📖 ZKIZ Archives

蔣紫 南海宗 周老虎

1 : GS(14)@2013-12-09 22:50:07

http://www.metrohk.com.hk/index.php?cmd=detail&id=224609&search=1

最近周永康案傳言滿天飛，但有啲傳聞同強國嘅做事方法有明顯出入，所以蔣紫嘅北京老友話想講吓強國點做嘢法。一般嚟講，一件大案嘅程序，一開始係立案，跟住調查，有結果再公布，如果係大單嘢，共產黨都會先內部通報，再發新聞稿，冇理由要黨員睇報紙先知發生乜事。而公布亦係先喺黨內逐級通報，起碼都要通報到中級官員層級，先至會由新華社向全世界公布調查結果。以薄熙來案為例，新華社發稿公布結果之日，其實已經喺內部通報到副省級幹部。再講返周永康案嘅傳言，中央辦公廳主任粟戰書傳聞喺12月1日去周永康屋企通知佢正式立案調查吓佢有冇問題，而外電話喺12月4日中紀委書記王岐山向政治局常委通報呢件事；咁計法，要等調查有實質結果出嚟，再逐級通報到各副省級幹部，真係仲有一大段時間，所以呢壇嘢斷唔會咁快就公布調查結果嘅。所以，嗰啲話會好快發新華社稿嘅傳言，唔使問都知冇可能！（周永康案之一）






蔣紫
PermaLink: https://articles.zkiz.com/?id=284231

蔣紫 南海宗 查大案有框框

1 : GS(14)@2013-12-09 22:50:20

http://www.metrohk.com.hk/index.php?cmd=detail&id=224614&search=1

關於強國辦案方式，蔣紫嘅北京老友仲有嘢講。一件大案出嚟，中紀委固然要定期向中央政治局常委匯報，上面則可能有批示，對調查範圍可能會有界線。以薄熙來案為例，查案期間曾傳出佢偷聽中央領導人電話嘅傳聞，但黨內通報同埋新華社公稿都冇提到呢件事。大家所知嘅薄熙來案，就係佢唔管好屋企人，畀屋企人殺人，貪錢，但就唔會有話佢想謀朝篡位啲嘢。北京嘅老友記話，如果周永康被查，可能都差不多，最後公報可能話周永康「貪咗好多錢」，但至於其他「政治黑幕」，可能就冇大家想像咁精采喇！大家不可不知，周永康比薄熙來更高級，權力更大好多，馬仔亦多過薄熙來，強國1978年後未試過有咁高級嘅官員被查，所以周永康案一定仲複雜好多倍！（周永康案之二）






蔣紫
PermaLink: https://articles.zkiz.com/?id=284232

蔣紫 南海宗 「實名買飛」

1 : GS(14)@2014-01-16 01:23:50

http://www.metrohk.com.hk/index.php?cmd=detail&id=226386&search=1

每年農曆年一到，強國人都要返鄉下，「火車飛」搞到大家頭都痕埋。今年阿爺大搞網上訂購同「實名制」，點知道高一尺，魔高一丈，個系統畀網民破解咗，啲網民仲大開「實名」玩笑，同埋啲騎呢名如「西門吹雪」、「慶豐包子店」嚟買飛。計正要網上驗證「實名制」一啲都唔難，只要將購票系統同公安系統聯網就搞得掂。不過，要聯網就涉及部門利益，公安部嘅系統查詢係收費嘅，查一次5蚊雞人仔，咁呢筆數邊個畀先？就係因為「部門各有山頭」，所以「實名買車飛」至變成笑話！






蔣紫
PermaLink: https://articles.zkiz.com/?id=284283
Next Page
ZKIZ Archives @ 2019