中環在線：肉蒲團收得蕭公子懶理股價 李華華
2011-4-27 AD
自從《3D肉蒲團》4月14日上畫後，製作呢套戲嘅中國3D數碼（8078）股價就開始跌，噚日最多跌近五成，公司出通告話「不悉變動原因」。隻股收市報兩仙七，跌43%。
華華即刻撥個輪搵中國3D數碼主席蕭定一，佢話股價跌冇乜特別，因為之前供股嘅股份咁啱出籠，供股成本一仙半，同噚日個價比，有成倍利潤，投資者出貨好正常。
關心套戲嘅票房，多過公司嘅股價。佢同華華講，最新香港票房係2650萬。據講，今次唔少同胞組團嚟香港睇《3D肉蒲團》，咁黃金周有冇特別安排？蕭公子話事前已經安排咗大陸團，但冇實際數字，要等戲院安排。
第一集收得，蕭公子已經諗住拍續集，咁會唔會親身上陣呢呵？佢笑笑口答：「第一集都有呀，有一個shot。」吓，唔覺嘅！
提到「電影上，股價跌」，華華諗起意馬國際（585），當日佢製作小飛俠電影《阿童木》，因為成本同票房問題，上畫之後試過單日急跌37%，之後要由梁伯韜出手相救，希望今次唔會歷史重演。
馬國明寸洪永城收得貴
1 :
GS(14)@2016-09-03 23:28:53■馬國明（左）和洪永城情敵相遇，全程零交流。
馬國明和洪永城前晚在中環出席G-SHOCK手錶宣傳活動，傳聞中的情敵相遇，兩人全程零交流，無眼神接觸，祝酒亦冇碰杯，馬國明解釋：「人哋鏡頭前好好，鏡頭後面左左，我哋就調轉。」洪永城則回應：「我哋係騷錶，唔係我哋關係。」洪永城現場問馬國明：「咁使唔使分番畀中間女主角？」精打細算的馬國明說：「係都你分啦，我就兄弟姊妹得閒食飯就得啦。」談到情敵同場酬勞，馬國明說：「洪永城好犀利好貴㗎！」洪永城即刻反擊：「係比馬國明低少少，有五位數字。」問他們會不會合作拍劇？馬國明笑說：「而家啲人係叫佢『一哥』㗎！唔可以穿，要吊吓人哋，等人哋覺得我哋係咪真係爭女，咁先至多嘢做。」採訪：卓寶花攝影：沈健程
來源:
http://hk.apple.nextmedia.com/entertainment/art/20160903/19758088
收得多 使更多 民建聯年花逾億 夠民主黨加公民黨用4年
1 :
GS(14)@2017-05-18 02:11:39【本報訊】香港回歸20年，政黨數目有增無減，而以公司註冊的政黨，開支與收入均可查閱。《蘋果》發現，本港議會三大主要政黨民建聯、民主黨和公民黨的賬目差天共地，民建聯不止捐款收入驚人，用錢速度同樣驚人，開支由2011年的近7600萬，增至2016年的1.1億元，其1年開支更是民主黨及公民黨一年開支總和的4倍以上。記者：呂浩然
作為建制派龍頭、全港第一大黨的民建聯，每次籌款都有驚人數字，而其開支同樣疏爽。6年前民建聯的總收入不過7,700多萬，到去年已增至1億多元，開支亦同樣由2011年的7,600多萬增至去年1.1億多，而且是過去6年來首度錄得赤字。反觀民主黨和公民黨「盤數」，明顯比民建聯「細一個碼」。兩黨去年的收入約2,100多萬元及842萬多元，兩黨相加還及不到民建聯的三分之一，而兩黨去年的開支亦分別只為近1,800萬多元及730多萬元，同樣不及民建聯的三分之一，換言之民建聯一年開支，夠兩大民主黨派用上超過4年。
民主派候選人一腳踢
民建聯副主席陳克勤接受查詢時指，民建聯目前有117名區議員、18區的支部連同所有議員辦事處合共逾200個，「我哋有好大部份嘅開支都會去咗一啲黨工嘅薪金裏面，當然亦會有一啲議員嘅服務開支或者係一啲宣傳品」；亦因為希望資源能有效運用，民建聯早前找來有商界背景的人士出任「財爺」，「我哋都覺得喺衡工量值嘅方面，我哋係可以有一啲提升，特別係有一啲嘅辦事處、支部嘅開支裏面，點樣可以更加節省資源」。民建聯早前舉行換屆選舉，由現於中銀工商金融部任職副總經理的莊惠明出任司庫。民主黨主席胡志偉不約而同指，從事地區工作，開支難免會大，他以區選為例，經營一個地區就須有一名社區主任，加上一名全職的拍檔作支援，正因為民主派資源少，所以民主派的候選人往往要「一腳踢」，「又要擔又要抬，雜工又係佢、候選人又係佢」，這對於專業人士出身的人來說尤其難以負擔，反觀建制派則因資源豐富而有龐大隊伍在背後支援。民建聯現有12位立法會議員及117位區議員；民主黨則有7名立法會議員及逾40名區議員。公民黨的立法會議員及區議員數目則為5及11。
來源:
http://hk.apple.nextmedia.com/news/art/20170515/20021545
【限時撤回】5分鐘內收得番訊息？WhatsApp撤回訊息功能未開放
1 :
GS(14)@2017-07-01 09:54:46官網曾經出現介紹撤回訊息功能的網頁。
之前WhatsApp話測試撤回訊息功能，大把人讚好。你知啦，返工閒閒哋四五個group，諗住喺同事花生group講上司壞話，但send錯去隔籬大group就出事㗎嘛！最近就有關於撤回訊息嘅新詳情，呢個功能唔係萬能，發放後五分鐘內訊息先可以撤回，黃金五分鐘過後就恨錯難返。據英國independent網站報導，有程式員發現撤回功能其實已經實裝咗喺目前iOS已經使用嘅2.17.30版本，只係WhatsApp未開放，估計很快就回到。消息亦指無論訊息、圖片、影片、GIF檔、文件等等，只要五分鐘內發送的，都可撤回。其實WhatsApp官網早前就在「常見問題」頁面中出現「撤回訊息」嘅介紹，但相關頁面很快就消失咗。入面提到操作方式，在iPhone及Windows Phone平台，可直接點按訊息，再按下「撤回」即可；Android平台需在點按訊息後，再按下「選單鍵」＞「撤回」。不過說明入面有一句都幾令人擔心，佢話：「成功被撤回的訊息會從聯絡人的對話中消失。同樣地，如果您在對話中看見『此訊息已被撤回。』的信息，那代表傳送者將訊息撤回了。」入面個「您」係代表傳送者還是收訊者？如果連收嘅人都睇到「此訊息已被撤回」，咁其實即係收唔晒，收完又要畀人知曾經撤回過訊息，對住另一半都有排解釋呀！記者：司徒港燊2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170629/20072137
細奀時代：學習點樣收得貴
1 :
GS(14)@2017-10-09 02:52:49「成萬蚊部電話，鑲金呀？」近幾年香港人豪氣不再，無論是餐蛋飯、海南雞飯抑或是杜如風旅行團，總之每逢賣得貴，大家就在社交網絡中指指點點。做生意你情我願，一個願打一個願捱，根本和旁人無關，這股只看價錢不看價值的風氣，絕對窒礙社會進步，更加難轉型高增值。從來通脹是常態，這一代人特別難接受，有三個原因，第一是人工增幅呆滯。全球化競爭之中，有能力跑出的香港企業不多，大學生數目卻量化寬鬆，於是起薪點低，人工加得又慢，前路茫茫，自然覺得資源有限，百物騰貴。第二習慣畀like代替畀錢，以為樣樣都好似網上免費資訊，肯睇已經好畀面，唔該你自己去搵廣告。第三則是遷怒於國內人，沒有北水，樓價及租金一定冇咁高，甚至可能連智能電話也不會有炒價。國內人話就話大把錢，過去十年卻是靠污染地球剝削勞工所得，而最近一個騙婚案隨便就呃成億，不義之財托高物價，怨氣自然大。
只懂抱怨永沒進步
上述三點都有道理，可是抱怨是不會解決問題，糾纏在這種心結，一代人長期以受害者心態自居，是香港社會一個主要病徵。不應該再將焦點放在「回到沒有自由行之前」這種FF，永遠不會變成現實，鬧一陣無所謂，但鬧吓鬧吓，隨時十年八載就此過去，到時物價只會更貴，自己卻沒有寸進。夠膽賣得貴，還要有生意，才是今時今日營商之道。作為顧客，改變不了價值觀，嫌貴不幫襯無問題，但應該要學識換個角度，嘗試探討可以收得貴的賣點，社會要有這種風氣才會有進步。一味嫌貴，最終結果只會是將貨就價，偷工減料，賤物鬥窮人。企業邊際利潤低，就更加出唔起人工，形成惡性循環。香港人寒酸到一個點，的士司機收多幾毫都要出個po鬧爆，一味條氣唔順，一味公義掛帥。就當大家心願達成，鬧到的士司機良心發現，從此以後每程收少兩蚊，對大家的生活根本無影響。糾纏在這種芝麻綠豆，兼且明知不會有變的事情之上，等於將責任推卸到社會之上，然後以受害者自居，再用一句「公平咩」作結。責任不在自己，於是在感覺不爽之中，又帶點感覺良好。所以點樣收得貴，絕對係香港一個重要課題，肯投入研究，才可以令人重新聚焦在自己控制範圍內的事情。阿飛本欄逢周二刊出
來源:
http://hk.apple.nextmedia.com/financeestate/art/20170919/20157226
Next Page