| ||||||
| 自 從電盈（008）私有化議案喺早前嘅股東特別大會獲得通過後，「私有化」呢3個字，就變咗小股東嘅噩夢，就算只係提吓，都會觸動佢哋敏感嘅神經線。噚日大 眾金融（626）召開周年股東大會，有小股東問董事陳玉光，會唔會趁住o依家股價低殘，乘機私有化？陳董都未開口回應，現場班小股東即時起哄，有位聲如洪 鐘嘅男股東，叫陳玉光千祈咪學8號仔搞啲咁嘅嘢，佢話自己喺06年有份供股，嗰時每股要供成7.3元。 華華睇番噚日收報2.29元，唔怪得佢咁激動啦！陳 玉光聽完啲小股東嘅肺腑之言，就話其實唔同人對私有化有唔同嘅睇法，不過大眾金融暫時未有呢方面嘅意向，叫大家放心。佢仲強調，私有化絕對唔係睇股價，而 係要權衡對股東嘅利益、同公司嘅長遠發展咁話。 | ||||||
|
||||||
|
東尼出院，朝住令人可喜之正確而順暢之上升軌進發，佢非但睇番報紙，仲玩其廿一點同埋Scrabble，更加開始諗番股票，此又豈不令人欣喜？ 佢非一聽到宏利即刻眼開，我哋探過佢口氣，問佢對隻5號仔點睇？佢認為當下啲「沽派」謬矣。佢覺得在現水平，5號仔仲有得去也。咁到乜嘢水平至應該沽5號仔？應之曰：NEVER! 大家聽到啦。 東尼非但關注宏利、5號仔之去向，佢對自己建立之投資組合一樣縈繞於心。遲吓精神番啲，佢有意重新檢視個組合。不過我哋未應承得大家住，等吓啦！ 鄧聲興起革命 年前股市演員鄧聲興「背妻玩o靚妹」而登上敝刊封面。不過似得李居明大師話齋，嗰一趟我哋可能中計矣。 何以瘀成咁？事關鄧演員顯然又並非玩o靚妹，佢原來直情係要同個o靚妹起革命。冇錯，係「為構建和諧家庭而奮鬥終身」。 佢篇組織「革命家庭」宣言，佢仲搬埋阿爺嘅至理名言「革命不是請客吃飯」出嚟，顯見「構建和諧家庭」唔係講玩也。鄧演員做慣戲，今趟莫非嚟真？ 郭小姐冧爆王主任 泛民哀求新科港澳辦主任王光亞賜見而不果，糖王乖女、《南華早報》揸弗人郭惠光則「聖眷正隆」，全港中西傳媒之中，佢係首個獲得單獨接見。恰如煲呔‧曾之言，親疏果然有別也，大家擘大雙眼睇吓啦！ 厚待如斯，郭小姐以小粉絲之姿態裝扮眼神望實王主任又豈不應該？換轉你係王主任都冧爆啦，係咪？ THE ICON：紅顏禍水 半山干德道THE ICON搞出滿城風雨，敝刊老記不辭勞苦，遠赴星洲起起發展商過江龍鍾斌銓底。佢係星洲福建華僑鍾奕莊個仔，乃三房所出，全家共有廿八名兄弟姊妹。 我哋搵到鍾斌銓同父同母嘅阿哥鍾金榜喺星洲最高尚住宅區Oxley Rise嘅祖屋（新加坡資政李光耀亦住喺呢一區），當時佢阿嫂朱薇瑾正喺度同班嬸母玩紙牌耍樂。聽佢口氣，搞出單THE ICON亦紅顏禍水也。點解？ 佢阿嫂話：「鍾斌銓幾十年前識咗個香港女人，鍾意去香港發展。」若果唔係咁，又豈致搞出單咁嘅嘢呢？紅顏又豈非禍水哉？ 鍾家以酒店為祖屋 講起鍾斌銓阿嫂朱薇瑾，佢現今居住之鍾家祖屋係間兩層高殖民地時代洋房建築物，花園佔地甚廣。間屋夠晒闊落，事關其前身係酒店嚟者。以酒店為居所，你話大唔大啦！ 自己間祖屋大成咁，鍾斌銓點解又諗得到喺THE ICON整間要側側身至入得到嘅廚房呢？人嘅思想確係好奇怪者。 日本漢語弊傢伙 日本同中國向有同文同種之說，但對大和民族嚟講，漢字始終係外來語，結果就搞到敝、弊不分咯。認真弊傢伙也。 中環人語迷你版 “一定有燒鵝食。” 估中邊個中環人講呢句說話，送你SwitchEasy CANVAS for iPad 機套一件 有意參加者，請於一月三十一日24:00前將答案電郵[email protected] 小宗只接受電郵，郵寄免問。 本刊員工及直系親屬不得參加。 為求公平及杜絕偷步搶答起見，請於星期三下午一時後來電郵競猜答案；在此之前發出之電郵作廢。 超過一位讀者估中，先到先得，恕不接受上訴。 答案及中獎者姓名將於一一年二月三日本欄揭曉。 上週人語揭曉 “官有九個口，政府信唔過。” 答案︰石禮謙 得獎者︰Winnie Ho 中獎時間︰1:00pm 19/1/11 金牙大狀講嘢 大家等運到 「聯繫匯率之父」祈連活為經濟把脈，話美國冇通脹迹象，故此未來一年加息機會微乎其微。港元同美元掛鈎，咁即係香港同樣都唔會加息。如此一來，官家要防止樓市泡沫化則只得管制借貸一途而已。 先前金管局已經降低樓按比率，若然再降，咁啲銀行仲使搵食乎？難怪早前已有銀行發動減息搶客；若然再降樓按比率，銀行間之競爭勢將更形激烈。此又豈不進一步催谷樓市？ 咁樣發展落去，若果美元利息唔掉頭回升，而港元又繼續掛鈎，遲早有一日政府要以行政手段禁制買樓。當然冇人想見到咁嘅一日，但會否要行呢一步，真係冇人知。話知嘅都係呃你者。大家等運到，咁樓價又有乜辦法唔係咁升呢？ |
||||||
2011-11-17 NM
近年股價殘爆的「８號仔」電訊盈科，將分拆集團最值錢的電訊業務（HKTT），以香港首次出現的信託方式上市；並於本週三招股，每手入場費五千多 元，集資最多一百一十億。由於預計明年息率最高達九釐，在現時低息環境下，將會引來一眾「食息」一族出手。集團主席李澤楷更拍心口，保證頭三年一定有高息 派，罕有益街坊。
一直不服輸的電盈老股東，不妨趁機沽八號買HKTT，起碼穩袋三年息，而且「殘留」在電盈的業務，已成雞肋，死揸８號仔勢有排你捱。
電 盈的多番搞作，源自○六年；當時李澤楷擬以逾五百億元出售電訊資產予澳洲麥格理銀行及美國基金新橋資本，因而開罪第二大股東網通，後由李氏家臣梁伯韜出手 執爛攤，提出以九十億收購李澤楷手上兩成多股權，但最後兩個計劃也無疾而終。李澤楷又曾將電訊、媒體等業務重組撥歸HKT旗下，叫投資者競投股權，最後又 因金融海嘯而終止投標。○八年，李澤楷再夥拍網通集團提私有化，又爆出種票醜聞而終止。潛伏兩年，無阻李澤楷甩身意向，直到今年六月，李澤楷罕有現身股東 大會，提出商業信託的意念，並大讚分拆電訊業務上市的好處，又保證分拆後三年內，每年派息不少於十一億元，同時會向股東派實物紅股及優先認購權，利誘小股 東支持分拆HKTT上市。
電訊業務趨穩定
持有四手８號仔的小股東梁先生，其手上的股份繼承自已持股數十年的母親；即 使被李澤楷「賞」以優先認購權，但跟大部分電盈小股東一樣，對信託一頭霧水，「完全唔知咩嚟，冇人解釋到俾我聽，唔知點做。」 這類商業信託，今年初李澤楷父親李嘉誠已做過一次，當時和記分拆和記港口，在新加坡以商業信託形式上市，不過該股至今仍跌破招股價達三成四未返家鄉。而今 次電盈分拆HKTT，電盈餘下業務就是now寬頻電視、數據中心服務及子公司盈大地產六成股權等；而分拆出來的HKTT業務，則包括整個集團最值錢的本地 固網電話、網上行寬頻、PCCW mobile等電訊業務。 翻看年報，電盈拆骨後剩餘的媒體、企業方案和盈大地產業務，EBITDA（除息、稅、折舊和攤銷前的利潤）有八億左右，但扣除電盈其他集團業務虧損達六億 元，實際的綜合EBITDA只有二億元。而分拆出來的電訊業務EBITDA卻高達七十二億元。而過去三年電訊業務的EBITDA亦維持在七十二至七十三 億，相當穩定，集團預計今年亦不會少於七十三億，股東溢利不少於九億元。
按現金流派息
按照信託的契約規定，HKTT 須從淨現金流（扣除一切營運開支的現金流）作出百分之一百的分派，雖營運開支可加可減，但其業務發展相對穩定，且集團截至今年六月底有至少五十七億元的可 供分派儲備，預計回報息率最高達九釐。現時將這棵搖錢樹分拆出來，直接推高HKTT電訊業務的估值。按十一月十五日電盈收市價$3.07計算，電盈市值約 二百二十三億元，唯HKTT的保薦人中金及德銀，早前對HKTT估值報告達三百億元，竟高於整個電盈集團。有行內人士表示，這樣的估值結果是基於市場不看 好電盈現時剩下來的資產和業務，最終電盈會變成一隻瘦雞，無肉好食，肥的是HKTT。 故有出席投資者推介會的基金經理表示，會購入HKTT，認為電訊業務發展穩定和息率吸引，「你當係一隻三年期債券，七、八釐都算高息，又會百分百從現金流 中派息，買得過，冇問題。」 電盈既是HKTT股東，持六成多股權，亦是其信託管理人，李澤楷為HKTT主席。今次的名義是合訂證券信託，故與上市公司一樣，投資者即信託擁有者，亦有 投票權，屆時業績走樣，李澤楷一樣會如現時電盈般，在股東大會上俾人鬧。本週二電盈董事艾維朗及財務總監許漢卿主持記者會，解釋現時市況差，但電盈股東會 上有九成以上股東贊成分拆，值得去馬。艾維朗又否認招股價偏貴，因電訊集團業務覆蓋率高；而對於派息的現金流，他只重複說「穩定」，無須擔心。
較房產信託穩陣
未 有信託出現前，散戶想穩定收息，可以選擇買房地產信託（REITs）。不過房地產信託極受地產周期影響，容易波動。現本港共有八隻房地產信託在港交所掛 牌，最多人認識的是領匯（0823），除領匯和越秀房地產（0405），其他股價已經潛水，如○六年上市的冠君產業信託（2778），現價較上市價已跌四 成，早前因旗下物業花旗銀行廣場的收入減少，使總收入下跌百分之八，涉及十九億元，最新中期息派10.45仙。五年來每單位分派收益率忽高忽低，最高見一 成五，最低為去年百分之四。 而今年由長實（1）分拆且用人仔計價的匯賢產業信託（87001），主要資產有北京東方廣場的土地使用權，雖然首兩年分派比率為百分百，惜上市至今七個 月，股價已跌三成四。有電訊股份分析員表示，現時HKTT市盈率約為二十一至二十五倍，較現時亞太區電訊商市盈率十五倍偏貴，上市後股價有機會如其他房地 產信託般潛水，但由於電訊信託業務穩定，猶如公用股，不如波幅較大的房地產，相信股價不會大走樣。 要穩定收息，還有提供定息的債券可選擇，而且保證取回本金，但卻存在違約風險。經濟學家關焯照還提醒，現時不是購入債券的時機，「你認為銀行利息見頂開始 回落就最抵買，但家陣息口太低，一旦利率抽升，定息債券價格會大大降低，招致損失。」
今年十月李澤楷再次在股東會強調分拆的好處，對於小股東質疑８號仔餘下業務的盈利，他就拿出自己的身份證安撫股東們，說當中的晶片、驗證至保安均由電盈旗下的企業方案業務包辦，這「低調」生意絕對有可取之處。 ####