|
||||||
|
正所謂虎父無犬子，長實「樓神」趙國雄個仔趙朗（Ronald）都有個朵——叫「羅素街狼人」；呢位狼人貴為里昂證券地產基金董事，兩年前斥資十二億，買咗羅素街8號Shama成幢服務式住宅，再改為樓上鋪分層兼拆細出售，一鋪勁賺十九億！ 賣樓時梗係以「鋪」嘅概念去定價啦，呎價三萬起跳，除咗本地投資者如麥紹棠、東方紅太子爺，其餘接貨者多為強國投資者，早前陸續出現撻訂情況，最慘烈係頂 層廿八及廿九樓，去年初就由來自廣州市、揸中國護照嘅黃振卿和林素惠，以$3.76億掃入，呎價逾四萬元，卒之今年中廿八樓要蝕讓，未計釐印，一年之間蝕 五千萬；而廿九樓亦正招標出售。現時單位估值當然以乙級寫字樓價計算啦，秤一秤只值$1.5億，所以話羅素街8號，係真正嘅「強國塚」。 金融逍遙客：香港有隻「黑天鵝」 游走於中港台併購、私募投資的金融多棲動物，現為多間上市公司主要股東及董事 自佔中後香港零售業急轉直下，恍如進入寒冬，係人都意識到零售、旅遊已成香港命脈，上月一艘小拖船的吊架未放下，揩到青馬大橋，就下令封橋幾個鐘，造成機 場、鐵路癱瘓半日。若論重要性，逍遙客認為青馬大橋才是香港唯一的命脈。皇后大道、彌敦道都唔稱得上香港的交通動脈，真正且唯一的只有聯繫全球的青馬大 橋。從構思到立法興建，多少人力物力投入與有識之士參與，真係𢱑晒頭，點解會冇個後備通道？多年前獲國泰邀請到國泰城一嘗駕駛模 擬機，置身於價值數千萬的駕駛艙試飛，由於難度甚高，逍遙客屢次險撞落青馬大橋，當時就諗，假如係真嘅香港就斷咗條大動脈！財經市場每三、五年就會出現任 何人都無法預測的黑天鵝，若當香港係一隻股票，應該冇一隻黑天鵝會大得過青馬大橋出事，到時每日近千架次飛機、十萬計旅客、幾萬噸貨物進出……，都唔敢再 諗落去，當年一班高薪厚職英明神武嘅政府高官，點會連呢個保險措施都忽略呢？如今警號響起，呢班高貴立法會議員卻仍糾纏於TSA、網絡條例，用啲無謂心機 去講廢話拉布，冇人企出來諗吓處理呢個關乎香港存亡嘅問題。有朝一日，假若呢隻黑天鵝真係出現，想像到時大家坐渡輪去機場嘅日子，香港呢隻股票的價值可瞬 間腰斬，呢班高官議員仲有乜面面對香港市民？ 中環寸嘴：唔好叫高盛，叫低盛 工廈大王楊耀松長子，是各大有名食肆之VIP，喜歡研究城中有錢佬對食之要求，透過美酒佳餚，察看人生百態，讓讀者「嗒」落有味。 都話投行啲view point日日轉，高盛話降低中港股票評級，使乜咁間接吖，叫自己做「低盛」，乾脆叫人掟港股好過啦！上個禮拜五一開市，隻平保跌成3%，我啲 decumulator knock-out晒，放實貨喺度冇用噃，咁就梗係即刻做嘢，叫銀行佬同我開zero-cost，佢「奶奶」吖，好似未瞓醒咁，我救緊個盤，佢同我講話有 啲confirmation letter仲未簽喎，講呢啲！好似舊債未還，新債免問咁，我同佢講：「咁你唔使同我做啦！」銀行佬問：「點解呀？」我話：「因為我準備close咗個 account佢呀！」激到我吖，戲都有得你睇，《Wall Street 2》Michael Douglas嘅對白：When the market is up, I make money. When the market is down, I make money, only the stupid lost moeny!跑馬地間「正少食棧」捱唔夠一年就話內部裝修，今年初幫襯食過佢啲翅，抵食o架，所以話有啲嘢抵食，佢摺埋就飲恨食得少啦！以我嘅分析，呢間 嘢「定位」有問題，老實講花得起錢食嘅人又嫌cheap，花唔起錢嘅又嫌你「貴」，搞幾個月內部裝修不如改做火鍋店啦，去搵啲「了能」嘅食材，又可以慳番 個廚，淨係搵切工、樓面咁，好過白納空租吖！等我醒你救盤一招啦！ 中遠系復牌「未跌夠」 中遠集團與中海集運因資產重組，本週一復牌即跌至四腳朝天，其中散戶愛股中海集運（2866）最多跌33%，中國遠洋（1919）亦插水27%，分別 收$2.29和$3.56，其實八月份停牌之初，滙豐已率先發表研究報告對航運業重組大潑冷水，指並無協同效應，對中海集運和中國遠洋減持目標價分別 為$1.7和$3.9，咁睇中海集運未跌夠喎。 女人累人 搭上佔有慾強嘅女子，真係分分鐘連份工都冇埋。早前司馬燕老公吳忠義（Togi）與內地小三Summer嘅新聞炒得沸沸揚揚，後來Togi發表聲明指呢位 女子精神錯亂兼酗酒，已於九月閃分，原本在飛利浦擔任CFO嘅Togi，因公司去年把影音業務售予美資Gibson，需要重組，喺爆出小三Summer緋 聞時，就接咗公司嘅大信封，Togi在公司內人緣甚佳，為此小三Summer更騷擾埋Togi的同事，所以公司上下對Summer絕不陌生，Togi執包 袱，與Summer有冇關係，大家話呢？ |
||||||