📖 ZKIZ Archives

「羅樂林」網上獵 20女呃 iPhone

1 : GS(14)@2011-12-03 10:43:41

http://hk.apple.nextmedia.com/te ... 104&art_id=15858660


警方消息稱，被捕男子姓羅， 25歲，曾任電訊公司推銷員，有偷竊案底， 7月中才刑滿出獄，與女友在九龍城啟德道一劏房單位同居。
據悉，羅出獄後以「羅樂林」（與無綫藝員同名）等化名在交友網內識女仔，並游說她們用手機 WhatsApp「吹水」，確定對方擁 iphone等智能手機。

警放蛇約見面擒人

據悉，羅聲稱是生意人，常出入高檔食肆，故約事主去相熟食肆晚膳。外出時，羅戴眼鏡、西裝筆挺，在餐廳入座後，羅指要與客戶聯絡，手機又剛巧無電，故向事主借電話，然後往一旁打電話，趁機溜走。今年 8月及 9月，先後有兩名女事主不甘受騙報警，油尖警區刑事調查隊探員，透過事主進行放蛇，事主用化名在網上接觸到姓羅男子，之後約他外出見面，前晚 10時許，羅出現在登打士街家樂商場門口時，探員上前拘捕他。
據悉，疑人被捕後承認犯案，並自稱曾偷去 20名女網友的 iPhone等手機，總值近 10萬元，他將偷來的手機變賣圖利。消息稱，有人向警方聲稱，自出獄後便在網上識女仔，四個月左右至少「媾咗」 80名少女，當中與不少人發生一夜情，且偷去了其手機。油尖警區刑事支援組稍後接手調查該案，探員昨將疑犯押至九龍城啟德道寓所搜查後，再帶返署通宵扣查。
消息稱，警方正透過疑犯手機及電腦通訊紀錄，聯絡曾被他騙去手機、甚至騙財騙色的女事主，希望她們提供資料。
警方籲曾被人以類似手法偷去手機的人與他們聯絡，並提醒市民勿輕信在網上結識的人及不要將財物交予陌生人。
2 : GS(14)@2011-12-03 10:43:55

http://hk.apple.nextmedia.com/te ... 104&art_id=15858661
【本報訊】一名假扮富家子的男子，竟能以同一手法不斷在網上結識異性，然後偷去她們的手機，被捕後更自稱「媾」了 80多名少女，似毫無悔意，有犯罪學家分析，疑犯智商極高，能玩弄女性於股掌中，重犯機會極高，需專人輔導，才有機會改過自新。
犯罪學家李寶能分析，疑犯個性複雜，喜與不同女事主發生一夜情外，更偷去對方手機，顯示他有雙重偷竊慾及性癮，但不知自己深陷其中，加上人生觀已扭曲，由「男主外女主內」的正常人心態，轉變成依附他人身上獲取自我利益的機會，結果淪為偷竊犯，要「寄生」在他人身上才能生存，重犯機會極高。
他指疑犯偷竊慾望，有如在超巿偷竊般獲得首次滿足感後，欲罷不能，須不斷偷竊以肯定自我存在價值，故普通心理輔導難扭正其犯罪行為，須判監後有自省的悔悟，才有機
3 : 龍生(798)@2011-12-03 13:16:10

好野好野!! 值得一讚

賤格得黎咁聰明, 真叻仔
4 : GS(14)@2011-12-03 14:37:48

真是好有計
5 : 亞力士(1473)@2011-12-03 19:32:52

聰明在唔食只偷 d人實報警 又食又偷 反而會臭屎密冚
PermaLink: https://articles.zkiz.com/?id=276822

羅樂林買餸唔買股

1 : GS(14)@2015-04-23 02:16:18

■羅樂林昨日現身九龍城街市，沿途不少商舖職員和街坊都跟他打招呼。


羅樂林在《大時代》飾演股神葉天，他昨日現身九龍城，沿途有不少商舖職員與街坊跟他打招呼，當經過一間金舖時，停下來與職員閒聊，聽到職員向他表示《大時代》重播，羅樂林即笑笑口說：「好好睇㗎！」接着他去到街市買餸，見他又與街坊和攤檔檔主閒聊。


【羅樂林】葉天，方進新股壇的朋友，人稱股神，後成為方展博師傅，並傳授「股票必勝法」。


記者問羅樂林有否看《大時代》？他笑說：「我噚晚要開工，所以冇睇，留番今晚先睇。」在劇中飾演股神葉天的羅樂林，曾傳受劉青雲不少秘技，現實生活中，問到他有否買股票時，他竟然說：「我都唔識股票嘅！」採訪、攝影：梁繼光、李志明





來源: http://hk.apple.nextmedia.com/entertainment/art/20150422/19120832
PermaLink: https://articles.zkiz.com/?id=289845

森美留鬚似羅樂林：一日死五次都唔掂

1 : GS(14)@2016-08-16 06:28:06

藝人喺圈中打滾多年，歲月催人老……即使係當年嘅「小鮮肉」，難免留下少許歲月痕跡，好多人想知藝人步入中年似邊個，42歲森美近日留鬚，增添幾份男人味，森美昨日喺facebook貼出自拍相，寫道：「我支持林丹，所以留鬚，佢哋話我係支持，劉丹!」講自己個樣似劉丹，不過，唔少網民都覺得佢似67歲羅樂林，無論神情同輪廓都係似羅樂林多啲!事後，森美都喺網上留言：「Haha…似呀!今次一日死五次都唔掂!」有網民稱「原來係羅樂林，我仲以為係森美」、「連個眼神都似，唔知全盛時期嘅森美一日可以死幾多次」、「我又諗起後生嘅麥長青似林峯…」、「羅樂林靚仔好多」及「真心覺得羅樂林靚仔，假假哋做過楊過」，羅樂林曾於1976年《神鵰俠侶》演楊過，當年仲有李通明做「小龍女」，米雪演俏黃蓉。未知森美老咗會唔會似前輩羅樂林咁有型!?




來源: http://hk.apple.nextmedia.com/entertainment/art/20160816/19738239
PermaLink: https://articles.zkiz.com/?id=306096

綠葉王你認得邊個？羅樂林一日死5次

1 : GS(14)@2017-01-14 07:54:30

大台實為臥虎藏龍之地，唔少綠葉王，好似李國麟一樣，喺大台捱足多年，個個身懷絕技，就算只係芝麻綠豆角色，都可以演得出神入化，套套劇有佢哋，就有戲味，好多時，等嘅，就只係一個機會！羅樂林　一日死5次現年68歲無綫甘草演員羅樂林，喺5年前嘅某一日，威過晒所有一線小生，因為佢喺短短24小時內，於大台播映嘅5套劇集中，同一日連死5次，唔單止成為城中熱話，更創下香港電視史紀錄，甚至連歐美同澳洲等6國傳媒都廣泛報道，蜚聲國際。就連羅樂林覺得「真係不可思議！」李家鼎　做大廚上位今年71歲李家鼎，武藝騎術樣樣得，由《香港八一》做到《香港八六》，喺「銀禧小食店」做伙計「李威」為人熟悉，但喺大台做足幾十年都係做綠葉陪襯，點估到佢喺古稀之年，竟然憑一手隱世了得廚藝，拍《阿爺廚房》落兩手，大受觀眾歡迎，令佢人生嘅演藝事業去到頂峯？！李成昌　奸狡諧趣乜都得同樣喺《香港八一》至《香港八六》有份演出嘅李成昌，喺劇中演大陸新移民康仔，結果「康仔」個名用到今時今日。今年59歲李成昌早年多做諧趣角色，到近年就做精明陰險、幕後師爺之類嘅角色，做乜似乜！鄭子誠　完美奸人有陰謀今年54歲、憑《真情》中嘅無敵奸角李子浩上位嘅鄭子誠，早年喺高登人氣高企，成為熱門搜尋關鍵字，有網民好有心機剪輯咗佢從影以嚟奸到出汁嘅代表作嚟「歌頌」佢，一股「鄭子誠現象」喺討論區籠罩。網民甚至認為，凡有鄭子誠出現嘅地方，必定有陰謀存在。余子明　御用太監今年73歲余子明，因喺早期大台綜藝節目《歡樂今宵》入面飾演「大眼雞」，之後「大眼雞」呢個暱稱就跟足咁多年。除咗「大眼雞」呢個角色令大家對佢留下深刻印象，亦因為佢有好重潮州口音，不時喺電視劇入面見佢飾演「潮州佬」嘅小角色。喺《金枝慾孽》入面，做陰險太監亦相當出位。




來源: http://hk.apple.nextmedia.com/entertainment/art/20170113/19895612
PermaLink: https://articles.zkiz.com/?id=322509

地膽戴超逛九龍城羅樂林肉檔吹水送餅

1 : GS(14)@2017-02-18 09:51:48

【街市送禮】■羅樂林走入肉檔放低手信，又與老闆敍舊。DV圖片





老一輩人較重人情味，而正月都是拜年時，68歲老戲骨羅樂林近日忙於為TVB新劇開工，日前趁空檔探望相熟老友記。一向喜歡到九龍城購物買餸的羅樂林，當日下午3時許，一身黑衣墨鏡打扮現身九龍城。羅樂林先到一間連鎖店購買一罐曲奇餅，因為店內人多，在付錢時都要排隊。接着他拿着包了花紙的曲奇餅，再到就近的連鎖西餅店買西餅後，便急急腳離開。作為九龍城之友的羅樂林，沿途也有人跟他打招呼。當他要過馬路時，守規矩的他等轉綠燈而停下。一名在街頭推廣的年輕人，趁機上前向羅樂林派傳單。羅樂林望了兩眼傳單，還跟後生仔搭訕幾句，可惜當時他根本騰不出手拿傳單。當行人燈號轉綠公仔，羅樂林禮貌地跟對方講聲便過馬路。原來羅樂林趕往九龍城街市對開的一檔肉檔拜年。相信該肉檔是羅樂林長年幫襯開，趁住仍是正月便過來探望，始終老一輩藝人較有人情味。羅樂林放下西餅及曲奇餅，在肉檔跟檔主等閒聊，講到興起時更手舞足蹈，逗留大概10分鐘左右便道別後，再在附近閒逛便離開九龍城。採訪、攝影：朱志聰、黃曉程


【九龍城】【先買曲奇】■羅樂林排隊買曲奇餅。DV圖片

【街坊搭訕】■羅樂林拿着包好的曲奇餅等過馬路，更與派傳單的後生仔有傾有講。DV圖片



來源: http://hk.apple.nextmedia.com/entertainment/art/20170218/19931758
PermaLink: https://articles.zkiz.com/?id=326888

7年「死」6次半JM被封「女版羅樂林」

1 : GS(14)@2017-06-10 12:22:58

Janice Man文詠珊近年轉戰電影圈，拍多咗好多電影，其至有「女版羅樂林」之稱，呢個名點嚟？係因為JM演嘅角色，多數去到最後都要死。
JM第一次「死」就係喺2010年，同舊老闆黎明合作拍《為你鍾情》，當時佢角色係撞車死。第二次就喺2011年，電影《報應》演黃秋生囡囡被綁匪監生焗死，同年又拍咗《Laughing Gor之潛罪犯》，當時就係被炸死，到咗12年拍《大追捕》，就被王敏德錯手殺死。之後三年JM演嘅電影角色都有幸唔使死，喺2016年嘅《寒戰II》入面就被車撞死，至於《兇手還未睡》呢，就半死，因為結局係講佢昏迷咗，呢次就計半次啦。




來源: http://hk.apple.nextmedia.com/entertainment/art/20170605/20045099
PermaLink: https://articles.zkiz.com/?id=334600
Next Page
ZKIZ Archives @ 2019