📖 ZKIZ Archives

Friday People：16歲第一桶金　有炒未為輸

1 : GS(14)@2012-03-02 22:43:36

http://www.sharpdaily.hk/article/index/4104/20120302/61489
當年小六已做排隊黨

對於炒，嘉瑋確是專家。97回歸，他11歲，還是小六學生，已初嘗炒炒賣賣的甜頭，「回歸年，個個炒女皇頭郵票，我收錢去郵政局做排隊黨」。小六已知排隊有價。03年沙士，他中五畢業，愛集郵的他，讀書不成，又遇上失業率高企，炒出第一桶金，決定以10萬本金，在好旺角創業，主力炒他最愛的郵票。
他記得，內地當年發行小版郵票，他第一時間衝到廣州入貨，十元八塊成本一張，眨眼升到過百，心雄，跌到70，以為勢好，會再升，大手追買，點知再跌，轉念之間，已血本無歸。捱了兩年，這個遊戲，刺激好玩，但摸不透，「低買高賣，個個都明，但幾時係最佳時機？最難！」十萬本付諸東流，止蝕離場。
創業功敗垂成，嘉瑋跟做工程師的爸爸做學徒，打了他第一份、也是至今唯一一份受薪工作，「入機場，好遠，仲要搬飛機轆，我咁瘦，頂唔順！」未夠一個月就辭了職，還是炒賣容易。剛好有朋友想開舖，他決定再戰好旺角，但今次學精，郵票、鈔票各自炒，分散投資，有成有敗。有同行笑他身家以千萬計，他說炒賣生涯都是帳面黃金，無咁多！
「80年代，內地出首套金猴生肖郵票，每個面值八分，啲大款用嚟送禮，升到癲，03年低市，我入咗兩版，o依家每版過百萬！」北望神州，何止廣東道，只是贏得多，輸得更多。08年北京奧運，人人熱炒奧運鈔，他試過賺過百萬，但又衰收尾！「高峯期炒到過千，賺過百萬，之後一度跌到$50，我哋四個人夾，有人話賣，有人話唔好，我就$80賣咗，家陣大陸又炒番上嚟！如果唔係賣晒，我有成億身家都唔定！」他說。

---

2 : GS(14)@2012-03-02 22:44:15


現年26歲的陸嘉瑋，炒齡15年，由97女皇頭，炒到牽動全城的中銀鈔，試過賺過百萬，又試過執笠收場。曾顯華攝

http://www.sharpdaily.hk/article/index/4104/20120302/61491
熟讀歷史為炒舊郵

鈔票好炒，勝在大上大落，自認食腦的陸嘉瑋，自言愛炒郵票，他二樓的分店，就堆滿郵票圖鑑和拍賣資料，「唔係識排隊就識炒，你玩明清郵票，都要知佢嘅歷史，唔係點保值？家陣內地好多假郵票，除咗經驗，都要做功課，先可分出真假！」嘉瑋自豪的說。
好旺角商場，是本地幫、內地幫和南亞裔炒家割據之地，租金由十室九空年代二、三千元有交易，到今日動輒二、三萬月租。自小在商場打滾的嘉瑋，承認近年多了像他一樣進取的年輕人加入戰圈，「以前資訊冇咁發達，o依家會上網格價，出口術冇用！」他說。
熱炒中國概念

北望神州，何止廣東道，炒得火熱的紀念鈔，一樣靠大國崛起。現時，北京、上海及廣州，均有大型貨幣市場，需求量大。香港錢幣研究會會長馬德明表示，過去10年，所有與中國有關的物品都升價百倍，除了今次北京、港澳發行的中銀百年紀念鈔被炒熱，08奧運鈔、2010上海世博鈔，以至千禧年人行的龍鈔，同樣有價有市，長炒長有。

---

3 : passby(15493)@2012-03-03 07:45:43

呢d咪醒目囉
不過佢破產先係大眾願望

---

4 : idsdown(1658)@2012-03-03 08:41:21

唔係人人都可以承受得起呢種起伏的生活方式, 年青時無問題, 但人一老就惡搞

---

5 : wilyty(1376)@2012-03-03 18:33:57

inv168
文章由 godchild » 週六 3月 03, 2012 4:06 pm
係好旺角呢個狼窩, 較似人樣的就係呢對夫婦同3樓樓梯口O個檔. 其他的串到high high.

---

6 : 亞力士(1473)@2012-03-04 19:43:48

5樓提及

---

inv168
文章由 godchild » 週六 3月 03, 2012 4:06 pm
係好旺角呢個狼窩, 較似人樣的就係呢對夫婦同3樓樓梯口O個檔. 其他的串到high high.

如果中左boc鈔 揾佢放 唔知收幾多

額夠高

---

細奀時代：中國股票有炒無揸

1 : GS(14)@2017-04-12 22:40:06

由上年中國PPI終於見底轉正數，引證供給側改革收效，再到近期設雄安新區，股票市場反應受落。中國領導人在政策的推行上，的確比前幾年大有進步。假設今次又是一如以往搬出巨型基建計劃，又或者像一帶一路般摸不着邊際，不知如何做起，市場肯定睬你都儍，可是將注意力完全集中在一點，就威力無窮。搞好全國太難，搞好一個新區簡單得多，亦有深圳及浦東先例可援，而且市場會自動憧憬將同一模式在日後不斷複製，毋須出面投機者也會行自動波，中央出豉油人家主動會出雞，終於由以前大炮打蚊進化到四両撥千斤的境界。中國股票炒政策還有一個明顯優勢，就是政府連貫性強，於是民間資金夠膽跟，不似美國政府四年一屆，無人知特朗普下屆是否留低，如果貿貿然跟風搞化石能源，隨時幾年後血本無歸，美股炒政策是有局限性，能源股曇花一現絕對合理。


爆煲易致長期迷失

不過有利就有弊，在中國的政治環境中，民間資金通常比較短視，準備賺一轉之後逃出海外安居樂業的情況十分普遍，只有極少數生意人是有雄心建立一個商業王國。反而美國話就話一朝天子一朝臣，可是整體經營環境突變的機會低得多，民間資金不會跟政府步伐，卻夠膽自創認為正確的路途，成功的話千秋萬世。所以中國股票估值永遠會比較低，國企步伐跟阿爺，不少時候並非以賺錢為先，民企更加難令人會有信心，太多存心搵快錢走一轉。以前尚有港資作為最後亦是最好的選擇，始終香港人的生意基因依然是細水長流，可是中國經濟格局已經玩得太大，港資保守打法已被邊緣化。中國股票有改善，但依然只是有得炒無得揸的另一個原因，是今次樓市泡沫吹得太大，處處開花升得多而且升得急，可能是壓不住，更可能是索性順水推舟，利用高昂的樓市製造財富效應，改善銀行的信貸質素以及刺激消費，但針無兩頭利，短線的刺激，埋下長期的風險，越來越似當年日本。資產價格和收入脫節太勁，只會窒礙創業，令年輕人透不過氣，爆煲的話就會長期迷失，這個擔心一定長期揮之不去。阿飛本欄逢周二刊出




來源: http://hk.apple.nextmedia.com/financeestate/art/20170411/19986292

---