滕麗名《陀槍II》被姦戲魏駿傑幫駱達華扯爛啲衫？
1 :
GS(14)@2017-04-08 20:44:26講起駱達華，第一時間大家可能未必諗到佢係邊個，但講到劇集《陀槍師姐II》飾演人格分裂嘅鮑國平同翁文成，好變態咁強姦咗戲中飾演警察陳三元嗰個咪就係駱達華囉！今年52歲嘅駱達華，入行多年，亞視出身，後轉投無綫，但佢都係做配角居多，現在已轉戰大陸市場，仲同老婆、囡囡定居上海0添！講到佢最為人熟悉嘅角色「鮑國平」，戲入面佢因為人格分裂，強姦咗滕麗名，嗰一集出街時，仲成為2000年全年收視嘅冠軍。劇情見到駱達華向滕麗名施暴，真係好逼真架，但聽聞呢場戲其實係有幕後黑手㗎！咁究竟邊個係幕後黑手呢？聽聞就係識時務者魏駿傑喇！是咁的，拍攝《陀II》時，滕麗名同魏駿傑戲裏係夫妻，戲外就係情侶，拍攝嗰場強姦戲份時，魏駿傑都在場，咁駱達華要當住人哋男友強姦滕麗名，又要扯爛佢哋衫施暴，你都咪話唔尷尬。據知當年滕麗名曾透露，拍攝時佢同魏駿傑都好信任駱達華，為咗拍攝順利同避免尷尬，聽聞最後要出動幕後黑手魏駿傑嘅手借位拍攝，由真男友魏駿傑扯爛滕麗名啲衫，大家睇到演出時，係咪都覺得好迫真，冇穿崩呢！
來源:
http://hk.apple.nextmedia.com/entertainment/art/20170408/19983943