中海外：乜價先唔進取？
1 :
GS(14)@2017-01-07 00:25:14■中國海外地產董事總經理游偉光。
【本報訊】啟德1號發展商中國海外地產董事總經理游偉光昨在記者會上直接開火轟傳媒，連番反問「咁幾多價（錢）先唔進取呀？」、「點解要擔心（購買力）？」；更以「鼓勵業主自行將垃圾分類」包裝項目部份單位將垃圾房納入實用面積並出售予業主。
賣垃圾房為鼓勵分類
啟德1號2期4個多月賣貴兩成，加價幅度遠超樓價升勢，定價高出同區二手屋苑如譽˙港灣、翔龍灣等超過一成，完全視港府辣招如無物。昨日多家傳媒接連向游偉光發問樓盤定價進取的原因，但游至少兩度反問傳媒發問的理據，如「呢個價，你哋點解覺得係高、定係承接力不足呢？你哋個理據係乜嘢呢？」、「點解一定要講開（價）高咗、而唔係開低咗呢？」樓盤被質疑沙中綫啟德站開通遙遙無期、周遭工地處處欠配套，游偉光卻似教訓記者說：「好多年前賣貝沙灣嘅時候，嗰時配套都係唔齊，我記得樓價4,000幾蚊呎。咁你哋訪問吓當日買咗嘅人，今日嘅感受點樣！」至於垃圾房納入部份低座單位的實用面積內，游確認垃圾房是屬業主擁有的私人空間，建議準買家參考圖則後自行作出客觀判斷，設計的理由是「鼓勵業主自行將垃圾分類……至於大家同意不同意，接受不接受，就見仁見智」。■記者陳東陽
來源:
http://hk.apple.nextmedia.com/news/art/20170106/19888321