📖 ZKIZ Archives

葉翠翠蹺實老公上庭

1 : GS(14)@2016-02-02 15:58:06

葉翠翠老公周曉東（Raymond）去年被前妻Grace Lam因贍養費及女兒生活費問題而入稟家事法庭，昨午3點20分，身穿白色外套、頸巾、黑褲及長boot的翠翠挽着老公抵達灣仔法院，見到翠翠全程用手護肚。約下午4時左右，Grace獨自離開時見有記者顯得很避忌，對提問亦沒有回答。15分鐘後，翠翠與老公十指緊扣離開法院時，她表示可能要踏入正式法律程序，亦暗指有人不是純粹為錢。Raymond有否被影響心情？他笑說：「太太承受咗好多，我諗要補償番。」有傳翠翠懷孕，她笑謂未有喜訊公佈，但目標是生猴年BB。採訪、攝影：黃曉妍





來源: http://hk.apple.nextmedia.com/entertainment/art/20160202/19475410
PermaLink: https://articles.zkiz.com/?id=295074

李璨琛蹺實老婆嘆河粉

1 : GS(14)@2016-02-15 02:20:20

李璨琛（Sam）去年被指影到背住老婆梁志瑩（Pae）攬啜巨胸女，事後Sam認衰表示會檢點。果然，兩公婆恩愛如昔，昨日下午3時許，Sam和Pae在大坑手蹺手「搵食」，找了幾間食店都未合心水，最後去了食河粉好出名的黃林記。兩人在門外排隊時，Pae突然煙癮起，但食煙後就將煙頭掉在地上，有欠公德。之後Sam突感不適，不停呻鼻涕，同枱食客不禁眼望望。





來源: http://hk.apple.nextmedia.com/entertainment/art/20160214/19490135
PermaLink: https://articles.zkiz.com/?id=295914

具惠善蹺實新郎捐錢

1 : GS(14)@2016-05-22 12:16:33

現年28歲的韓劇《來自星星的你》男星安宰賢，去年與31歲女星具惠善因合演韓劇《Blood》而撻着，被爆戀情後大方認愛。二人前日註冊結婚後，昨日與家人吃飯慶祝。他們一早有共識，打算將婚禮的費用全數捐予醫院的兒科，幫助有需要的病童。


■安宰賢和具惠善將婚禮費用捐給醫院兒科。


昨日早上，具惠善和安宰賢甜蜜地現身新村Severance醫院，為捐贈婚禮費用一事與院長見面。雖然安宰賢略顯疲態，但全程十分照顧具惠善，不時輕扶老婆的腰，而具惠善亦相當受落，蹺實安宰賢。事後二人接受訪問時表示：「一直希望能夠做些有意義的事，亦希望能夠將希望和勇氣傳遞給患病的孩童。」撰文：文康妮





來源: http://hk.apple.nextmedia.com/entertainment/art/20160522/19622371
PermaLink: https://articles.zkiz.com/?id=301123

57歲余安安做岳母！愛女眼濕濕蹺實媽咪入場

1 : GS(14)@2016-11-29 00:14:37

57歲余安安做岳母喇!佢個律師大女李文琪終於同拍拖多年嘅男友Jeremy拉埋天窗，昨日髮型師Kelvin Koo喺微博貼出去婚禮嘅相，相中見婚禮跟足傳統儀式，榮升岳母嘅安安亦好細心，成程睇住囡囡靚靚出嫁，為囡囡打點，囡囡有穿上紅色旗袍，見相中有茶杯等，估計有進行斟茶儀式!婚禮就以簡單嘅白色玫瑰花佈置為主，囡囡李文琪蹺住媽咪安安出場，李文琪有啲眼濕濕，完成儀式後，仲同老公深情一吻，余安安前夫李萬祺及好友曾志偉亦有到場，志偉認真唔話得，前晚出席完台灣金馬頒獎禮，噚日就趕返香港，見證世姪女嘅人生大事。




來源: http://hk.apple.nextmedia.com/entertainment/art/20161128/19847977
PermaLink: https://articles.zkiz.com/?id=317387

6保鑣護到實甘比盛裝蹺實大劉去倒數

1 : GS(14)@2017-01-02 01:05:39

大劉劉鑾雄同埋甘比，昨晚9點左右帶埋秀樺一齊去到置地出席由林建岳做搞手嘅除夕派對，岳少係最早到，佢話約咗朋友嚟到睇煙花。大劉一落車嘅時候，由甘比同保鑣扶住落車去到China Tang會合岳少佢哋，不過因為太多人等電梯，大劉就選擇先落一層，再坐自動電梯上到餐廳，全程由6個保鑣開路。大劉雖然手上拎住拐杖，但係全程有甘比同保鑣扶住，所以拐杖係完全冇掂過地，行得好穩陣呀。




來源: http://hk.apple.nextmedia.com/entertainment/art/20170101/19883390
PermaLink: https://articles.zkiz.com/?id=320928

蔡少芬蹺實張晉放閃

1 : GS(14)@2017-02-18 00:51:24

■素顏的蔡少芬日前和老公張晉在圓方拍拖。



蔡少芬（Ada）拍完無綫劇集，即刻爭取時間陪老公張晉。日前素顏的她在圓方蹺實老公，同行還有經理人夫婦，四人行感覺溫馨，其間兩位女士到洗手間，男士在門口守候。之後他們到圓方的露天茶座嘆下午茶，雖然他們一齊坐，但Ada和張晉密密傾，之後張晉煙癮發作，單獨走到戶外抽煙。



■張晉被不少途人認出，成為集郵對象。

吃完下午茶，Ada等人繼續逛街，他們入了LV、Dior名店，Ada主攻手袋，不過最終空手而回，跟老公手拖手離開。其間，戴上黑超又打扮有型的張晉被不少途人認出，上前要求合照，Ada可能因素顏，加上不想搶老公鏡，即時行開迴避，等老公威水一下。採訪、攝影：羅德光、梁繼光




來源: http://hk.apple.nextmedia.com/entertainment/art/20170217/19930479
PermaLink: https://articles.zkiz.com/?id=326751

李寶英蹺實李尚允谷劇

1 : GS(14)@2017-03-25 10:34:35

由李寶英、李尚允等主演的SBS新劇《悄悄話》，將於後日首播，劇組昨日在首爾舉行製作發佈會，產後復出的李寶英穿上黑色通花連身裙撐場，由於通花面積大而多，令李寶英的胸前及美腿若隱若現，非常性感。李寶英在台上更蹺實李尚允，並做出講悄悄話的動作，十分合拍。今次李寶英新劇接檔老公池晟的《被告人》，未知是否可以挾住《被告人》的氣勢，令收視再創佳績。




來源: http://hk.apple.nextmedia.com/entertainment/art/20170325/19969002
PermaLink: https://articles.zkiz.com/?id=328806

Moka前年尷尬避鏡頭上月蹺實城城買禮物

1 : GS(14)@2017-06-10 12:55:47

郭富城喺今年3月被《蘋果》發現同方媛（Moka）秘密入紙，4月低調喺半島酒店擺酒拉埋天窗。城城同Moka呢段感情公諸於世，係由前年12月一張車廂拖手相開始，仲sweet爆留言話「這樣開車要慢一點！」公開認定城嫂地位。當時戀情可能啱啱萌芽，城城對女友好肉緊，有傳媒喺佢哋認拍拖前，已經見到城城開車送Moka到機場，由於Moka當時未習慣面對記者，就顯得有啲尷尬，城城就出面為女友開路入機場。不過兩人感情越親密，遇見傳媒時就越大方。好似上年9月，城城開完演唱會後翌日，就孖女友喺銅鑼灣食飯，離開時見到記者，城城淡定認同女友食飯，反而Moka就醒目拉開距離，而城城就體貼咁邀請女友上車。再到咗上年11月，城城揸車送Moka去養和醫院，Moka就輕輕挨住城城肩膀行入登記處。最sweet嘅一次就要數到上月母親節，城城同Moka結咗婚一個月，兩人就喺中環置地行街，Moka蹺實城城揀禮物送俾媽咪。




來源: http://hk.apple.nextmedia.com/entertainment/art/20170607/20047365
PermaLink: https://articles.zkiz.com/?id=334853
Next Page
ZKIZ Archives @ 2019