中保監發國企限薪令 中環在線：楊超受管馬明哲過骨 李華華
|
|
內地保險從業員有資深經驗嘅始終唔多，高薪挖角做大個餅，難免加重經營成本。之不過，中國保監會話時勢艱難，向五大國有保險商，包括國壽（2628）、財險（2328）同中保（966）母公司發出「限薪令」，要求佢哋㩒住荷包應使得使，做5個慳家仔。
番叮「慳家五招」
「慳 家五招」唔算新，舊年8月份出過，阿爺o依家同大家溫故知新，首先係嚴禁不依章法亂發工資，其次要防止脫離國情畀過高人工，仲有管理層公務消遣開支要切實 規管，暫停股權激勵同埋員工持股計劃，薪酬發放亦要加強監督。總體嚟講，呢啲國企保險商高層日後嘅花紅，唔可以高過底薪2.5倍，加薪幅度唔能夠肥上瘦 下，實際嘅慳家大計要喺年底前交份報告。好似好把炮，但保監實情係冇牙老虎，只可監管呢5個仔做生意嘅手法，於是乎用國情民情做藉口提出薪酬指引，5大阿 頭都識做嘅，因為高層任命始終係中央話事。之不過，平保（2318）董事長馬明哲年薪6600萬人仔，舊年仲榮登《福布斯》「中國上市公司最貴老闆」寶 座；但國壽掌舵人楊超就唔夠200萬銀。
民企平保不受限
點解「慳家五招」唔針對平保嘅？皆因保監冇咁大權，唔可以管埋屬民企 嘅平保。但阿爺都補鑊話，其他股份制保險公司應該照跟國企辦事，有關股東要發揮監督薪酬作用。咁係咪煽動平保散戶，扮大衞擊倒巨人哥利亞，齊心投票㩒低馬 董人工呢？李華華[email protected]
|
富二代遭交警查 表態反佔中過骨 周顯
1 :
GS(14)@2014-11-11 09:45:49http://www.mpfinance.com/htm/fin ... mnist/en30_en30.htm
【明報專訊】正如我一而再地強調，滬港通是中央政府的基本政策，有重要的政治目的，並不會因為香港政治的「佔中」而取消。果然，在梁振英見習近平之後，滬港通馬上便要正式開通了。
事實上，在近幾天，我手中部分的持股，已經在反彈了。當然，更多的股票依然是「死死」，例如我持重倉的標準資源(0091)。不過我對這股票信心十足，所以也不太驚怕。
部分持股搶先滬港通開車
至於我的投資組合中，近期賺錢最多的，當然是志道國際(1220)了，賺了一倍以上。不過，我是在0.2元至0.49元之間買入的，當它跌到0.35元的時候，都咪話唔驚！
月前，二三十個富二代，兼且有女，住波子、拉利、大細牛等等戰車，在清水灣亂飛，結果被幾個交通警截住。富二代禮貌地求情說﹕「阿sir，我都無超速。」
阿sir說﹕「我有話你超速咩？不過有人投訴你飛車轟轟聲，好嘈喎。」
結果逐個抄身分證，搞了好耐。但其中一名富二代，無帶老身，哦，點算好呢？他唯有閃閃縮縮，希望從未查證的那一群人中，偷偷地攝去已查證的那群裏。
其中一名富二代人急智生﹕「阿sir，畀下面好喎，我都係反佔中。」
阿sir果然笑了笑，搞掂，放人！所以，我說，我都要在車上貼上「反佔中」的標誌。不過，有人說﹕「咁你架車就千祈唔好經過金鐘、銅鑼灣、旺角佔領區，否則可能會被打爛！」
[周顯 投資二三事]
Sammi尾場以為Selfie過骨古仔唱歌 譏鎮宇學錯師
1 :
GS(14)@2016-09-27 08:02:17■Sammi前晚尾場請來古天樂任嘉賓，更成功游說古仔開金口唱歌。
鄭秀文（Sammi）前晚在紅館舉行第八場亦即最後一場演唱會，請來古天樂擔任神秘嘉賓。除許志安、陳敏之、蔡少芬與老公張晉外，還有張栢芝和張文慈等捧場。Sammi在台上踢爆古仔向她取了八張個唱飛，所以前晚上台「還飛債」。古仔就取笑日前為Sammi做嘉賓的吳鎮宇說：「佢（鎮宇）話為咗上台搵老師上咗六堂，我心諗個老師個名一定係杜琪峯，如果唔係點會唱到咁。」
■古仔初時拒絕唱歌，只肯跟台下觀眾互動玩selfie，並揀中甘比媽（右圖）。
■Sammi表現落力，唱到趴在台上。
唱《當年情》
Sammi不斷叫古仔唱歌，但被古仔拒絕：「我係唔會睬你，不過我想澄清一件事。喺facebook有人post咗張poster話我2018年開演唱會，我可以好肯定話畀大家知，冇啲咁嘅事！」古仔表示跟台下觀眾selfie取代唱歌，並揀了甘比母親上台selfie，但幾經Sammi游說下，古仔終肯開金口唱了小部份《當年情》，全場觀眾歡呼。
■在頭場失聲的Sammi，前晚在慶功宴上感激觀眾的包容。
■（右起）許志安跟外父外母再次捧場，在台下為Sammi打氣。
喉頭被封
完騷後Sammi於紅磡都會海逸酒店舉行慶功宴，問是否病癒時，她笑謂：「七成啦！我覺得咁樣都能夠康復，其實都唔係太容易。演唱會係一個經歷，估唔到啲觀眾真係咁錫我，對我嘅愛令我好感動。」她指頭場觀眾的反應給她許多正能量，令她可以再做落去。Sammi說：「其實自己講一句cancel係好容易，但我覺得如果我講取消，之後有五十到一百人（指工作人員），好多人都要跟手尾，都要顧及好多人。」
Sammi表示首場真的落淚，但回家後覺得沒時間再崩潰落去，她說：「信仰畀我嘅力量真係好大，喺呢個騷真係好深深體會到，四個字，恩典夠用。」更憶述唱歌途中喉頭被封住的慘痛經歷，感激朋友和教友為她祈禱，令她倍感溫暖，而稍後她計劃去旅行休息養聲。採訪：王連連攝影：仇志德
來源:
http://hk.apple.nextmedia.com/entertainment/art/20160927/19782840
學生示威不要831薯片點回應過骨？
1 :
GS(14)@2017-02-08 22:08:48特首參選人曾俊華昨日到樹仁大學演講，期間有數名學生到場示威，在高層舉起寫有「我要公民提名不要小圈子特首」的橫額，以喇叭向台上的曾俊華高聲抗議：「我哋要真正一個可以尊重人表達權益的社會，我哋要普選，我哋要公民提名」。曾俊華回應稱，相信政改是香港市民的期望，如他有幸當選特首，會第一時間開始有關方面工作，希望能在比較好、和諧、可以溝通的氛圍進行。他又指，希望可與不同政治光譜的人都可溝通，會盡快將意見收集，再重新如實準確反映中央知道，「8.31係人大常委嗰度設立嘅，咁我哋需要佢哋嗰方面，作出一定的修改」。曾俊華離開時亦有樹仁學生向他請願，表明不要基本法23條、不要831框架。據悉，週會期間亦有學生就政改問題向他請願。而他在會上笑指自己現時有5票公開支持他，他要再有145票。被學生問到為何在政綱列明要為23條立法，他亦相信大部份學生不支持港獨，而港獨亦不是大部份港人的意願，不過他表示不明白「自決」的意思是甚麼，認為目前香港已有很大主權，除了國防和外交事務，他續指，尊重對手胡國興提倡就基本法22條立法，但他認為現時駐港解放軍負責防衛、外交部駐港特派員負責外交、中聯辦負責聯絡、港府負責管治，各自按其功能做事就不成問題，所以不相信需以立法處理。亦有問到人大委員長張德江南下的報道，曾俊華稱他知悉這消息，又指有數家媒體都報道，他估計可信性「都幾高」，續說部分選委可能受這消息影響，但他會繼續爭取支持，亦不知何謂知難而退。另外，有學生問他火腩飯、菠蘿包賣多少錢，他回答指自己吃過火腩飯，要30元，亦有屋邨賣50元，而菠蘿包最便宜都要4元一個。「樹仁行動：泛左翼關社平台」在facebook專頁撰千字文，感慨由922罷課開始的一場學運，演變成街頭佔領運動，但現在回首，當日爭取改善選舉方式、高呼的「公民提名」至今都沒有出現，兩年半後的今日，見到許多民主派、參與過雨傘運動的朋友，還有更多認識或不認識的朋友都支持曾俊華，「我們很善忘，忘記當日我們爭取的是甚麼、忘記在街上叫過的口號、忘記我們曾經抗議過我們眼前這個人，他是政權的一部分」。文章批評曾俊華設立了未來基金，「為日後的大白象和迫遷做準備」，接受人大8.31框架，還表明與習近平握過手是出選考慮因素，「這個人怎可能是所謂民主派認可的候選人？」文章指如果一個支持和參與社運的人，只懂計算誰是「less evil」，只懂順應民意而失去批判，忘記曾經在街頭呼喊過的口號，那就必然是錯誤的，枉費大家這幾年來努力在公民社會建設的心血。
來源:
http://hk.apple.nextmedia.com/news/art/20170208/19921814
Next Page