中環在線：旭光主席避談悍馬單刁 李華華
|
|
|
新 股旭光資源（067）主席索郎多吉（又名李炎）以個人名義，拉埋四川騰中「走出去」，諗住收購通用汽車旗下悍馬（Hummer）品牌，事件被中外傳媒廣泛 報道，仲帶挈埋旭光免費宣傳o添﹗噚日索郎多吉現真身出席旭光上市儀式，講咗掛牌感受同埋交換完紀念品後，變咗快閃黨鬆人，記者朋友問佢乜嘢佢都冇反應， 淨係識得笑笑口，全天候封嘴避談單刁。
送唐卡畀港交所
有指索郎多吉篤信藏傳佛教，噚日佢戴住黃色領呔，送咗一幅有神像嘅「唐 卡」畀港交所（388）作為上市紀念品，由行政總裁周文耀親手接上。華華翻查資料，原來呢幅卷軸畫屬於西藏藝術，最初作為遊牧部落同埋僧人嘅流動神龕，之 後寺院都會放返幅「唐卡」畀人供奉。唔知咁會唔會帶挈吓港交所嘅生意呢？
|
魚樂無窮：一單刁掀爆升潮
1 :
GS(14)@2016-10-20 08:04:02YGM貿易（375）擬出售Aquascutum品牌，代價9.3億銀，帶動股價單日爆升六成，無他，YGM原先市值只得6億銀，一單刁完美釋放整間公司價值。市場上仲有邊隻股份具備同等爆炸力？我即時想起合豐集團（2320）。合豐2014年11月宣佈，以總代價4.8億銀，出售位於鳳崗嘅廠房，並錄得特殊收益4.4億銀，由於當時市值只得3.1億銀，收益較市值還要高，股價於半年內爆升2倍，變得理所當然。經過一輪沉寂後，合豐近日再次蠢動，升近一年高位，究竟所謂何事？原來單刁分兩次進行，第一次於2014年12月完成，第二次則於第一次完成後兩年內完成，即最遲在未來兩個月搞掂。完成今次交易後，合豐仍有五個廠房在手，繼續出貨絕對唔出奇，無他，賣一個廠房賺4.4億銀，相當於2015年全年盈利12倍，做生意都係求財，食髓知味，你係大老闆會點做？睇番基本因素，合豐主要產銷箱板紙及瓦楞包裝業務，年年有錢賺，市值卻只得6億銀，每股NAV1.9元，現價0.79元入場等好消息，抵到爛！唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20161020/19806133
魚樂無窮：呢單刁真唔簡單
1 :
GS(14)@2017-04-13 22:37:54粵港澳大灣區昨日大炒，相反雄安概念股金隅股份（2009）收晒火，對盈喜消息都冇反應，唔少戰友都問係咪GG了。唐牛覺得，中央既已拍板打造雄安新區，即由概念層面昇華至實體，點秤都唔會係一時三刻的玩意，你睇金隅A股連續6日漲停就知。同一時間，H股升幅明顯落後於A股，感覺上好抵玩，當然，現價衝入場需要好大嘅勇氣，我會建議大家入一注貨底，另一注則透過炒波幅降低成本價，同佢長期作戰。同金隅形勢有異曲同工之妙嘅有膳源（1632），同樣升咗一大浸，炒嘅概念係貨源歸邊，自問好身手嘅，可以博佢整固後破頂。國際精密（929）宣佈，大股東寶安向其餘股東買入約15%股份，每股作價1.95元，持股量增至50.48%，因此須以相同作價提出全面收購。呢單刁有兩個特點︰第一，寶安並非首次提出全購，早在2015年，寶安已提出每股1.5元全購，然後再加價至1.7元；第二，上次原大股東唔肯畀貨佢，就算今次肯賣，都依然留番近兩成股權，惜售嘅態度路人皆見，點解公司咁值錢？版面所限下星期再講！唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170413/19988485
Next Page