用成份糧買iPhone 7台灣男一開盒竟見....
1 :
GS(14)@2016-10-05 11:31:59自蘋果iPhone7推出後，成為不少用家追捧對象。台灣高雄市一名48歲陳姓工人雖然月入不足3萬元(新台幣‧下同)(約7,426港元)，也想擁有iPhone7手機。陳男上月20日在露天拍賣網站看到有賣家，以2.5萬(約6,188港元)出售全新128GB的iPhone7手機。售價比市價2.85萬(約7,054港元)便宜，遂與對方約定交收。當日由於對方遲到近半小時，來電稱售價可少收1,000元(約247港元)。雙方見面後，陳男見盒子是iPhone外盒，還用膠紙密封，未拆盒檢查便直接交出2.4萬元(約5,941港元)現金。豈料，陳男回家拆盒一看，卻發現盒內只有兩個印台、一個轉接頭及一個手提袋。5日後，警方接報指在網上與他人交易iPhone7，與對方見面後，對方卻聲稱沒帶貨，懷疑有人詐騙。警方隨後盤查一名26歲黃姓男子。黃男竟盜用弟弟身份證，警方發現照片非同一人，遂黃男帶返警署調查。由於犯罪手法雷同，警方通知陳男指認，陳男一眼認出黃男。由於黃男有吸毒習慣，早已花光陳男的2.4萬元。陳男獲悉大罵：「我一個月做工賺不到3萬元，好不容易要換新手機，你竟然騙我24000元。」警方訊後先依將黃男解送歸案，並持續追查黃嫌是否涉及其他賣手機詐騙案。台灣《蘋果日報》
來源:
http://hk.apple.nextmedia.com/international/art/20161004/19790648
笑到最後：一出糧買恒指牛
1 :
GS(14)@2018-02-04 23:14:29港股稍為調整一日便再開波，高明認為類似情況會持續，所以早喺2017年11月12日寫嘅「十條狂牛必守戒律」已強調，「趁未到三萬點、狂牛未到，求其買兩手盈富基金（2800）參與吓啦」。不過，如果有跟但震走咗，又或完全冇跟，咁點好？高明建議一出糧買恒指牛。喺每月消費入面，搵出最無謂嘅開支使費，停咗佢，拎返出嚟。假設最後大約每月有10%開支係純浪費，香港人月入中位數16,000，每月出糧時，直接將嗰1,600蚊，不問價買入一隻恒指牛證，然後唔再睇。下一個月再出糧，又再買過。直至確認大市掉頭為止。重申一次：做實業最值得尊敬，靠打工搵食亦受人尊重。但牛市持續，總有朋友有參與股市受惠，即使努力工作，長久下去一定心理不平衡，最大壞處係：往往一路升時唔買，等股價升至最高點先仆入去。去年底騰訊（700）已係一例，300蚊冇人敢「高追」，要升至439蚊後回落先覺得有買貴冇買錯，最後一下子殺到落366蚊，貼價騰訊牛全軍覆沒。幸好升勢未完，當日血肉長城嘅正股客至今全部大賺。不過，升市至今，一手騰訊或平保（2318）正股已接近五萬元、港交所（388）亦要三皮。折衷方法惟有用生活中最無謂嘅消費開支買恒指牛證，該筆開支本來已經係浪費，轉化為牛證有兩個可能：一係打靶，一係坐牛市順風車。即刻變成有一半機會唔使輸晒。至於買咩條款，可以選擇同現價相差約1,000點收回價嘅恒指牛，博大市唔出現千點以上嘅調整繼續上。可能有人會話，咁細注搵唔到食，不如瞓身？如果舊年你冇瞓身，證明你眼光都唔係太好，今年先瞓身隨時瞓街。趁住月底出糧，拎一少部份出嚟，逐步重新入市，埋單都叫有享受過今浪大牛市。高明
http://fb.com/bigricetea本欄逢周一刊出
來源:
https://hk.finance.appledaily.co ... e/20180129/20288480