馮仁昭四圍超：林依晨派帖訂婚
1 :
GS(14)@2014-10-09 14:00:12
■林依晨張喜帖印有YCL（下圖），係佢同老公林于超嘅英文名縮寫。資料圖片
又有喜訊喇！早前有傳台灣甜姐兒林依晨已答應咗拍拖兩年幾，家族經營潛水器材生意嘅林于超（Charles）求婚，原來一對準新人已定喺今年平安夜拉埋天窗，而今個月29日依晨32歲生日，就會先喺台灣國賓飯店舉行訂婚宴，佢派畀好友嘅紅色喜帖，封面寫有英文YCL，相信係依晨同老公嘅英文名縮寫。
台灣《蘋果日報》
依晨嘅螢幕情侶鄭元暢接受台灣傳媒體訪問，直認之前喺倫敦見過依晨，知道呢個消息，但29日佢唔喺台灣去唔到喜宴。另一好友陳曉東就話：「依晨係一個好女仔，希望聽到佢有BB嘅好消息。」依晨噚日就喺網上貼咗喺英國嘅旅行照同留言：「告別過去。」
■陳冠希日前同家人及女友Ann去日本慶祝生日。互聯網圖片
傳Edison已結婚
另外，有讀者報料話陳冠希（Edison）已經同台灣女友洪文安（Ann）結咗婚，日前Edison喺社交平台上載咗佢同屋企人及女友喺東京嘅相，唔通喺日本搞婚禮？馮仁昭問過Edison公司啲同事，佢話Edison係去過生日箒，因為好耐冇同屋企人去玩，所以今次就全家一齊去。撰文：馮仁昭
來源:
http://hk.apple.nextmedia.com/entertainment/art/20141009/18893842
葉翠翠派帖等嫁人
1 :
GS(14)@2015-06-10 08:39:04■葉翠翠與男友Raymond下月擺酒，昨在微博大晒喜帖。
葉翠翠在今年2月宣佈嫁給建築師兼公司副董事男友周曉東（Raymond），昨日翠翠的喜帖終於曝光，準新娘翠翠在微博貼圖後留言：「我們的結晶終於到手了，踏入最後階段，心情開始有少少緊張！」
資料圖片
翠翠和Raymond的婚禮定於下月11日，假中環四季酒店舉行，喜帖以粉紫為主，帖上印有兩人的英文名字Tracy和Raymond，以及一組用紫色花環包圍住的RZCC四個英文名縮寫，相信是指兩人緊扣在一起。對於婚禮正式進入直路，翠翠說：「派咗帖好似突然間個感覺唔同咗，好似真係成事，有一種真係要同人結婚做人老婆嘅感覺。」採訪：張曦彤
來源:
http://hk.apple.nextmedia.com/entertainment/art/20150609/19177223