你仲係用緊嗰隻染髮呀？
1 :
GS(14)@2013-10-05 15:29:16無得彈!
2 :
GS(14)@2013-10-05 15:31:13美源衍生版本
3 :
GS(14)@2013-10-05 15:31:46http://www.sharpdaily.hk/realtim ... 8%E6%8A%BD%E6%B0%B4
「乜咁煩呀？白頭髮？你又煩？搽咗啲咩呀？黃甘甘咁嘅？學我啦！梳啲美源髮采，逐漸變黑又得，立即變黑曬亦得，得咗。」呢個廣告，陪住80後成長，同「愛膚堅」、「黑旋風」一樣，都係大家嘅集體回憶。
大家經常見到呢個美源髮采廣告，陪伴大家多少個早午晚。曾江話，呢個廣告係70年代拍0架喇，計嚇條數，嗰陣佢35歲，依家都78歲喇!咁多年來，「美源髮采」廣告只係後面嗰兩個「路人甲乙」唔同咗，令畫面有啲變化，但究其實，仍然都係嗰個廣告。大家細細個睇嘅版本，原來都已經播咗廿幾年喇。
嗰陣細個睇美源髮采廣告，可能會有個慨念，就係原來白頭髮可以立即變黑同慢慢變黑，原來螢幕上慣演大惡人如《誓不低頭》殺人全家卻害到鄭少秋坐冤獄的陸國榮，又或是離經叛道邪氣迫人的東邪黃藥師，竟然都有白頭髮的煩惱。大家細個嗰陣，又有冇同白髮漸生的爺爺嫲嫲講:「梳啲美源髮采，逐漸變黑又得，立即變黑曬亦得，得咗。」呢句？
(仲有網民記得，播呢個美源髮采廣告之後，係播Pigeon嬰兒用品廣告:「用Pigeon，BB開心，媽咪放心」，勁喎!依家個BB，做咗爸爸未呢？)
同一個廣告，由曾江後生播到老，但0依家，曾江都唔用美源髮采，佢用另一隻牌子喇——廣告中。早幾日已有人留意到曾江有個新嘅染髮廣告出爐喇。拍攝場景已變成哥爾夫球場，眾人打完波閒坐吹水，友人笑問曾江：「你仲係用緊嗰隻染髮呀？」一頭濃密烏髮嘅曾江就好自豪咁摸摸個頭話:「我用緊Salon de Pro染髮霜，你睇啲頭髮，自然柔順冇味健康。」最後再加多句:「Salon de Pro，你染咗未呀？」
擺明抽美源髮采嘅水喎，如果兩廣告緊接於同一時段播，都幾有趣喎。不過新廣告中眾配角的髮型就真係……同美源髮采嗰個冇分別，一樣咁娘，一樣gel到好「實」囉。
網民點睇新廣告？
「第一句擺明寸美源髮采」
「曾江用了美源髮采30多年，他終於『與時俱進』，用咗其他牌子了。這個染髮廣告真高章，一方面踩美源髮采，另一方面用曾江講個用品的好處，好嘢！」
「我覺得廣告一開始一個黑波代替另一個黑波去遮住個白波，意思即係換第二隻染髮劑去染啲白頭髮。個廣告真係由頭抽到落尾。
「可惡，美源先係王道，背叛者罪該萬死」
「只要酬勞滿意，接甚麼產品廣告都得啦！曾江不過是有職業道德在演出上滿足廣告客戶的要求講對白啫，不存在他反骨踩他上一隻代言的產品，他有自由揀選代言的產品拍廣告。」
4 :
GS(14)@2013-10-05 15:32:50http://hk.news.yahoo.com/%E5%BE% ... A%91-224459127.html
【晴報專訊】Salon de Pro染髮霜的最新廣告找來曾江代言，當中有一段明抽「美源髮采」水。配角笑問：「你仲係用緊嗰隻染髮呀？」曾江擰頭：「我用緊Salon de Pro染髮霜。」
在FB專頁分享這個廣告，網民大叫靚抽，但有人認為美源髮采才是經典，叫我分析為何那廣告如此深入民心，亦有人想知Salon de Pro如何令曾江轉軚。兩個問題，都指向同一個答案。廣告深入民心，因為播得多。美源廣告拍於60年代而沿用至今，播足50年。廣告如此長播長有，皆因曾江當年賣斷了廣告的播放權，無論美源再播多少年，都不用多付曾江一分一毫的代言費。簽了如此「呻笨」條款，曾江今天當然樂於轉會。
美源這類長壽廣告於今買少見少，因為現在明星廣告代言的一般合約條款，大都清楚列明使用期限，而該明星在合約期內不能為同類產品作代言。故此今天代言人都不希望賣斷播放權，寧願在合約期滿後才決定續約與否，一來可保障廣告續播時能持續有收入，二來為自己預留彈性，假如突然紅起上來，能為同類產品中更大的品牌代言，爭取更高代言費。
Salon de Pro這個借力抽水之作，是神來之筆。但我認為更「神」的一着，是找曾江多拍一個賀年版本，在來年的新春期間狂播：「恭喜發財，Salon de Pro恭喜大家發財。」橫豎是抽，不妨抽到最盡。
（本欄逢周四、五刊登）
撰文︰徐緣
5 :
GS(14)@2013-10-05 15:33:33http://www.myradio.hk/dz/thread-8679-1-1.html
日本Salon de Pro染髮霜的最新廣告，找來香港殿堂級染髮廣告權威 — 曾江出山代言，讓人耳目一新，當中有一段擺明抽「美源髮采」水的對白：
配角笑問：「你仲係用緊嗰隻染髮呀？」
曾江擰頭：「我用緊Salon de Pro染髮霜。」
在FB專頁分享這個廣告，網民大叫靚抽，但有人認為美源髮采才是經典，叫我分析為何那廣告如此深入民心，亦有人想知Salon de Pro如何令曾江轉軚。
兩個問題，指向同一個答案。廣告深入民心，因為播得多。美源髮采廣告拍於60年代而源用至今，絕對是「簡約地播足50年，態度未曾改變。」廣告如此長播長有，皆因曾江當年賣斷了廣告播放權，無論美源再播多少年，都不用多付曾江一分一毫的代言費。簽了如此「嗔笨」條款，曾江今天當然樂於轉會。細心看一下那條新廣告，曾江擰頭時在眯眯嘴笑，那一刻，我懷疑他在心裡暗爽地叫了聲 : 「Yes!」
美源這類長壽廣告於今買少見少，因為現在明星廣告代言的一般合約條款，大都清楚列明使用期限、地區、以至廣告播放的渠道，而該明星在合約期內不能為同類產品作代言。故此，現今的代言人大都不希望賣斷播放權，而選擇在合約期滿後才決定續約與否，一來可保障廣告續播時能持續有收入，二來為自己預留彈性，假如突然紅起上來，可不用被現有產品鎖死，而能為同類產品中更大的品牌代言，爭取更高代言費。
另有網友猜想Salon de Pro與美源髮采出自同一家公司同一個老細，新廣告是「自抽」把戲，但以我所知並非如此。Salon De Pro是日本美髮用品公司Dariya Corporation旗下的品牌, 在香港由先寧國際(Saving International)代理。美源髮采則原名為Bigen，是日本另一美容用品公司HOYU株式會社的拳頭品牌，在香港由另一家細一點的公司代理。
Salon de Pro先前曾找鄧萃雯及賈思樂代言其他染髮產品，但回響遠低於今次的傑作。想到向美源這個經典廣告借力，絶對是神來之筆。而我認為更「神」的一著，是應該找曾江多拍一個賀年版本，在來年的新春期間狂播：「恭喜發財，Salon de Pro恭喜大家發財。」橫豎是抽，不妨抽到最盡。
那美源髮彩又可以如何回擊呢？水已被人抽乾，包裝比人落後，但我認為一個經典廣告沉澱50年的威力可作槓桿，嘗試找一把跟曾江差不多的聲音，將1986年版本廣告作些微調，把當中的一句「黃甘甘咁嘅？」，變成另一段五個字的問句「乜啷調煲話？」，我相信會是一個不錯的「反抽」：
「乜咁煩呀？白頭髮？你又煩？搽咗D咩呀？乜啷調煲話？學我啦！梳D美源髮采逐漸變黑又得，立即變黑曬亦得，得咗。對付D白頭髮，美源真有辦法。美源髮采，冇得彈。」
Salon de Pro，名字夾雜英法二文，年紀大的老友記應該難以發音。讀不出名字是品牌大忌，在它們還未想出一個易讀易記的中文名字前，美源髮采或許還有一點反擊的契機。
6 :
GS(14)@2013-10-05 15:34:18http://hk.apple.nextmedia.com/entertainment/art/20131005/18450350
現年78歲嘅曾江嘅經典美源髮采廣告由70年代播到而家都仲播緊，「乜咁煩呀？白頭髮？你又煩？搽咗啲咩呀？黃甘甘咁嘅？學我啦！梳啲美源髮采，逐漸變黑又得，立即變黑晒亦得，得咗。」真係香港人嘅集體回憶。
播足40幾年
不過，原來曾江已經唔再用美源髮采，轉咗隻新嘅染髮劑。近排佢幫另一牌子染髮霜拍咗個新廣告，廣告中有人笑問曾江：「你仲係用緊嗰隻染髮呀？」跟住一頭濃密烏髮嘅曾江自豪咁話：「我用緊Salon de Pro染髮霜，你睇啲頭髮，自然柔順冇味又健康。」
馮仁昭噚日打畀曾江，佢話今次酬勞幾好，講到美源髮采廣告好深入人心，佢話：「希望呢個更加深入人心囉，我啲廣告OK㗎，唔係亂嚟，我試過先至做㗎。」
[■曾江日前喺台灣騎綿羊仔參加「不老騎士」活動。互聯網圖片] ■曾江日前喺台灣騎綿羊仔參加「不老騎士」活動。互聯網圖片
曾江當年拍美源髮采廣告，因為合同冇寫明播放期限，所以個廣告播足40年佢都冇得分紅。噚日問曾江係咪覺得被搵笨？佢就話冇，始終當年唔清楚呢啲年期問題，佢仲笑話：「耐唔耐見到自己咁後生都開心！」今次新廣告有年期，但年期幾耐，佢就話唔記得。如果新舊廣告一齊出街，咪變咗曾江自己打自己？佢笑話：「我係染髮劑嘅權威嚟㗎嘛！」另外，曾江早幾日去台灣參加「不老騎士」活動，同40幾位平均年齡70歲以上嘅長者，分別揸電單車同綿羊仔完成310公里長征，真係好有魄力。
撰文：馮仁昭
7 :
GS(14)@2013-10-05 16:34:36那個新廣告後生d的男角好多年前是做好多套ETV，但找極也找不到...
大家知道他姓名嗎?
結婚4個月停止染髮搬屋避維修40歲舒淇趕做雞媽媽
1 :
GS(14)@2017-02-12 15:34:562017-01-26 NM
去年九月，舒淇馮德倫秘密到布拉格註冊，事後公告喜訊，宣布這段愛情長跑，正式進入另一階段。已經40歲的舒淇，婚後首要任務：趕生B，三個月前曾有消息指她成功佗B，可惜食詐糊。舒淇再接再厲，繼續刻意減產，專心造人工程，終於得償所願，成功懷有倫B，為好好保護腹中胎兒，舒淇經常出動孕婦三寶（平底鞋、口罩及鬆身衫），佗B期間又刻意暫停染髮，撞正屋企大廈進行維修，準媽咪擔心影響胎氣，二話不說，即搬。上星期，本刊發現肚凸凸的舒淇，全程被老公馮德倫拖實，「一家三口」漫步淺水灣。戒廿年煙癮
正式成為馮太後，舒淇曾經公開心聲，表示想有小朋友，甚至考慮退休生BB。為求早日達成心願，一向有睇中醫的舒淇加大力度調理身體，並第一時間戒掉已有二十年食紅萬（萬寶路）、煙駁煙的習慣，還有戒生冷食物，冇益的都唔再放入口；另外，去年拍完老公馮德倫執導的《俠盜聯盟》後，就停止再接新戲，為實踐造人大計全力以赴。兩公婆努力再努力，舒淇終於成功佗B三個多月。上星期，本刊發現舒淇同老公飯後在淺水灣海濱徑散步，著住大褸的準媽咪，明顯肚凸凸，孕味極濃。
動土犯禁急搬
散步對孕婦同胎兒都有益，所以馮德倫只要有時間，都會陪住大肚老婆外出散步運動。是夜兩公婆戴晒情侶cap帽襯到絕，只見馮德倫全程護住大肚婆，一時搭膊，一時十指緊扣，非常恩愛。大約行了半小時，二人便返回淺水灣大廈新居。結婚後，馮德倫搬入舒淇住開的南灣二千呎豪宅，但大廈最近進行外牆維修，搭晒棚裝修四個月，由於動土是大肚婆禁忌，加上工程沙塵滾滾，為免影響胎兒健康，兩公婆急急搵屋搬，最後以每月接近二十萬，租住淺水灣花園大廈一個二千多呎向海單位。
拒絕密集宣傳
為了佗好BB，所有大肚婆要注意的規矩，舒淇都跟到足。知道懷孕後，舒淇立即停止再染髮，因為有皮膚科醫生指出，染髮劑的毒素有機會透過血液，傳給胎兒，所以醫生都不建議孕婦染髮。盡好做媽咪責任的舒淇，甚至將白髮相上載到ig同人分享。今年有賀歲片上畫的舒淇，雖未向外公布大肚消息，但私底下已拒絕了電影公司安排的密集宣傳，唯一答應上星期到北京出席首映禮。裝身前，著住件勁鬆身的連身衣的她，腰圍明顯粗了不少，之後去到首映禮記者會現場，舒淇繼續用大褸遮肚，又穿上平底鞋，完全收起平時性感作風。
搭機高度戒備
完成電影宣傳工作後舒淇於一月十八日返到香港，落機當日，大肚婆全副武裝，灰色鬆身衞衣外再冚一件大褸，又cap帽又口罩之餘，連衞衣帽都笠埋上頭。從未如此誇張過的舒淇，考慮到飛機艙空氣唔流通，萬一機上有人有呼吸道疾病，自己隨時會受細菌感染，唔怕一萬只怕萬一，舒淇唯有重裝防菌。由於佗B剛滿三個月不久，舒淇仍未廣播好消息，但她ig內的近照，全部都刻意收埋個肚，不是大頭相，便是用其他物件遮住腹部位置，以免大肚喜訊，提早外洩。
大肚禁忌
傳統中國人有不少孕婦禁忌，除了飲食、日常用品等都有禁忌。據堪輿學家麥玲玲師父表示，大肚婆懷孕後有所謂「胎神」，而胎神是一個弱小的靈魂，因此，家居及大廈不宜裝修，就算是大廈維修，亦建議孕婦搬走避開，直至嬰兒出世；因為動土有煞及噪音，會影響胎氣。至於所謂胎兒小器，一般最少有三個月以上，五個月為最佳，懷胎期間要搬遷的話，亦要與胎神溝通好和選好時辰吉日。
閨密輪流生
去年九月，女神舒淇終於脫離盛女行列，與拍拖多年的馮德倫拉埋天窗，而她身邊幾個人妻閨密，亦個個排隊輪住生B，舒淇急起直追，未有大落後。
徐若瑄14年，與新加坡馬可波羅海運集團主席李雲峰拉埋天窗後，翌年於新加坡剖腹誕下兒子Dalton，為保住胎兒，懷孕期間，徐若瑄曾臥床162天，過程艱辛，但她揚言仍想追多個。
林心如四十歲奉子成婚的林心如，去年7月於峇里下嫁霍建華，事後更被好友舒淇在社交網留言踢爆她佗女。今年一月六日，B女在台北中山醫院，剖腹出世。
林熙蕾11年下嫁美籍華人企業家楊晨，婚後先後誕下兩女，大女楊若妤五歲，細女楊晨熙兩歲，有女萬事足的林熙蕾不時在社交網站上載女兒照片，大晒幸福。
撰文、攝影、攝錄：娛樂組