以奶皇月餅聞名，每年均引起搶購熱潮。

福臨門（灣仔）年近70的總廚劉師傅今年5月退休後，整個廚房幾乎大換班。

出名是忠實粉絲、視福臨門為飯堂的大劉劉鑾雄亦轉軑幫襯嘉麟樓！



來源: http://hk.apple.nextmedia.com/su ... t/20161110/19828465
PermaLink: https://articles.zkiz.com/?id=314938

【香港米芝蓮●食家盲測】$7個唐記叉燒包　好食過一星嘉麟樓

1 : GS(14)@2016-11-11 08:11:00

三位食評家黃雅歷、杜如科及blogger「猛烈南瓜在飯桌」，將會盲測三款點心。



等候多年，半島集團旗下的嘉麟樓今年終於登上香港米芝蓮一星，究竟與剛上場的行政總廚、福臨門前大廚梁燊龍有沒有關係？飲食籽決定邀請一班食評家盲測一下！



三位食評家黃雅歷、杜如科及blogger「猛烈南瓜在飯桌」，將會盲測三款點心，包括購自嘉麟樓、連鎖酒樓美心及平民連鎖店唐記包點的叉燒包、燒賣及叉燒酥。究竟三位他們又能否試得出哪款才是來自嘉麟樓？又或是哪間的點心才得他們的歡心，即管去片！記者︰飲食籽攝影︰黃子偉、梁志永、鄧鴻欣


唐記包點叉燒包，出名大件夾抵，有食家指味道較嘉麟樓更好。每個$7

嘉麟樓蠔皇叉燒包，刀章最好，每片叉燒都好似指甲般薄。每個$20。



來源: http://hk.apple.nextmedia.com/su ... t/20161111/19829672
PermaLink: https://articles.zkiz.com/?id=315109

【大劉新歡】唔幫襯福臨門　嘉麟樓唐人館有幾巴閉？

1 : GS(14)@2017-04-04 08:59:55

大劉自認是食家，對食有一份追求，識食懂食亦捨得食。昔日，福臨門是大劉一家的飯堂，曾有報道指，大劉每年在褔臨門消費約四百萬元，每日平均吃一萬元，果然識食！不過，自從福臨門廚房「地震」，年近70的總廚劉師傅去年5月退休，大廚梁燊龍則獲半島酒店嘉麟樓成功挖角，廚房大換班，去年未能保米芝蓮榮譽，連大劉都狠批昔日飯堂，「依家唔啱胃口！」，更轉場到嘉麟樓、中環唐人館用膳，這兩間新歡有幾巴閉？



自梁燊龍過檔嘉麟樓後，去年即首奪米芝蓮一星，生意有明顯增長。梁師傅擅長做懷舊菜，他曾說，「好多客人對福臨門菜式有認識，有部份更吃慣了它的味道，知道我從福臨門過來，所以我不會刻意作太大改變，會陸陸續續加入以前我在福臨門主理的菜式。」他上個月推出個人主理的懷舊菜單，一共有十個菜式，包括金錢雞、鵝肝戈渣、芋頭扣肉煲、糯米釀脆皮鴿等等，最難忘要數梅子鵝及鷓鴣粥兩道菜式。梅子鵝和坊間做法不同，不會先淋油令皮脆身，這做法會令鵝皮會比較粗糙，他將鵝放上白鑊，周圍轉、不停轉，快燙鵝表面，差不多近15分鐘，講工夫亦要力氣，最後再蒸約一小時便完成，鵝肉腍滑，拌碟的薯仔同樣燜得入味。鷓鴣粥，鷓鴣先起骨拆肉，將部份肉攪拌成漿隔走筋位，再放入淮山等配料煮成湯，最後加上燕窩便成，鷓鴣湯較雞湯更鮮甜清淡，「陸羽茶室」都有這懷舊菜，但這個質感較稠身，而今個月則會推出以茶為主的菜單。至於唐人館，老闆是麗新集團主席林建岳，一向以賣相精緻的傳統粵菜馳名，第一間店設在倫敦多切斯特酒店(Dorchester Hotel)，之後在中環置地廣場及海港城都有分店，其中後者由鄧永鏘構思及設計，雅緻奢華，開幕時更請得唐英年（唐唐）剪綵，岳少曾指唐唐是唐人館的生意夥伴，而葉澍堃則是餐廳董事。米芝蓮三星廚歐國強為廚藝總監，除傳統中菜外，亦有不少新菜式，如佐酒小吃麻婆肉醬脆片、海膽醬燒吊桶及牛油燒小龍蝦等。記者：何嘉茵


自嘉麟樓總廚梁燊龍過檔嘉麟樓後，去年首奪米芝蓮一星，生意有明顯增長。

梅子鵝，鵝肉腍滑，拌碟的薯仔同樣燜得入味。（嘉麟樓）

鷓鴣湯較雞湯更鮮甜清淡，「陸羽茶室」都有這懷舊菜，但這個質感較稠身。（嘉麟樓）


唐人館，老闆是麗新集團主席林建岳，一向以賣相精緻的傳統粵菜馳名。



來源: http://hk.apple.nextmedia.com/su ... t/20170403/19978215
PermaLink: https://articles.zkiz.com/?id=329194
Next Page
ZKIZ Archives @ 2019