C AllStar噚日參與鑽石山舉行嘅戒煙活動啟動禮，成員King因忙於電影宣傳缺席。講到部戲，釗峰指每逢有King嘅畫面，全場都一齊爆笑，On仔話：「我噚晚坐King隔籬睇，佢問我係咪去得太盡，我話做演員要放低歌手包袱，睇吓鄭中基就知。」釗峰指King有望做鄭中基接班人，點知Jase話King有排都未夠班。佢哋都有興趣演戲，Jase更被林雪指適合演被打毒針嘅毒犯。撰文：馮仁昭
C AllStar噚日喺荃灣舉行新碟簽唱會，適逢父親節，釗峰完騷後跟爸爸食飯閒談，父親離世十年嘅On仔陪媽咪食飯。
Jase收到振奮消息，佢話：「爹哋對音響冇興趣，一直未睇過我演出，點知佢話10月買兩張飛去紅館睇。」而King日前已慶祝父親節，聽父親講風水，問佢會唔會跟指示擺陣？佢話：「會聽吓，又好似好咗。」撰文：馮仁昭