冰說聰明：搶廁紙不如搵股買
1 :
GS(14)@2018-03-02 01:09:06北水周二錄得港股通開通以來最大的淨流出，當中的影響應該不小於外圍股市急挫，講到底外圍市況主要影響市場氣氛，債息及縮表，只會慢慢影響中長期走勢，但北水嚟沽，就真係切切實實的沽壓，所以更值得尊重。春節過後較大的內地消息只有這一個，唔知會唔會係非習勢力開始腳震，先袋錢後再籌謀呢?恒指在2月跌了6.2%，當中有10隻股票升，舜宇（2382）及瑞聲（2018）都漲兩成，跑贏大市的有25隻，剛好是一半，但留意番好多重磅股都係跌9%以上，當中包括三大國有銀行及兩隻保險，中移動（941）仲跌11%㖭。整體大市氣氛差勁，不過青冰用彭博資訊機篩選過，今月升嘅股票仍有超過500隻，但過千億市值的股份，只有14隻，換言之，買大唔買細這個去年必勝的策略，在二月是非常吃虧。炒股不炒市會否變成未來的主調，尚待觀察，不過資金對績優股仍是給予獎勵的，你睇吓玖紙（2689）中期業績靚仔，毛利趨升，過去一星期股價已累升兩成，即使整體北水撤退，卻逆市吸納玖紙，星期二買咗1.2億元。國際紙漿價格持續上升，連厠紙都話加價三成，台灣民眾更盲搶廁紙，業界預期未來包裝紙及家用紙等等，相信都會加價，咁對於有較強議價能力的紙業股龍頭，的確係好事。原材料價格上升，生產商才會將成本轉嫁畀消費者，咁諗深一層，上游化工股，應該好賺喎，在本港上市的化工股不多，向來也是被市場忽視，所以估值較低，但你睇吓建滔化工（148）、東岳（189）、理文化工（746）及三江化工（2198），過去一星期都係優於大市，似乎已有資金偷步入場，可多加留意，當中理文化工純利急增2.2倍，或可令市場重新估值。青冰
http://fb.com/chingbing888本欄逢周四刊出
來源:
https://hk.finance.appledaily.co ... e/20180301/20318782