📖 ZKIZ Archives

收緊政策 賣碟唔過五千張 許志安 何韻詩接令止血

2013-02-14  NM

樂壇一蹶不振，唱片銷量低無可低，賣過一萬張已經要開香檳。放血不如止血，當中東亞唱片開始實施新政策，賣唔過五千張的歌手，一律無大碟出；受影響包括許志安、何韻詩、王菀之、盧凱彤、藍奕邦、劉浩龍，全部只能出細碟（EP）或單曲。有得繼續出大碟的，只剩三張王牌，劉德華、鄭秀文和楊千嬅。 爭取失敗 歸類一線歌手的許志安、何韻詩，還有剛剛憑《留白》奪得無綫《十大勁歌金曲》金曲金獎的王菀之，表面風光，但實情三人近年推出唱片的銷量都不過五千張。與其蝕住做，近日東亞唱片內部決定推行新制度，唱片成績賣唔過五千張的歌手，全部無得出大碟，改出成本較低的細碟或單曲碟。「公司做碟向來好揼本，但大部分歌手都無賣碟保證，長期收支唔平衡。實施收緊政策，改出細碟或者做單曲有助控制成本，情況好似拍戲，刀仔鋸大樹。不過班歌手知道無機會出大碟，好多都唔開心！」一名東亞人說。將於農曆年同Big 4開演唱會的許志安，近日亦有新歌《冰山一對》派台，但新歌亦只能出EP。「其實安仔都有同公司爭取過，好想喺今年出大碟，但係上張《學愛》EP賣得二千幾，同規定嘅目標數字距離太遠，梗係拗唔過公司啦！」 出乎意料 至於自以為樂壇天后的何韻詩，唱片銷量亦持續處於低位，之前的《Heroes》、《無名詩》，分別賣三千張和二千多張，跟同公司但名氣差一大截的藍奕邦，其實差不多。「阿邦唱片銷量唔高但穩定，一路維持喺二千幾張，大家估唔到嘅係阿詩啲碟會賣得咁差，但公司喺佢身上用嘅資源同心機其實高過藍奕邦好多，可以話冇回報，就算《賈寶玉》做完再做，但收益都係好有限；唔似得許安，幾乎個個禮拜要做內地演出，唔使半年已經做到數，同公司交代得到！」知情者說。 焗住轉型 網上下載令唱片業潰不成軍，近期因為拍無綫劇《老表，你好嘢！》人氣提高的王菀之，唱片銷量同樣唔達標，出大碟無望。 「公司最唔掂嘅係師兄劉浩龍，佢張《Le Nouvel》賣得百幾張，公司仲肯幫佢出單曲碟，已經對佢好好！」大碟唔賣得損手爛腳，出單曲爆得到，仍有助維持人氣，否則，歌手只有另覓出路，改行拍劇拍戲。 所剩無幾 今時今日，歌手出碟有如倒錢落海，有出冇入。銷量縮水，以東亞旗下歌手為例，賣得到的，只剩劉華、Sammi、千嬅等天王、天后。

[貼圖]陳志安

1 : GS(14)@2011-08-06 14:52:08

---

許志安 犯錯中成長 2014-08-29

1 : GS(14)@2014-08-30 23:46:55

http://www.skypost.com.hk/featur ... %90%E9%95%B7/151975許志安去年求婚成功，與鄭秀文（Sammi）結束22年的愛情長跑，感情狀況穩定了，自然集中精神向事業衝刺，今年加盟太陽娛樂文化，十月推出新碟。「今年最快樂的事，是剛去了新唱片公司，錄製新的唱片，是十隻歌的大碟，現在香港比較少有十隻歌。製作的過程很開心，較多不是情歌，會有些關心社會主題。接下來明年會有演唱會。」\r\n1986年參加新秀比賽，自此晉身樂壇，至今30年，許志安有着不同階段。「很多時候是一些事情發生，從中學到一些東西，自己處理方式跟從前不同，感覺自己已經是跳到另一階段。回顧過去的成就，我會想到今時今日會怎樣做呢？算是一種檢討，但我不會追悔過往，往昔有些甩漏，但當時的許志安是會犯這些錯誤的，好過到了60歲時候才犯這些錯！我不會怪責自己先前的錯誤，反而累積經驗不會再犯錯。」\r\n桌球室傾心事\r\n這30年間，許志安經歷過種種風雨，但不至喪氣。「做藝人常會遇上不開心的事，我覺得傾訴是最好方法紓解自己，而張衞健是我最要好的傾訴對象，我們會相約一起去打桌球，桌球室裏只有我們兩個人，那時傾得最舒服。這個維持去打桌球的習慣都有十多年了，反而卡拉OK傾不到偈。傾偈可以讓人從另一角度看看同一件事，因為自己很難抽身從別的角度看事情。」\r\n失意時，有朋友相伴固然重要，但玩音樂又是另一種解愁方法。「心情不好之時，我一到錄音室錄歌，就會將自己心情帶回去一個很開心的位置。因為不開心很煩時，錄音室沒有嘈吵，大家都在做同一件事，自己又戴着headphone，四周很靜！將自己不開心的東西都逐漸在歌聲中消解，聲音會帶我脫離這個真實世界，去到一個沒有煩惱的世界。錄音室有個琴或其他樂器，休息時間我會去彈彈琴，自己在一個mood裏邊，錄完音出來自己便像變了一個人，重新換了一種心情。過程會像一個過冷河，錄音室就是有此魔力在其中。」\r\n珍惜錄歌日子\r\n「如今有兄弟、有家庭、有成就，我還希望追求是甚麼？可能是自己的進步，還有生活的質素，種種東西都希望比較以前好。像先前說在錄音室裏的開心，現在歌壇生態好像沒有以前好，但我會更加珍惜現在錄歌的日子。市道好的時候，因為很快要錄好要出一張新碟，變得很麻木，很快完了。現在可以慢工出細貨，多了細節，不再只是看最終成績如何。目標是有的，但不是輕易講得清楚，好像一個不太實質的理想，追求更簡單的開心。」\r\n每個時代的許志安其實都不大相同，人生閱歷多了，心情不同了，年齡也不同，味道更會變。\r\n協力：韓悅怡\r\n設計：Alex\r\n編輯：黃寶恩

---

許志安拒戴套：驚唔認得

1 : GS(14)@2016-05-25 10:04:46

許志安前晚以保安造型現身銅鑼灣，為新歌《芝士》拍MV，RubberBand的主音6號擔任導演，安仔說：「希望市場氣氛熱鬧啲，首歌可以發放笑能量表達開心。」MV情節類似西片《翻生侏羅館》（Night At The Museum），以搞笑為主。安仔又手持給舞蹈員佩戴的膠公仔頭笠，他笑謂：「我唔戴套嘅，戴咗套驚唔認得我。」安仔透露以Andy Band Crossover（ABC）作為概念籌備新專輯：「我會同RubberBand、Dear Jane、觸執毛、Supper Moment4隊band合作，佢哋會寫歌畀我，同埋製作MV，新碟預計年底推出。」採訪：卓寶花攝影：沈健程





來源: http://hk.apple.nextmedia.com/entertainment/art/20160525/19625772

---

諮詢結束前夕上市委鬧分歧 多數反對改革方案 何志安等4人唱反調

1 : GS(14)@2016-11-17 11:37:04

【明報專訊】上市改革諮詢結束前夕，主角之一的上市委員會卻出現分裂。上市委員會昨公開反對諮詢方案，指無助達到其提高效率、透明度等目的，並反建議將證監會帶進上市委員會會議內，可提高運作效率。不過，據悉回應只代表會內大多數成員意見，而包括「壞孩子基金」TCI前舵手何志安在內的4名委員，卻另行提交意見書，全面支持諮詢方案。

明報記者 徐寶文

上市委員會主席Stephen Taylor昨晚特地發表的聲明更見「火藥味」，就4名上市委員會成員表態支持方案，重申委員會前日已遞交了回應，表達多數委員的意見，指該4名委員的立場僅代表少數意見。

據一名接近上市委員會消息人士指，作為一個獨立小組，又是今次上市改革諮詢重點之一，委員會認為有需要公開表明立場。他指，回應雖獲全體27名委員（港交所行政總裁李小加因潛在利益關係而沒有參與）參與，以上市委員會的名義提交，但並非全部均反對諮詢方案；27名委員中，大約21名反對諮詢方案（包括大部份代表投資者權益的委員），4名支持，餘下2名則沒有強烈立場。

主席稱贊成僅屬少數 火藥味濃

該名人士續稱，委員會已就發表回應一事商討一段長時間，希望能令回應更具代表性，但反對與支持方案的委員數目，一直沒有重大變化，故最終只能以「大部份委員反對」形式提交，而該4名委員則自行提交回應。他又強調，涉及上市規則制訂及修改的「上市政策委員會（LPC）」是委員會的討論重點。

根據上市委員會回應文件，反對主要由於方案無助提高審批效率，而且多重審議亦降低效率，加上兩個委員會的代表性成疑，故反對設立；並反建議將證監會代表帶入上市委員會，成為委員會的「觀察者」，更為有效（詳見表）。

何另遞聯署信 全面支持方案

而《彭博》則披露4名與上市委員會決定持反對意見的成員身份，包括兩名副主席來寶集團企業事務總裁鵬誠峰、Janchor Partners創始人兼投資總監何志安、以及雲鋒金融集團投資銀行部主管及高級董事總經理麥若航，其中何志安為當年率領基金TCI與領展（0823）及華置（0127）對抗的舵手，而麥若航的背景更是與來自馬雲有份創辦的雲鋒基金。4人昨日已聯署提交諮詢回應，以表達到諮詢方案的全面支持。


來源: http://www.mpfinance.com/fin/dai ... 7168&issue=20161117

---

【add】紅人主場：新生許志安

1 : GS(14)@2017-01-06 02:07:58

入行30年，踏入50歲。許志安近兩年走出安全地帶，2016年兩度上內地歌唱節目真人騷、拍電影，2017年再出碟，新歌由悲情歌王，轉了悠然講生死、有禪味，甚至可能去拍電視劇，「我以一個新人嘅心態去push自己；行一步，見一步」。自評外表冷漠，歌聲溫暖的許志安，也難得開放自己去講講老婆Sammi，「結咗婚都幾好，幾有新鮮感」。撰文：林妙萍攝影：周樂恒造型：陳蔚渝攝錄：郭賢興化妝：Maggie Lee髮型：Seiko Sin@Hair Culture為影專訪，許志安將平日下午二時跑步操體能的時間，調到早上，先操肌再開工（其實無露肌照），認真心態和新人一樣。



Salvatore Ferragamo圖案外套、藍色長褲Etro灰針織Louis Vuitton麂皮鞋

Louis Vuitton麂皮拼針織外套、灰色恤衫


18安士的生死

「一兩年前開始，我好想做一啲想像以外嘅事。求新，求變，求一個新鮮感。」許志安入行30年，近兩年想跳出安全地帶，試新鮮事物，之後走到內地參加真人騷《蒙面歌王》、《中國之星》，開眼界，再拍大尺度電影《兇手還未睡》等。2017年新專輯《18安士》、一月演唱會，找來新合作單位如Dear Jane等，集合不同力量創作，一切只為求新求變，「成日提醒自己，要free hand，任何規限都唔要，唔要縛住，專輯、演唱會，成件事我冇任何參與，只係諗隻歌要用咩唔同、新鮮嘅聲音去唱。」例如，用唱情歌方式唱Hard core的《非安全地帶》，悠然溫暖的歌聲唱講述死亡的《靈魂道》，「死亡其實係一個歷煉，同食甜嘢一樣，但唔同味道。」



■許志安和鄭秀文2013年結婚。

《蒙面歌王》做鐵皮人


每晚和Sammi祈禱

許志安坦言近幾年心態較開放，比以前open肯講，包括訪問最初表示話「慣咗唔講」的老婆鄭秀文。相識25年以上、結婚4年，老夫老妻？「唔好咁樣講，我覺得幾好，好有新鮮感，因為你第一日就會知道係咁樣嘅生活。」新鮮感來自懂得欣賞對方無聊的幽默，許志安帶點靦腆，「即係，餵貓嘅時候，我着到鬼五馬六，着對皮鞋，又着條瞓覺褲，咁凍又着件羽絨，個頭又亂，我又戴頂啱啱開完騷嘅帽，佢見到，咪笑：『嘩！你睇你個造型咁！』」許志安和Sammi每晚一同祈禱，婚姻生活就是日常，「大家都知道係好實在的，生活就係貼地㗎啦，將佢下下浪漫化，都唔係我哋。」



《兇手還未睡》

《靈魂道》


不儲衫更不網購

「我有一段時間真係咁，望到自己個衣櫃，都覺得有啲悶，因為全部都係黑色。自從嗰次見到，一見到黑色就抗拒，咪開始試其他顏色」許志安自命不是時裝人，極少網購，更不會儲起歌衫、時裝，「衣櫃好細，因為我想keep住佢新鮮；我鍾意着棉質，唔會online shopping，行街係一種樂趣。」


每一個十年

「唔係我揀咗唱歌，係唱歌揀咗我，所以一定有啲嘢個天想我去做。」入行30年，第一個十年、1997年是這首《我的天我的歌》，「嗰時好似一個球員，傷咗好耐，出嚟打嘅第一場波，因為嗰時轉新公司，俾舊公司雪藏咗一年。」第二個十年、2007年《前程錦繡》，「嗰時心態係，又唔係咁多火，覺得要唱啲所謂自以為多啲貢獻嘅歌。」今年，第三個十年的《非安全地帶》，講出許志安心聲，坦言以往一定要感覺安全、有把握才做，如今不想。「唔使諗返做過乜，啲人話見一步，行一步，呢樣係比較悲觀嘅，但行一步，見一步就正面喇。」更多精采時尚內容，盡在http://add.appledaily.com。




來源: http://hk.apple.nextmedia.com/entertainment/art/20170105/19886638

---

【馮仁昭四圍超】許志安酬勞得$3800

1 : GS(14)@2017-04-06 07:41:40

許志安、觸執毛等噚日齊集商台舉行記招，宣佈下月舉行「21安士音樂會」，亦係商台首次以公開售賣門票方式開騷。安仔指仍未知確實嘉賓同人數，因太多人想上台玩，佢話：「以經濟學來講係唔應該做，我應該收到3,800蚊。」仲形容今次係一班儍仔去做一件事。上次同安仔喺台上關係曖昧嘅觸執毛主音阿水，指當刻情感流露，因鍾意欣賞男人胸膛。撰文：馮仁昭




來源: http://hk.apple.nextmedia.com/entertainment/art/20170406/19980980

---

【馮仁昭四圍超】許志安彈琴硬晒軚

1 : GS(14)@2017-04-29 23:24:49

許志安（中）、觸執毛、Dear Jane、RubberBand及Supper Moment噚日到沙田石門為《21安士音樂會》進行綵排。安仔幾年冇彈琴表演，今次會自彈自唱英文歌，安仔話：「幾年冇彈，硬晒軚，軟唔到，對我嚟講係挑戰。」Supper Moment嘅Sunny就會喺今次音樂會做排舞師。撰文：馮仁昭



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170428/20003887

---