【真假難辨】海味嫁完無效華仔被爆瞞婚
1 :
GS(14)@2016-09-06 22:50:56呂良偉周海媚（海味）
娛樂圈真真假假，你以為已經結婚的一對，卻偏偏未有註冊，反而唔聲唔聲嚇你一驚的大有人在。
呂良偉周海媚（海味）
88年秘婚，一年後提出離婚，海味透露因在三藩市申請結婚後，沒有在一年內結婚，所以失效。
趙世曾 Terri Holladay
1992年舉行海陸空訂婚禮，Terri更為趙世曾誕下兒子式正，但至分手兩人都未有註冊。
周國豐利嘉兒
於2005年拍拖三個月便閃婚，在山頂餐廳舉行婚宴，2008年分開時才宣佈當日沒有註冊。
劉德華朱麗倩
華仔密冚跟朱麗倩的地下情24年，於2009年被本報獨家踢爆兩人已於2008年在拉斯維加斯註冊。
黎明樂基兒
黎明跟年輕13年的樂基兒，被傳媒踢爆兩人於08年在美國賭城註冊結婚，到2012年宣佈離婚。
鄭中基蔡卓妍（阿Sa）
阿Sa與鄭中基2010年高調宣佈因了解而離婚，原來二人早於2006年在美國洛杉磯註冊。
來源:
http://hk.apple.nextmedia.com/entertainment/art/20160906/19761483
傳洪欣當年瞞婚莫少聰誤做第三者
1 :
GS(14)@2016-10-24 04:20:55■有傳當年洪欣隱瞞人妻身份，與莫少聰拍拖。資料圖片
洪欣與莫少聰這一對，分手後成陌路人。16年來莫少聰一直沉默，背負「負心漢」角色，被指對兒子莫鎬廉（現名張浩鋒）不聞不問，又由得洪欣當年孤身去加拿大分娩。最近莫少聰終於按捺不住，於微博出po並貼圖，分別是莫少聰及莫母當年在加國抱住初生莫鎬廉的相片，證明傳聞皆失實。
■莫少聰日前突然在微博貼出與初生囝囝的合照，似乎是想還自己公道。微博圖片
離婚妻想分身家
昨日有周刊指，莫少聰遭細27歲的內地妻子孫雲玲提出離婚及要求分身家，而令他更煩惱的是一班疑幫洪欣出頭的「寫手」，經常開不同賬戶在微博罵他。其實莫少聰和洪欣的恩怨一直是個謎，有傳洪欣於96年與商人黃國梁秘密結婚，一年後離婚，翌年與莫少聰合拍電影《亡命天涯》撻着，莫少聰更飛甩拍拖10年的空姐女友。但昨日卻有另一版本，指洪欣當年一直未離婚，莫少聰誤成第三者。直至99年，洪欣被影到與賴昌星（廈門遠華走私案主犯）上賭船，繼而傳出緋聞，當年洪欣指報道失實，斥罵：「使唔使講到我咁cheap？寫到我成世未見過錢咁。」但同年洪欣與莫少聰仍是分手收場，翌年莫鎬廉出世。莫少聰當時安排洪欣在加拿大生BB，惟返港後兩人誤會加劇，令兩父子無機會再見面。記者昨日致電洪欣，但至截稿前仍未回覆。採訪：嵐山
來源:
http://hk.apple.nextmedia.com/entertainment/art/20161023/19809283
阿Sa「隱」足4年離異先曝光小美瞞婚生女震驚中港台
1 :
GS(14)@2017-07-07 01:32:58藝人結婚，好多人都認為係喜事，唔介意公開，但亦有人認為係私人事，唔鍾意擺上枱，更甚者，就係結咗婚都唔認嗰啲……蔡卓妍、鄭中基數到香港瞞婚嘅佼佼者，一定係近日認愛百億麻雀館太子嘅蔡卓妍（Sa），佢一直冇公開與鄭中基嘅婚訊，故外界只以為「Sa基」發展地下情，而阿Sa喺2009年回應劉德華同朱麗倩秘婚消息時，曾揚言「如果結婚嘅話我絕對唔會玩神秘，一定公開。」結果阿Sa自打嘴巴，於2010年被《蘋果》揭露佢同鄭中基早喺2006年於美國註冊結婚，同日2人舉行記者會，聲淚俱下承認瞞婚。劉德華、黎明、楊千嬅上文提及，劉德華喺2009年被揭同朱麗倩於美國拉斯維加斯秘密註冊結婚，同期被揭發嘅仲有黎明與樂基兒，以及楊千嬅與丁子高呢兩對星級夫婦，最後劉德華為外父奔喪後返港，於機場接受傳媒追訪時承認已婚。賀軍翔現年33歲嘅台灣靚仔男星、外號「小美」嘅賀軍翔，上個月喺facebook自爆已經同圈外女友結婚，並且已生下B女「美寶」。有指小美老婆係其初戀女友，不過小美為咗保護老婆，喺公開嗰張戶籍證明相片中，將老婆嘅資料打格。吳尊曾經以台灣組合飛輪海紅透半邊天嘅吳尊，疑因其偶像包袱嘅關係，多次聲稱單身，到2011年，有報道替吳尊已經喺老家汶萊結婚生女，但仍遭佢否認，但係到咗2013年，吳尊終喺官網發表發聲明承認已與女友林麗瑩於2009年結婚，並已育有女兒做老竇。
來源:
http://hk.apple.nextmedia.com/entertainment/art/20170706/20080766
Next Page