【靚貨攻略】絲打遊泰必入 百零蚊買極似大牌味香水
1 :
GS(14)@2016-07-13 05:16:46去旅行，各位絲打買妝物嘅欲望當然超盛，以下五件係曼谷不能錯過的妝物，記得入手啦。
旅遊搜尋網站Skyscanner最近公佈，曼谷係繼台北、日本東京同大阪後，港人暑期最愛獨遊地區第四位。不過近期日圓水位未算低，看來遊泰人數應該比預期多。獨遊又好，一大班人去玩又好，我知點都唔會阻止到各位絲打買妝物嘅欲望，今次我哋就搵來五件喺曼谷不能錯過的妝物，大家知道有乜要入手啦！
1.Beauty Cottage Memories of Love系列香水
維多利亞風美妝店Beauty Cottage喺唔少大型商場都有分店，其中Memories of Love系列香水被廣傳為極似Chloe的經典味道，價錢兌成港幣都不過百零蚊，雖然味道唔太持久，但平平哋都算係唔錯嘅選擇。
2.Beauty Cottage啞致唇膏
除咗香水，Beauty Cottage嘅唇膏也值得留意。新加坡權威美容雜誌《Cleo》曾經選它為最佳經濟價格啞致紅唇之選，記者親身試過，的確非常顯色，怕太matt太乾有唇紋？亦有semi-matt可揀，潤得來亦唔會太有光澤，愛化歐美妝嘅絲打唔好錯過。
3.Srichand Powder喜簪控油透亮蜜粉
點解曼谷天氣咁熱，喺街上見泰國美女們個妝都保持得咁好？原來除了用爽身粉灑上面同頭髮保持清爽，佢哋亦會用Srichand Powder控油蜜粉。除咗可以平時定妝用，說明書亦建議，可以用一份碎粉加兩份水，混合敷30分鐘做面膜，一物二用。
4.Mistine三合一3D眉筆
講到泰國妝容，最有標誌性一定是眉妝。有「泰國第一彩妝品牌」之稱Mistine，佢嘅三用眉筆一支有齊眉筆、眉粉同眉gel，方便到極。
5.Mistine Brow Sharpener
單用眉筆太難控制？Mistine嘅brow sharpener可以助你更易畫出整齊眉妝，佢一支有深淺兩色，cream-gel狀的眉膏在筆蓋兩邊，可以用來填補眉色和修補眉形邊沿，非常容易上手。記者：黃樂雯
來源:
http://hk.apple.nextmedia.com/su ... t/20160713/19692150
【平民化爛妝】實戰兒童塗臉油彩 百零蚊自己整蠱做怪
1 :
GS(14)@2016-10-30 14:37:26萬聖節玩Face Painting，其實在外國一直其中一種過節傳統。
踏入十月尾，又到大家可隨意整蠱做怪的日子——萬聖節！有準備的人，可以一早預定Cosplay服，甚或不同的裝飾品；不過如果你只是忽然興起，又或者突然收到出席萬聖節活動邀請，可能需要一個化粧急救包。
請教多年從事新娘化粧的Suki：「我主力從事專業化粧工作，不過我亦曾遠赴英國，學習特技化粧。」如果你都是愛畫面一族，或者在香港不同的畫面場合見過Suki，因為她曾經在「Rugby Seven七人欖球賽2014&2015」及「北角碼頭鬼船人物化妝2015」，曾任Face Painting化粧師。好多人都將身邊事想複雜了，要做一個萬聖節恐怖妝容，其實可能只需一點點油彩：「如果問最方便快捷，營造萬聖節妝容的方法，首選一定是Face Painting，一般連鎖式大型玩具店，又或一些大型美術用品店及文具店，都可以買到；一般選擇竅門，是必定選擇小朋友可用的油彩，因為一般安全檢測要求會較嚴謹，而且價錢亦不太貴，大概百餘元已買得起；如果問專業級的Face Painting油彩，價格可能會貴一些，相同的5、6種顏色，價錢可能要貴上數百以至過千元。一般我們做這類特技化粧的油彩，我們都會選擇美國出品，因為材料的要求以至監管法例，都有很完善的機制。」
Susukimakeup專業化粧師Suki。
一般兒童用的塗臉油彩，價錢在百餘元左右。
在臉部塗妝時，都有一點小技巧：「如果是女性化萬聖節妝，可以考慮局部塗妝，因為唔會破壞完美的妝容之餘，而且還會帶點可愛風。」Suki馬上在臉上畫上一隻黑蜘蛛加一個蜘蛛網，萬聖節氣氛已非常好，「如果喜歡整蠱做怪的，可以嚐試全臉的塗妝，大家使用時可以放心，一般這類油彩，都是使用水性的設計，一般用清水清洗，甚或加一點肥皂水，就可以輕易下妝了。」
Suki試在自己臉上畫上蜘蛛圖案，前後大概只需5分鐘，而且提提大家加一點白色圍邊，會有更立體效果。
記者試畫了變形俠醫的萬聖節化粧，留意點是最好繪畫時要合上眼，而且油彩亦不應油得太貼眼部。
查詢：mailto:Susukimakeup@facebook記者：朱崇德攝影：鄧鴻欣
來源:
http://hk.apple.nextmedia.com/su ... t/20161030/19816502