📖 ZKIZ Archives

料美國生意跌20%偉易達睇淡聖誕

2008-12-08  AppleDaily


【本報訊】以美國為主要銷售市場的偉易達（303），其主席黃子欣向證券界表示，旗下電訊產品在美國感恩節銷情理想，原因是下調5%價格令銷量上升。不過，偉易達管理層仍看淡今年聖誕節銷情，預期美國整個聖誕節檔期將錄得約20%倒退。記者：陳健文

摩根大通引述包括黃子欣在內的偉易達管理層指出，預期美國聖誕節檔期表現疲弱，而沒有感恩節檔期的歐洲市場，亦受金融海嘯影響，料今個月室內無線電話銷情將放緩。黃子欣早前在中期業績記者會上表明，看淡今年聖誕節檔期表現。

感恩節降價促銷奏效

學 習玩具的銷售表現方面，偉易達管理層並不太擔心，原因是以過往經驗看，經濟衰退，父母將用更多時間陪伴子女，傾向購買更多玩具。管理層亦指，由於集團今年 剛推出「V-Motion」，產品周期一般是4年，預期明年銷售更強勁。整體而言，管理層認為，單計9月整體營業額跌幅已擴至介乎20%至25%，相信雖 然上半年度（今年4至9月）營業額錄得6%增長，但截至明年3月底止全年營業額，應該只可保持平穩。偉易達特別指出，以聖誕節檔期表現估計，預期下半年度 營業額將倒退。

趁低潮伺機併購

摩通引述黃子欣表示，他個人對09年度毛利率可以改善並不太悲觀，原因是人民幣急劇貶值，以及 油價大跌（塑膠成本佔偉易達總成本約15%）。偉易達管理層亦指出，集團是行內生產成本最低的一家，在這次低潮中可伺機爭取更大市場佔有率。偉易達管理層 重申，集團沒有就商品價格進行對冲，亦沒有投資衍生產品，目前持有約12.48億元淨現金，預料年結時增至23.4億元，預期維持逾50%派息比率，並有 意收購一些集團有涉足的業務。
 
PermaLink: https://articles.zkiz.com/?id=4439

聚豪揸足四年賺一成就走中環在線：林奮強賣樓唔認睇淡 李華華


2008-12-19  AppleDaily


 

地產大好友、瑞銀環球資產管理董事總經理林奮強，一向對樓市前景甚為樂觀，自從06年初轉做瑞銀基金經理，同樣活躍於地產市場，不過，今年就見佢陸續出貨。

通街平貨計劃換馬

佢 啱啱以1768萬元沽咗件大埔聚豪天下單號屋，件貨喺04年底用1600萬元買番嚟，一直收租，揸咗4年，今次賣出賬面只升咗一成，賺168萬；扣埋佣金 同釐印費等支出，淨袋80幾萬。同佢今年初賣出嘅另一件聚豪天下單號屋，同樣揸4年，但一鋪勁賺1017萬，升值近七成相比，相差好遠，唔夠一年賺少好多 喎，咁都肯賣，唔通睇淡後市？林奮強同華華講，佢喺地產市場向來有買有賣，今次出貨亦唔係睇淡後市，只係覺得金融海嘯爆發後，全球有唔少抵買嘅資產，好似 外國公司嘅債券、亞洲股票同埋香港物業，所以換吓貨。不過，唔係咁多港人具有世界投資眼光，投資者要因應自己承受風險能力出擊。

奧運站綁住八千萬

雖 然話o依家個市同年初有天淵之別，但佢認為香港樓宇供應始終少，息口又低，唔使太過悲觀喎。聽講，大好友今年初夥拍瑞銀同事王震宇，喺奧運站掃咗唔少貨， 主要係維港灣同帝柏海灣複式，用咗超過8000萬，好似話帝柏海灣嘅1座複式成功踢契，o依家總共揸住4件複式，部份放租。至於吸引唔少金融巨擘入市嘅九 龍站豪宅，聽聞大好友都有7至8件喺手。李華華[email protected]
PermaLink: https://articles.zkiz.com/?id=4755

中環在線：何禮泰睇淡滙控？ 李華華
2009-02-25 AppleDaily




 

正 當市場靜候滙豐控股（005）下周一公佈業績，聯交所股權變動資料噚日披露，滙控獨立非執行董事、即係太古A（019）同國泰航空（293）前主席何禮 泰，分別喺上月23及26日，喺市場合共沽售10.3萬股，平均價分別係5.127英鎊（約56港銀）及5.377英鎊（約59港銀），總共套現588萬 港銀。唔通佢都認同摩根士丹利同高盛嘅意見，跟大隊一齊沽貨？原來何禮泰揸住嘅滙控，唔係私人投資，佢係英國慈善機構Esmee Fairbairn Foundation信託人，賣股係Esmee決定。Esmeeo依家仲揸住超過27.3萬股滙控。



PermaLink: https://articles.zkiz.com/?id=6206

有人睇淡 左丁山

2009-05-16 AppleDaily




 

天 真許又叫做波浪許，每次叫親去「賀菊」食日本菜，梗係有消息相告。呢日佢又打電話嚟，叫左丁山到「賀菊」入佢間「房」，有好嘢講喎。一坐低，波浪許就話： 「有貨出貨嘞，股市快要調整。」唔係啩，此日股市升升跌跌，在一萬七千點關口爭持，有人睇萬八萬九點，高盛又將滙豐目標價由四十一元調升至八十四元，表面 睇落大市好穩陣啫。

波浪許講到明：「No喇，靜靜雞話畀你聽，你寫出嚟我都唔怕畀人鬧，啲甚麼大行一陣睇滙豐跌落二十五蚊，一陣又話八十四 蚊，間間大行都隨時轉軚嘅，有乜公信力呀。嗱，日本在二○○一年三月十九日宣佈量化寬鬆（quantitative easing ），日經指數由一萬二千零點起步，喺一個月內反彈19%，之後直跌48%，直至二○○三年四月跌到低點7608先至展開反彈，但升完又跌，到今日都係九千 二、九千三點咋。港股升到o依家，頭肩頂走勢十分明顯，跌嘞、跌嘞。」

左丁山唔識睇波浪分析，只知道波浪許多年來憑此搵食，有佢嘅根據。講 到基本分析，自己就識少少嘅，我哋呢啲自由市場派，死不信政府干預會掂，人總要靠自己，不可輸打贏要賴天賴地賴政府唔識監管。以市場觀點睇，全世界向左 轉，政府有形之手伸得長，無孔不入，美國政府完全忽視小股東利益，擺明車馬踐踏小股東與有抵押債券持有人（睇《華爾街日報》四月十二日之佳士拿沒頂記，不 寒而慄，美國監管機構對政府強搶股東資產，為咗救工會利益，完全扮盲公），此外，美國英國等大國紛紛向公司、高薪人士打主意，狂加稅，狂發債券集資嚟刺激 經濟，遲早必然引起通脹，引起另一次衰退，到時就係滯脹，全世界經濟皆受拖累，股市又有一劫。不過咁，左丁山功力有限，搞唔清跌──升──跌──升──大 跌嘅循環時間表，故此不敢輕舉妄動，一於持盈保泰。

 

波浪許就話o依家就要行動，沽貨放假，一於照一句老話sell in May辦事。食食吓，證券許食完華商會一餐，趕來「賀菊」傾吓偈，佢素來作風謹慎，聽見波浪許咁講，問一句：「究竟你睇幾多點？」波浪許話：「一年內見九 千二百點。」證券許話：「我點都唔信，同你賭餐飯都得。」哦，有飯食咯，無論兩位老許邊個贏，左丁山聽者有份，一年內是但有一位老許請食一餐勁嘅。



PermaLink: https://articles.zkiz.com/?id=8001

青心直說：可以睇淡不可做淡 胡孟青


2009-05-29  AppleDaily




 

期 指結算日好淡雙方打得燦爛，以表面走勢論，早前淡友本來略佔上風，然而好友卻未鳴金收兵。小妹舊東主始終係大行，日前飯局，前上司已一語道破許多人百思不 得其解之為甚麼，今次升市顯然係對冲基金挾傳統基金，迫佢哋追貨，與有排唔會好嘅實體經濟無關。大家應該明白點解當前可以睇淡，但係唔可以做淡。以下一 則，是個人近期用作教學之實例：去年11月試過小注買入一隻16500收回嘅熊證，短線賺3格嫌冇肉食冇收割，結果再坐一會就要等足半年，喺3月頭至走得 甩，雖然好彩仍賺3格，其間已損失不少機會成本，所以睇得準都要夠狠。前周五（15日）見恒指先升412點尾市卻只升249點，代表個市升唔到，於收市前 小注再開隻17700收回嘅熊仔，然而上周一（18日）個市先跌456點後好快跌幅收窄到唔夠300點，即係話個市跌唔落，在經驗教訓下，即時決定於網上 自行了斷賺兩成。講得咁大聲其實賺晒都係千幾蚊咋，小注小壓力，只係用嚟測試自己對大市短期走勢嘅判斷。

追貨要揀落後股

論炒 輪操作之靈活，當然不及小輪后E般一日來回炒十幾轉牛熊證，E真的可以連廁所都唔去，自問呢啲錢唔係我等一日到黑撲嚟撲去嘅人所能賺。E最幫得上忙就係時 刻監察輪商嘅行為，同埋個別股證嘅資金流向，呢啲資訊好重要，尤其在妹仔大過主人婆嘅衍生市場，只係識睇期指盤路，已經唔足以定輸贏。身邊不少市場中人近 期收到「料」，指大市要先稍作調整，恒指要先見萬三至萬五點水平，之後才再會升到你唔信、一舉挾上兩萬甚至兩萬五千點。只是當市場上一傳十、十傳百，將同 一組信念口耳相傳，再真的傳聞也只會淪為主觀願望。中國銀行（3988）於假期前升近一成，P/B仍然只係1.76倍，還有13分人民幣股息未除；工行 （1398）現價P/B係2.67倍，不過已經除咗息；至於建行（939），P/B已經達到2.52倍，班傳統基金唔係癲嘅，就算真係被迫要追貨，都寧願 揀隻落後嘅。不過或者有人鍾意唔睇P/B睇股東資金回報（ROE），中行、工行、建行嘅ROE分別係14%、19.4%及20.9%，你又會點揀？跟勢還 是信自己？胡孟青
 



PermaLink: https://articles.zkiz.com/?id=8485

「QQ之父」睇淡騰訊見頂

2010-06-17  NM




有「新股王」之稱的騰訊控股，其 股價長升長有的神話，經已於今年初間接被主席馬化騰宣布幻滅。

騰訊的業務以即時通訊軟件QQ最有名；○四年上市時招股價只是三元七角，其間 拾級而上，今年一月股價已達一百七十五元，升幅達四十六倍！正當一眾散戶如痴如醉時，原來主席馬化騰已在高位密密進行複雜的期權交易。這種期權交易，只有 當事人深信股價一定下跌時，才會落注，而且跌得愈深、賺得愈多，更確切反映早兩年已十多次減持的馬化騰，看淡自己公司的股價前景。

騰訊的 股價，由上週一開始有不尋常異動。這隻長升長有的股王，在港股緩緩向上時，上星期一已裂口低開，由一百五十元開始下滑，上週四跌得最深，低見一百二十六 元，連日共跌二十四元，跌幅達一成六。本週一早上，騰訊曾大幅反彈，但午市過後又回軟，本週二再跌四元多，收報一百二十七元，單日成交金額比滙豐或中移動 更多，反映沽壓嚴重。

這場暴跌，為騰訊日後股價走勢埋下伏線。肇因是主席馬化騰在去年中定下的雙限期權交易（collar option strategy）。這種期權交易的特色，是投資者向交易對手沽出一個認購期權（call options），並同時購入一個認沽期權（put options）。去年六月四日，騰訊股價近九十元時，馬化騰同時沽出五百萬股認購期權及買入五百萬股認沽期權，為期一年，即今年中到期。其中認購期權行 使價為一百零二點七元，因此上週一合約到期，騰訊股價一百四十六元時，對手要求行使認購期權，馬化騰遂以一百零二點七元沽出五百萬股予交易對手。由於認沽 期權訂價肯定較九十元低，而騰訊現價一百多元時，馬化騰絕無行使認沽期權賤價沽出股份之理，因此其買入的認沽期權淪為廢紙。

跌得深賺得多

馬 化騰表面損失兩億多元，但其實當日設定此套期權時是「除笨有精」。一名投資銀行家說：「當初投資銀行能成功推銷此套期權交易，一定是馬化騰睇淡股價才肯 做。」去年初騰訊股價正拾級而上，沽出認購期權所收的期權金，會比買入認沽期權所付的期權金為高。若然在這套交易合約到期時，股價在認購及認沽期權的行使 價之間，馬化騰已可淨賺期權金差價，而此差價一般有兩、三蚊。

假設馬化騰當日買入的認沽期權，行使價為八十元，若然合約到期時騰訊股價跌穿 八十元，馬化騰便有錢收，且跌得愈深，賺得愈多，正好對沖其所持有正股的風險。就算股價如現時般，升逾馬化騰所沽出的認購期權行使價而需要行使，其沽貨價 仍較合約制訂當日的股價（九十元）高十二元；「佢寧願減持實物都唔做現金交收，證明佢認為呢個已屬好價。」此套交易在在證明馬化騰睇淡騰訊股價。

炒 樓投機玩財技

當然馬化騰睇淡股價，可純粹在高位減持正股，但這樣做會動搖其在騰訊的地位及直接影響股價；若單純沽出認購期權或買入認沽期 權，則不能對沖風險。這種「套裝」的期權交易，在去年尾今年初騰訊股價最高時，馬化騰做得最多，牽涉共五百四十多萬股。尤其今年一月五、六及七日，騰訊股 價達一百七十多元時，連續三日做了牽涉二百四十八萬股的期權合約，此價可謂見頂價。現時在國家要整頓網絡秩序，及內地在線遊戲市場增長放緩的消息不絕下， 騰訊股價暴跌至一百二十多元。假設當時所定的認沽期權行使價平均為一百六十元，則馬化騰賬面已賺近兩億。現時馬化騰所持的騰訊淡倉總共涉及二千多萬股，按 市價涉資達二十六億元，騰訊的股價在這半年至一年間，註定「無運行」。

長升長有神話幻滅的騰訊，主要業務只是網絡遊戲等，但現市值仍達二千 三百億元，比起地產股如新世界發展或公用股如港燈等還要高。創辦人馬化騰，在早年國內互聯網尚在起步階段時，將即時通訊軟件ICQ，照辦煮碗建立中文版， 並改名QQ，結果紅遍全國，亦讓馬化騰當上「QQ之父」。現持有百分之十一股權的馬化騰，今年便當選《福布斯富豪榜》第二百四十九位，及大陸富豪榜第六 位。

不過在騰訊上市後股價飛升的同時，馬化騰已多次在高位減持。○八年到○九年初，他先後減持十多次，套現八億元。套現後大都投身地產，先 後以一億五千多萬及四億八千萬元，購入渣甸山名門三個複式示範單位，及港島南區石澳大浪灣道十三號獨立屋。其減持行動在去年初停止，並轉為玩期權顯財技； 與當初專注研發軟件的道路，已愈行愈遠。

股價見頂狂做期權

 
 



PermaLink: https://articles.zkiz.com/?id=16175

睇淡日圓，如何利用美股戶口操作（上）？ 名人堂

來源: http://investhof.blogspot.hk/2014/10/blog-post_31.html

小弟開設了Facebook專頁「美股隊長」，提供各種美股數據、統計、市場訊息及交易建議。歡迎大家交流美股投資心得。



日本推出新一輪量化寬鬆措施，日圓跌破6年低位，相信有不少朋友會想追沽日圓，不過炒外匯槓桿高，容易畀波幅嚇親，較為方便的方法，是買入ProShares UltraShort Yen ETF(YCS)，只要有美股現金戶口就可以。

YCS追蹤日圓每日跌勢，目標回報是該日跌幅的兩倍，持有該基金可以當作兩倍槓桿沽日圓。當然，如果日圓上升就會虧損，最大損失則限於投入金額。要註意兩點：第一是由於有兩倍實際槓桿，投入金額宜按比例降低一半。第二是由於該基金逐日複製回報，遇上有波幅無跌幅的市況，仍會構成損失，所以只宜短線，不要當一般買外幣般長摣。



例子：日圓近日低位約105.20(15/10/14)，昨晚最高見109.47(30/10/14)，兌美元跌幅4.06%；同期YCS低位$69.51(每股美元，下同)，昨晚最高$75.22，升幅8.21%，大約是日圓跌幅的兩倍。

吳瑞麟
http://investhof.blogspot.hk
Facebook專頁: https://www.facebook.com/usstockcap

聯絡電郵：[email protected]
PermaLink: https://articles.zkiz.com/?id=117392

睇淡股樓　盡沽物業　CY金主葉茂林：Cash is King

1 : GS(14)@2012-07-03 22:09:47

可能為集資做下專訪
http://www.sharpdaily.hk/article/fin/20120703/107707
葉茂林接受訪問時指，自己沒有內幕消息，捐錢前亦未有見過梁氏，純粹是比較梁氏及唐英年的政綱後才決定支持梁振英。看淡後市主因是歐債危機未解決，樓市則是「天棚價（即天價）」，跌的機會大過升，加上估計加息潮將出現，所以看淡。
樓價或跌逾三成
葉個人估計美國經濟會轉好，最快會今年底或明年初加息，「息魔」重現將大大增加供樓人士負擔。
「樂觀情況下，估計樓價未來會有10至25%跌幅；悲觀的，跌幅會超過30%」。同樣道理，他亦不看好未來兩年港股表現，雖然大市仍會上上落落，但大勢仍是向下。
經營紡織業起家的葉茂林，不諱言80年代藉炒製衣業出口配額賺到第一桶金；03年沙士後，更大舉投資物業。他笑謂，當年只是抱着一個信念，「大陸唔會唔救香港，結果博中咗，賺大錢」。
不過，他指，沙士發生至今已近十年，股樓亦大幅回升。「整個投資周期已接近尾聲，未來會跌多過升」
PermaLink: https://articles.zkiz.com/?id=280032

金價跌至五年新低黃金期貨現百億沽盤　市場續睇淡

1 : GS(14)@2015-07-23 01:40:13

【本報訊】美國加息預期利好美元，加上中國黃金儲備少過預期，金價上周五跌至五年新低；有消息指，商品交易所（COMEX）一沽家大手拋售14億美元（約109億港元）黃金期貨。市場普遍睇淡金價年內走勢，數據更顯示，對沖基金上周減少黃金淨長倉合約至九年來最少。記者：黃家欣　岑梽豪


現貨金上周五跌0.95%，收報每盎斯1,134.47美元，創2010年4月以來最低，為連續第五日下跌，全周計累跌2.51%。現貨金在2011年9月曾升至歷史高位每盎斯1,900.23美元，至今已回落四成。其他貴金屬亦因美元上升而受壓，其中鉑金跌穿1,000美元水平，收市報每盎斯994.25美元，跌1.61%，創2009年2月以來低位。現貨銀則報14.885美元，跌0.87%，亦創2009年8月以來收市新低。


■現貨金上周五收報每盎斯1,134.47美元，為近五年新低。　資料圖片

中國金儲遠少過預期

中國人民銀行同日公佈，內地6月黃金儲備1,658噸，是2009年以來首次公佈；較2009年4月公佈的1,054噸有所增長，但相比市場預期的逾3,000噸，最新數字僅為一半。倫敦Sharps Pixley行政總裁Ross Norman認為難以置信，因按照中國公佈的儲備，將少過美國、德國、意大利及法國，全球排名僅第五。他另指出，商品交易所一沽家大手拋售14億美元黃金期貨，認為非常古怪。Gold Newsletter的編輯Brien Lundin亦指，若沽家與中國消息相關，可能是想利用消息壓低金價。至於未來走勢，分析認為，美國經濟數據向好，聯儲局主席耶倫多番強調今年加息，是打擊金價的主因；中國需求減少，亦令金價受壓。事實上，美國商品期貨交易委員會數據顯示，截至上周五，對沖基金減持黃金淨長倉2,941張合約，至4,633張。另全球最大黃金交易所交易基金（ETF）SPDR黃金信託持有黃金跌1.6%，至696.25噸，為2008年9月以來最少。



巴克萊料第三季最弱

巴克萊指出，即使面對希臘債務危機，金價在第二季波幅僅約50美元，為自金融海嘯以來最小波幅，因此難以吸引尋求避險的資金，預計第三季平均價約1,150美元，並是全年金價最疲弱一季，但不會跌穿1,000美元水平，之後會由需求帶動回穩。東亞銀行貨幣及利率交易部分析師賴春梅則認為，美國逐步走向收緊政策，令美元偏強，打壓黃金走勢；希臘債務危機稍為緩和，削弱市場避險需求；另外，中國及印度目前經濟較疲弱，亦影響金價，預期金價下試1,100美元水平。





來源: http://hk.apple.nextmedia.com/financeestate/art/20150719/19224675
PermaLink: https://articles.zkiz.com/?id=291738

凶宅大王睇淡後市　賣樓套現

1 : GS(14)@2015-09-18 02:03:47

樓市吹淡風，多年來甚少沽貨的「凶宅大王」伍冠流都睇淡後市，最近主動減價出售部份住宅單位，最新成交單位為嘉湖山莊賞湖居一座高層C室，建築面積708方呎，實用面積551方呎，較市價平約4.5%以425萬元成交。據土地註冊處資料顯示，上述單位伍冠流於2010年以151.8萬元買入，伍氏更以「非凶宅跳樓貨」來形容該單位。今次出售單位賬面勁賺273.2萬元或1.79倍。另外，亦將沙田第一城凶宅放盤，叫價減3%至335萬元。他坦言這次沽貨是希望套現資金來作準備，若遇到「跳樓貨」就會買入，等市場差的時候，有時可以執到筍嘢。他又指「好市」的時候，很少有「跳樓貨」出現，只有跌市時才會有。所以在樓價跌時，要金睛火眼落足精神去搵。記者︰吳美茸





來源: http://hk.apple.nextmedia.com/financeestate/art/20150917/19298183
PermaLink: https://articles.zkiz.com/?id=292223
Next Page
ZKIZ Archives @ 2019