|
||||||
|
新鴻基地產 （016）由大少郭炳湘（圖）「不愛江山愛好朋友」引發嘅分家產風波，幾兄弟之間嘅恩怨，睇怕連郭德勝翻生彈出嚟都未必拆得掂，而由於「華華」同埋「華華 及其家人」都無份分家產，所以，華華通常都係同啲三姑六婆當八卦嘢傾吓。噚日華華睇到新地出爐本年報，就好替大少擔心，事關已經調任做非執行董事嘅大少， 年薪同上年一樣，只係得13萬！13萬銀一年，對好多人嚟講其實都算唔錯，但對大少嚟講，真係唔夠喎。佢一時又話諗住自立門戶，一時又話連自己老婆同仔女 都冇得分家產，仲要屋企人掟200億買佢啲新地股份都過埋時限無得再傾，就算「好朋友」肯養埋佢下半世，大少都頭痕喇！新地老臣子黃奕鑑今年轉做非執董， 酬金總額都有成1635萬，仲多過09年嘅941萬一截，同大少比一比，高成125倍有多，唔知呢啲係咪叫做獎罰分明呢？ |
||||||