📖 ZKIZ Archives

羅傑承力追拍拖7年後反目　陳加玲感情糾紛變錢銀瓜葛

1 : GS(14)@2017-01-02 11:51:11

陳加玲除夕夜同外藉男友喺酒吧夜蒲，玩得盡興，不過佢最為人熟知嘅，就係廿幾年前同商人羅傑承嘅一段情史。91年陳加玲參與拍攝《黃飛鴻笑傳》，有傳羅傑承對陳加玲一見鍾情，雖然已經係有婦之夫但仍落力狂追，至94年羅傑承同正室離婚，確立咗陳加玲嘅地位。直至95年，羅傑承於尖沙嘴遭刀手伏擊，身中三刀，當時陳加玲不離不棄，感情突飛猛進，可惜兩人拍拖7年分手收場，03年陳加玲更因生意合作與羅傑承發生錢銀糾紛，對簿公堂，約10年間兩人關係大起大落。陳加玲14年又突然發聲明，喺冇指名道姓之下，話自己廿歲時年少無知，遭追求者隱瞞已婚身份，仲喺聲明最後一段話：「地球好危險，包着人皮的獅子老虎滿街行，請大家小心。」




來源: http://hk.apple.nextmedia.com/entertainment/art/20170102/19884212
PermaLink: https://articles.zkiz.com/?id=321058

Freeze錢銀瓜葛反目Echo不和拆伙各散東西

1 : GS(14)@2017-05-18 01:10:51

古語有云：「女人多是非」尤其係做女子組合，大多都係合久必分，好似Twins咁相親相愛情同姊妹嘅真係唔多，而反面甚至係拆伙嘅真係比比皆是
Echo由李蕙敏同區海倫喺1989年組成女子組合Echo，不過出道三年組合就拆伙，有指當時係因為二人不和所致，解散後李蕙敏就去咗電台做DJ，之後仲單飛做歌手，而區海倫去咗大台做主持人，之後仲同香港三大紡織廠創辦人之一陳元鉅嘅囝囝陳仲尼結婚，佢仲表明寧願湊仔，冇打算復出。
Freeze2007年出道嘅女子組合Freeze由甄穎珊、陳樂榣及石詠莉組成，喺2010年甄穎珊指另一成員陳樂榣借錢唔還，但仲可以日日買名牌，三位成只反目，而同年甄穎珊同經理人公司解約，Freeze名存實亡。
Super Girls成軍5年嘅Super Girls成員有趙慧珊（Aka）、吳嘉熙（Cheronna）、陳穎欣（Yanny）、蔡明思（Jessica）和李靜儀（Heidi)，佢哋一直睇落都情同姊妹，不過最近有傳Yanny多年前硬撬Heidi有米男友，為保形象Heidi仲要被封嘴，姊妹情凍過水。




來源: http://hk.apple.nextmedia.com/entertainment/art/20170517/20024200
PermaLink: https://articles.zkiz.com/?id=333152

【錢銀實驗室】「女上司比男上司易服侍」市民激辯爆seed

1 : GS(14)@2017-10-09 02:43:37

正所謂人人都有「波士」，但並唔係人人都係「好波士」。日日坐喺Office猶如玩緊鬥獸棋，今日我哋破天荒探討一下首個辦公室兩性議題─女波士比男波士容易服侍嗎？據聞有啲女波士情緒起伏極大，上一秒笑面迎人，下一秒爆口大罵；不過又有人撑女波士做事較認真嚴謹。我哋一於走出旺角街頭，聽聽蘋民點樣講！論點一、細節好重要譚先生：「比如啲文件，字型幾大、要幾多line spacing、咩顏色、要print幾多、雙面定單面，女上司都係好有要求！男上司反而冇，總之你印到份會議紀錄出嚟就okay。」論點二、異性相吸 何小姐：「男上司可能見到你係女仔嘅時候，要求或是工作量都冇咁多；女上司相比起就冇分別，因為異性有相吸呢，咁女上司對男同事好啲，或者工作量低啲、寬鬆啲。」論點三、口不對心潘先生：「可能要估埋佢諗咩囉！女上司都係暗地裡會發脾氣，佢（表面上）可能會做到咩事都冇咁樣，照樣話okay唔錯，但入面可能有10萬枝箭插埋向你！」論點四、易心煩氣躁譚先生：「逐樣逐樣同你講得好清楚，咁你都要收得好清楚囉，再問佢就覺得煩架啦。」總括而言，學梁小姐話齋：「上司、下屬都係一段關係，如果你覺得個上司唔夾你，你都可以選擇第二個上司、打第二份工！」完。




來源: http://hk.apple.nextmedia.com/financeestate/art/20171008/20176081
PermaLink: https://articles.zkiz.com/?id=341846
Next Page
ZKIZ Archives @ 2019