大劉愛送鑽石千金秀樺秀盈「鑽石圖鑑」
1 :
GS(14)@2016-10-24 04:20:54大劉劉鑾雄多紅顏知己人人皆知，佢唔單止對女朋友們出手闊綽，佢對自己啲囡囡——真係同伴侶呂麗君及陳凱韻（甘比）所生嘅女兒出手更闊。現年14歲嘅劉秀盈（Zoe），係大劉同呂麗君所生，大劉前年分別喺蘇富比同佳士得拍賣所，先後以當時巿值2.5億同6,500萬投得巨型藍鑽石及紅寶石，並將之命名為「The Zoe Diamond」及「Zoe Red」，令當年只得12歲嘅秀盈，成為擁有3億幾身家嘅富家小姐。另有指大劉曾送出兩艘共值1.5億元嘅遊艇畀秀盈。至於大劉同甘比所生、現年8歲嘅劉秀樺（Josephine）似乎更得大劉歡心，平日啲小禮物，用作獎勵佢讀書叻嗰啲唔在講，秀樺同同父異母嘅家姐秀盈一樣，獲父贈鑽，大劉喺舊年11月，於拍賣會上合共豪花6億港元，先後買咗兩顆鑽石，送畀秀樺，更分別命名為「The Sweet Josephine」同「The Blue Moon of Josephine」，連同大劉喺09年、以當年巿值7,400萬喺日內瓦蘇富比買入重7.03卡嘅稀世藍鑽，並命名為「Star of Josephine」，送畀秀樺當生日禮物，小小秀樺嘅身家已經非常可觀。
來源:
http://hk.apple.nextmedia.com/entertainment/art/20161023/19809818
呂麗君陪秀盈剪髮
1 :
GS(14)@2016-11-22 00:24:44■呂麗君昨日穿上僅數百元的短袖tee，陪囡囡秀盈去髮型屋。
劉鑾雄（大劉）高調跟舊愛呂麗君分手，死心不息的她，依然叫大劉做老公，昨日記者到呂麗君位於白建時道的大宅追訪，約下午1時，她跟大劉所生的女兒秀盈在屋內放松鼠狗，隨行有5、6位工人和保鑣服侍，分別拿狗兜、口罩、膠袋執狗屎，十分大陣仗。約半小時後，兩母女坐掛着「C00L」車牌的七人車到跑馬地，「超級富婆」呂麗君竟然着價值僅數百元的GAP短袖tee上身，不過背囊是Chanel，仍然襯得起她的身份，甚至囡囡都是用Chanel手袋。原來呂麗君做慈母陪囡囡剪頭髮，用了45分鐘極速剪完離去，呂麗君對鏡頭微笑，秀盈就不時偷望記者，兩母女上車直返大宅。採訪、攝影：徐錦池、吳耀輝
來源:
http://hk.apple.nextmedia.com/entertainment/art/20161121/19840339
秀盈愛動物親身探狗
1 :
GS(14)@2017-02-03 03:10:25■秀盈探訪遺棄小狗的圖片，被貼於母親呂麗君的慈善基金網頁上。
呂麗君行蹤神秘，早前劉鑾雄發聲明她都是透過其慈善基金會回應，而在她的基金會網頁，有更新她支持環保保育、愛護動物等議題所發的文章。早前網頁就發佈了一篇對本地善待動物的慈善組織「大樹下」的支持文章，文中提及該機構愛照顧被遺棄的地盤狗、庇護所收容流浪貓等資訊，當中更提及劉秀盈。
■秀盈曾被拍得在獨立屋豪宅放狗。資料圖片
文中寫道：「Zoe（即劉秀盈），呂麗君基金會創辦人的女兒，一個非常愛護動物的女孩子，她深被『大樹下』之理念及義工對動物細緻的照顧感動，並提議基金會對『大樹下』作出捐助，以助他們為更多流浪貓狗提供遮蔭及照料。」網頁更貼了一張秀盈到庇護所探望小狗的側面相。撰文：唐如
來源:
http://hk.apple.nextmedia.com/entertainment/art/20170202/19914780
Next Page