千嬅祝蔡一傑撞嘢
1 :
GS(14)@2016-02-04 17:24:32楊千嬅、林嘉欣、王菀之、鄭伊健、草蜢和C AllStar日前出席老闆林建岳特別設下祝捷慰勞宴兼與團年,他們還帶了不少獎項齊齊晒冷,同時更為在2月生日的千嬅和蔡一傑提早慶祝生日,見到經理人林珊珊等人準備的生日蛋糕,千嬅笑說:「我估唔到公司咁有心思,真係多謝晒大家,舊年喺大家努力下有好成績,希望今年繼續努力超越。」生日願望,千嬅坦言當然希望大家身體健康,她將會與家人外遊,要放一個悠長假期!蔡一傑亦說:「我送咗一份生日大禮畀自己,我會跟住麥當娜走埠巡演睇騷,生日願望亦都希望身體健康!」聽到他表示正日生日會獨自食飯慶祝,在旁的千嬅笑說:「你撞吓撞吓可能撞到啲嘢嘅。」傑仔即說:「希望撞吓撞吓有啲艷遇,我都希望呀,承你貴言!」撰文:唐琛悠
來源:
http://hk.apple.nextmedia.com/entertainment/art/20160204/19477958
蔡一傑生日自誇25歲
1 :
GS(14)@2017-02-06 07:28:05今日是蔡一傑的50歲生日,他分別在台灣和香港舉行派對跟歌迷同歡,日前先到台灣見粉絲,入鄉隨俗大擦豬腳麵線慶生,有粉絲帶了草蜢30年前推出的寫真集到場,內有傑仔露點騷肌相片,他高舉笑說:「看,小鮮肉呀!」傑仔還跟粉絲合照留念,有男粉絲孖傑仔做心形甫士,全場爆笑。返港後傑仔和粉絲去西貢BBQ兼切乳豬慶祝,經理人公司同事送上寫着「今日你最靚」的蛋糕,風騷的傑仔即場唱了兩句「今日我靚唔靚」,他笑指自己不是50歲,而是25對,他許下願望:「大家都身體健康,今年草蜢會出廣東唱片同喺香港開演唱會,希望一切順利!」撰文:皓騫
來源:
http://hk.apple.nextmedia.com/entertainment/art/20170206/19918988
Next Page