【文化籽】總有種女人 天生要被圍觀要被膜拜
1 :
GS(14)@2016-07-15 05:16:18【文化籽：西遊記】美國天后Taylor Swift被偷拍到跟「邪神洛基」在石灘約會，懶理途人目光，照樣親密。事件曝光後，Taylor Swift與本來的男友Calvin Harris立即齊刪合照。非官方統計，走紅八年內，Taylor Swift先後有十一個男朋友，剛剛足夠人數組一支男朋友足球隊，只欠幾員後備。
「邪神洛基」Tom Hiddleston最被香港人認識，當然在《雷神奇俠》（Thor）飾演雷神奸鬼細佬Loki，之後在劇集《夜班經理》（The Night Manager）的演出大獲好評，即將在香港上畫的《魔天豪廷》（High-Rise），賣點更在Tom Hiddleston全裸。有名有姓，再稱呼他為邪神似乎有點怠懶。都無辦法，鬼叫佢媾的是超級食仔王Taylor Swift，女尊男卑格局立即浮現。不是說事業成就、唱片銷量、賺錢能力之類，而是講公開過的情人名單，足夠叫一眾男生趨之若鶩。只拿較具知名度的來介紹：2009年，嗒了剛拍過《吸血新世紀》（Twilight）的人狼Taylor Lautner。呢件小鮮肉，當年等於唐僧肉，人人得而吃之。2010年，跟《斷背山》（Brokeback Mountain）的Jake Gyllenhaal撻着又分手，男方想復合，女方整首大熱金曲《We Are Never Ever Getting Back Together》來叫對方食蕉。2012年，跟天王級食女王歌手John Mayer一齊，玩完後，John Mayer媾到Katy Perry。都仲未計「One Direction」成員Harry Styles，與甘迺迪家族後人Conor Kennedy又拍過三個月拖。Taylor Swift張清單，不單只夠密集，含金量也極重。好了，未有邪神出現之前，據說正印是名DJ Calvin Harris。呢位先生看來不是玩玩吓，對於戴了綠帽，完全放唔低。據稱Calvin早知女友偷食，苦苦相勸挽救感情，但女食家好明顯毫無留戀，只想貪新厭舊。放不低的Calvin Harris打算寫首歌唱衰Taylor Swift。不特止，嫌自己唔夠力量，仲想搵埋Taylor Swift宿敵Kanye West一齊出招。Kanye West曾在頒獎禮講明Taylor Swift唔夠班，又試過拍MV搵替身露點扮Taylor Swift瞓喺自己張床，因為歌詞話：「我可以隨時搞Taylor Swift，因為係我捧紅佢。」兩大仇家聯手出招，可以預期殺傷力和毒舌程度將會衝出外太空。有乜用吖？你覺得Taylor Swift會內疚到流淚？會因為傷害了一個好人而慚愧？有種女人，根本不會受其他評論影響，對禮義廉恥完全絕緣。否則，點會講得出話每次有新男友，只係為咗刺激創作靈感，用完便要即棄。今次，真係可以講句：「認真，你便輸了！」點吹得佢脹呢？生得靚，還後生，即使歷史往績好恐怖，依然會有無數男人前仆後繼湧過來。最緊要係賺錢多，2016年，收入一億七千萬美金，明星之最，真係無儍仔再敢衝個頭埋去，用錢買都仲買到。有事業、有才華、有信心，根本天下無敵到令普世妒忌的高度，佢喜歡點玩就點玩。然後，你可能會問：「佢咁賤，冇可能會搵到真愛喎？」咪儍啦，首先，賤與真愛，不是反比關係，愈賤愈沒真愛，我甚至認為有少少正比，愈賤愈容易出真愛，係睇吓當事人珍唔珍惜啫。更深層的問題是：Taylor Swift幾時話過要擁有真愛啫？她是天王巨星，只需要被圍觀被膜拜，她需要的是粉絲，較有名氣較靚仔的，就可以上上床行行街咀兩咀。做人，不要假設其他人跟自己一樣，你想生兒育女平淡生活，莫講話其他人未必想，你老公或你老婆都未必想。人各有志，你總要接受世事不能盡合你意。
Taylor被偷拍到跟「邪神洛基」在石灘約會。互聯網
宿敵Kanye拍MV都要諷刺一下Taylor。
據稱前任男友Calvin早知女友偷食，更苦苦相勸，希望挽救感情。
撰文：方俊傑觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。facebook專頁：方俊傑
編輯：李寶筠美術：利英豪
來源:
http://hk.apple.nextmedia.com/su ... t/20160715/19694997
財金冒險號：有種關愛叫人顫抖
1 :
GS(14)@2016-08-18 06:01:13是的，那是一個注定要用黑色筆填寫的日子——8月17日。深港通終於宣佈了，但市場好唔畀面，所謂嘅受惠股全部插水，恒指都先升後跌。如果說9年前那個驚心動魄、恒指一度跌1,200點，然後因為從來無通行過的「港股直通車」而反彈千點的8.17大奇蹟日，係港股進入牛三的開始，那麼今天，當久聞樓梯響、毫無驚喜的「深港通」終於公佈，投資者應該意識到走得快好世界，港股已進入大調整了。李小加喺記者會講咗幾次「好事多磨」，深港通對大陸無疑係好事，但對香港呢？消息公佈當晚，新華社就發文，強調深港通點樣利好香港。小生一路睇篇文，一路諗起曹仁超嘅名言：「香港是好乾淨的水，內地是好污穢的水，『通』完後，你認為香港的水會變得更乾淨還是更污穢？」大陸人從此可以輕易炒賣本港小型股，爛股炒到市值過百億然後暴跌嘅悲劇，肯定越來越多，最終只會令人對細股避之則吉，成交及估值不升反跌。新華社篇鴻文又話：深港通「再次體現了中央政府對香港繁榮發展的重視、關愛與支持」，更加打冷震。香港嘅支柱係金融業，而香港嘅剩餘價值、比上海深圳優勝嘅，係法治、廉潔，近3年警隊、廉署已被閹割，加埋銅鑼灣書店、梁天琦事件，如此「關愛」，令人感激流涕。笑笑生
mailto:
[email protected]本欄逢周四刊出
來源:
http://hk.apple.nextmedia.com/financeestate/art/20160818/19740590
七級偽術：有種成功叫慘勝
1 :
GS(14)@2016-09-27 08:01:08鍾意又好，唔鍾意又好，橫洲記者會，做老闆那位實在是罕有地險勝一場，成了小贏家。你看得出人家是擺明有點胸有成竹的，每次財爺發言，都見他隱現笑意，躊躇滿志。無計喎，誰叫財爺一時沉不住氣，公然和老闆「開拖」，給人影響管治班子團結形象（如果曾有的話）的口實，個人品牌再「正」，都難免要應付傳媒不懷好意的提問，今次捱打基本上可以預期。有人胸有成竹大概是認為今鋪準備充足，深信劇本寫得滴水不漏，而且早已為自己搵定至佳角色定位，對號入座，史無前例地把責任扛上身，斬釘截鐵承認決定是他做的，作為行政長官和特區最高負責人，做決定是應有的擔當。嘩，嗰種態度，man到呢！這還不止，記招尾聲起身離席前，居然還來一段真摯陳情，哽咽吐出一句「粒粒皆辛苦」。唔，那哽咽位，的確比他上手那位曾先生自然入戲得多，算係交到戲，從未見過感性CY的港九各界，難免有兩秒的錯愕與「滾動」。至於財爺，始終真性情一點，全程尷尬加黑面，完場時張炳良拍拍佢膊頭，安慰之意甚濃。事後有熟悉政情的朋友分析，話某君呢兩個得分位原來都是「爆肚」的，事前並無知會大家有關安排，算是殺了席上同袍一個措手不及。如果屬實，某君今回真是超有計，找來多位超級茄厘啡群星拱照。即係解畫事少，做show事大，為達目的，過手下一棟又何妨。但問題是，如果明知有擔當、肯認錯方是特首應有行為，何必剛愎自用到今天。民間積怨已經深到咁，慘勝一仗又如何，你知道，有種victory叫pyrrhic！彭瑪莉
mailto:
[email protected]
來源:
http://hk.apple.nextmedia.com/financeestate/art/20160927/19782582
【書法賀年】華戈揮走不滿 Kit Man祝願年年有種
1 :
GS(14)@2017-01-28 12:05:27資深書法家馮兆華（華戈），四十年來，他為很多商場題字，又寫過很多電影片名，年近歲晚，他正忙着為朋友寫揮春。
「又燙金又正月印定，放喺貨倉十二個月，嗰啲只係印刷品。」鏗鏘有力，說此話的正是資深書法家馮兆華（華戈）。華戈的字，大家一定看過。四十年來，他為好多商場題字，又寫過好多電影片名，周星馳大部份電影片名就是他題的。最近就寫了月底上映《選老頂》和三月中上映《一念無明》，年近歲晚，他正忙着為朋友寫揮春。
時代變遷，看着現時市面上一批一批印好的揮春，華戈感嘆失了揮春的本義。「傳統揮春要即席揮毫！」他說從前會請幾十歲的老人，舞文弄墨到現場寫，因應不同人的需要為他度身寫祝福。「家中有大有小，就為佢寫個老少平安。」他告訴記者，揮春的字要豐厚、珠圓玉潤，而且要多用行書，不能用草書。「行書大家都睇得明，圓潤嘅字大家見到會覺得開心。」這年頭，怎樣的祝福才可令香港人開心呢？年輕一代的Kit Man也動筆為大家送上祝福。「創作一個字嘅時候，好多時會按字嘅內容，加入畫嘅元素。」Kit Man自稱畫字佬，自嘲字體不美，他今年再用勁揪體寫利是封，畫出香港人需要的祝福。「社會環境仍然好亂，乜都改變唔到，被迫接受政府一塌糊塗。」他有感大家覺得灰心，因此寫下「年年有種，歲歲不屈」八個大字。「呢八個字係扣埋一齊嘅，希望大家做個有志氣嘅人。」把祝願印在利是封上，而非揮春，也是Kit Man的一份心思，「我想大家新年送祝願畀人嘅時候，都可以將呢份硬頸交到下一代！」記者：黃凱婷攝影：徐振國、周芝瑩2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
看着現時市面上一批一批印好的揮春，華戈感嘆失了揮春的本義。「傳統揮春要即席揮毫！家中有大有小，就為佢寫個老少平安。」
他告訴記者，揮春的字要豐厚圓潤，而且要多用行書，「行書大家都睇得明，圓潤嘅字大家見到會覺得開心。」
年輕一代的Kit Man也動筆用勁揪體寫利是封，為大家送上祝福。
Kit Man覺得香港人感到灰心，「社會環境仍然好亂，乜都改變唔到，被迫接受政府一塌糊塗。」
他用勁揪體寫下「年年有種，歲歲不屈」八個大字，希望大家做個有志氣嘅人。
Kit Man把祝願印在利是封上，而非揮春，「我想大家新年送祝願畀人嘅時候，都可以將呢份硬頸交到下一代！」
來源:
http://hk.apple.nextmedia.com/su ... t/20170128/19911341
七級偽術：有種品味叫問心無愧
1 :
GS(14)@2017-02-07 05:14:07近日熱門話題，非特首選戰莫屬，各位參選人密集出招，你來我往，像Mary這類無票平民，做其花生友，睇戲咁睇亦趣味盎然。這個還要多得薯片率先把競選宣傳面向群眾，甚至面向網民，這個策略至今非常成功。得知道奧巴馬當年這樣做並不為奇，人家一人一票，網絡攻勢絕對是有效籠絡各方群眾的渠道。但在香港，人人皆知選委人數僅得千二，這種情況下，薯片仍以清晰定位兵行險着，認真抵讚，最近仲做埋眾籌把參與感帶予本來無票的市民，難怪Mary身邊薯粉數量與日俱增。當然，薯片的初步勝利也要歸功對手的進退失據。執筆之時，嶺大公佈最新的民調結果，調查在本月1至4號做，即係踩正林鄭造勢大會，結果竟然係林鄭支持淨值首現負數，又若假設是二人之爭，薯片的支持度已升逾五成，遠勝對手。
由此可見林鄭一方那種把建制派、大孖沙一類既得利益者傾囊而出的造勢會，只會越做越衰，只能進一步強化她那離地和與民為敵的形象。而且，唉，如你也有看那個造勢會，那種徹頭徹尾的土氣，那種畫虎不成反類犬，確是挑戰中產和後生仔對品味的底線。我知你想話畀人知你同年輕人打成一遍，但真的不是叫幾個細路做佈景板，無情情同人high five就扮到。我知你要親民，唔敢着旗袍套裝，但你套競選制服可唔可以着得型仔啲？下身竟然穿西褲皮鞋？你知道後生仔崇拜Steve Jobs，你都唔使學佢在台上行來行去講嘢㗎，可知此幕由你來東施效顰確係尷尬到唔恨。想知乜嘢叫品味？可以參考薯片的campaign，Mary的朋友不少就係因為鍾意佢啲相夠型。至少，也可以參考胡官，恰如其份，不慍不火，呢啲品味叫問心無愧、叫勇者無懼。彭瑪莉
mailto:
[email protected]
來源:
http://hk.apple.nextmedia.com/financeestate/art/20170207/19919822
財經評論：有種福利叫包伙食
1 :
GS(14)@2017-05-13 01:54:04每天返報館，不只一次聽到保安說早點返去公司飯堂食飯。免費嗎？不是，但無分晚午市，三餸飯由22.5元至29元，對比出面一個餐動輒五、六十元，作為報館員工，這種半包伙食的感覺倍感欣慰。拜讀本報副刊同事作品，包伙食，又名「福食」，即福利膳食，大多由公司老闆以月結付賬，請各位夥計食飯。時至今日，中環仍有不少大企業都提供福食，包括多間本地老牌發展商。加入四叔集團不久的後生女，也沒料到可享受這種福利，「五餸一湯，啲老火湯好有屋企feel，成班同事圍喺度食飯，好似屋企人咁。」在新地打工N年的老友話，公司1970年代開始已包伙食，同樣每日五餸一湯，部份興建中樓盤地盤都包伙食。近年更著重均衡飲食，有蝦有雞有燒肉。公司在灣仔，不用出外食飯同人爭位，慳回時間還可小休叉電。其中打工20年的老臣子笑言，日日包伙食，一個月慳1,000元，廿年來豈不是省達20多萬元。福食普遍每餐每人30元。小企業10人團隊，日花300元，每月連1萬元也不過。有網民話，公司不包伙食，但每月額外畀1,000元，叫你食自己。又有人話不如加人工直接了當。有公司老闆甚至話這種福利已在薪酬反映出來。包伙食原意為「行唔開」行業而設，像當年工廠，今日地盤等等。逐漸演變，變成一種文化，營造兄弟班、姊妹團、一條船的精神，好像告訴你，每天一半時間留在公司不在家，伴你同行是同事。一萬幾千過眼雲煙，齊來包伙食，真是有價值！記者：陳家雄
來源:
http://hk.apple.nextmedia.com/financeestate/art/20170512/20018438
Hea富生活 ：有種專家最信唔過
1 :
GS(14)@2017-07-29 03:21:57今年第一次以作者身份出現書展，感覺特別，巧遇同出版社作者渾水哥正與讀者交流，即時想起他近日就市面上一些財經書作出辛辣評論，對其敢言態度甚為欣賞。內容觀點實見仁見智，但作為一個稱職的評論人，在這暫時還算自由開放的社會，說出心中所知所想乃應有之義，不該為免得罪權貴而自我設限、自我審查。當然很多人覺得他會因而樹敵，但我認為只要基於事實的理性討論，不涉「人渣」、「法西斯」式的謾罵及人身攻擊，就不是問題。如各有觀點或被評者作出反駁，讀者反而能將問題看得更全面，學嘢是時候。就算是專家也有睇錯的時候，或者不是錯，只是時勢有別，半年前跟半年後分分鐘是兩個世界，實在講咁多都是為自己戴定頭盔。平心而論，作者寫書大多根據自己過往成功的思維和做法作有系統的分析及敍述。例如有作者分享自己買Reits（房地產信託基金）與債券來分散風險及做槓桿來獲得被動收入，這正正是他走過的成功路，就如我會不斷尋求少勞多得的生意一樣，沒有錯對，只是拿捏的時機和實際操作是否精準。
學習思考發掘機會
又例如有作者在中信泰富（267）發7厘債券時，以槓桿來獲取回報，每年實收30厘，理論上這個有中國做後台的企業，只要不清盤就會履行合約，贏面極大，但若然有讀者看後覺得逢高息債券都是好東西，然後押下全副身家財產，那麼責任難道在寫書的人身上嗎？好似領展（823）當年派8厘息，時至今日只有3厘左右，難道又用同一個策略做大槓桿？「買樓致富」是之前十幾年香港人深信不疑的核心價值，我今年3月16日的專欄就寫「買樓向上流之門已關」，指出這個方法已不合時宜，但本人拙作又的確提及過去十年的置業經驗，所以「時機」極為重要。看書或徵詢「專家」意見，切忌不加思索搬字過紙，懶於思考才是真正的懶惰，Hea富概念是要令自己有更多時間思考與發掘機會，不是放棄思考。最後帶出一點，就是如何選擇值得信賴的專家，根據我無數次中伏經驗所得，學傻強口吻：「當一個專家好專心咁做全職專家，而做專家就係佢主要收入來源的話，就要小心為妙。」
郭釗
http://www.fb.com/heaology.edu本欄逢周四刊出
來源:
http://hk.apple.nextmedia.com/financeestate/art/20170727/20102361
【有種運動】彈網唔係童軍跳彈床 滑水高手爭住學
1 :
GS(14)@2017-10-09 03:10:01跳彈床唔係彈下彈下咁簡單，好多滑雪愛好者同埋專業滑水高手都會學埋一份。
跳彈床彈下彈下有乜好玩？唔講唔知原來滑雪愛好者以至專業滑水高手都學跳彈床，你又知唔知道點解呢？
跳彈床體能要求高及全面，而且需要非常大嘅專注力。
黃sir(Christopher)係前彈網港隊成員，80年代曾代表香港參加多項國際賽事。黃sir教咗彈網20幾年，除咗教中小學以至大專院校，黃sir亦都會擔任彈網裁判及評述員。四年前更成立香港彈網理念協會，目的係想推廣彈網運動至唔同層面，令更多人認識及了解呢項運動。跳彈床體能要求高及全面，而且需要非常大嘅專注力。學跳彈床首先要學識點跌，而最大難度係要衝破心理關口，因為如果你膽怯身體未能好好放鬆，就好可能唔能夠喺空中順利完全整個動作。
跳彈床需要練習基本及連貫動作。基本動作講求完美度，當基本動作做好咗之後就可以練習連貫動作，例如空翻接空翻再轉體等。雖然彈網運動喺香港比較少人玩，不過原來滑水滑雪愛好者都跟黃sir學跳彈床。黃sir認為因為滑板同個浪撞擊所產生嘅彈跳力同跳彈床非常相似，所以如果先喺彈床上學好空中動作，然後再喺水上練習咁就會事半功倍。因此如果一種運動有騰空嘅動作，學跳彈床可以令到練習更安全，而且更容易達到理想嘅效果。黃sir話教咗咁多年跳彈床最大得著係見到啲學生成長同埋令到佢哋喜愛呢一種運動。曾經有一年黃sir帶同60幾個學生參與農歷年花車巡遊表演，能夠將60幾個來自不同學校嘅學生聚埋一齊好專注咁完成呢項表演令黃sir畢生難忘。80年代香港彈網運動員喺國際比賽嘅成績其實都唔錯，黃sir希望佢嘅學生將來可以有機會代表香港出賽，同時可以令更多人留意同有機會接觸呢項運動。採訪：Wing@有種運動製片：Penn@有種運動攝影：Penny@有種運動剪片：Karen@有種運動混音：Nile@有種運動2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20171004/20171781
職場慧眼：有種生意叫唔做
1 :
GS(14)@2017-12-18 04:09:29近日有位年輕創業小小企老闆，為了有生意該不該做和拍檔爭持不下，他認為生意難做做得一單得一單，顧客永遠是對的不能夠亦不應該得罪得失。拍檔認為顧客出爾反爾不遵守信用承諾，一旦妥協沒完沒了。硬着頭皮特意來問我意見。客戶是大公司老闆，年輕人為公司提供所需服務，事前雙方簽好合約定好價錢。事情辦好之後大公司老闆竟然聲大夾惡理直氣壯壓價，以還有更多生意陸續有來長做長有為由，堅持要年輕人減價，否則不會找數。始終對方是大公司老闆，年輕人公司新成立亦需要收入維持，本來打算忍氣吞聲接受。但拍檔堅拒，認為這種客戶不要也罷，此例一開，後患無窮。莫講隨時隨意減價，最終究竟有冇錢收都成問題。我的立場，和年輕人的拍檔一樣。這種以大欺小的不管是人還是做法，根本要不得。我是過來人，完全明白小生意經營有幾困難，想當日我的獵頭生意經歷九七金融建華七年之亂再來個累埋兄弟，為了生意繼續營運生計得以維持，我何曾未試過忍無可忍重新再忍？那客戶是跨國大銀行，門高狗大，人事部主管聲大夾惡，以Head Office cut budget為由，cut了一半fee。因為等錢開飯夥計要出糧，怕影響日後合作關係投鼠忌器，我選擇硬食。以為忍辱負重，一樣沒有好結果。明明到期要即找的數，足足拖了一年有多才收得到。期間那位HR主管些少唔好意思都沒有，查問進度還要被奚落，串我係唔係好等錢開飯。其實做生意也好做人也好，最昂貴最大的成本是時間，絕對不浪費在不應該不值得的人和事還有生意上。顧名思義叫生意，死做做死的做來幹甚麼？張慧敏
來源:
https://hk.finance.appledaily.co ... e/20171213/20242763
Next Page