| ||||||
搞咗咁耐,馬雲間阿里巴巴終決定美國上市,咁香港科網股係咪已經炒完?無人知!大家只知喺虛擬國度,真係咩都得。單睇阿里巴巴旗下淘寶網嘅發展,唔講得笑矣;咩都有人放上去賣,不單衣物、精品,原來而家連地皮都有得賣!小宗老友發現喺淘寶一間叫「和順百貨」、專賣雜物嘅小店,竟然放有十幾幅香港地皮售賣,價格由四百幾萬至九千八百萬人民幣不等,睇到人眼都突埋! 淘寶上嘅貨物簡介,話係位於大埔嘅私人農地,有八萬二千九百呎,可以申請更改土地用途,起倉庫、遊樂場、居屋等等,係潛力地區。譁!連居屋都起得,小宗第一時間聯絡該店掌櫃。掌櫃操濃厚鄉音,話要收過百萬佣金作酬勞,約實去林村睇地,仲千叮萬囑唔好放飛機,點知到當日,佢放咗人飛機。 睇番呢間和順百貨,喺香港有商業登記;開業三年多,網上賣緊百多元嘅奶粉,佢標價五百多元,仲有不知名嘅十字繡,索價幾萬銀,啲價食水幾深。咁,如果小宗真係喺網上過數、成功買地,唔知會點送貨呢?塊地又點運嚟我屋企呢,又? 職場秘笈做得好過你同事 港大建築系畢業,由一個小小的項目經理,扶搖直上,升任至富豪國際(78)、百利保(617)及世紀城市(355)的董事。他每期分享不同的職場經驗及秘笈;要上位,無往不利。有人問我如何可很快升職,我的答案是:沒有捷徑,但想被燉冬菇的方法,則有很多!在一間大公司工作(假設這公司不存在擦鞋文化或專用皇親國戚),閣下若用心工作做到下列各項,公司一定升你職:1.定下事業軌道首先要知道你的位置,以及你想將來去到的位置。你要怎樣去,要based on subjective ability(能力)and objective reality(現實),定下一個實際上可達到的目標,堅定不移進發。2.要上心要將公司的事當自己事來做,不可馬虎,求其是但!若做得求其,令公司賺少了錢或甚至虧損,公司為何升你?3.不怕蝕底在可能的情況下,儘量多做。我剛進入現在公司時,剛巧另一項目經理辭職,我頂頭上司準備請人,我的椅子還未坐暖,就膽粗粗向上司說:「可否給我試試負責埋這些項目?若做得不好,公司再請人。」我的上司頗懷疑,因他還未知我的工作能力,但也答應給我試試。當時我每天早過上司返工,遲過上司放工,午飯時吃完飯盒,繼續做,星期六、日也做!過了艱難的頭幾個月,工作開始上手,項目亦進行得順利,上司終於放心。其後公司地產愈做愈大,也沒有再請項目經理。若當年怕蝕底,只做分內事,我就失去寶貴的實踐機會(我真的要感謝當時的蔡上司)。4.建立人際關係擴大你對行業的認識,上研討會,和同業聚餐,逐漸你會識更多人,別人也認識你。在同業上慢慢建立起自己的網絡、名聲及信譽。有問題時,很容易請教到別人,很快你會超逾自己同事。5.做Team Leader要突出自己,就要做得好過你的同事。就算工作多困難,也要用高EQ去克服,慢慢其他同事就會佩服你、喜歡你,擁戴你做team leader,但切忌爭功或搶同事的嘢做。做成team leader自然多機會同老闆溝通、見面,讓老闆知道你、賞識你,你就有運行了! 黃志祥抱外孫派二百 最近信和(83)主席黃志祥嘅愛女生咗BB,黃志祥榮升外公當然高興,旗下公司啲員工一樣有無限憧憬。憧憬啲咩?咪就係派利是囉!想當年四叔李兆基抱孫,恆基職員位位派一萬,就咁派咗一千五百萬元出去。同樣身為五大地產商之一,黃志祥無一萬都派五千啩。小宗八到,結果係:位位派二百,令員工跌曬眼鏡。其實想當年佢娶新抱,都一樣係每個員工獎賞二百元。不過信和市值話曬不及恆基,應使得使,應該嘅! 彤孫接棒搞珠寶 新世界發展(17)創辦人彤叔,自從中風入院至今,大大話話有一年半時間無見人。記得佢最後一次以主人家身份公開露面,就係當年周大福嘅珠寶展,仲有好友如鄺美雲等捧場。今年呢類嘅珠寶活動,就有乖孫鄭志剛(Adrain)接手。本週六喺君悅酒店舉辦嘅珠寶展,推出嘅系列叫「暹粒‧璀璨光映」,係由鄭志剛親自設計。小宗睇過其中兩條項鏈,一紅一藍。一條叫「韶華之頌」,以二十七卡碧璽製成,佢話靈感來自柬埔寨吳哥窟嘅盤根榕樹;另一條叫「凝靜光粼」,由藍寶石組成,話係表達柬埔寨內湖上嘅高腳屋村落。唔,無去過柬埔寨嘅真係要俾啲想像力。不過,呢個系列只會供會員拍賣競投,知音者自然會以「銀碼」說明一切。 本週廣告 喺五,六十年代,中環寫字樓分租成行成市,但無諗過今時今日,都仲有呢支歌仔唱。最近中環街頭就貼咗呢張街招,德輔道中有二百呎獨立房出租,租金只要六千大元。小宗老友打電話問過,原來係一間會計師樓想分租一間房仔出來,間會計師樓只有五百呎,分咗二百呎出來,剩番一半多啲!公司職員話仲未租出,歡迎參觀!仲話間房丟空已久,唯有物盡其用喎,足見世界難撈也! 金牙大狀講嘢遲嚇你就知 阿里巴巴捨港就紐,此舉是否明智,一切要由時間嚟定奪。先前李小加話過,香港唔適宜於網開一面,俾持一成股權嘅創辦人把持董事局,因為我哋尚未有高度專門化之分析師去目及實間公司,亦欠夠份量對沖基金可以同個市對敲:以免股價脫離現實。若然如此,除咗學得毛主席話齋,「由他去吧」,仲有乜辦法呢?不過由李小加開列的條件可見,阿里巴巴登陸華爾街大有可能先至係馬雲等創辦人噩夢嘅開始。除咗啲分析師同對沖基金,佢哋分分鐘仲要面對集體訴訟、Sarbanes-Oxley Act之全方位監察、美國稅局唔係人咁品嘅滋擾……等等,掣肘重重,你估會好過癮乎?去華爾街上市帶來嘅麻煩,馬雲點會唔清楚過我哋?但咁都要去,可見對佢嚟講,控制權幾咁重要。凡事有得即有失,會否有朝一日好似佢哋第一趟喺香港上市咁,搞到要除牌呢?李小加話祝福佢哋,難道另有玄機?有啲嘢未試過係冇人知者,睇嚇點? |
4. 交收制度之區別
(1) 回轉交易制度
在上海和深圳的股票市場,實行T+1交易制度,也就是說投資者當天買入的股票,在第二天才能賣出。但是在香港股票市場則全線實行T+0回轉交易制度,即投資者當天買入的股票可以當天賣出,因此,投資者可以在一個交易日內對同一檔股票進行多次買賣交易,即香港人所謂的「即日鮮」,這增加了港股市場的波動性和炒作性,在國內之投資者會感受到這種刺激。
(2)股票交收制度
在上海和深圳的股票市場,結算週期一般為T+1日,也就是當天賣出的股票,投資者在第2天就可以收到款項。香港市場證券結算與經紀商之間的結算週期為 T+2日,即投資者賣出股票後,至少需要2天才能收到此款項,但如果是買賣股票的交易資金,則可以在出售後用於同日進行下一次股票買賣之用。所以需要股票出售套現用作買賣股票外的用途時,香港出售股票得來的資金會來的較慢,所以先應諮詢相關的券商意見。
5. 市場交易價格釐定之區別
在漲跌停版限制及收市價格之釐定方面,各家證券所亦有不同,各述之如下:
(1) 漲跌停板之限制
在香港市場方面,基本上無論所有股票都沒有漲跌停之限制,只有在股價大幅波動時,證監會或香港交易所會要求公司發表聲明是否有消息影響股價之情況。
至於在國內市場方面,除了新股外之股票、基金如果升幅在一個交易日內的交易價格相對上一交易日收市價格的漲跌幅度不得超過10%,至於新股方面,兩個交易所均有不同之規定。
在深圳交易所方面,如盤中成交價較開盤價首次上漲或下跌達到或超過10%,或盤中換手率達到或超過50%,則會進行停牌直至競價交易時段開始之下午2時57分。
在上海交易所方面,如盤中成交價較當日開盤價首次上漲或下跌10%或以上,則停牌1小時,則停牌30分鐘,如果盤中成交價格較當日開盤價上漲或下跌20%或以上或盤中換手率達到80%或以上,則會進行停牌直至競價交易時段開始之下午2時55分。
可以見到,香港股票市場由於沒有漲跌停版之限制,股價波動亦較大,一支股票隨時於即日內上漲幾倍,或者下跌超過90%,這也許是香港股票吸引的地方所在。
(2) 收市價格之釐定
在香港交易所方面,收盤價現時為全日收市前最後一分鐘,即下午3時59分起的每15秒的5個報價,即3時59分00秒、15秒、30秒、45秒及4時00分00秒的中位數。
在深圳交易所方面,則為收市前最後三分鐘,即下午2時57分至3時的集合競價產生的。收盤集合競價不能產生收盤價的,收盤價以當日該證券包括收市前最後一筆交易的一分鐘所有交易的成交量加權平均價。
至於上海交易所方面,收盤價為為當日該證券包括收市前最後一筆交易的一分鐘所有交易的成交量加權平均價。
如果深圳交易所和上海交易的股票當日無成交的,以前收盤價為當日收盤價。
(待續)
一個接近30年的交收制度,在現今電腦效率提高的情況下,是否有必要變化?