|
||||||
|
港交所 （388）每年4月召開股東會，都有幾位董事要重選，今年輪到獨立非執行董事郭志標同李君豪要股東重選。睇番港交所年報，兩位仁兄原來自2000年起就擔 任港交所董事，做咗11年咁耐。無計嘅，一路都無咩新人出來選港交所董事，早幾年做過董事嘅網上股評人David Webb做到無癮唔玩。佢同華華講，當年政府官員可以同證監會，同埋港交所高層進行三方會議，佢當時身為董事，想攞番份會議紀錄嚟睇都唔得，唔清唔楚，根 本發揮唔到董事嘅效用同職責。因此，佢無打算再選，亦唔會推薦朋友參選，選嚟都無謂咁話。照咁睇，郭、李二人隨時喺無競爭對手之下，又成功連任。不過咁， 李君豪自己較早前透露，上次連任十分驚險，當日4點15分截止投票，4點10分，佢仲call緊人。唔知道呢種驚險場面今年會唔會重演呢？另外兩位由政府 委任嘅獨立非執董利子厚同許照中，今年亦要爭取連任，但係主動權喺政府手上。早排David Webb撰文，點名指許照中嘅正職係僑豐金融行政總裁，唔計港交所，同時係5間公司嘅非執董，有無足夠時間兼顧港交所獨立非執董一職成疑！ |
||||||