雨僑、羅力威 窗邊食麵甜絲絲
1 :
GS(14)@2016-03-05 01:26:31【一腳踢】■同雨僑食完麵,即刻飛的返愛巢,羅力威畀錢閂門拎手袋一腳踢。
【大坑】雨僑前年終於承認同羅力威拍拖,但佢哋公開咗戀情之後,孖咇出入依然好避忌,除咗要戴帽頭耷耷,仲唔敢喺公眾地方十指緊扣,拍拖得嚟好低調。現年30歲嘅雨僑同細佢一年嘅羅力威感情好穩定,日前佢哋又拍拖去咗大坑食日本拉麵,佢哋呢次又係做帽子情侶,一齊戴漁夫帽出動。當晚約7點幾,佢哋入咗一間拉麵店,仲揀咗窗口位對住坐,雨僑坐低就低頭㩒電話,羅力威就望實女友,及至侍應將食物送上枱,佢哋邊食邊傾偈,好有電視廣告見多幾面嘅老夫妻感覺,佢哋食咗約20分鐘就食飽飽,為咗慳時間,仲call定的士,等的士到咗門口先走人。
【冧住食】■雨僑同羅力威撐枱腳食拉麵,滿面冧樣。DV圖片
【返愛巢】■返到寓所樓下見到唔少街坊,就冇再拖手。
■雨僑幫新加坡旅遊局拍攝最新一輯旅遊特輯。互聯網圖片
男友拎手袋
羅力威離開嘅時候盡晒男友責任,幫女友雨僑拎手袋,佢哋上咗的士即喺後座hea爆,的士火速返咗佢哋土瓜灣翔龍灣愛巢,羅力威畀車錢之餘仲繼續拎手袋,先落車嘅佢又等埋女友落車再幫手閂車門,非常體貼,臨上樓前,佢哋去咗便利店買嘢飲。不過愛得低調嘅佢哋,本來落車時人少少都有拖到實,但突然有街坊出現,佢哋又甩番手,警覺性真係好高。採訪、攝影:畢紹基、吳耀輝
來源:
http://hk.apple.nextmedia.com/entertainment/art/20160304/19515253
東環II驗樓 窗邊恐滲水
1 :
GS(14)@2017-04-05 23:44:17■驗樓師賴達明指出,東環II大廳窗邊防水膠有破爛。
【本報訊】由新地(016)發展的東涌東環II陸續入伙,資深驗樓師賴達明指出,單位只有89分,是繼同系元朗峻巒後,再次低過9字頭。
大門手柄極鬆
今次驗收東環II兩個600餘方呎三房單位,均望到機場海景兼港珠澳大橋。賴達明驗收Thomas的單位時,第一時間已發現大門的開關手柄極鬆,基本上一扭就甩。單位廚房雲石出現崩花,客廁的浴屏膠邊「拖地」。大廳窗外有空心磚之餘,窗邊防水膠更有破爛,落雨隨時滲水入屋,令總分只有89分。但業主Thomas對整體收樓感覺良好,期望夏天可搬入來。另一個較高層面積相若三房戶,馬桶安裝不夠穩固,露台一樣有空心磚,但整體問題較少,有94分。新地回應指,單位所提及的問題已即時安排跟進,大部份在一星期內完成,有信心交付單位的質素會令業主滿意。租務方面,中原林溢斌指,東環II入伙至今約有50伙獲承租,現時約300個放租盤,一房月租入場費1.05萬元,成交參考為2B座低層10室一房戶,面積379方呎,以1萬元租出,呎租26.4元。業主於2015年9月以453萬元一手買入,現可享2.6厘回報。
來源:
http://hk.apple.nextmedia.com/financeestate/art/20170405/19980439