| ||||||
| 雖 然比亞迪（1211）賣9.89%股權畀巴郡旗下嘅中美能源單交易仲未完成，但傳聞股神經已幫手宣傳佢哋啲純電動汽車，據《北京晚報》引述比亞迪深圳總部 消息，經已接受巴郡邀請，參加5月2號嘅股東會，喺會上展示自家生產嘅新能源車，分別係油電雙用嘅F3DM、F3DM解剖車同埋純電動嘅e6車。 蓋茨亦獲邀試車 巴 郡股東會向來都搞到好似嘉年華會咁，雖然呢幾個月受投資浮虧拖累股價大瀉，令股神光環褪色，但支持者唔會放過呢個朝聖機會，向畢菲特同老拍檔芒格提問，呢 班股東通通係有銀人士，睇唔睇得上呢個Made in China嘅品牌就好難講。唔知比亞迪係咪知道呢點，竟然請埋股神個老友──蓋茨試揸e6，甚至由畢菲特出面，請潮人美國總統奧巴馬去睇吓部新車，華華好 想知，呢個美國Top 3陣容如果拍廣告，要收幾多銀呢？ | ||||||