📖 ZKIZ Archives

老蕭六月開新台孤立黃毓民

2013-04-04  NM

蕭若元創辦嘅「香港人網」上星期六做埋最後一晚節目之後結束，導火線係人民力量嘅教主黃毓民聲言「搞禍佔領中環」、「必要時使用暴力」，同老蕭撐佔中嘅立場相左。老蕭決定釜底抽薪，借結束人網呢個人力主要動員平台，完全剷走毓民嘅影響力。 老蕭同教主割席，亦代表人民力量正式分裂，「慢必」陳志全同人力主席劉嘉鴻上星期都有出席人網告別派對，明顯企喺老蕭嗰邊；「大舊」陳偉業上星期外遊前喺Facebook留言，決定退出毓民搞嘅普羅政治學苑，又話「堅持理想，遠離朋黨」，暗示要離開人力，如果此事屬實，人力將剩低黃毓民一個立法會議員。蕭若元已經講明六月一日成立新網台，每日有十到十五個鐘節目，佢自己都會參與部分節目。雖然新平台都會有論政節目，但係佢希望劉嘉鴻同陳志全唔好主持呢類節目，費事有太強政黨聯繫。 黃容根主場何俊賢坐埋一邊 新界漁民聯誼會上星期搞就職晚宴，食衞局局長高永文同唔少建制派議員都俾面出席。記者撞到盛傳被勸退嘅前立法會漁農界議員黃容根，以前不時被人話立會同區議會出席率欠佳嘅佢，原來做番新界漁民聯誼會嘅理事長，仲話依家仲忙過以前做議員，皆因上任後先發現個會財政困難，仲有成七年無做過財政報告俾稅務局，結果要交超過十萬蚊罰款，依家仲籌措緊啲資金咁話喎。現任漁農界議員民建聯何俊賢都有出席，但典禮期間就無份坐中間，中間位留俾邊個？梗係根叔、高永文、行政會議成員張學明、林健鋒，仲有深圳市人大常委會副主任周光明、劉恩等人啦。 林健鋒硬食喬老爺死貓 上星期，多個京官南下嚟見香港班建制派議員，原本旨意佢哋幫手放風，點知鬧出傳錯話事件。話說當日林健鋒（Jeffrey）搶先向在場記者引述全國人大法律委員會主任委員喬曉陽嘅講話，無幾耐喬老爺睇完即時新聞，急急出嚟澄清，話自己無講過「不能選對國家不利，對香港不利的人」做特首，又強調只係話「不能接受與中央對抗的人當這個行政長官」。唔少傳媒事後話Jeffrey傳錯話、引述錯誤，甚至話佢假傳聖旨。本刊聽番當日錄音，Jeffrey嘅原話係「佢（喬老爺）認為特首係應該愛國愛港，如果一個對中央政府對抗嘅人呢，係對香港不利，亦都不能接受嘅。」但有傳媒就報導喬老爺所講嘅特首條件之一係「不能對香港不利」。今鋪喬老爺罕有大動作澄清，間接質咗隻死貓俾Jeffrey食。記者問番Jeffrey，佢只係話「呢啲嘢，笑吓咪算囉。」 誰是真正環境局長？ 政府上個星期公布《香港清新空氣藍圖》，聲稱將改善空氣質素的任務提升至跨部門層次，多個政策局都有人喺度撐場，但傳媒焦點仍然喺環境局身上。記者會開場白由環境局局長黃錦星負責，到咗答問環節，副局長陸恭蕙即刻變成主角，除咗用中、英文雙語答問題，政策目標、污染數據瑯瑯上口，反觀黃錦星經常坐咗喺度，發言時間少陸恭蕙一半。有鳳凰衞視記者用國語發問，黃錦星竟然直接以廣東話答問題，讀番書嘅陸恭蕙反而用國語回應。唔知黃錦星係咪唔想電視台播佢條soundbite？唔少人覺得做副局長真係屈就咗陸恭蕙，以佢quali做得局長有餘，黃錦星做副局長就差唔多。政圈曾經盛傳前特首曾蔭權推薦過陸恭蕙做環境局局長，但被中央否決。由於副局長唔使中央任命，梁振英識得將陸恭蕙「回收再用」，但係工作崗位錯配，一定搞到黃錦星好頭痕。

黃毓民黐埋犯罪家族

2014-07-10  NM

之前《壹》仔爆過黃氏兄弟（黃桂芬、桂榮及桂強）犯罪家族後，連葉劉都話跟細強（三弟黃桂強）影咗相後，怕會被人利用，但同為立法會議員嘅毓民就無有怕，之前佢議員辦事處搞母親節晚宴聚會時，不但主動請來細強，仲大方同佢合照，睇來大家關係親密。 講開細強，雖然來自犯罪家族，但交遊廣闊，爆哥有不少江湖朋友都認識佢，不過好多人唔知佢原來跟14K馬德（細圖）出身，馬德都好傳奇，當年撈地下賭檔有聲有色，仲有搞外圍波馬，好多差人劈炮跟佢搵食。馬德後來轉會去咗新義安，03年佢帶人親自踩上向華勝當時女友張玉珊嘅修身堂公司，追討向氏欠佢嘅六百多萬賭債，作風相當強悍。之後馬德過澳門撈賭，跟14K九指華合作，亦因九指華代佢追同門差佬文五百多萬賭債，而引致差佬文在澳門被人殘殺及碎屍，疑犯九指華事後著草泰國，馬德卻因此案而正在澳門服刑，相信出得嚟都八十幾歲咯。 老蘭迴轉黑的屠場 蘭桂坊的士劏客，呢一年警察多次「做樣」掃蕩拘捕，估唔到「黑的」依然有恃無恐，當正自己持牌劏人。上個禮拜爆哥同班股票炒家喺中環老蘭劈酒，凌晨時分大家飲到啤啤夫，於是截的士返屋企睇波。爆哥見到等客的士不斷圍住雲咸街、德己立街同威靈頓街駕駛，睇落好似迴轉壽司，於是用廣東話問：「過唔過海？」問咗十幾架的士，點知全部黑的司機，一見唔係情侶又唔係外國人，即耍手擰頭，寧願空車繼續迴轉等客，好多人又爆粗又拍門，班的士佬一於少理，附近差人又當睇唔到。後來隔籬一pair鴛鴦慾火焚身，睇落係趕住去爆房，唯有捱貴急急腳上咗車做水魚。爆哥聽行內人士講，老蘭黑的有一個「暗標價」，最誇張中環過灣仔要三百，過海去尖沙咀狼死到要五嚿水，如果落雨仲要加價，離曬譜。黑的一晚劏廿個客，月入隨時超過三萬，認真和味！爆哥覺得蘭桂坊係遊客天堂，警方打擊佔中不遺餘力，對佔中黑的就冇大力掃蕩，認真係香港之恥！ 中環大行幫客揀新抱 話說爆哥有個索爆銀行女友Apple，平時佢喺中環總行見到不少富豪大客出入，銀行為咗留住呢班大客，無所不用其極，Apple爆咗一個銀行「keep客」嘅撒手鐧，佢話提供幾多優惠都係假，最緊要親上加親喎！話說某大銀行會幫大客嘅寶貝仔，搵番一個靚新抱囉。早排某上市公司主席個仔，被傳媒影到佢喺殘廁攬女嘆咖啡，做老豆梗係擔心，佢對外死撐話︰「我個仔好乖好怕醜，而家都冇女朋友。」總行高層一聽到，本著加強「客戶服務」嘅熱誠，拿拿臨介紹幾個美貌與智慧並重的女職員俾公司主席啦。不過Apple話，總行內部反應一般，個個職員嫌主席個仔cheap，連幾千蚊開房錢都慳。爆哥即刻同Apple講，爆哥為人豪爽，唔會同女仔去殘廁gathering，閒閒哋都會去半島酒店開支香檳啦，不如介紹來認識嚇。

黃毓民陳偉業 另組人民力量 狠批梁國雄不退黨 學者指「七國咁亂」

1 : GS(14)@2011-01-25 00:10:56

http://www.hket.com/eti/article/ ... 4-887092?category=m







社民連創黨主席黃毓民，昨與陳偉業連同200多名黨員宣布退黨，並即時另起爐灶，另組「人民力量」，號稱以狙擊偽民主派為目標；兩人並向未有退黨的梁國雄開火，指摘他已非昔日的「長毛」。

多名泛民立法會議員擔心，泛民的進一步分裂，只會益了建制派，更指黃毓民若在區選狙擊民主派，將變成區選「無間道」。

學者料更激進 威脅民主黨

中大政治與行政學系高級導師蔡子強指，社民連分裂後，視乎「黃派」與「陶派」如何集結力量，當中存在變數，黃毓民新搞的「人民力量」或比社民連更激進，對民主黨的威脅反更大。而陶君行若能與籌組中的「新工黨」合作，可增加社民連的實力。

他認為社民連的分裂，反映政黨政治生態的變化，全面進入戰國時期的七國咁亂狀態。

長毛︰不會加入人民力量

梁國雄接受訪問時形容，自己加入社民連後「從未變過」，會尊重黃陳二人決定，強調「人在做、天在看」，認為二人的批評「可能是誤會」。又指退黨與否，都不會加入人民力量。

主席陶君行表示，二人退黨對社民連來說是壯士斷臂，雖然對社民連名聲會有影響，但只屬短暫。

陶君行︰壯士斷臂 停內耗

他認為二人退黨可停止社民連內耗。他又批評黃毓民一直做「親者痛、仇者快」的事情，不明白為何他想搞散社民連。

社民連自06年創黨，在立法會有3個議席，分裂後，只剩梁國雄一票。

黃毓民及陳偉業昨日在荔枝角社區會堂舉行「非當權派集思會」，近600名支持者到場；經近3小時的會議後，黃毓民力數陶君行作為當權派的3宗罪，包括路綫之爭，未有狙擊民主黨；第二是擅自將社民連註冊為有限公司；第三是將路綫分歧變為敵我矛盾，例如對捲入涉嫌強姦案的任亮憲未審先判。

黃︰首要目標 狙擊民主黨

集思會中途，黃毓民已表示不會留在「這個破破爛爛的屋」，又大聲問台下支持者會否跟隨他退黨，台下支持者立即和應說：退黨，不少人更站立拍掌，以示支持，群情激憤。黃毓民指，「我同陳偉業一定選擇退黨，我們即管讓陶君行玩，看他可以玩多久。」

黃毓民在會上指，退黨後，將與前綫、選民力量及神州青年服務社組成「人民力量」，形容人民力量是階段性合作夥伴，不排除日後組黨的可能性。他表示，人民力量首要目標是於區議會選舉狙擊民主黨。至於會否狙擊社民連，他就未有回應，稱周二會有詳盡交代。

撰文:張家灝 何麗華

---

2 : 鱷不群(1248)@2011-01-25 02:05:24

民主黨得益啦，社民連的真面目大家終於見到，先批鬥泛民同志，見民主黨唔多理會，連自己友都照批。最可憐長毛，自己一直置身事外，黃毓民選舉經費問題又力挺黃毓民人格，仍然被批鬥

---

3 : 拔刺者(4132)@2011-01-25 02:43:39

2樓提及

---

民主黨得益啦，社民連的真面目大家終於見到，先批鬥泛民同志，見民主黨唔多理會，連自己友都照批。最可憐長毛，自己一直置身事外，黃毓民選舉經費問題又力挺黃毓民人格，仍然被批鬥

連梁國雄都被批，唉！

---

4 : Hierro(1191)@2011-01-25 10:06:37

有冇人可以綜合性地將件事講一講俾我聽？我想知多d

---

5 : idsdown(1658)@2011-01-25 12:58:48

買定花生等睇戲

---

6 : GS(14)@2011-01-25 22:17:56

3樓提及

---

2樓提及

---

民主黨得益啦，社民連的真面目大家終於見到，先批鬥泛民同志，見民主黨唔多理會，連自己友都照批。最可憐長毛，自己一直置身事外，黃毓民選舉經費問題又力挺黃毓民人格，仍然被批鬥

連梁國雄都被批，唉！

民建聯要多謝佢

---

7 : GS(14)@2011-01-25 22:18:45

4樓提及

---

有冇人可以綜合性地將件事講一講俾我聽？我想知多d

總之都是因為選舉經費的問題，大家互鬥

---

8 : 鱷不群(1248)@2011-01-25 23:00:11

7樓提及

---

4樓提及

---

有冇人可以綜合性地將件事講一講俾我聽？我想知多d

總之都是因為選舉經費的問題，大家互鬥

重點是權力，對外想做泛民大佬，對內想做社民連大佬

---

9 : GS(14)@2011-01-25 23:00:54

都是一個小器鬼

---

10 : Hierro(1191)@2011-01-25 23:36:46

8樓提及

---

7樓提及

---

4樓提及

---

有冇人可以綜合性地將件事講一講俾我聽？我想知多d

總之都是因為選舉經費的問題，大家互鬥

重點是權力，對外想做泛民大佬，對內想做社民連大佬

我估應該係性黃那個？係咁的話我會好失望

---

11 : GS(14)@2011-01-25 23:40:25

黃先生根本死性不改

---

12 : Hierro(1191)@2011-01-25 23:41:30

11樓提及

---

黃先生根本死性不改

失望

不過唔投佢都冇乜邊個投得落手

---

13 : onesee(1238)@2011-01-26 08:19:36

我估大家都唔了解整件事情

大家有時間可以聽下以下的評論, 相信最接近事實

http://www.hkreporter.com/audio_archive.php?archive_id=12339

---

14 : pars(2406)@2011-01-26 17:40:02

黃生廢左武功架啦! 由對上佢個仔起內地藏毒單野就知，講真有家室架人都好難同內地鬥，你唔怕你老婆仔女都怕，我就唔信咁多人可以大義滅親。

---

15 : onesee(1238)@2011-01-26 19:06:00

14樓提及

---

黃生廢左武功架啦! 由對上佢個仔起內地藏毒單野就知，講真有家室架人都好難同內地鬥，你唔怕你老婆仔女都怕，我就唔信咁多人可以大義滅親。

我都覺得佢廢左大半功力, 但我係因為佢將社民連攪到一塌胡塗而不睇好.
今次件事, 佢係最大責任. 阿陶係佢一手帶出來, 錯估阿陶能力, 又比到d立心不良的人仕入閣, 佢的組織能力都好有問題.
重有, 現在佢身邊的入室弟子"馬草泥"係咩貨色, 大家都清楚啦.

---

16 : GS(14)@2011-01-26 21:02:56

14樓提及

---

黃生廢左武功架啦! 由對上佢個仔起內地藏毒單野就知，講真有家室架人都好難同內地鬥，你唔怕你老婆仔女都怕，我就唔信咁多人可以大義滅親。

況且他都好大財政問題

---

17 : GS(14)@2011-01-27 00:24:18

http://www.eastweek.com.hk/index.php?aid=10587
創黨僅四年的社民連，出現大決裂局面。創黨主席黃毓民與另一名立法會議員陳偉業，與新當家陶君行經過近半年內鬥後，決定退黨自立門戶。
大決裂的導火線，是三名參加補選的立法會議員的一盤胡塗爛帳；其中黃毓民被揭新呈報的選舉申報開支，捐款數額離奇暴增六十萬元，有社民連核心成員堅稱，六十萬元是借款而非黨的捐贈。
陳偉業亦被揭發一筆離奇大額款項，陳聲稱是由社民連所捐，不過，負責財務的核心成員對本刊斷然否認那是捐款，事件演變成羅生門，最終觸發雙方反枱。社民連由創黨到大分裂不過四年，其明爭暗鬥可說是香港政黨發展史上的經典。
黃毓民、陳偉業兩名創黨核心宣布拉大隊退出社民連，兩人與陶君行從此各走各路，估計社民連今次料有一百多人退黨。

引爆社民連大決裂的胡塗帳，先由黃毓民的一筆補選捐贈申報開支而起。
本刊翻查選舉事務處申報紀錄顯示，黃毓民最早在去年七月，已向法庭提出更改補選申報開支的呈請。根據黃毓民當時更正選舉開支帳項，包括將原有一筆五十七萬元廣告費更改為五十三萬元，又將十九萬六千五百元的租金開支，修訂為十九萬五千八百元等，總開支則由一百零八萬改為一百零三萬，並且在每處更改地方，清楚簽上自己的姓名。
不過，黃毓民今年一月十七日，再向選舉事務處呈上另一份選舉申報資料，當中又多一份之前從未見過、亦未有向法庭提及的捐贈款項申報更改文件。在有關申報表中，黃毓民將原有的十八萬元捐贈款項，更正為七十八萬元，捐贈款項一下子增加六十萬元之多，最離奇的是，這份申報表竟沒有黃毓民或律師的簽名，更沒有任何單據證明。
黃毓民申報的捐贈款項，去年七月填報的數是十八萬多元，今年一月新報的數目卻突然增加至七十八萬元。


捐款突增六十萬元黃毓民上周回應傳媒查詢時，斬釘截鐵表示自己沒有更改這筆款項，是他的助理犯了技術錯誤，現已委託律師處理。
除了黃毓民的選舉捐贈離奇暴增外，「戰友」陳偉業的相關申報文件亦「巧合地」出現類似問題。根據陳偉業的「捐贈收據」申報表，在現金捐贈一欄上，有一筆頗大額的七十萬元捐款。據陳偉業解釋，這筆單一捐款是社民連所捐。
不過，當時負責社民連財政開支、現已退黨的前行委彭義桄表示，社民連並無捐這筆錢給陳偉業，更令人疑惑的是，陳偉業填報的該份一式兩頁申報文件，前後日期亦有不同，後頁有「捐贈者」彭義桄的簽名，但時間為二○一○年七月十二日，第一頁填有捐款數目，兼有陳偉業簽名的，則是七月十九日，兩個日期相差一星期。有知情者向本刊表示，彭七月十二日所簽的申報表只有十一萬元，「阿彭就呢件事，曾向阿陶解畫，佢發誓咁講：『如果要簽七十萬咁大筆數，我點會唔alert？』」
據本刊了解，彭義桄當時負責簽署所有有關社民連捐款的財務申報表，黃毓民與梁國雄的同一式文件，亦由他簽署，而他們三人簽署該份文件的日期俱為同一個日期：七月十二日。

本刊取得的文件顯示，陳偉業填報的選舉捐贈，有一筆七十萬元現金，他說是社民連所捐，不過，該黨否認有捐錢給他，另外，同一份文件兩頁簽署日期亦不同。

---

18 : Hierro(1191)@2011-01-27 00:29:28

唉，十個亂

---

19 : idsdown(1658)@2011-01-27 09:44:17

講黎講去都係分猪肉問題啫.. 頂~~~
個個講鬼死咁偉大, 又呢又路, 同偷厄拐騙冇分別

---

20 : 草帽(1253)@2011-01-27 12:11:46

我係支持社民連既.

其實呢D事情,一D都唔亂. 就算有一萬個起火點, 原因就係得一個. 就係老共用金錢駛橫手. 佢要邊一個人變節, 佢要邊一條女做黑手. 十個有三四個都會肯. 就算係梁國雄都唔例外. 不過今次個問題, 應該係出在主席身上. 主席變節, 咩都唔駛講. 詳情我唔講啦, 雖然我知道發生咩野事情.

如果佢係想做大佬, 佢就自己做主席啦. 佢本身一早就係大佬, 如果而家係大佬就唔駛畀人玩啦. 有時講野要有少少常識既. 司徒華咁巴閉可以控制民主黨咁耐, 緊係仲有方法可以控制主席啦.

民建聯自己都顧唔掂啦, 有業劉同自由黨同佢拆票. 唔選民主黨既人一定唔會選民建聯啦, 兩個方向既人黎.

---

21 : Hierro(1191)@2011-01-27 12:16:00

20樓提及

---

我係支持社民連既.

其實呢D事情,一D都唔亂. 就算有一萬個起火點, 原因就係得一個. 就係老共用金錢駛橫手. 佢要邊一個人變節, 佢要邊一條女做黑手. 十個有三四個都會肯. 就算係梁國雄都唔例外. 不過今次個問題, 應該係出在主席身上. 主席變節, 咩都唔駛講. 詳情我唔講啦, 雖然我知道發生咩野事情.

如果佢係想做大佬, 佢就自己做主席啦. 佢本身一早就係大佬, 如果而家係大佬就唔駛畀人玩啦. 有時講野要有少少常識既. 司徒華咁巴閉可以控制民主黨咁耐, 緊係仲有方法可以控制主席啦.

民建聯自己都顧唔掂啦, 有業劉同自由黨同佢拆票. 唔選民主黨既人一定唔會選民建聯啦, 兩個方向既人黎.

我只有一點不同意
長毛可不是那類有機會和中共同一路線的人

---

22 : 草帽(1253)@2011-01-27 12:24:18

21樓提及

---

20樓提及

---

我係支持社民連既.

其實呢D事情,一D都唔亂. 就算有一萬個起火點, 原因就係得一個. 就係老共用金錢駛橫手. 佢要邊一個人變節, 佢要邊一條女做黑手. 十個有三四個都會肯. 就算係梁國雄都唔例外. 不過今次個問題, 應該係出在主席身上. 主席變節, 咩都唔駛講. 詳情我唔講啦, 雖然我知道發生咩野事情.

如果佢係想做大佬, 佢就自己做主席啦. 佢本身一早就係大佬, 如果而家係大佬就唔駛畀人玩啦. 有時講野要有少少常識既. 司徒華咁巴閉可以控制民主黨咁耐, 緊係仲有方法可以控制主席啦.

民建聯自己都顧唔掂啦, 有業劉同自由黨同佢拆票. 唔選民主黨既人一定唔會選民建聯啦, 兩個方向既人黎.

我只有一點不同意
長毛可不是那類有機會和中共同一路線的人

我只可以講, 我唔否定有呢個機會. 不過話有冇老共滲透, 一定有啦. 因為一個人點會幾個月內立場由極左走去極右, 唔logic 啦. 仲要有大批人同時幫主席鬧黃生. 但係0個時黃生係準備做眼大手術. 呢D真係叫X佢病囉佢命.

以前黃生都講過, 有人用三千萬叫佢收聲. 主席班卒仔五百萬都收聲啦. 不過今次黃生玩埋追擊民主黨, 應該退休喇. 因為畀司徒老狗玩左一玩, 唔會有民主啦. 警察又變埋解放軍, D黑幕陸續有黎.

---

23 : idsdown(1658)@2011-01-27 12:38:49

嘩, 老共滲透, 不如話中美透過社民連角力好過啦

唔係想閙交

---

24 : 草帽(1253)@2011-01-27 12:47:08

23樓提及

---

嘩, 老共滲透, 不如話中美透過社民連角力好過啦

唔係想閙交

如果你認為冇, 我真係覺得香港人好天真. 不過天真都好既. 起碼個人會開心D.

唔係想閙交 .

---

25 : idsdown(1658)@2011-01-27 12:59:10

24樓提及

---

23樓提及

---

嘩, 老共滲透, 不如話中美透過社民連角力好過啦

唔係想閙交

如果你認為冇, 我真係覺得香港人好天真. 不過天真都好既. 起碼個人會開心D.

唔係想閙交 .

話人天真, 點解唔諗下會唔會自己太過自大, 永遠自視過高.

講起滲透, 會諗起阿桑奇, 試問社民連會好似維基解密般重要, 影響力足以要一個國家洗橫手?

唔係想閙交, 不再回覆呢個post

---

26 : onesee(1238)@2011-01-27 15:40:04

中共滲透應該有啦, 點會唔放幾隻針入去呀, 只不過估唔到咁快有收獲

---

27 : kamfaiAthrun(1488)@2011-01-27 16:44:33

陳偉業嘛 也不是第1次出現金錢糾紛啦
鄒秉恬就係追擊佢呢樣野

老共嘛, 話鼠王芬係老共, 嗰時白鴿政治談判又話鐵頭仁老共, 而家黃生又話老共, 咁香港咪好多老共??

---

28 : GS(14)@2011-01-27 22:16:43

我個人覺得社民連是想破壞兩大勢力的

---

29 : fast(1194)@2011-01-28 01:01:12

五區公投,老黃個仔被補,唔知邊個爆出唻,
仲有人以放人作交換條件,叫老黃唔好攪公投,
結果係點,唔需多講,
不過佢咁講,我咁聽咋.

20樓提及

---

我係支持社民連既.

其實呢D事情,一D都唔亂. 就算有一萬個起火點, 原因就係得一個. 就係老共用金錢駛橫手. 佢要邊一個人變節, 佢要邊一條女做黑手. 十個有三四個都會肯. 就算係梁國雄都唔例外. 不過今次個問題, 應該係出在主席身上. 主席變節, 咩都唔駛講. 詳情我唔講啦, 雖然我知道發生咩野事情.

如果佢係想做大佬, 佢就自己做主席啦. 佢本身一早就係大佬, 如果而家係大佬就唔駛畀人玩啦. 有時講野要有少少常識既. 司徒華咁巴閉可以控制民主黨咁耐, 緊係仲有方法可以控制主席啦.

民建聯自己都顧唔掂啦, 有業劉同自由黨同佢拆票. 唔選民主黨既人一定唔會選民建聯啦, 兩個方向既人黎.

---

30 : victorwong9258(2035)@2011-01-30 12:16:07

搞政治的個個都是各懷鬼胎, 開口埋口講民主的心裡何嘗不是唯我獨尊。

---

31 : GS(14)@2011-01-30 13:52:48

搞政治需要吃飯，需要動員，所以需要錢，需要錢的話，大家明白

---

32 : 鱷不群(1248)@2011-01-30 16:22:34

無必要將中共滲透與今次事件混為一談。陶君行是叻仔，口才甚佳，但他搞內鬥早有前科，由民主黨、前線到社民連，有那一次沒有內鬥

---

C觀點 - 施永青 建制派要感謝黃毓民 (2011年11月10日)

1 : GS(14)@2011-11-10 22:44:50

http://www.am730.com.hk/article.php?article=80772
上次立法會選舉，黃毓民領導社民連成功狙擊了公民黨。不單只令一些本來有機會的公民黨候選人沒法進入立法會，更起了一個極壞的榜樣，就是一到選舉，泛民之間也無情講，一切都只能為自己黨的利益著想。為了黨員可以入立法會，甚麼行為都可以做。這樣一來，泛民還有甚麼可能在選戰中合作？
到政改方案角力期間，黃毓民又成功策動五區總辭，陷民主黨於不義，令民主黨與公民黨分裂，以後都不容易合作。即使民主黨自己內部，也出現了不同意見分子，最後以分拆告終，力量因而被削弱。司徒華的死，不能說完全與此無關。
經此一役，社民連本有機會坐大，但黃毓民連自己的政黨也不放過搞分裂的機會，遂與陳偉業一起自立門戶，另組人民力量。自此，泛民再沒有統一戰綫可言。
綜觀香港現時的政治人物，以黃毓民最有政治識見；他口才了得，又懂得把握機會，常以出位的言行吸引社會關注，傳媒都樂於為他鳴鑼打鼓，以致他影響力大增，以一人之力已可以牽著泛民的鼻子走。司徒華逝世後，泛民中已沒有人可以抗衡黃毓民。
可惜，黃毓民的言行，大部分市民都不太認同。由於他一度被視為泛民的一分子，有部分市民會把對黃毓民的不良印象，投射到整個泛民身上。以至市民對泛民的整體印象也被扣分。建制派幾經辛苦無法完成的任務，黃毓民都做到了。難怪民主黨內有人懷疑，黃毓民是建制派潛入泛民的無間道。

---

2 : 草帽(1253)@2011-11-11 11:01:28

民主黨窩囊不堪, 如果唔係肥佬黎撐住, 老早巳投共去了. 只有司徒華見得下人. 不過私心太重. 知道自己班0靚極度窩囊, 冇人接到棒. 焗住借助老共力量, 以政改作交換條件, 制衡黃毓民.

---

黃毓民打馮煒光

1 : GS(14)@2012-01-14 17:12:21

http://hk.apple.nextmedia.com/te ... 104&art_id=15981961

馮煒光昨展示傷勢，可見右眼角有傷痕。
陳沛敏攝

【本報訊】台灣總統大選吸引大批本港政圈人士到當地觀戰，怎料在國民黨競選總部發生衝突，出醜人前。赴台觀選的民主黨中常委馮煒光，報稱被人民力量立法會議員黃毓民揮拳打傷，眼鏡飛脫，面部受傷，在當地報警求助。黃毓民否認動手打人，反指馮講大話造假。
記者：陳沛敏台北直擊　謝明明　蔡建豪


發生衝突時，民主黨觀選團成員立法會議員黃成智，及會計界立法會議員陳茂波立刻將馮、黃分隔，但黃掙脫再向馮揮拳，馮說令他右邊面頰受傷紅腫，在場的人民力量成員起哄，指摘馮煒光不應提及黃毓民兒子被囚內地事件。混亂中兩名民主黨成員亦報稱被打傷，而與黃毓民同行的人民力量女義工亦聲稱受傷，事後躺在地上大哭。

---

2 : GS(14)@2012-01-14 17:12:50

http://hk.apple.nextmedia.com/te ... 104&art_id=15981962

【本報訊】黃毓民與馮煒光在台灣發生衝突，雖然導火線是馮在 facebook中提及黃的長子在內地犯事被拘禁一事，但有民主黨中人指冰封三尺非一日之寒，兩人在前年五區公投時早已交惡，人民力量在區選時更鎖定馮為重點打擊目標。

積怨於五區公投時

有民主黨中人指出，由於馮支持民主黨主流派，反對五區公投，並多次撰文批評支持公投的黃毓民及社民連，其時黃多次在網台公開轟馮，「當時黃毓民已經開晒名用晒粗口鬧佢（馮煒光），人網班毓民支持者都話要狙擊佢」。
到去年區議會選舉，人民力量把馮出選的海怡西選區，列為重點「票債票償」選區，派出成員林雨陽挑戰，馮則諷刺人民力量為建制派 B隊，選舉期間馮在《城市論壇》與人民力量任亮憲互罵，火藥味甚濃。
這次衝突導火線是馮煒光在 facebook中，指黃的長子被中共拘捕所以黃不敢罵共產黨，這是黃最忌諱的事，「黃毓民最憎人提呢件事，上次何俊仁受訪時無意中提及，都畀佢（黃毓民）鬧到狗血淋頭，喊打喊殺，馮煒光仲寫，黃毓民一定唔放過佢喇」。

---

3 : GS(14)@2012-01-14 17:14:47

http://hk.apple.nextmedia.com/te ... 104&art_id=15981964
【本報訊】馮煒光被黃毓民揮拳襲擊的消息傳回香港，蕭若元旗下「香港人網」的留言板有不少網民留言力撐黃毓民，指不相信他會出手傷人。事件也再次勾起部份網民對民主黨當日支持政改方案的怒火，直言即使黃毓民真的曾出手，馮煒光也是「抵打」，更質疑他揑造被襲爭取曝光率，務求取得超級區議員的立法會議員席位。

冷靜網民促公開片段

人民力量一直主張狙擊民主黨，指斥該黨支持政改方案，出賣港人，香港人網內可見大部份是支持黃毓民的留言。有留言直斥馮：「有人為博宣傳，插水扮嘢。」也有網民批評馮想爭取媒體曝光率，提升競逐超級區議員的機會。對於有指雙方爭拗的起因，是馮煒光曾發放有關黃毓民兒子在內地被捕的消息，不少留言都傾向馮是「先撩者賤」，即使黃動粗，馮也是抵打。
不過，也有不少冷靜的網民要求人民力量公開事發經過錄影片段，讓外間知悉真相。他們認為在看過片段後自然水落石出，暫時不宜妄下定論。也有網民認為台灣當局應插手調查，並指台灣司法制度較香港的可信，也促請聲稱受襲的馮煒光主動報警追究。

---

4 : GS(14)@2012-01-14 17:15:01

民主黨責暴行影衰港人
http://hk.apple.nextmedia.com/te ... 104&art_id=15981963
【本報訊】民主黨及人民力量成員在台灣發生衝突，互相報稱被對方襲擊。民主黨昨發表聲明，指該黨中常委馮煒光被黃毓民襲擊受傷，譴責黃的野蠻行為令香港人蒙羞，促請台灣當局從速將違法者繩之於法。
民主黨會待雙方返港後，再進一步了解事件才決定是否追究。

回港後決定會否跟進

民主黨副主席劉慧卿表示，會待馮煒光及黃毓民返港後，「聽晒佢哋點講先」，才決定是否採取跟進行動。另一副主席、觀選團員之一單仲偕對今次事件感到相當遺憾，稱即使雙方政見不同也不應該動粗，令人看扁港人。他說返港後會跟進事件，不排除要求立法會議員個人利益監察委員會調查。據悉，民主黨過去亦曾與政見不同的社民連在台灣相遇，但未有發生爭拗。
今屆台灣大選，除了吸引本地政黨代表到當地觀選外，也牽動兩岸三地人心，有大批來自香港的觀選團抵達台灣，台灣中華港澳之友協會組織的觀選團人數達 60人，號稱是來自香港最大的觀選團，本港七所大學都有組織學生觀選團赴台，其中城大及浸大的觀選學生均逾百人，當中不乏內地生。

---

5 : honey(6546)@2012-01-14 21:52:53

一個黑底，一個無賴，好難講

不過，黑底要郁佢，都唔使自己出手

---

6 : idsdown(1658)@2012-01-14 22:55:26

依個時候就梗係坐山觀虎鬥

---

7 : 草帽(1253)@2012-01-15 01:29:57

其實這樣對馮煒光是政治自殺, 黃毓民係九西選永遠都唔會輸. 而馮煒光0岩0岩在海怡區選罧莊只係贏葉劉條0靚仔一條馬鼻. 再同口角暴力拉上關係全無好處. 不過馮煒光一早是班民主黨老鬼眼中釘. 借刀殺人未嘗唔係一件好事.

---

8 : 龍生(798)@2012-01-15 01:37:25

分析獨到, 以選情分析, 這的確是事實

---

9 : greatsoup38(830)@2012-01-15 11:01:50

7樓提及

---

其實這樣對馮煒光是政治自殺, 黃毓民係九西選永遠都唔會輸. 而馮煒光0岩0岩在海怡區選罧莊只係贏葉劉條0靚仔一條馬鼻. 再同口角暴力拉上關係全無好處. 不過馮煒光一早是班民主黨老鬼眼中釘. 借刀殺人未嘗唔係一件好事.

想請教你見解

---

10 : idsdown(1658)@2012-01-15 11:04:26

因為西九有好多糞青?

---

11 : greatsoup38(830)@2012-01-15 11:05:30

10樓提及

---

因為西九有好多糞青?

那些分開幾間的單位好多年青人住，黃先生那種人好易打動這些人

---

12 : GS(14)@2012-01-17 00:20:10

http://www1.hk.apple.nextmedia.c ... 104&art_id=15986195
黃毓民否認毆馮煒光　罵記者白癡
2012年01月16日

---

13 : 草帽(1253)@2012-01-17 12:18:59

9樓提及

---

想請教你見解

如果黃毓民係港島區選一定會輸. 兩區係兩種唔同既人. 港島區人多數係中產,自以為高層次. 佢唔需要你幫佢爭取D咩, 最緊要既係斯文,有教養,有學識, 同埋唔好反對地產霸權(因為樓價係佢地既命根), 佢地只要有人搞下D活動令大人細路開心就得. 所以民建聯可以係呢區紮根咁多年. 而家馮X光搞D咁既野, 一定死硬.

而九西係窮能區, 0個D人點做都係住劏房, 連基本生活既意志都唔多有. 就算好似民建聯派餅都冇用. 你又唔係派足365日. 佢地一定要人幫佢去政府爭取福利. 唔係自己連飯都冇得食. 所以黃毓民0個種為市民發聲既風格, 佢地會好buy. 加上比例代表制, 基本上只要佢去選就冇得輸.

---

14 : greatsoup38(830)@2012-01-17 21:59:04

馮x光好似是被人打那個點解會咁的?

---

15 : 草帽(1253)@2012-01-18 07:51:49

暫時似條友吹水博上位多.

---

16 : mr_dlm(19486)@2012-01-18 10:57:04

馮煒光話人地個仔先, 先liu者賤, 所謂禍不及妻兒
人民力量社民連雖然係激進, 但真係未聽過佢地d參選ge黨員話人地屋企人

---

17 : 草帽(1253)@2012-01-18 11:30:13

其實如果我有仔或女, 佢話我家人, 我一樣會同佢博命, 今次我覺得黃毓民小佢老母巳經便宜左佢. 唔好話人民力量, 我諗個個黨都唔會囉人地家人黎玩, 班民主黨契弟博上位真係咩都做得出. 睇now新聞黃毓民都有D意興闌珊.

---

18 : GS(14)@2012-01-18 21:49:46

但是我覺得黃毓民唉，但是馮先生就算知都唔好當面講啦

---

19 : 草帽(1253)@2012-01-18 22:18:40

黃毓民樹敵太多, 唔只建制派, 仲有民主黨. 建制派都算, 因為角式不同. 但係民主黨是披著羊皮既狼, 是比建制派更無恥. 有一點我是同意黃毓民既. 就是呢個民主黨孭住民主二字投共, 就算到最後既結果建制派獨大(因為政改都肯定了), 都唔可以比呢個民主黨係到借民主之名呃飯食. 這是一個清理門戶之戰.

---

20 : GS(14)@2012-01-18 22:21:36

但是唔投共又會點呢?

---

21 : 草帽(1253)@2012-01-18 23:00:43

這是個有意思既問題. 我都諗左陣.

妳是可以投共, 但請妳不要孭住民主二字過去. 你最好先要退出民主黨, 又或者民主黨改名. 再加入民建聯. 就好似劉江華咁. 雖然佢咁樣做都係一個仆街. 但係佢起碼都有個清晰立場. 就是我投共了. 總好過一班二五仔潛伏在民主黨欺騙市民講民主, 背後同中共講數呃錢. 又阻止其他人講民主阻佢發達. 這是產生出四不象, 又做雞又想囉貞節牌坊又想副架生唔殘. 有冇可能? 出於義憤, 天唔收我都支持黃毓民收民主黨.

其實這是個有意思既帖. 大至上導出香港政黨走勢, 區域控制同埋香港市民住在不同地區上既諗法. 不過唔會好多人0岩聽. 因為大多是既得利益者.

---

建制派醞釀罷免 黃毓民 陳偉業判囚緩刑 (2013年05月22日)

1 : GS(14)@2013-05-22 14:25:23

http://www.am730.com.hk/article.php?article=155596&d=2050

聲援及反對黃毓民和陳偉業的示威者，昨晨在東區裁判法院門外對罵及推撞，需由警員用鐵馬分隔。判刑後，黃毓民高舉勝利手勢步出法庭，並表明判刑不合理，認為法官完全不接受他們的陳詞，一面倒接受控方理據，正計劃上訴，「個判刑梗係唔合理啦，我哋係一個好和平理性嘅示威，動不動就告非法集結，個政府都發咗癲」。黃毓民又引述法官指，警方施放胡椒噴霧是救他一命，他直指說法「搞笑」。

黃：遭罷免是與選民對著幹
黃毓民其後回應有議員提出解除他與陳偉業的職務，稱早已預計，亦是議員「例行公事」，但不擔心民主派議員會支持動議，並形容若罷免動議獲通過是很可笑，因梁國雄上次衝擊遞補機制論壇被判監，罷免動議亦遭到否決，無理由今次特別對他「厚愛」。他相信議員會思考，若輕易因判刑褫奪民選議員議席，是公然與選民對著幹。
陳偉業則在黃毓民驅車離開後，與另一人民力量立法會議員陳志全走出法庭。他亦形容判刑不合理：「整個拘捕係政治拘捕，我哋喺原有遊行路線上，我哋聲稱話上禮賓府話我哋非法遊行(集結)……長毛(梁國雄)喺同一日犯法，都係罰款，今次判監明顯係，對遊行人士增加心理壓力」，聲言會上訴取回公道。陳偉業又指，相信會有建制派議員提出罷免動議，但他指若動議通過，便需重新啟動新界西及九龍東補選程序，形同半個香港公投，他稱能為「佔中」造勢。

官：無人可凌駕法律
裁判官杜浩成判刑時指，本港無一條法例可守可不守，即使是對社會議項有強烈意見的人士，犯法亦需負上刑責，無人可凌駕法律之上，否則社會核心價值將無從說起。他稱，遊行及言論自由是社會核心價值，但法治精神同樣重要，形容示威遊行已是市民日常生活一部分，而合法示威可提升市民守法意識，相反不合法、不和平的示威，則變成破壞法治的危機。
杜浩成又反駁《公安條例》是「惡法」的指控，指回歸以來遊行申請宗數上升近7倍，絕大部分均有秩序完成，反映提供示威自由的機制有效。杜續稱，即使被告辯稱行動是糾正貧富懸殊，但法庭堅持不論政治理念為何，激烈行為破壞法治絕不可取。杜浩成又強調，今次案件性質嚴重，兩名被告主導角色毋庸置疑，組織示威人士衝擊警方防線，是罔顧示威人士、警方及記者的人身安全，遠比阻塞交通嚴重，對社會傷害難以估計。而黃毓民聲稱被警方推跌，被裁判官指是毫無必要的失實陳詞，因此加重量刑。

曾鈺成：緩刑不影響罷免
根據《基本法》，立法會議員若干犯刑事罪行被判監一個月或以上，經立法會出席議員三分二通過，即可被解除職務。立法會主席曾鈺成表明，緩刑不影響解除議員職務的條文執行。曾提出罷免動議的謝偉俊稱，需先研究判詞，又指若無議員在內會提出，他會考慮提出，供議員在大會上辯論及投票。
民建聯及工聯會則會作內部商討立場再作決定，但民建聯蔣麗芸表明有意提出動議，正搜集相關資料。新民黨田北辰稱，支持罷免動議可抒「一時之快」，但需考慮政治效果，因兩人是因抗爭而非私利犯法，支持罷免勢「坐大激進派聲勢」。民主黨主席劉慧卿稱，今日將開會討論。公民黨湯家驊說，若議員被罷免，按《立法會選舉條例》仍可再次參選，因條例針對服刑而非判刑，而他並不相信泛民議員會提出罷免動議，該黨亦不會支持。自由黨黨魁田北俊則指，法官判處緩刑代表兩人罪行不是大錯，不會主動提出罷免動議。

---

黃毓民揚言盤問梁特兩日

1 : GS(14)@2016-04-12 17:40:41

【立會擲杯案】【本報訊】立法會議員黃毓民前年涉向特首梁振英掟玻璃杯，案件原安排昨日於東區法院開審。由於控方本月上旬再向黃提交新資料，故裁判官將案押後至下周二開審，亦同意讓黃傳召運輸及房屋局局長張炳良、立法會議員等7人為辯方證人。黃在庭外估計身為首名證人的梁振英作供僅數分鐘，但他會盤問梁整整兩天。



6立會議員任辯方證人


黃毓民早前申請傳召69名證人被拒，昨向裁判官上訴，又提交他與兩名立法會議員的電話WhatsApp截圖，以及傳媒新聞片段，認為政務司司長林鄭月娥、財經事務及庫務局局長陳家強、立法會秘書長陳維安，及數名立法會議員共有12人在場或目睹案發始末，申請他們成為辯方證人。裁判官朱仲強僅批出有關郭家麒、陳偉業、石禮謙、田北俊、梁耀忠及李國麟等6張證人傳票。至於黃指有官員事後在電梯口跟他說「使乜咁激！掟杯」，他昨披露該官員是張炳良。朱官認為張的證供或具關鍵性，批准黃傳召張，但因黃未填妥資料，朱官暫未能發出證人傳票。黃申請押後處理永久終止聆訊，又指根據《立法會（權力及特權）條例》，議員需得到特別許可才能出庭，但有關申請需時兩個月，故他申請押後整個審期，但同遭朱官拒絕，黃撤回永久終止聆訊申請。由於控方本月上旬才將當日立法會議員發言謄本等新證供交給黃，為讓黃有時間準備，裁判官將聆訊押後至下周二。黃在庭外指無懼政治檢控，稱會盤問梁振英兩日，着記者一早到庭霸位。案件編號：ESCC2615/15■記者戴國輝





來源: http://hk.apple.nextmedia.com/news/art/20160412/19567662

---

黃毓民稱掟杯為聲援泛民

1 : GS(14)@2016-08-09 07:22:49

【立會掟杯案】【本報訊】立法會議員黃毓民涉於前年7月用玻璃杯掟向出席特首答問大會的梁振英，被控普通襲擊案昨在東區裁判法院續審。他出庭自辯，不下10次提及政治檢控，批評梁睚眥必報，藉此向他報復；又狠批律政司司長袁國強是奴才，沒盡力調查梁涉貪，更政治檢控旺角騷亂示威者等，「仲要上高院，驚死班後生仔唔使坐7年！」



主控：好似冇人留

黃毓民批評梁振英多次干預立法機關、司法獨立，舉例指廉政公署李寶蘭事件。他續指當日行為屬議會抗爭，藉此向政府施壓，要當權者反躬自省，無意令梁身體受到傷害，只是「令佢心靈上作一啲調整」，反省何以不得民心，而水杯只是意外飛脫。他接受控方盤問時稱，他見泛民離席抗議遂上前聲援，認為「毓民出嚟啦，氣勢更壯」。惟控方播放閉路電視反諷指：「但好似冇人留意你喎。」黃反駁：「拖我出去嗰陣咪知囉！」女主控又質疑其潑水行為不屬抗爭，黃反斥她無知，「我潑唔潑水關你叉事」，又激動指控方問題白癡，需裁判官插嘴調停。黃早前稱將召運房局局長張炳良及立法會議員作供，但昨散庭前改變主意，指政府不可信，決定不傳召他們，亦不打算傳召任何辯方證人。案件今續。黃為來屆立法會九龍西候選人之一，其他參選名單，請參閱A9版。案件編號：ESCC2615/15■記者楊思雅





來源: http://hk.apple.nextmedia.com/news/art/20160809/19728857

---

黃毓民指梁天琦「蠢仔」

1 : GS(14)@2016-09-01 06:00:55

【本報訊】在九龍西尋求連任的熱普城候選人黃毓民，早前批評本土民主前線梁天琦是政棍後，他前晚在網台節目中，再點名轟本民前召集人黃台仰，並批評梁是「蠢仔」，更點名批評青政及游蕙禎投機、沒有能力。對於黃毓民批評，參選新東的青政梁頌恆指：「由佢（黃毓民）鬧啦，我哋講明唔會攻擊同道，唔回應嘞。」


缺席論壇遭圍攻


黃毓民昨缺席港台九西選舉論壇，在選舉期間由傳媒主辦的7次論壇，黃已缺席4次，其名單第二的馬愉生指黃昨去了九東宣傳，未能出席。香港本土力量何志光、維園衝鋒朱韶洪、民主黨黃碧雲及社民連吳文遠發言時接力狙擊黃毓民，黃碧雲質疑「黃毓民淆底，堂堂教主變過街老鼠」；吳指黃毓民已非激進、反對、抗爭派，近日又攻擊被取消參選資格的梁天琦。黃毓民前晚在網台節目中否認自己驚輸，指自己亦希望游蕙禎勝出：「我都想佢贏喎大佬，你有本事踢走黃碧雲毛孟靜，你咪贏囉，你諗住踢走我嚟贏呀？發夢冇咁X早。」黃又指會支持提出港獨的人，但亦會「踢走啲反骨仔」，指青政並非真正的港獨派，而是投機派，直指青政和本民前日前的造勢大會出席人數少。黃又直斥與他同樣參選九龍西的游蕙禎、劉小麗等是屎，並指支持青政的網絡名人均是垃圾。黃指已約束己方陣營不要多言，但黃台仰一方則做不到，「佢（梁天琦）係好仔、乖仔、亦都係叻仔，佢同Ray Wong（黃台仰）係有好大分別。叻仔乖仔好仔，但佢（梁天琦）係一個蠢仔」。對於黃毓民批評，黃台仰至截稿前未有回應本報查詢，但他在facebook暗指黃毓民「拉一派打一派」，是共匪慣用手段。該區其他參選名單，請參閱本報立會選戰網站http://hk.apple.nextmedia.com/legco2016/region■記者林俊謙




來源: http://hk.apple.nextmedia.com/news/art/20160831/19755227

---

何志光力數黃毓民十宗罪

1 : GS(14)@2016-09-04 15:45:26

【本報訊】打着揭發黃毓民為旗號而參選立法會選舉的本土力量何志光，昨日在報章刊登全版廣告，列出同為九龍西候選人黃毓民的「十大罪狀」。何志光昨與黃毓民另一昔日「愛徒」任亮憲，在選舉前夕繼續力數黃毓民，更特別租用一輛七人車，沿途開咪呼籲選民一票不投黃毓民，「揭發黃毓民嘅罪行，就算共產黨做得幾差，都要票投民主派！」何志光的宣傳車輛昨午途經旺角一帶，他指今日會繼續呼籲選民勿投黃毓民及熱普城候選人，但不會特別到其街站踩場，「佢哋實在太多爛仔，費事佢整爛我架車，我咪去元洲邨囉……去佢嘅票倉宣揚佢嘅惡行，等啲老人家醒覺囉」。



■黃毓民昨晚在旺角集會，為選舉造勢。黎樹雄攝

任亮憲：政治騙徒


民調顯示黃毓民有機會當選，何直言不相信，認為民調不可信。對於今屆有不少候選人相繼棄選，他認同棄選者是顧全大局，並指可印證黃毓民曾提及泛民沒有不分裂的本錢是錯誤，但就指自己不會棄選，會繼續呼籲市民一票不投黃毓民。黃毓民另一昔日愛徒「維園阿哥」任亮憲，早前曾在選舉論壇炮轟其立場飄移。他昨聯同何志光在車內開咪，指自己本身是九龍西選區的選民，曾支持黃毓民，但曾被他在政治上出賣，是真正的黃毓民苦主，所以今次是要出來呼籲選民別再受騙。他強調並非為私怨，而是要為公義出聲，又指網上也有成千上萬的苦主，「唔好再信呢個政治騙徒」。對於黃毓民有競選橫額被貼上「棄黃保游」的貼紙，他就指黃一向好有手段，不排除是自編自導自演，透過鼓動性的行動，增加仇恨以凝聚支持者。同區參選的黃毓民昨晚則在旺角開咪集會，呼籲支持者投票。該區其他參選名單，請參閱本報立會選戰網站http://hk.apple.nextmedia.com/legco2016/region。■記者伍雅謙




來源: http://hk.apple.nextmedia.com/news/art/20160904/19759492

---