📖 ZKIZ Archives

53歲關之琳Young得起　同22歲千語撞裙

1 : GS(14)@2015-11-09 08:36:50

53歲關之琳日前在台灣出席活動時，突然自爆同台灣富商陳泰銘「不是分手，是離婚！」，震撼全城。之之透露結束8年戀情，現已放下，回復single and available的狀態，更隨時接受新戀情。這次之之去台灣除了四出宣傳自家護膚品牌，還上了藍心湄主持的綜藝節目《女人我最大》錄影，當日她穿上一條日本潮牌Sacai的灰色拼格仔短裙，相比以往的貴婦look，單身之之穿衣更young。錄影完畢後，她又換上穿上Nicholas綠色露肩彩間裙風騷參加party，原來這條裙早前吳千語也穿過同款。22歲的千語雖然大把青春，不過就因為太瘦削，穿上突變紙板人，反而大她31年的之之穿上，再配襯黑色皮褸和短靴，顯得十分有型，果然薑越老越辣!





來源: http://hk.apple.nextmedia.com/entertainment/art/20151109/19365844

---

【add】紅人主場：關之琳　一個人睡

1 : GS(14)@2016-09-09 05:09:16

Rosamund Moiselle和風浴袍



54歲的凍齡美人關之琳，上年11月與台灣富商陳泰銘離婚後，單身生活更精采，行山放狗飲食人生，最近更首次做設計師推出睡衣。要靚，更要愛，兩度婚姻失敗，仍然憧憬戀愛，「我相信愛情，想要愛情，不是每個女人都會好順利，但我唔會氣餒，會繼續搵一個自己鍾意、又錫我嘅人。」統籌及採訪：林妙萍　協力：陳蔚渝攝影：周樂恒攝錄：葉君海、郭賢興髮型：Kelvin Koo化妝：Omix B場地：置地文華酒店關之琳離婚後的日子，比以前更忙碌，最近創立自己品牌Rosamund Moiselle，關之琳在文華東方酒店受訪，坐床、瞓浴缸，一律無問題。



■關之琳示範自己設計的喱士睡裙。

Rosamund Moiselle釘珠睡衣


「了解一個人要5年」

18歲青春少艾時嫁給王國旌，一年後離婚。關之琳和台灣富商陳泰銘的低調戀情拍了多年，去年宣佈已婚的當日，亦同時宣佈離婚。關之琳不講前夫，但堅持未來仍想要一段愛情，「認真去了解一個人，3年係唔夠，要5年以上，對我嚟講，如果有下一個，我寧願一路談戀愛，一路訂婚啦，唔好大家有一個負擔。嗰張紙，對我其實唔係咁緊要。」關之琳直認愛情至上，但沒為失敗婚姻痛哭，上一次流淚已是三年前，「係爸爸（關山）走嗰時。經歷過咁多事，好多嘢唔會太打擊到我，當你睇清楚，就會發現人生係咁樣，你就唔會太傷心，同埋我個人抗壓能力幾高，幾識處理，唔會心情up and down。」



■關之琳去年宣佈和台灣富商陳泰銘離婚。

■單身悠閒的生活，包括放狗行山。

■圈中好友多，經常結伴玩。

家有200套床上服

回復自由單身，關之琳有時間做想做的事，「我兩年前訂咗20樣嘢，好濕碎，好似滑雪、想去學調酒，而家做咗四、五樣，每做完一樣，就加一個剔畀自己。」其中一樣是推出自己的時裝品牌，首個系列卻主打睡衣！「我應該有200套睡衣，旅行時有好多古怪經驗，令我覺得要著得保險啲、正統啲，一有事，可以拎起手袋就走人。」直認對自我要求高，在家、上飛機，24小時要靚不能鬆懈。想出睡衣，亦因她試過汶川地震時要急逃出酒店，「又試過半夜有人叩門，又真係試過走火警，半夜瞓瞓下要起身。」


間中裸睡視乎心情

由睡衣講到閨房秘密，關之琳二百套睡衣中，包羅萬有，每晚換一套，喜好視乎心情，「有伴侶時，就要執得靚啲，不可以披頭散髮。」裸睡？「有試過，間中都會，好多人都會啦。」至於今次系列，包括男女裝、華麗釘珠睡衣，甚至日本風長袍，「好多朋友問我用乜手袋、眼鏡、保養，我都會諗一諗，點解佢哋會問我呢？我覺得咁樣幾好，我好少講自己生活，但覺得靚啲嘢可以同人分享，未來仲會有好多新計劃。」


【美魔女日跑三小時】

關之琳是圈中凍齡代表，樣貌身形多年不變，世間無免費午餐，她有專人教練長期監督，「一個星期三四日，每次三四個鐘頭，呢方面我好勤力，好自律，佢叫我做乜，我都會做，做到為止，做到最好為止！」大美人經常被集郵，私下反而少影相，「因為我覺得以前影得太多，所以好懶去影生活相。」堅持相要靚才出街，所以Ig少更新，「唔係咁靚，我又唔post；唔自然，我又唔post；太多其他朋友有顧慮，我又唔post，變咗左諗右諗，就唔使post。」




來源: http://hk.apple.nextmedia.com/entertainment/art/20160908/19763651

---

【馮仁昭四圍超】關之琳攬阿B兩女慶生

1 : GS(14)@2016-09-13 08:04:28

關之琳今個月24號54歲生日，圈中有唔少年過半百嘅女星都好似食咗防腐劑咁，個樣同身材都keep得好好，之之就係當中嘅佼佼者。雖然距離正日生日仲有個幾禮拜，但係佢已經收到4個蛋糕，樣貌同人緣都一樣咁正！之之噚日喺Instagram晒出多張慶祝相，其中一張係攬住鍾鎮濤（阿B）兩個囡囡鍾懿同鍾幗嘅合照，留言：「Thanks sweetest baby for my pre birthday！」撰文：馮仁昭




來源: http://hk.apple.nextmedia.com/entertainment/art/20160913/19768904

---

關之琳託友問候大劉

1 : GS(14)@2016-10-10 00:43:56

關之琳（之之）、溫碧霞、黃卓玲等昨晚出席善學慈善基金晚宴，之之剛度過生日：「好多飯局，切咗10個、8個蛋糕，希望身體健康同生意勁爆好，搵伴都係順其自然。」她自言是宅女，並表示一季要設計30、40款睡衣非常頭痛。對於劉鑾雄有心臟病及腎衰竭，之之表示沒有跟對方聯絡，但有託友人問候，希望他可早日痊癒。溫碧霞和老公到場，透露本月1日是結婚16周年紀念，並展示手上3卡鑽戒說：「係老公送嘅周年結婚禮物，我送自己畀佢囉。」對於早前葛民輝表示考慮替囝囝請保鑣，她說：「唔使咁誇張，好多嘢整定。」採訪：羅慧敏攝影：仇志德




來源: http://hk.apple.nextmedia.com/entertainment/art/20161008/19794427

---

美魔女關之琳孭激罕Chanel金線手袋

1 : GS(14)@2016-11-12 05:55:06

Chanel一向是名媛淑女的最愛，2.55、Boy Chanel同Classic款是最多人追捧的款式，不過亦有人喜歡收藏特別的限量版。好似圈中富婆關之琳，日前她出席頒獎活動，就穿了Balenciaga的秋冬runway拼貼花裙，襯了Chanel秋冬runway款式的金線造型的minadiere手袋仔，相當搶fo，這個手袋袋仔細細，相當限量，相信是Chanel迷的collectible款式，售價$58,600元，過去Chanel都推出過迷你拖喼、香水瓶、牛奶盒、中式便當等小手袋，全是罕有收藏款式。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20161112/19831435

---

夥群星撐澳門影展　恨遇心動劇本關之琳：拍咁多戲冇一套鍾意

1 : GS(14)@2016-12-10 03:45:32

【澳門直擊】第一屆澳門國際影展暨頒獎典禮昨晚在澳門文化中心舉行開幕禮，影展大使張根碩及形象大使章子怡、關之琳、少時前成員Jessica和張晉等行紅地毯，黃宗澤兩位舊愛胡杏兒及楊崢亦有現身，影展籌委會執行副主席周焯華（洗米華）則親自接待眾星，而曾志偉、女兒曾寶儀及兒子曾國祥就擔任大會司儀。



■經常被催生BB的杏兒，昨日現身明顯豐滿了不少。

■薛凱琪以黑色透視裙示人，甚為性感。

■洗米華親自接待嘉賓，包括《骨妹》演員余香凝（左二）、廖子妤（左三）及導演徐欣羨。

■章子怡享受照顧囡囡的生活。

子怡樂做人母

關之琳與應屆金馬獎最佳女配角得主金燕玲齊齊受訪，已多年沒有拍戲的關之琳不諱言想復出，她說：「平時香港都好少參加電影節，會唔會拍戲就never say never，好難講，拍咗咁多年戲，冇一套自己鍾意，如果遇到令我心動嘅電影，就算70歲都唔會say no。」身旁的金燕玲又爆其實很多人透過她去找關之琳復出，金燕玲說：「我都有叫過佢拍，佢要遇到好吸引角色至會拍，好想同佢合作。」章子怡在台上接受訪問時，透露很嚮往現在的生活，她說：「現在可以帶囡囡（醒醒）去拍戲，做媽媽之餘也可以兼顧工作。目前在儲存能量，明年3月拍自己的戲。」囡囡即將一歲，子怡表示不會為她開生日派對，她說：「北京很冷，簡單在家裏過一下就好了。」



■曾志偉與女兒曾寶儀及兒子曾國祥現身紅地毯。

曾寶儀遮瘀傷

早前在台灣被電單車撞傷的曾寶儀受訪時表示：「傷勢就用化妝遮，兩邊身瘀晒要用咗好多時間化妝。撞完第二日起身好似被人打咗一身，第三日就似家暴，遲啲仲要去北京做嘢。」廖子妤、余香凝代表參賽電影《骨妹》亮相，廖子妤直言希望電影上映時，可以見到拍檔梁詠琪（GiGi），她說：「我飾演GiGi年輕版，冇機會同場，所以好想同佢一齊行紅地毯。」另外，澳門國際影展會安排競賽部份，共有11部電影參賽，評審團成員包括香港導演關錦鵬及韓國演員鄭雨盛等。影展頒獎禮會於下星期二舉行，到時會頒發最佳男、女主角、電影及導演等獎項。採訪、攝影：曾小嘉




來源: http://hk.apple.nextmedia.com/entertainment/art/20161209/19859293

---

B哥聚會認識傳緋聞關之琳護周覓：嚇親小朋友

1 : GS(14)@2016-12-31 01:06:34

■之之與「小朋友」周覓密密見，月前在深圳一個時尚活動聚首。互聯網圖片



現年54歲的關之琳（之之）去年與台灣富商陳泰銘離婚後，再度活躍，近月積極搞設計睡衣時裝生意，早前更透露有機會拍內地真人騷。回復單身的她，昨日有報道指與30歲的內地小鮮肉、韓國男子組合Super Junior-M中國籍成員周覓撻着，有指二人經好友鍾鎮濤（阿B）夫婦撮合，范姜的Instagram中，二人曾同場去船P，男方又去之之的睡衣時裝活動撐場，更專誠來港為她賀壽等，兩人密密見。



■之之將自家品牌護膚品送給周覓，更在Ig上放對方的相片宣傳。

■之之稱對感情事不太心急，亦不會強求。資料圖片


「細過我大把」

本報昨日致電之之了解有關緋聞一事，她即連番否認：「梗係唔係啦，當然唔係啦，梗係朋友。」之之透露二人相識經過：「係B哥早排想簽一個歌手做經理人，佢係Fan Fan（范姜）朋友，都係佢哋搞嘅聚會識。」問到之之單身惹緋聞，她笑言：「我係single，唔係喺我側邊啲人就寫係，聚會好多人，你哋又唔講，唔係搭吓膊頭影張相就係，B哥好多小朋友朋友，呢個年輕啲出道，朋友有男有女，有聚會影張相擺上Instagram好方便，唔好嚇親佢，我就唔驚，嚇親小朋友唔好，?家同好多人合作，唔通我同搞時裝嘅Harris Chan（Moiselle太子爺陳柏熹）又傳，咁唔啱、唔通，做嘢還做嘢，朋友還朋友，有發展空間再講，梗係唔係。」之之當年曾與黃家諾拍拖，令外界誤會她有「姊弟戀」發展空間，她表示：「都係一次箒，我唔係唔接受，但呢個唔係嘛，將來有戀情會承認，?家同我合作、我嘅朋友，細過我大把，個個都係姊弟戀，我好唔得閒，自己對感情事唔心急，唔會強求，因為感情事冇得急。」採訪：唐如


■之之（中）於9月生日時，周覓（右）以「my關姐姐」稱呼對方。互聯網圖片

■鍾鎮濤與范姜介紹之之認識周覓，早前更開船P為周覓慶生。



來源: http://hk.apple.nextmedia.com/entertainment/art/20161230/19880846

---

關之琳1.4億沽壽臣山洋房 料實蝕500萬

1 : GS(14)@2017-01-04 08:12:06

【明報專訊】近年豪宅交投向上，部分投資者伺機出貨。影星關之琳持有位於淺水灣壽臣山道東1號雙號屋，以1.43億元售出，較6年前以1.39億元購入價帳面賺362萬元，惟計及釐印及佣金等使費，料蝕逾500萬元。

6年前1.39億購入 帳賺362萬

土地註冊處顯示，壽臣山道東1號雙號屋，於上月以1.43億元售出，買家為林裕豊（LIEM REYNER），實用面積約2657方呎，實呎5.38萬元。原業主2010年9月以1.3938億元購入，6年後以1.43億元沽出，帳面賺362萬元，惟連使費計料蝕逾500萬元。

鄭威濤尖東舖劈租四成 無承接

此外，零售持續不景，即使核心區舖位業主劈租亦留不到租客。由板長壽司創辦人鄭威濤及有關人士於2012年以1.65億元買入的尖沙嘴東海商業中心地下7至9號舖位，長租客陸續撤退；繼去年上址7及7A號舖短租予散貨場後，市場消息指，現時承租8及8A號舖的康熙免稅大藥坊亦將撤退，即使業主願意把月租由25.5萬元減至16萬元（減幅37%），租客亦決定退場，轉租對面的新文華中心單邊地舖。

市場消息亦指，康熙免稅大藥坊最新已承租新文華中心地下6至7號舖單邊舖，面積約790方呎，月租16萬元，呎租203元。土地註冊處顯示，新簽租約較該舖於2011年簽立的舊租18萬元再低11%。

另外，由宏基資本（2288）拆售的長沙灣永康街匯創方3樓全層，由亮碧思集團總裁黃樹雄以7031.8萬元購入，按上址全層8633方呎計，呎價8145元。

[地產]


來源: http://www.mpfinance.com/fin/dai ... 6522&issue=20170104

---

2 : Ghenea(42551)@2017-01-04 14:06:10

畀大劉寵幸過的女人都變得大富大貴

---

3 : GS(14)@2017-01-06 01:07:19

不好嗎

---

關之琳現胸形大讚華仔意志力強

1 : GS(14)@2017-04-22 10:41:52

關之琳昨晚現身尖沙嘴LV新店活動時，透露有去探華仔，問到華仔有否呻悶，她表示：「未，佢有小朋友陪佢，佢做慣嘢，咁長時間休息係辛苦啲，叫佢諗吓啲project。」之之還透露華仔有提及想與她合作拍戲。



緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170421/19996724

---

關之琳放棄搵男人

1 : GS(14)@2017-04-28 00:54:38

關之琳早前與Moiselle合作設計睡衣，前晚她現身跑馬地，出席該品牌的20周年晚宴，撐合作夥伴陳欽杰夫婦及太子爺陳栢熹。提到生意計劃，之之透露想設計休閒服，又指數年前、即50歲時許下十多樣心願：「係之前未做過嘅，創立品牌、打鼓、滑雪已經做咗，?家完成咗四、五樣。」問到找一個長相廝守的男人會否是最後一個願望，之之說：「唔諗喇，已經放棄咗，最後再算。最想學象棋，呢個最難。」記者提議她找一個象棋老師做男友，她笑言：「咁兩個人會好似石像，不過可以防老人癡呆。」再問到會否出寫真，她說：「唔好喇，怕嚇親人。」採訪、攝影：羅慧敏



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170427/20002590

---