收市閒情：我與老婆要「分居」
1 :
GS(14)@2016-03-05 01:10:46（由真人真事改編）約一年前左右……「仲有半年就結婚喇，到而家講親買樓你都愛理不理，係咪想瞓街？」未婚妻阿怡又拎番呢個topic講，唔係我唔想買，係我買唔起。我知你實寸我，月入幾皮嘢都買唔起樓？錢係儲到啲呀，但結婚使走一大截，之後咪玩完囉。本來拎積蓄去做首期都掹掹緊，而家唔見咗一截就唔夠喇。樓價就好似中環的士佬咁，佢係唔畀你上車就唔畀你上，就算你點追都冇用。連淘大隔籬個得寶，實用300呎都冇，都要400幾萬，仲高竇過啲的士佬。所以話中國哲學家真係冇得頂！莊子喺《庖丁解牛》講過：「以有涯隨無涯，殆已。」幾千年前嘅莊子，竟然令我明白，死捱爛捱追無頂嘅樓價，死硬！所以幾時先係買樓時機？等樓價跳崖就係買樓時機！望住阿怡嬲豬嘅表情，我正想發表呢個偉論，點知又俾佢搶閘：「我知買唔起住，一係租住先啦。」「但如果拎咗去交租，我哋仲點儲錢買樓？」佢應該真心嬲：「咁又唔得，咁又唔得，我哋結咗婚，分居喇！」
OK喎！我話：「唔係冇得諗！」「你癡咗線？」「你聽我講，叫你同我屋企人入粉嶺住，日頭港島返工，怕你辛苦，不如你結婚後住喺娘家先。我努力啲儲多陣錢，等樓價跌再買喇。」阿怡好火地問：「咁結嚟有咩用？」「有用！代表一個承諾。就好似一部連咗Wifi嘅電話，佢哋都唔係黐住，咪一樣上到網。」＊＊＊憑我三寸不爛之舌，成功說服阿怡。而家我哋結咗婚半年，我住粉嶺，佢住將軍澳。好多人問我婚後生活有咩唔同，老老竇竇，唔係見到隻戒指，我都未必醒起我結咗婚。但真正嘅災難係，每次上外母屋企都好似上陣殺敵，江湖總會掀起腥風血雨，今日……「衰女，你做乜又轉台。」見到外母咁講，就算幾想開大個電視，用YouTube睇周浩鼎喊，都死死地轉番去TVB，不過事實係我睇咩台都唔重要，「講真，屋企又細，電視就得一部，阿怡就鍾意睇YouTube，我就要睇TVB，遲吓仲話多個台，你話點分呢？」冇錯，係一個局！我望一望外父，佢竟然起身行入房。阿怡就低頭，主動開聲：「放心啦，我哋有分數。」作為男人，世界末日都要面對：「外母，放心，樓價一跌我哋就買樓。」「唔係話逼你，不過你話樓價跌，而家咪跌緊，仲唔買？」我冇出聲，點知佢繼續：「你係咪借啲意唔一齊住，出去搞搞震？」你可以質疑我唔買樓嘅決定，但唔可以質疑我對阿怡嘅專一！「夠喇！你估我唔想有新婚生活，同阿怡一齊住咩，我好想呀！我真係有諗過租算，但租越嚟越貴！係呀，樓價係跌呀，得寶仲跌穿300萬呀，但我點敢買呀？同上年8月比跌足三成呀！反正都等，點解唔畀我等我一陣呀，等佢跳崖我就買！」我忍唔住爆了，我後悔我嘅EQ低，因阿怡哭了，佢好激動：「樓價升，你話儲錢，要分居！樓價跌，你又話要等。你到底係唔係唔想同我生活！」女人，之後梗係奪門而出。＊＊＊鬧劇過後一年，我終於等到，樓價真係跳崖，成為得寶對面個德福業主。至於老婆呢？早就頂唔順，離開咗我，仲記得佢臨走時同我講：「連咗Wifi嘅電話，一離開咗間屋，就上唔到網，等如冇用。」望住屋企部電視，開住中產味好濃嘅Netflix，莊子句嘢應改為：「予有捱，予無捱，殆已。」捱到又好，捱唔到又好，總之你如果為層樓失去生活，等如，死咗。今日，我流咗一滴眼淚，係為咗香港人而流。千頌C
http://fb.com/winbigwok《趣BLOGBLOG》暫停一周
來源:
http://hk.apple.nextmedia.com/financeestate/art/20160303/19513692
收市閒情：有一種幸福是開美容院
1 :
GS(14)@2016-03-09 16:24:05有一種女仔，有啲男仔頭，又有啲儍氣，人人認為佢不修邊幅，唔化妝，唔戴con，着衫不求好索，但求冇錯，個頭仲經常有啲亂。好聽就叫率性，唔好聽就叫hea。呢種女仔，要你去做facial，以前嘅你，通常會答：「吓，唔使搞咁多嘢啦。」但踏入三字頭，唔知點解，突然發覺過去對美容院嘅抗拒，係因為自己太執着。終於，你的起心肝，登記美容院嘅免費facial。臨行入門口前，向自己千叮萬囑，「死都唔好俾佢說到買package！死都話自己冇帶錢！死都唔好簽卡」。雖然服務係免費，但入到去姐姐仍斟茶遞水，笑容免費供應。戲肉當然係facial嗰part，將一pat又一pat嘢揸上你塊面，個姐姐不斷講佢做緊邊個step。冷不防，姐姐就煞有介事咁講，「你塊面好乾呀，點解你平時唔敷mask呀，咁唔得㗎，你再唔理佢，遲啲塊面會好嚴重，阿囡」。「其實你一個星期做一次facial就好好多」，面隨砧板上，你冇得回應，「好過你之後出紋啦」，出紋，一句非常有殺傷力嘅字眼！係女人嘅大忌，因為「有紋有真相」，證明你係中女。好不容易，呢個唔知係洗面定洗腦嘅療程結束，隨之而來，係另一個洗腦療程開始。你被帶到去見客區，佢繼續踩你，「你唔好介意，你塊面真係點點點」，踩到你無地自容！跟住出場係一堆又一堆嘅package，「你買20次，都係$$$」、「分18個月，一個月都係$$，你買少件衫都唔止啦」、「一係咁，你買10次，分18個月，每月畀少一半」，將數砌完又砌，砌到你頭暈，你開始俾佢說到，然後乖乖地拎出信用卡。離開美容院嗰一刻，你開始懷疑頭先鬼上身。第一個星期，你好乖咁去book facial，第二個星期，你繼續book；到第三個星期，你真心唔覺得自己靚咗；到第四個星期，你覺得工作好忙好累或乜都好，總之唔想去了……一年後，package過期，你會嬲自己嘥晒啲錢，因為10次入面，只係去咗幾次。我今日話畀你聽，你畀美容院嚿錢，對你來講係買facial；但對美容院來講，佢其實係同你嘅「惰性」對賭。香港有幾間美容院上市，單係睇幾間條數清清楚楚嘅公司業績，你就發現，一年有超過4億錢，係啲女人買咗package唔去，你冇睇錯，係4億元！呢4億元係白畀美容公司！以將於星期五上市嘅醫思（2138），即係DR REBORN母公司為例，2014年有超過2億元套票，一年後冇用到過期！2014同2015年，因為套票過期而入賬嘅收入，佔總收入接近四成！至於修身堂（8200）上年過期套票收入貢獻，佔療程服務總收入46%；必瘦站（1830）情況一樣，佔超過兩成。所以，你話有邊個行業，可以幸福到，有人不斷樂此不疲地，雙手奉上真金白銀而又不求回報，除咗賭業，就係美容院。所以嚴格來講，白畀錢嘅你，係賭輸咗，輸咗俾你嘅「惰性」。千頌C
http://fb.com/winbigwok本欄逢周三刊出
來源:
http://hk.apple.nextmedia.com/financeestate/art/20160309/19521371
收市閒情：《香港01》又一個奇蹟
1 :
GS(14)@2016-03-16 14:17:04我係廣告界一個小薯，喺呢行撈咗咁多年，我諗《香港01》，係繼不死亞視之後，media界嘅一個奇蹟！上帝創造天地都要7日，但一份周報，竟然可以喺創刊號上架未滿一周，就創造兩個世界級「關公」災難！昨日起身碌facebook，見到《香港01》出post，講「毛記台慶」冠名費幾銀，真係當堂嚇一跳，然後我真係忽然小志上身，大喝一句：「出嚟啦！『關公』！」你可能會話，早前好多傳媒都報道咗呢單新聞啦！冇錯，但冇一間好似《香港01》咁冇品，竟然將毛記成份用去sell客嘅proposal，原汁原味掟上網登晒出嚟！人哋宣傳都未出，佢竟然將成個show個名搶先公開，連點sell客，都要俾你加多兩句嘴！老老實實，要拎份proposal，其實唔難，但大佬呀，你知唔知自己乜嘢身份？你係對家呀！拎對家商業機密大事宣揚，知唔知咩叫職業道德？除非你夠膽同我講，毛記個show名，對公眾知情權事關重大，大到會令「社會撕裂，大家都輸」，所以唔報唔得。冇錯，網媒競爭激烈，唔係你死就我亡。要上位，的確要有橋盡度，行頭變得快，要生存，幾時都係「是時候改變了」；但做人、做事操守呢樣基本原則，你一變，就係冇格！過咗條線，就係衰格。
求上位都要有操守
2006年有單新聞，話說可口可樂有個員工，偷咗公司文件加埋可樂未推出嘅飲品sample，然後寄信畀死敵百事，話有可口可樂機密資料可賣。不過，作為長期死敵嘅百事，唔單止冇落搭，反而通知可樂捉鬼，最後可樂聯同FBI成功揪出內鬼。知唔知事後百事點講？佢話，「Competition can sometimes be fierce,but also must be fair and legal」，呢啲叫乜嘢？叫君子！創刊號，印漏廣告logo（而我不知道有乜嘢可能會發生呢個錯），然後回書，已經奇情過將特首「I can fly one day」視為「Gag」；但更奇情的是，《香港01》老總就呢件事向員工發信，當然有提過咁係對客戶負責任嘅行為，fine，冇問題，但其中兩點係咁：「一個在目前非黃即藍的情緒化局面之下，01非蘋果、非大公/文匯的定位是兩面不討好，會招來各方帽子橫飛的攻擊，是意料中事，特別是今天的網絡文化」。「這張相應該是自己同事拍的，因為我認得是公司的枱」。我唔知我啲客點睇呢個media，但如果我係Cartier，一定開心到飛起，一個廣告，兩個版本，無限exposure！經一事，蔡一智，如果我有生之年，俾我遇到咁嘅離奇事，我會同平台講，「廣告印錯，大家都輸，是時候回書了」。千頌C
http://fb.com/winbigwok本欄逢周三刊出
來源:
http://hk.apple.nextmedia.com/financeestate/art/20160316/19530946
收市閒情：李小加慈悲過唐三藏
1 :
GS(14)@2016-03-30 14:23:17作為散戶，有時真係覺得李小加，好似唐三藏咁慈悲為懷！情況就好似悟空同唐三藏講：「師父，呢度有妖氣！」點知唐三藏唔單止不加防範，反而鬧悟空，「萬物皆有靈，何苦趕盡殺絕？」港交所（388）近年「妖氣沖天」，一隻二隻蜘蛛精、白骨精打橫行，一隻毅信（1246）合股再供股，仲要賤格到「2供11」，埋單供股成本條數好難計。近年港股變成殼股交易所是常識吧，啤殼潮啤出一隻隻老千股，近期李小加出席分析員會議，就因為「老千股」俾人質。你同李小加講，「小加，呢度有好強嘅妖氣，我哋唔好俾佢哋入屋。」佢就唐三藏上身，「悟空！佢哋好多都唔係妖股，我佛慈悲，全部放晒佢哋入嚟！」2015年殼股炒到癲，112間公司申請上市，得3間係港交所要求更多資料而延批，至於被拒上市嘅公司更加係「零」；睇埋2014年，同樣係「零」。比起2011年同2013年，有3間公司被拒上市，2012年上市申請只有63間，但港交所拒5間於門外。小加，難道近兩年港股老千全部金盤洗手，變得又pure又true，隻隻乾淨上得市？定係你哋唔做嘢？
懶理妖股充斥市場
港股唐三藏放晒啲牛鬼蛇神入屋，結果係點？今年有16隻新股上市，其中5隻配股上，其中4隻第一日就以倍計爆升（噚日正利（8318）就高圍飛價7倍！）有幾隻莊家食完就打回原形。另外IPO上市嘅，年年卡（3773）同融眾（3963）早已跌穿招股價，融眾更潛水近四成。兩隻股現在市值得幾億元，發生咩事？你懂的。妖精現形，你走去怪三藏小加，但佢竟同你講，「悟空，萬物性本善，上市後公司變壞，就唔係上市科的責任。再者，我哋放佢哋入屋時，係完全符合上市標準！」真係要拎塊照妖鏡出嚟！創徽國際（8335）原本係配股上市，上星期四掛牌，點知上市前兩日，港交所收到投訴所以要延遲上市。至於係咩投訴，打去港交所問，佢話要保密唔講得。話唔上就唔上？然後不了了之？收到風，話創徽原本book咗JW萬豪豪搞上市慶功宴，點知創徽前CFO向港交所告密，上市大計Hold住咗。咁係咪反映，如果唔係有人告密，港交所都唔知條數有問題？你仲同我講，港交所有做好把關工作？最可愛係，如果你炒老千股出事，小加會同你講，「不要碰他，你就不會受傷。」情況好似，你放晒啲殺人犯出獄，然後再有人遇害，你同佢講，「你唔出街，咪冇事囉。」另，小加話，反正都阻唔到老千股，不如開個門檻更低嘅「第三板」。一個人為搵錢，原來真係連基本邏輯都會失去。施主，回頭是岸呀！千頌C
http://fb.com/winbigwok本欄逢周三刊出
來源:
http://hk.apple.nextmedia.com/financeestate/art/20160330/19549544
收市閒情：翠如BB股譜出勵志故事
1 :
GS(14)@2016-04-13 16:59:57聯旺（8217）上市，喺「翠如BB」加持下，單日乾挾14倍。事實上，新聞標題「黃翠如家族身家19億」背後，譜出一個又一個動人嘅勵志故事。話晒財經版，當然先講黃翠如……個爸爸，亦即係聯旺大股東之一、CEO黃永華。話說黃永華本來係小販，有幾年仲喺九龍灣街市賣魚。翠如BB都講過，自己細個住木屋，好窮，人生轉捩點睇怕都去到96年，當時黃翠如讀中四，翠如爸爸就毅然轉行，加入聯旺另一大股東黃智果嘅裝修公司做判頭，自此屋企環境就開始改善。往後嘅故事，就係翠如爸爸同黃智果夾份開公司，捱到今日上埋市！白手興家故事冇錯係好多，不過更勵志個位係，在於翠如爸爸轉行時，已經40歲！一個男人去到中年，仲有一家大細，毅然轉行係要有幾大嘅勇氣，仲要由零學起！翠如BB都話，佢爸爸有今時今日，係由手板被冰壞到腳板被地盤釘刺穿捱出來！呢份勇氣，係絕對令人敬佩！再講聯旺其中一個董事趙智宏。簡歷顯示，趙生04年中學畢業，07年做過幾年警察。去到12年又係毅然轉工，入咗聯旺做見習工程師，上年先升做正式工程師。去到兩個月前，至喺IVE讀完土木工程文憑。中學畢業，做到警察呢份薪高糧準嘅工，仲要當年香港社會冇咁多衝突，警察都算係優差，但佢放棄份工轉搞工程，之後仲做埋上市公司董事！所以，任何事只要肯學肯捱，就算只係中學畢業，都可以做到工程師！講埋翠如BB，03年加入有線電視做主播，大家都話佢個樣入屋。咩叫入屋？有電視台前輩講過，「入屋者，即係個樣靚靚哋，順眼得來啲師奶覺得佢唔會搶走你老公」，咁就叫入屋啦，That's why就算佢喺收費台，都Keep住有節目，喺收費台捱足十年，喺冇靠任何緋聞，亦冇傳過負面新聞下，終於捱出知名度，捱到做埋女主角，捱到識到個提起都會甜笑嘅男朋友蕭正楠，捱到成為「女神」！一個後生靚女，用十年青春喺娛樂圈打拼，呢份毅力反映到翠如BB有外在美之餘，亦有內在美。上面三個人嘅故事，聽完都覺得熱血，不過，現實係殘酷：原來就算紅褲子用雙手打天下，最後都要啤殼上市；而當你睇到趙生查實係大股東黃智果個女婿，人又不其然會灰咗；最遺憾嘅係，翠如BB個樣幾入屋都好，都係要過咗大台先真正入屋。一台獨大呢樣嘢，幾時先打破到？所以綜合而言，蕭正楠先係真正贏家！拍戲唔少但未算好紅，不過自從成為翠如BB的男友，已經令唔少男士大感葡萄；家陣翠如BB仲做埋上市公司千金，一眾男士聽到後，真係一陣陣酸味傳出嚟！咁樣，仲唔夠勵志？最灰嘅係，隻股炒起，但又有幾多人知間公司係做乜嘢？業績點樣？條數靚唔靚？假如你想講一句：「Who cares？」時，咁證明，港股係大輸家。千頌C本欄逢周三刊出
http://fb.com/winbigwok
來源:
http://hk.apple.nextmedia.com/financeestate/art/20160413/19568458
收市閒情：霸氣見工真人真事
1 :
GS(14)@2016-07-06 08:09:58後生仔打工經驗淺，見工時唔識人情世故好正常，不過如果唔話俾佢哋知個問題，對佢哋唔公平，今次想講幾個真人真事：故事一：一間marketing公司請freshgrad，大學畢業，讀嗰科都幾難入。組頭阿怡就約咗個interviewee阿強上公司見個面。起初都正常，叫佢自我介紹又對答流利，唔錯。呢個時候，阿怡收到老細call，「唔好意思，老細電話要聽一聽」，收線後又講兩句，老細又打來，佢又行開聽。一返埋位，阿強就強了：「有冇搞錯，我哋關係係對等，你需要人，我需要工，你去聽電話，有冇尊重我！」故事二：今次阿怡醒咗，佢唔想浪費時間，所以決定傾咗電話先，再決定見唔見，唔好浪費時間。於是佢打畀阿杰：「你畢業都半年多，中間冇返其他工？」「有呀，返過ATV。」「咁你又唔寫落CV？」「唓！ATV寫嚟都廢事啦。」既然唔想畀人知，但人哋問你又講，應該讚你誠實嗎？故事三：阿怡又電話interview另一個人，叫阿琛，呢個人份CV都幾唔錯，寫文都幾好，佢問：「咁我點解要請你？」「因為我叻囉！」夠招積！「你點叻法？」「我見其他人都好蠢。」「即係你點叻法？」「我由細到大學嘢都好快上手，好似畫畫、跳舞、運動……」「你話自己學嘢叻，如果你好似某品牌咁遇到某情況，你會點處理？」「唓！咁講馬都唔會跑得快過隻馬，我話我叻我就一定識？」精彩！阿怡講一輪官腔嘢話等通知之類，呢位人兄又爆seed：「咁你家陣即係唔請我啦！」「有消息再通知你。」「我唔要等，我要你乾乾脆脆俾答覆我！」「有消息再通知你。」，然後阿琛cut線。即係咁，身邊識好多90後都好叻，好醒，轉數又快又貼地。不過，一樣米養百養人，偶爾遇到一兩個骨骼精嘅千古見工奇才，又覺得要分享畀大家，等大家多了解現今世界係幾百花齊放。千頌C
http://fb.com/winbigwok本欄逢周三刊出
來源:
http://hk.apple.nextmedia.com/financeestate/art/20160706/19682766
收市閒情：「低頭族2.0」之育成
1 :
GS(14)@2016-07-13 05:09:39任天堂新遊戲Pokémon GO，上架未夠一星期就成功育成「低頭族2.0」。以前低頭族玩手機之餘，行去邊都仲係自己話事呀，不過「低頭族2.0」就唔同，行去邊係由部電話帶住！「小智你睇！左邊有隻比卡超呀！」「喂！右邊！有隻傻鴨呀！」係！隻game好毒，你可以唔沉迷，但點都要玩，原因好簡單：（1）當一隻game能令任天堂隻殘股起死回生，4個交易日就已累升六成，市值增超過600億港紙。呢個升浪你已經賺唔到。喂！免費下載你都唔下載？蝕上加蝕！如果你係科技盲，但又鍾意炒股，你唔下載你點知咩係AR技術？Augmented Reality呀！keep住自己update新事物好重要，如果唔係今日手遊股大升，你都唔知咩事。（2）當年免提電話裝置一推出，突然覺得條街多咗好多癡線佬，「條友做乜無啦啦同自己講嘢」。後來先知係自己無知。家陣仲同人講bluetooth好先進，唔該自己走埋牆角反省，家陣講緊手機變精靈球！「嘩佢癡線架，無啦啦衝過去用手機影空氣！唔通有鬼。」唔想自己講埋啲咁失禮嘅嘢，唔該等隻game香港一出即刻去download。（3）香港未有得玩，已令全港女士不停講「好想玩呀！我又要捉比卡超！」呢個時候你瀟灑地同一眾少女講：「我，幫你裝。」然後全部女士喺你身邊圍住你講：「點解你裝到嘅！好叻呀！」贏到全世界啦！喺街頭上遇到一隻小精靈，然後一眾玩家都會衝過去，呢個叫咩時侯？叫愛情來的時候！男士一見到獵物……旁嘅女神，大好機會上前結識，仲有埋共同話題：「不如呢隻讓畀你啦。」「我送隻比卡超畀你呀！」世界仲唔係屬於你嘅！「有冇咁勁呀？」有！Pokémon GO美國Android下載量，上架兩日已超越Tinder。連交友App都過埋，證明隻game交友能力幾高！女玩家當然有，最勁係逼到男玩家都一定會玩，仲會好落力咁玩，單憑呢點，我肯肯定Pokémon GO錢途無可限量！
千頌C
http://www.fb.com/winbigwok本欄逢周三刊出
來源:
http://hk.apple.nextmedia.com/financeestate/art/20160713/19692315
收市競價今重啟 防「突發斬倉」 券商：收市價或大變 散戶宜審慎
1 :
GS(14)@2016-07-26 07:44:43【明報專訊】闊別7年後，本港將於今日（25日）重新推出「收市競價時段（CAS）」，分析指雖然增加了5%的浮動限制，但個別股份仍有被「嘜價」的可能，在競價時段期間或會觸發「突然死亡」式斬倉，或會令投資者蒙受更大損失，建議孖展客留意，散戶宜在機制推出初期時，避免臨近收市時入市；不過，有市場人士認為，為了與國際市場接軌及吸引更多機構投資者，有必要重新接納收市競價機制。
明報記者 徐寶文
吸收了2009年匯控（0005）被「嘜價」的事件後（見另稿），港交所（0388）將於今天重新推出首階段的CAS，暫時只適用於恒指大型股指數、恒指中型股指數、A股對應的H股、以及所有交易所買賣基金（ETF），且不設沽空，並於6個月後進行檢討。
一通：孖展客須加倍留意
一通集團行政總裁宓光輝認為，操作上要做到「嘜價」的效果不難，但仍有大量因素會影響成本效益，如市况活躍程度、交易對手數量及翌日市况走勢等。他續稱，由於10分鐘的CAS內沒有成交，惟價格卻在上下波幅5%的區間內不停改變，有機會出現在進入CAS前不需要「斬倉」或「追孖展」，但CAS完結後卻「突然死亡」觸發斬倉，且因10分鐘的真空期關係，損失更大，提醒孖展客須加倍留意。
譚紹興：仍有可能「嘜價」
事實上，匯控事件依舊成為市場的陰影。香港投資者學會主席譚紹興稱，雖然設有5%的浮動區間，但「嘜價」的可能仍然存在，依舊是「愈大盤就愈有影響力」，不過具體影響要待機制推出一段時間後才能清楚，建議散戶在機制推出初期避免臨收市前入市，宜先作觀察。
證券業協會：助吸海外投資者
對於是否有需要推出CAS，市場各有意見。香港證券業協會主席繆英源表示，全球多個主要市場均已設有收市競價時段，在提倡全球一體化下，相信會有更多市場進行「互聯互通」，香港為緊貼國際市場趨勢，以及吸引更多海外投資者，確實有必要設立收市競價時段。網路及傳播服務方案供應商COLT資本市場部亞太區方案銷售部主管Richard Man認為，推出CAS亦是許多機構投資者及ETF發行商聲音，重推CAS將能吸引更多海外投資者來港。
至於豐盛金融資產管理董事黃國英表示，推出與否各有好壞，坦言「大戶要推高股價，在持續交易時段一樣做到」，且更好的收市價發現機制，確實有助基金調整投資組合，但另一方面過去7年本港在沒有CAS時，市場仍運行有效，對此持中立意見。
來源:
http://www.mpfinance.com/fin/dai ... 4330&issue=20160725
話你知﹕最多成功對盤價格成收市價
1 :
GS(14)@2016-07-26 07:44:43【明報專訊】收市競價時段（Closing Auction Session, CAS），又名「U盤時段」，是一種用於決定資產（尤指股票）價格的機制，因為不少交易所希望更妥善訂立收市價而受廣泛應用。
調整投資 ETF免資產淨值有偏差
在競價時段，買賣雙方可輸入其買賣盤指示，但即使成功對盤，系統並不會即時將之成交；在競價時段完結後，系統會計算出一個令最多買賣盤成功對盤的價格，此價格將成為該股的收市價，以及成功對盤交易均以此價格結算。
在市場上，有不少機構投資者例如ETF，每日均需要在收市時，調整其投資組合，若市場沒有競價時段，其投資者組合的調整或因未能使用最終收市價完成買賣，而導致其資產淨值（NAV）與實際追蹤的指數出現偏差。
來源:
http://www.mpfinance.com/fin/dai ... 2083&issue=20160725
美不設隨機收市 英可取消買賣
1 :
GS(14)@2016-07-26 07:44:43【明報專訊】事實上，今次並非本港首次推出收市競價時段（CAS），本港早於2008年曾經推出過，惟其後因多隻股份在競價時股價出現異動，惹起爭議，最終迫使港交所（0388）取消機制。雖然目前環球主要市場均設有CAS，但具體內容各異，例如美國不設隨機收市、英國可容許取消買賣盤等。
08年匯控急插一成 全城嘩然
本港早於2008年5月已推出過CAS，同樣在下午4時後，多出10分鐘進行競價，10分鐘的首8分鐘為輸入買賣盤時段，最後2分鐘則只作清理對盤（Settlement）。不過機制推出後，由於有多種股份在CAS運作期間，股價出現異動；其中市場最深刻的，是於2009年3月9日，在競價時段臨完結前，匯控（0005）有300萬股沽盤以33元買入，令匯控股價跌多一成至33元收市，引起全城嘩然，最終迫使港交所於同年3月23日起，取消收市競價時段。
雖然事隔7年後的今天，因要與國際市場接軌而重推CAS，但其實環球主要市場的CAS，其具體機制亦並非完全相同，例如紐交所（NYSE）及納斯達克（NASDAQ）均不設隨機收市；倫交所（LSE）的價格限制是以價格而非百分比而定、可容許取消買賣盤、及若有價格超越限制，延長競價時段；新交所（SGX）不設價格限制等（見表）。
來源:
http://www.mpfinance.com/fin/dai ... 2224&issue=20160725
Next Page