身教B女買衫一粒鐘JC晒背出巡
1 :
GS(14)@2016-08-11 06:08:34■JC前日帶住囡囡Tessa去中環逛街,戴了花花頭飾的Tessa十分可愛。
【中環】現年28歲的混血女模Jessica C.,今年3月在美國為安志杰誕下8磅重得意囡囡Tessa後,早前一家三口已經返回香港。初為人母的JC極速收身,弗爆身形回復生B前一樣,而B女至今已五個月大。前日下午本報在中環捕獲JC,穿上清爽大露背短裙的她,將Tessa孭在胸前,十分養眼。
頭箍襯光頭
前日下午3時許,JC一個人帶住Tessa現身中環,雖然要拿着手袋,又要拎雨遮,但她將囡囡用孭帶孭在胸前,步伐輕盈。當她途經置地廣場的名店上海灘,看似睇中新裝,便帶着囡囡走進店內,經過近一小時左配右搭,終於揀了一大袋戰利品,埋單離開。
【雙手好忙】■JC左手拿住一大袋戰利品,右手拎住手袋和雨遮,好勁!
■入到舖頭,JC好細心揀心頭好。DV圖片
【性感露背】■產後極速收身的JC,前日穿索爆露背短裙湊女,相當養眼。
除了媽媽JC省鏡,光頭妹Tessa亦明顯經過媽咪悉心打扮,頭上戴上粉紅色玫瑰花頭飾,頸上則圍上口水肩,Tessa全程眼仔睩睩兼腳揈揈,超級可愛。JC滿足購物慾後,便到對面馬路坐的士走人。
■洪欣日前與老公張丹峰攜女兒在銅鑼灣行街。
洪欣睇童裝
另外,素顏洪欣日前和老公張丹峰及囡囡到銅鑼灣行街,兩公婆主力看兒童用品及玩具,最後買了少少玩具及衫仔便離開。其後再約兩位女友人去睇相機。而除了照顧囡囡外,洪欣亦有做好賢妻本份,得知抱着囡囡的老公口渴,即趁乘電梯時拿出水樽餵老公飲,sweet到爆!採訪、攝影:梁繼光、潘冠恩、吳耀輝
來源:
http://hk.apple.nextmedia.com/entertainment/art/20160811/19731123