港視絕路 DaDa前度轉行賣雞 半百艾威全裸賣身
|
| |
政府攔路港視開台一波三折，一批由無線過檔投王維基的藝人被迫到走投冇路；當DaDa的前度、大隻仔李雨陽已轉行賣雞！由藝人變雞販，送貨派傳單一腳踢。至於開曬聲要賣錶賣車賣樓套現的艾威，已決定以半百之年拍全裸戲，賣埋身！拖喼送貨 唔想人停口停，李雨陽早於今年初已鋪定後路，聯同三個圈外朋友，合資搞網上雞檔，出售一款叫「原味雞」的有機冰鮮雞。為減低成本，轉做雞販的李雨陽放下身段，親自做埋送貨，希望借自己僅有的明星效應招客。「初頭開檔，李雨陽為咗賺得一蚊得一蚊，客人訂一隻雞佢都照送貨。因為要慳，所以唔租貨車，每次送貨都係自己攞住啲雞去搭港鐵。」知情者爆。還未拍完港視劇《大眾情性》的李雨陽，上週六（三月十五日）趁無通告，即抽空返去位於觀塘區工廈的冰鮮雞工場幫手。過不久，便見他拉住個大喼行去附近港鐵站。原來當日李雨陽約了客人在港鐵站交收，其間又主動教客人如何煮雞，有紋有路。 目標回本 送完貨返工場，轉個頭又攞住一大疊宣傳單張，出動到附近的瑞和街街市派。其間有接過傳單的師奶覺得眼前這個高大「雞佬」相當熟口熟面，一臉疑惑，但李雨陽不單沒有尷尬，反而食住上，落足嘴頭推介。記者上前訪問，李雨陽說用了六位數字投資，包括做宣傳及買密封包裝用的機器。至於一日究竟賣到幾多隻雞？他說：「而家一日賣六、七十隻，今年目標係一日賣四百隻，咁先回到本。每日香港市場可以消化二十萬隻雞，我哋希望將來可以做到佔市場百分之一，即係每日賣二千隻。」轉營做雞販，李雨陽放下自尊還要犧牲健碩身形。「自從做咗賣雞，我成日要向朋友推介搞試食，食到自己都肥咗廿磅。」 名廚代言 有機飲食大行其道，有名廚周中師傅做代言的「原味雞」來自東莞有機雞場，強調無激素之餘，賣點是「雞有雞味！」，售價每隻要八十八元，價錢比市場上普通冰鮮雞貴一倍。 艾威狂操等剝 李雨陽賣雞，身為港視烈士的艾威，在前冇去路之下，亦一股作氣。已經五十五歲的他，決定於下月開拍，與周柏豪合作的新片《陰陽大酒店》中全裸上陣，一脫求生。因為要剝，艾威近日更的起心肝搵老友錢小豪做教練狂操，銳意在一個月內減十磅踢走豬腩；每日操三粒鐘，包括跳繩、跑樓梯、踩車呔及打拳。年過半百仲要賣肉，艾威說：「我要用最佳狀態去面對一生最壞時刻，唔想全裸見大肚腩，我決定狂操展現肌肉，同時亦想話俾人知，有啲嘢係唔受年齡限制。」 |
前度（上）
1 :
GS(14)@2011-09-26 23:27:06http://m.sharpdaily.hk/detail.ph ... 8065&category=daily
2 :
龍生(798)@2011-09-26 23:47:32唔知點解...我幾鐘意睇佢寫野了, 自從上次篇文後....
我係咪有點被虐傾向?
3 :
200(9285)@2011-09-26 23:48:00嘩，看見你個咁既樣梗係勉強上床，他也無法成事啦。
4 :
龍生(798)@2011-09-26 23:51:47肯定唔肯幫人吹....
5 :
200(9285)@2011-09-26 23:52:484樓提及
肯定唔肯幫人吹....
你估日本妹呀 ‧
6 :
200(9285)@2011-09-26 23:53:552樓提及
唔知點解...我幾鐘意睇佢寫野了, 自從上次篇文後....
我係咪有點被虐傾向?
你8姐，我今日開始追陶先生d故仔‧
7 :
GS(14)@2011-09-27 20:15:03不如貼上來，看到那頁好難為情
8 :
200(9285)@2011-09-27 20:49:35陶先生個頁旁邊d美女?
9 :
200(9285)@2011-09-27 20:56:02靚女橫行：前度（下）
http://m.sharpdaily.hk/detail.ph ... 8065&category=daily
高慧然
波大但人格下賤 也是食屎的‧
10 :
GS(14)@2011-09-27 20:56:16唔唔，搞到我唔敢睇
11 :
GS(14)@2011-09-27 20:57:03我想像着阿蘇簡單的愛情，他們夫妻倆簡單的生活：生兩個孩子，辛辛苦苦供一層樓，老婆小鳥依人，視這個無用的男人為偶像，星期日最好的家庭活動就是逛超巿飲特價茶。我對他們的生活不屑一顧，可是不知道為甚麼，心中就是酸酸的，泛着醋意。
這時，插在我胸前的手機響了，我挺了挺胸，惡作劇地道，「來啊！來接聽電話啊！說不定是你老婆打來的。」望着阿蘇一臉焦慮，我體味着異樣的快感。
己叻就算啦，唔好阻人好唔好
12 :
200(9285)@2011-09-27 20:57:4811樓提及
我想像着阿蘇簡單的愛情，他們夫妻倆簡單的生活：生兩個孩子，辛辛苦苦供一層樓，老婆小鳥依人，視這個無用的男人為偶像，星期日最好的家庭活動就是逛超巿飲特價茶。我對他們的生活不屑一顧，可是不知道為甚麼，心中就是酸酸的，泛着醋意。
這時，插在我胸前的手機響了，我挺了挺胸，惡作劇地道，「來啊！來接聽電話啊！說不定是你老婆打來的。」望着阿蘇一臉焦慮，我體味着異樣的快感。
己叻就算啦，唔好阻人好唔好
波大但人格下賤 也是食屎的‧
13 :
GS(14)@2011-09-27 20:58:12我都想罵她
14 :
200(9285)@2011-09-27 21:02:08這時，插在我胸前的手機響了，我挺了挺胸，惡作劇地道，「來啊！來接聽電話啊！說不定是你老婆打來的。」
set 個 trap 是不是想人家連工作也沒有了嗎? 變態婆‧
15 :
龍生(798)@2011-09-28 01:56:05很高的文章...內裡意思很深層...仔細咀嚼中.....
失去尊嚴, 但換來幸褔嗎...?
但他在太太面前很有尊嚴啊...
阿蘇的不幸, 只是女主角的一廂情願...
可能女主角也隱隱約約感到了...才覺得不是味兒....
16 :
GS(14)@2011-09-28 21:01:1314樓提及
這時，插在我胸前的手機響了，我挺了挺胸，惡作劇地道，「來啊！來接聽電話啊！說不定是你老婆打來的。」
set 個 trap 是不是想人家連工作也沒有了嗎? 變態婆‧
好有哲學的文章，我會寧作玉碎...
17 :
200(9285)@2011-09-28 21:02:46寧作玉碎...不拿手機唔想氣死老婆乎?
18 :
GS(14)@2011-09-28 21:03:3517樓提及
寧作玉碎...不拿手機唔想氣死老婆乎?
番位打自己公司電話，話部機唔見了就得啦
19 :
200(9285)@2011-09-28 21:05:1018樓提及
17樓提及
寧作玉碎...不拿手機唔想氣死老婆乎?
番位打自己公司電話，話部機唔見了就得啦
呢個女人可能好耐無俾男人xx過，所以折磨男人為樂也‧
20 :
GS(14)@2011-09-28 21:07:02是囉，心理變態的女人，自己唔想人...唉
21 :
200(9285)@2011-09-28 21:22:4220樓提及
是囉，心理變態的女人，自己唔想人...唉
又要看人不起，又唔俾人過好生活，神經乎?
22 :
GS(14)@2011-09-28 21:23:48他又是寧作玉碎嘛
23 :
200(9285)@2011-09-28 21:25:5022樓提及
他又是寧作玉碎嘛
我個ex 有d似呢個8婆，無啦啦add我女友face book
已知有問題，完來add來講我壞話‧
24 :
GS(14)@2011-09-28 21:26:29呢個世界D人是咁，想人體驗下嘛
25 :
200(9285)@2011-09-28 21:27:2824樓提及
呢個世界D人是咁，想人體驗下嘛
俾我小x啦 之後delete埋佢個face book ‧
26 :
GS(14)@2011-09-28 21:33:04好鬼低B
27 :
200(9285)@2011-09-28 21:37:2226樓提及
好鬼低B
不知呢d人什麼心理
28 :
龍生(798)@2011-09-29 00:11:59女人的心理就是這樣....
分手後, 不論是你飛佢還是佢飛你...
佢都想你依然好愛佢, 但佢就點都唔會理你
如果你過得好好, 佢會好唔抵得...過得差...佢會好心涼...
女人就係咁....
銀行CEO毆前度女友
1 :
GS(14)@2013-02-11 18:26:39邊間銀行呢?
http://hk.apple.nextmedia.com/news/art/20130209/18161369
【北角】
【本報訊】銀行CEO毆女友？33歲女子報警，指在銀行擔任亞太區行政總裁（CEO）的前度男友，深宵到其北角香閨要求復合。女事主斷然拒絕惹怒對方，結果招來拳打腳踢，導致口腫面瘀。警方接報到場時CEO逃去無蹤，惟4小時後，警員在北角另一個單位將疑犯拘捕。
這對過氣情侶分別38歲姓雷和33歲姓鍾，其中涉普通襲擊的姓雷男子，據報是銀行高層，任亞太區行政總裁。兩人已經分手，但雷死心不息，苦苦癡纏。
由客廳追打到房間
昨天凌晨1時半，姓雷男子漏夜前往北角天后廟道16號龍景花園鍾女的住所要求復合。鍾女堅決拒絕，結果惹來拳腳相向，由客廳追打至房間，最後她口腫面瘀報警求助。警方到場時，逞兇者已經不知所終，遂將女事主送院檢驗，並通緝涉案雷某。直至清晨5時，警方在天后廟道男事主住所將他拘捕，經調查後獲准保釋，本月底返警署報到。
獨居的女事主事後坦承被毆，她說：「傷得都幾重，又腫又瘀，o依家差人查緊喇！」不過卻拒絕透露詳情和前度男友身份，而且因為公事繁忙，經急症室醫生敷治後匆匆出院。
2 :
屳家hihihi(35700)@2013-02-12 02:20:20低能唔駛問都知人地個實際title係MD
HSBC是但執都幾百個
38歲CEO,除非富二代
3 :
greatsoup38(830)@2013-02-12 10:50:16估計應該是銷售員
4 :
cambo(29079)@2013-02-12 14:39:18野蠻、不可理喻。抵比人飛。
「前度唔請得 後度唔嚟得」嘉玲生日開咪笑罵王菲麻煩
1 :
GS(14)@2014-12-09 14:02:25
■偉仔為老婆劉嘉玲慶祝49歲生日陪坐陪玩，獲嘉玲大讚。微博圖片
劉嘉玲昨日49歲生辰，前晚舉行華麗派對豪花百萬在灣仔君悅酒店筵開12席與友同樂，廣結善緣的嘉玲，邀得過百好友一齊倒數邁進人生第49個年頭。派對現場，嘉玲像一隻高貴優雅的鳳蝶一樣，穿插在人叢中，跟朋友談天說地，開懷暢飲，連一向低調甚少應酬的梁朝偉為了嘉玲撐到最後，更罕有在派對上首肯擔任劉謙的魔術表演嘉賓，完成表演，相信嘉玲一定感動不已。
「真係想請李亞鵬」
嘉玲的華麗派對，巨星名人雲集，過往甚少出席畀面派對，最近跟謝霆鋒世紀復合後，再成為傳媒追訪的王菲亦專程到港出席老友派對，嘉玲自然心存感激，入席後，嘉玲在台上已經提起王菲，她說：「邊個賓客想上台唱歌，隨便，歌星們朋友更加歡迎，如果係我朋友會自動為我上去獻唱，但係有啲朋友，我開金口叫佢唱都唔唱㗎！就好似王菲咁。」然後嘉玲向阿菲的坐席一指，是一張空凳，嘉玲隨即說：「王菲唔係走咗呀！王菲真係絕呀！請佢來麻煩喇！前度又唔請得，後度又唔嚟得。」
■四大美人齊齊現身台上，關之琳更拖埋未婚夫陳泰銘一齊賀嘉玲。
■嘉玲在台上笑指王菲麻煩，令她不能請李亞鵬參與派對。
■凌晨3時嘉玲與偉仔才由司機接載離開，盡興而歸。
開心派對過後，嘉玲昨日接受本報電話訪問，提到華麗派對，星光熠熠，她笑說：「我好開心，因為我啲朋友每一個都咁開心，頭盤未食，個個飲酒傾偈，係我最想見到嘅。」嘉玲更大讚老公梁朝偉說：「算係咁，都撐到最底，一年一次都要。」被問到有關王菲的言論，她坦誠地說：「我覺得我段speech係真心話，我真係想邀請李亞鵬，不過唔係好方便，我講嘅係真心話，我覺得阿菲唔會介意，佢哋都係我朋友，霆鋒我都有叫，阿菲話費事搞寸我個party，所以冇叫霆鋒嚟。」
■偉仔與老友合照一樣玩得十分開心。
■志偉再次醉到不省人事，被抬離場。
志偉輪椅送上車
賓客離開派對時都盡興而歸，每次飲宴都被人抬走的曾志偉，今次都不例外，大約晚上11時，學友離開時，表示曾志偉十分清醒，估計會令大家失望，想不到兩個小時後，曾志偉竟然不省人事，坐在輪椅被一班工作人員護送離開。除了志偉，杜琪峯和林建岳都醉住走，杜Sir步出酒店時儍笑說：「飲到多到不得了！」半醉的林建岳慰問杜Sir說：「你點呀？」杜Sir即妙答：「死得！」採訪、攝影：陳辰、徐錦池、馬建華
■醉爆的岳少與千嬅及周麗淇等齊齊離開。
■呂良偉與老婆楊小娟離開時，手拿雪糕筒又食又拎。
來源:
http://hk.apple.nextmedia.com/entertainment/art/20141209/18962349
Kay唱得留手開解前度《羅生門》狂熱 Juno席捲iTunes
1 :
GS(14)@2015-07-26 15:06:49■Juno盛讚Kay演繹新歌《羅生門》時，唱得好好。
麥浚龍（Juno）的三部曲《耿耿於懷》、《念念不忘》及跟謝安琪（Kay）合唱《羅生門》，短短三日在YouTube有逾50萬點擊，《羅生門》更被網友捧為神曲，一夜爆紅的Juno連舊歌都翻hit，雄霸iTunes歌曲下載榜，十二大位置獨佔九首，僅何韻詩《是有種人》及陳奕迅《無條件》能守住第五及第九位。
■Juno舊歌翻hit並雄霸iTunes歌曲下載榜，十二大位置獨佔九首。
Juno前晚在電話親自解構三部曲，他說：「其實入行第十年，咁啱我同Wyman（黃偉文）諗到『念念不忘』呢個term，如果冇一個至少十年，點稱得上念念不忘呢？我哋去發展《耿耿於懷》呢個男仔，當佢係一部電影咁，包括Karen（莫文蔚）、Kay、周國賢，甚至乎我自己，其實都係喺《耿耿於懷》個世界。」《羅生門》就是故事的里程碑，Juno說：「有能力摧毀呢個角色，我相信世上得兩個人，一個係我，一個係黃偉文，我覺得Kay唱得好好，Karen喺《瑕疵》都係，佢哋演活咗我幻想呢個世界嘅角色，我搵Karen飾演而家嘅女朋友，我係從中感受到Karen有一種淡然，而透過Kay嘅聲音，感受到嗰種不捨。」
■Juno在《羅生門》MV中輕撫Kay的臉龐。
Kay：最難係感情
歌曲女主角Kay接受電話訪問，笑言自己跟《羅生門》好有緣：「之前我有隻歌《最好的時刻》都係出自狄更斯，另一首《臨崖勒馬》係講福島地震，我又喺冰島影過封套《慢活》，做新人時，有人問我鍾唔鍾意Hello Kitty？我真係唔係特別鍾意，呢啲細微嘢咁蹺同故事主人翁一樣，我都同Juno講番，好似冥冥中嘅緣份。」問這首歌是否好難唱？Kay說：「唱就唔難，最難係感情，有啲人覺得女主角好絕情，其實我覺得唔係，我特登唔唱咁絕，我唱嘅時候都留手，想開解番前度，晚晚睇女仔fb，攞手機睇佢有冇online，令人好心酸！」採訪：盧妹、皓騫
來源:
http://hk.apple.nextmedia.com/entertainment/art/20150724/19229825
前度祝福秘嫁李榮浩？楊丞琳：我已昏
1 :
GS(14)@2015-09-04 07:20:31■楊丞琳昨日在微博及facebook澄清與李榮浩的秘婚傳聞，更在微博交代「已昏感受」。
現年31歲、有可愛教主之稱的台灣藝人楊丞琳，去年被爆與30歲的內地歌手李榮浩譜姊弟戀，最近更傳出二人已於今年7月底在內地領證結婚。不過，楊丞琳昨日已於微博澄清：「甚麼？！我怎麼不知道我結婚了？現在是農曆七月，是來自陰間的爆料嗎……怕怕！重點是，我未婚，雖然看到報導時，我已昏，但仍然謝謝大家的關心。」
李榮浩（右）
■楊丞琳舊愛邱勝翊上月在fb留言祝好友結婚要幸福，令楊丞琳婚訊越炒越熱。資料圖片
傳每月兩飛北京
關於楊丞琳秘婚，據知消息來自北京，更言之鑿鑿指二人秘婚後，楊丞琳一個月會飛去北京兩次，李榮浩的媽媽對楊丞琳亦好滿意，加上楊丞琳舊愛邱勝翊（王子）上月12日都在facebook留言說：「全世界的人都告訴我妳結婚了！要開心幸福喔！」雖然文中沒有提及那個「妳」是誰，但大家自然聯想到楊丞琳，惟昨日出版的台灣《壹週刊》報道「王子爆舊愛楊丞琳」後，王子即急急在facebook澄清說：「真是誤會大了！只是祝福一個圈外朋友而已！」另外，剛承認與陳妍希相戀的陳曉，原來公開戀情前3天接受訪問仍強調單身，還肯定表示被拍到也不會公開，未料相隔幾天他便在微博tag陳妍希，並寫出「總有一天你會跟我姓」揚言會娶對方過門，甜到漏。其實陳曉接受訪問時，亦大方表示想早點成家立室，又指遇上合適的人不介意閃婚。撰文：小米
來源:
http://hk.apple.nextmedia.com/entertainment/art/20150903/19280107
【男女之間】拍緊拖仲搵前度？專家話未必係想翻撻
1 :
GS(14)@2016-07-09 06:51:59有些人明明已有另一半，仍喜歡和前度聯絡，唔係話唔信你，但世界咁大咁多人，點解仲要同前度聯絡呢？唔係想翻撻唔通仲有其他原因？有，原來真係有。
思健心理諮詢中心註冊臨床心理學家趙思雅（Zanonia）解釋，有伴侶仲搵前度其實有好多原因，未必一定係想重燃愛火，「第一個原因可能是雙方和平分手，大家保持着良好的朋友關係，這個最常見是在一些之前的戀愛關係較長；第二個原因可能是一個補償心態，例如一些前度有的特質，在現任身上沒有，所以有些人會透過和前度來往去取得補償。」至於第三個原因，可能真係想舊情復熾，不過當然還有很多其他原因，例如他們在工作上要合作，一定要來往。所以另一半和前度有來往，未必代表他想和前度復合。面對這些情況，雖然呀媽係女人，但都係嗰句，伴侶相處應該坦誠相對，有咩都要拎出嚟講，訂下清晰界線究竟咩可以做，咩唔可以做，和最最最重要一個字－－信。既然揀得佢，就應該信佢，再唔係，就搵個冇前度的另一半，搞掂。記者：陳倢攝影：蕭志南
來源:
http://hk.apple.nextmedia.com/su ... t/20160708/19685954
【男女之間】伴侶和前度聯絡！男生比女生更介意！
1 :
GS(14)@2016-07-09 06:51:59前度是不少人心中一條刺，不止是你的，也是你現任的。以為伴侶的前度是女人最大敵人？訪問了十多對情侶點睇伴侶同前度聯絡，發現原來較多男生接受不到另一半見前度。本來以為女生會較敏感和缺乏安全感，點知唔少女友都勁大方，話唔介意男友同前度聯絡，只要無過火行為，做朋友食吓飯都無問題。
部份男生反應：
「唔介意，因為我對自己有信心。」「唔俾，見我咪夠囉，唔想有無謂猜測，就算信佢都唔想有誤會。」「最好唔好啦。」「玩到咁大，唔得。」
部份女生反應：
「OK呀，如果係朋友嘅話。」「唔得囉，前度對於女仔嚟講，永遠都係一個，唔知呀，敵人囉。」「我有信心，不過都唔俾。」「OK嘅，睇下乜情況。」記者：陳倢、葉青霞攝影：許先煜、鄧鴻欣
來源:
http://hk.apple.nextmedia.com/su ... t/20160708/19685944
Next Page