📖 ZKIZ Archives

傳銷美男計交友網釣盛女

1 : GS(14)@2012-07-06 00:09:10

http://hk.apple.nextmedia.com/news/art/20120705/16486317

「我當佢朋友，冇諗過佢存心呃我！」29歲做秘書的 Dora，去年12月在 meetu友緣人認識了26歲的 Andres，對方在電話內噓寒問暖，並提出單獨約會。「最初好似朋友咁食吓飯，但到第五次，佢問我想唔想賺多啲錢。」 Dora表示 Andres得知她愛做 facial後，游說她在一個網站開戶口買美容療程，介紹朋友更可分佣，最後 Dora在網上開戶，買了3,000元脫唇毛服務。
一坐低讚「香水好香」
一周後， Andres以慶祝生日為名，約 Dora到尖沙嘴赫德道一幢商業大廈內的「私竇」。「裏面好似一間酒吧，坐咗一枱枱人， Andres同另外一對男女不斷向我推銷，話只要買5萬蚊嘢就可以做代理賺大錢。」其間不斷傳閱會員獲發大額支票的相片，又稱月賺10萬元很容易。三人由晚上9時至凌晨1時，不斷疲勞轟炸， Dora吃不消下碌卡買了4.8萬元的美容產品，成為傳銷下線。
記者在 meetu友緣人開戶口，未上載「大頭照」，在 meetu屬 VIP的 Andres已急不及待留言「 Hi~ mind做個 friend ma??（嗨！介意做朋友嗎？）」，並留下手機號碼，約記者到銅鑼灣吃飯。
約會當日，六呎高的他甫見面便俯身靠近記者的肩膀說：「你啲香水好香！」記者坐下後點了杯 Latte， Andres便使出一招「投其所好」，表示正跟咖啡師傅學「打泡」，還在手機展示多張疑似網上下載的咖啡照。記者不禁問：「點解個杯咁茶餐廳？」他卻死撐：「意大利餐廳啲 Latte係咁㗎！」
打孝順牌勸幫補家計
相見不足一小時， Andres就打「孝順牌」：「我覺得你好 nice（親切），所以我會同你講，其實我事業心咁重，都係想幫我老竇爭口氣。」他眉頭一皺，「我老竇以前做電子零件，屋企住窩打老道，有兩張枱咁大嘅噴水池同魚缸……唉！家道中落，97年賣晒所有嘢，老竇家都係揸巴士……」
之後他更踩低港男，「香港男女比例七比三，當中好多係宅男，一個月得萬幾蚊，自己都唔夠使，點養你？」然後順勢轉入正題，「我哋幫醫生做市場推廣，推銷美容療程同產品」。他拿出手提電腦，表示在網上開設「 i-SHOP」，購買和推銷「香港醫學抗衰老中心」、「香港危疾預防中心」和「 I-FORMULA」的產品和療程，可以分佣，「藝人森美同楊思琦都成日幫襯！」
見記者不為所動，三小時後，他開始發功︰「你家有冇（信用）卡，邊張？恒生？我家搞埋手續。」記者要求到店內視察，他說：「你信我！想唔想媽媽多8,000蚊家用提早退休？」記者最後堅決離去。
2 : GS(14)@2012-07-06 00:09:42

http://hk.apple.nextmedia.com/news/art/20120705/16486318




在網上女「落叠」的 Andres與父母同住馬鞍山錦豐苑，已退休的黃母對兒子自稱曾是富家子錯愕地說︰「咩家道中落？你睇我哋都係普通人，係咪？」她不欲回應兒子的工作。上址單位是 Andres父母02年以90多萬元買入，過往並無購入其他私人物業的紀錄。
胞兄是傳銷公司高層

對於被指大話王， Andres理直氣壯地對記者說：「我唔係媾女、呃人，唔係呢啲！」並表示在交友網識朋友只是一種途徑，「最重要大家覺得有需要去傾……傾嘢冇得逼，大家成年人，邊有得逼㗎！」他更強調自己只是「 sales」，不是經營傳銷。
原來除 Andres外，胞兄 Antony也是傳銷公司高層兼法律顧問。「阿哥喺城大讀法律系，之後放棄月薪3萬元的城大講師工作，投入網上生意後，現時月入10萬元。」 Andres向「上釣」的客人硬銷時，曾出示一叠相片說︰「呢個女仔叫沅穎，只係一個文員仔，最初賺幾千蚊，家個個月賺幾萬蚊！」
Andres所指的沅穎，全名叫李沅穎，根據公司註冊處資料，她是香港醫學抗衰老中心的股東之一，並非「文員仔」，而 Andres的胞兄 Antony，對弟弟在交友網上「媾女落叠」一事，只說：「細佬在網上識朋友好正常，我唔覺得佢叫人買美容產品有咩問題！」
《蘋果》記者
3 : GS(14)@2012-07-06 00:10:01

http://hk.apple.nextmedia.com/news/art/20120705/16486319


Andres卡片上的公司地址，是一間會計師樓，而他真正工作的地方，其實是尖沙嘴赫德道那個「洗腦私竇」。記者到過上址，發現2,000呎的酒吧格局擺放11張枱，晚上7時許已坐了近30人，全部是開着手提電腦、摸着杯底傾傳銷生意。
手法換湯不換藥

「佢哋喺友緣人或 facebook釣客，做咗朋友就叫佢哋去私竇 join party，其實叫你做傳銷。」知情者說。記者見不斷有 OL被帶入「私竇」，晚上9時許更坐滿人，至深夜12時才陸續離開。
而 Andres所謂的網上「 i-SHOP」，根本是傳銷手法「換湯不換藥」，該名為「 i-HEALTH」的網站，以推銷美容產品為主，包括「香港醫學抗衰老中心」美容療程和「 i-FORMULA」的健康食品等。根據公司註冊處資料顯示，以上所有公司老闆，都是薛賀太、甘家成及甘家裕三人。甘家成去年初被傳媒踢爆在「香港醫學抗衰老中心」扮醫生，向客人推銷用口水分析皮膚質素，但該研究一直得不到醫學界認可，但 Andres竟仍向記者力銷該服務，又稱連藝人森美也曾在節目《早霸王》大讚該服務。《蘋果》記者
4 : GS(14)@2012-07-06 00:10:13

http://hk.apple.nextmedia.com/news/art/20120705/16486320
對於傳銷公司借交友網做搵客平台，中大市場學系教授冼日明指出，以前傳銷公司多透過「朋友嘅朋友」或親戚找客源，人數有限，但現在推銷員滲透在交友網，會令更多人防不勝防。
冼日明說：「家後生仔接受喺虛擬世界識陌生人做朋友，好似 facebook社交網絡就超越朋友親人，所以呢種（傳銷）公司喺網上會更易搵客，叫佢哋做層壓式傳銷的下線。」
不過，這種網上傳銷美容產品的手法，律師梁永鏗則指有灰色地帶，因只要介紹客人便可獲佣金的生意，在法律上已界定為違法的「層壓式推銷」，但傳銷公司以「介紹費」取代佣金或推銷購物後的 bonus作佣金，便可避過法律責任，在法律上公司並沒有違法。《蘋果》記者
5 : hh0610(1603)@2012-07-06 00:31:24

我有班舊同學, 當年做呢飯執左一千幾百個. 身邊同學, 同學老豆老母, 墊哂屍底.
6 : GS(14)@2012-07-06 00:31:56

5樓提及
我有班舊同學, 當年做呢飯執左一千幾百個. 身邊同學, 同學老豆老母, 墊哂屍底.


點做
7 : hh0610(1603)@2012-07-06 00:43:56

當年什麼LB, 我以前中學同大學各上去一次.

中學果時俾同學拉上去, 成9日話咩下線, 早入早霸位. 靚仔無非貪同色, 果度有D女係幾掂, 懶係稱兄道弟. 招式無非係分紅, 係咁落咀頭香港有幾多人會加入, 亞洲有幾多人加入, 無限生意, 實則龐氏騙局. 我有個同學A一早埋位, 叫哂其他朋友, 同學, 同學老豆老母做下線/下下線/下下下... 線. 我估我同學老母起碼輸左幾十個. 而同學A上岸, 起碼執左一千, 後來仲好意思被人採訪9吹成功之道.

大學俾師妹呃去會展. 幾年冇搵我, 一搵我就中伏. 去到會展, 又係LB 我抱住睇下佢有咩"龍了". 開始做SHOW之後, 佢老母落閘冇出口.成千人大叫口號, 仲衰過法西斯. (人力真係要去拜師)

最撚好笑係, 有個師奶話屋企噴左LB香水, 開大門時見倒D甲由運路走. 我忍笑忍得幾L辛苦. 二粒鐘之後, 散場就成棚人圍住新仔叫佢入會. 我咁醒當然唔會中伏. 了左.
8 : 龍生(798)@2012-07-06 00:49:47

咦, 我都有去過喎

成千幾二千人一齊拎住一枝枝氣球棒恭賀什麼藍寶石經理

真係幾好玩架, 假都當真
9 : 鉛筆小生(8153)@2012-07-06 01:10:22

只要唔帶CREDIT CARD等, 其實冇事

& 一去到, 就開完明義半小時後約左朋友

通常話係做督察既朋友實冇死, 佢一定放你走
10 : 股股怪怪(15021)@2012-07-06 01:52:48

其實我都去過. 但失去了一個朋友smileysmiley
11 : 肥B(18468)@2012-07-06 11:10:45

5樓提及
我有班舊同學, 當年做呢飯執左一千幾百個. 身邊同學, 同學老豆老母, 墊哂屍底.


我平時無咁壞心腸, 但從事這種「職業」的人, 我可以咁講, 真係會生仔無XX架!!!
12 : kobe bryant(28492)@2012-07-06 11:34:52

喂, 我都有類似經驗... 俾同學叫左上去, 幾個圍你一個, 都幾難頂…
精神壓力好大… 最後都無落疊, 但好似要過十八銅人陣先落到樓..

但最難頂既係…全部既同學差不多都上網上線了, 最後先叫我, 你話係咪谷九氣呀!!!!
佢地通常呃C9 同D無乜社會經驗既人…或無乜主見/自信既人…
入邊既人, 一係就老虎, 一係就羊牯…真係一使功成萬骨枯架…　

我依家都好想再去一次, 睇佢會點”帥”我落疊…條女索D, 同埋可以出街鐘的話, 應該會大機會D…
13 : 亞力士(1473)@2012-07-06 22:52:14

我依家都好想再去一次, 睇佢會點”帥”我落疊…條女索D, 同埋可以出街鐘的話, 應該會大機會D…

<-----------

我最so個次都係响街做問卷 唔知係保險定美容個d 請食波餅
14 : wilyty(1376)@2012-07-06 23:06:13

亮碧思- 香港網絡大典

http://www.google.com/url?sa=t&r ... 3W5Fl4ymuTMnDDI8POQ
15 : Sunny^_^(11601)@2012-07-07 12:09:43

個男仔...都唔係好令仔姐...
16 : Sunny^_^(11601)@2012-07-07 12:09:54

"美男計"?
17 : GS(14)@2012-07-07 14:35:39

8樓提及
咦, 我都有去過喎
成千幾二千人一齊拎住一枝枝氣球棒恭賀什麼藍寶石經理
真係幾好玩架, 假都當真


一堆人講一堆野，無論是好是唔好，意志不堅就咁中左
18 : GS(14)@2012-07-07 14:36:10

10樓提及
其實我都去過. 但失去了一個朋友smileysmiley


又是老橋?
19 : GS(14)@2012-07-07 14:36:39

12樓提及
喂, 我都有類似經驗... 俾同學叫左上去, 幾個圍你一個, 都幾難頂…
精神壓力好大… 最後都無落疊, 但好似要過十八銅人陣先落到樓..
但最難頂既係…全部既同學差不多都上網上線了, 最後先叫我, 你話係咪谷九氣呀!!!!
佢地通常呃C9 同D無乜社會經驗既人…或無乜主見/自信既人…
入邊既人, 一係就老虎, 一係就羊牯…真係一使功成萬骨枯架…　
我依家都好想再去一次, 睇佢會點”帥”我落疊…條女索D, 同埋可以出街鐘的話, 應該會大機會D…


我聽到電話就收線
20 : GS(14)@2012-07-07 14:37:04

亮碧思（俗稱「LB」），全稱為亮碧思事業國際股份有限公司（Digital Crown Holdings Limited，DCHL），亦稱亮碧思集團，同時泛指所有在港代理同名香薰燈品牌的傳銷公司及其分公司。

簡介
教育局張國財首席助理秘書長(中)代表致送紀念品予亮碧思集團黃樹雄總裁(右二)
發起人由 發起人增加

亮碧思（Lampe Berger）原為法國本土的香薰燈品牌之一，創辦人於1898年發明以白金催化器技術淨化空氣及增加香薰。由於專利早已過期，因此其他廠家亦有生產與出售同類產品。該品牌生產的香薰燈在法國、美國及加拿大均屬零售。唯獨取得亞洲區經銷權的黃樹雄選擇以傳銷形式進行經營及推廣，並成立亮碧思集團。
網民討論

亮碧思的部份不法經銷商以不法營銷手法一直為網民及受害者所詬病，傳媒亦多次報導市民被該公司不法經銷商欺騙而欠下巨額債務甚至申請破產的新聞[1]。

部份網民曾親身前往亮碧思不法經銷商的傳銷課程，並於事後詳細分析其不法的洗腦手法。
相關事件
澳門政府實施禁止層壓式推銷法例

澳門由2008年6月19日起實施新法例，全面禁止層壓式傳銷，曾在港澳引起糾紛的香薰傳銷公司亮碧思集團（澳門）有限公司，隨即發表聲明，聲稱在無奈下「決定完全結束在澳門特區一切業務」，所有獨立經銷商與該公司在2008年6月18日及之前所簽署的合約，自新法生效起即時無效。[2]事件引起大批分銷商及市民的不滿。
21 : hh0610(1603)@2012-07-07 22:30:51

7樓提及
當年什麼LB, 我以前中學同大學各上去一次.
中學果時俾同學拉上去, 成9日話咩下線, 早入早霸位. 靚仔無非貪同色, 果度有D女係幾掂, 懶係稱兄道弟. 招式無非係分紅, 係咁落咀頭香港有幾多人會加入, 亞洲有幾多人加入, 無限生意, 實則龐氏騙局. 我有個同學A一早埋位, 叫哂其他朋友, 同學, 同學老豆老母做下線/下下線/下下下... 線. 我估我同學老母起碼輸左幾十個. 而同學A上岸, 起碼執左一千, 後來仲好意思被人採訪9吹成功之道.
大學俾師妹呃去會展. 幾年冇搵我, 一搵我就中伏. 去到會展, 又係LB 我抱住睇下佢有咩"龍了". 開始做SHOW之後, 佢老母落閘冇出口.成千人大叫口號, 仲衰過法西斯. (人力真係要去拜師)
最撚好笑係, 有個師奶話屋企噴左LB香水, 開大門時見倒D甲由運路走. 我忍笑忍得幾L辛苦. 二粒鐘之後, 散場就成棚人圍住新仔叫佢入會. 我咁醒當然唔會中伏. 了左.


點走? 當你看穿果龍野, 自尊心大過面皮. 我入會擺低一千幾百咪即係笑9我自己.

人通常在幾個情況會做錯事: 貪婪, 恐懼, 壓力, 心急.
22 : 龍生(798)@2012-07-07 23:00:37

可惜而家己經俾大陸人霸晒黎玩
無晒個的年紀輕輕的青春小妹妹了
23 : GS(14)@2012-07-07 23:29:21

21樓提及
7樓提及
當年什麼LB, 我以前中學同大學各上去一次.
中學果時俾同學拉上去, 成9日話咩下線, 早入早霸位. 靚仔無非貪同色, 果度有D女係幾掂, 懶係稱兄道弟. 招式無非係分紅, 係咁落咀頭香港有幾多人會加入, 亞洲有幾多人加入, 無限生意, 實則龐氏騙局. 我有個同學A一早埋位, 叫哂其他朋友, 同學, 同學老豆老母做下線/下下線/下下下... 線. 我估我同學老母起碼輸左幾十個. 而同學A上岸, 起碼執左一千, 後來仲好意思被人採訪9吹成功之道.
大學俾師妹呃去會展. 幾年冇搵我, 一搵我就中伏. 去到會展, 又係LB 我抱住睇下佢有咩"龍了". 開始做SHOW之後, 佢老母落閘冇出口.成千人大叫口號, 仲衰過法西斯. (人力真係要去拜師)
最撚好笑係, 有個師奶話屋企噴左LB香水, 開大門時見倒D甲由運路走. 我忍笑忍得幾L辛苦. 二粒鐘之後, 散場就成棚人圍住新仔叫佢入會. 我咁醒當然唔會中伏. 了左.

點走? 當你看穿果龍野, 自尊心大過面皮. 我入會擺低一千幾百咪即係笑9我自己.
人通常在幾個情況會做錯事: 貪婪, 恐懼, 壓力, 心急.


我都覺得擺低錢已經好on 9
24 : GS(14)@2012-07-07 23:29:37

22樓提及
可惜而家己經俾大陸人霸晒黎玩
無晒個的年紀輕輕的青春小妹妹了


叫文魚介紹啦你
25 : Ar Yan(11362)@2012-07-08 02:17:02

唉~我讀書架年代，真係好多人做傳銷，但有一次經歷係咁
我聽日就飛去外國讀書，無3~4年都唔番，有條友仔，約我去老尖食飯，話帶我上樓上有間好野食，咁一場朋友當送行食飯都要

一出車立口，E？公司來架？
我:咪出錯左？
佢:間公司開緊PARTY，有野食架，你入去聽下食下又一DAY
我:問佢係咪傳銷來？
佢:都係架，但我應承左你會去，你當俾下面
我:你無野啊，我當你係朋友，我聽日飛啦，你叫我入去？!@#&^T&#@$^&#
佢:.....

當然我門都無入，原車立落番樓~
26 : GS(14)@2012-07-08 09:26:52

呢條友真是念念不忘公司的業務
27 : kobe bryant(28492)@2012-07-08 12:41:51

可能想擴展公司業務到外國....

佢既邏輯係,我幫你應承左你會去, 所以你要俾俾面?
好似要挾你上去咁...唔入去就最岩...嘥九曬自己啲時間...
28 : skfv(15984)@2012-07-08 16:25:47

我以前都有個唔係好熟既表姐無啦啦打來話有d野益我, 又話咁耐無見出來鈙舊, 原來係叫我上去佢個魔教總壇~~~~~~

好彩我都做足準備, 叫定朋友一粒鐘打比我, 一上到去見到有實Q差身份證, 心諗:「邊度有公司要咁架?」之後我表姐叫我尊重講者要我熄電話, 我彩佢都on啦~

入到去人山人海, 局我距離門口最遠個張台, 係一張好細既圓形玻璃台, 坐落來搵條友話同我差唔多類型,

又話點樣家道中落, 去到絕望個刻遇到呢間公司之後就否極泰來!! 講得幾好聽呀~~~之後話個香薰個嘴有成百年歷史, 我真係忍笑忍得幾辛苦......

之後夠鐘, 電話響走人~~~佢地即刻黑面~~~

-----------------------------------------------------------------------------

又一次有人打來話多謝我做左個問卷話送返張$50 PK coupon比我, 有著數梗係去啦~~~

上到去, 又係要我熄電話, 我當然又係彩佢都on啦, 今次就玩渡假屋, 叫你比舊錢你就可以係佢本簿面租其中一間外國渡假屋租一年,

佢不停疲勞轟炸我, 我扮晒電車男, 好無自信咁, 佢又囉我張EPS去碌, 好彩我早有準備, 一早draw晒d錢出來~碌條毛咩~~

我漏左講, 個度會播住d好exciting既音樂, 一有水魚落搭就會停機, 周圍d人起身拍手, 我梗係大大力咁拍啦~~haha!!

如是姐, 我同佢玩左幾粒鐘, 最後我同佢講, 我今日上來只係囉coupon, 我係一蚊都唔會比, 原來好親切, 好好笑容既姐姐, 即刻變臉~~~睇見都好笑~~~XD

-----------------------------------------------------------------------------

我得出既結論, 其實一般人好難會唔中招, 因為讀心理學有一課教persuasion, 其實呢d傳銷樣樣都有用

例如: 局你距離門口最遠個張台, 係等你需要好大勇氣先走得

例如: 佢會問你好多好無聊, 最後你會答「Yes!」既問題, 理由係想你軟化

例如: 佢會搵個同你差唔多背景既人, 等你有個「偶象」可以仿效

等等等等......
PermaLink: https://articles.zkiz.com/?id=280096
Next Page
ZKIZ Archives @ 2019