西環集中營：高級公務員羨慕譚志源有好路數
1 :
GS(14)@2017-04-04 08:57:28候任特首林鄭月娥透露組班難度較預期大，事實上政圈早已盛傳不少林鄭心儀人選不肯加入政府，就算林鄭要在現屆政府內找合適人選組班也不容易，有政界中人稱，不少高級公務員也羨慕政制及內地事務局局長譚志源，因有傳他已找到「好路數」，「唔少人想好似佢咁跳出政府，點肯去做問責官」。
張雲正或拒任政務司長
有政界中人稱除林鄭「愛將」，不少高級公務員對更上一層樓加入林鄭問責團隊興趣不大，不少人頗羨慕譚志源，因官場盛傳譚搵到「好路數」，「盛傳佢已經有地方去，離職後或者休息一陣，之後就有新工等住佢」，至於譚下一站是哪裏？該政界中人稱，有傳譚會去公營機構，但也有傳他去商會做高層，「總之就唔係去私人機構及商界」，他聽聞不少高級公務員也想像譚般找到「好路數」後就離開政府，「就算林鄭真係搵佢哋埋班，佢哋都唔肯做，做咗局長要走就好難」。官場亦關注林鄭會找誰做下任政務司司長，雖然盛傳現任政務司司長張建宗是可能人選，但官場普遍相信他不會是林鄭首選，至於官場盛傳另一「黑馬」人選、公務員事務局局長張雲正，有官場中人稱，張侍母至孝，要照顧年邁母親，政務司司長工作較局長繁重以倍計，就算林鄭真的找他，張亦未必答應。有政界中人認為，林鄭若要找政府出身的人做政務司司長，也可以在常秘中提拔「愛將」上位，「但呢個位咁關鍵，就算林鄭想，北京未必肯」，另一就是找已離開政府高官重返政府，「好似林瑞麟呢類前高官，要過北京一關比較易，不過林鄭搵唔搵到啱心水人選，又係另一回事」。季陶周一、三、五刊出
來源:
http://hk.apple.nextmedia.com/news/art/20170403/19978659