「矛盾都會完」陳志雲憂無以為繼
1 :
GS(14)@2016-04-01 15:38:37【本報訊】ViuTV以《跟住矛盾去旅行》打頭陣，坊間聲勢不俗，不過外間對此反應不一。YouTuber司徒夾帶相信新節目可以推動電視業創新，無綫電視廣播業務前總經理陳志雲卻質疑，這類話題節目會無以為繼；前電視人蕭若元亦不看好ViuTV可憑此動搖無綫的慣性收視。
YouTuber司徒夾帶表示，以創作人而言，欣賞ViuTV用心製作創新的節目，「我覺得ViuTV係刻意製作一啲無綫冇做過，甚至以前電視界冇做過，觀眾亦冇睇過嘅節目」。他認為，這些節目某程度是會令無綫綜藝節目製作人不能偷懶，有競爭作用，提醒他們不可能再製作出一個主持加幾個嘉賓聊天的節目來吸引觀眾。無綫前金牌編劇周旭明抱審慎樂觀態度：「梗係希望（電視台）啲嘢係越變越好……喺觀眾角度嚟睇，係多一個選擇，開台先再講，睇出街係乜嘢一回事，始終電視台係燒錢嘅生意，唔好咁快判人生死先。」但陳志雲對ViuTV的製作方向有所保留，「嗰類節目持續性好緊要，《跟住矛盾去旅行》個矛盾都會完㗎，睇落係咪無以為繼？ViuTV走呢條線，TVB執行董事鄭善強都曾經話：『佢哋其實做緊J2，J2都係得一、兩點收視，因而佢哋做乜嘢應該對我哋冇乜影響！』」。他認為縱使外地劇製作水準高，但香港觀眾也會愛看港劇，因有本地元素，反映本地文化面貌，令觀眾產生共鳴，「不過，多個人入嚟玩總好過冇，但對於佢（ViuTV）競爭力有幾大，就要睇佢肯投入幾多資源落去」。
蕭若元：5點收視已不錯
蕭若元的反應是：「有興趣睇吓。」但他估計ViuTV出擊都未必可動搖無綫慣性收視，ViuTV的節目若搶得5點收視成績已不錯。蕭若元指無綫擁躉守舊：「而家睇TVB嘅觀眾，多數係年紀大、頑固，生活習慣好難改變，佢哋好多都係開電視聽聲……有線同now出現亦搶咗啲客。」■記者張文鈴、楊潔雯、戴彩煥、王麗春
來源:
http://hk.apple.nextmedia.com/news/art/20160401/19553542
TVB獨播里奧 觀眾冇得揀 議員憂無競爭 節目質素降
1 :
GS(14)@2016-08-07 00:57:39【本報訊】四年一度的奧運今屆於巴西里約熱內盧舉行，有報道指TVB以約1.6億元購得今屆奧運獨家轉播權，是多屆以來本港首次只有一間電視台播放奧運。有議員表示，TVB曾有藝人評論賽事時鬧出笑話，表現不專業，擔心在沒有競爭下會不顧節目質素。有科技業人士則稱，以往有兩間免費電視台播放奧運，觀眾叫「有得揀吓」，惟今屆「冇得揀」。記者：張文鈴
巴西奧運於明日揭幕，TVB今次以1.6億元奪得里約奧運電視轉播權，包括所有跨媒體，如免費電視、收費電視、互聯網及流動平台。有報道指，TVB投得今屆奧運轉播權，連同節目製作費，料「埋單」近3億元。TVB派出逾50人任奧運主持和評述，藝人包括陳百祥（阿叻）、朱凱婷、麥明詩、李思雅等，亦邀請香港體操隊前代表黃曉盈、香港足球隊前代表潘文迪等作專業評述。
阿叻傳聖火
藝員做主持
阿叻傳聖火惹爭議
公民黨毛孟靜表示，過去TVB在播放奧運節目時，用藝人做主持評論奧運賽事，結果鬧出笑話，「觀眾唔係professional（專業），但都知你係度亂咁講，希望今次TVB自己同自己把到關」。
TVB早前因合作夥伴身份獲邀派代表傳遞奧運聖火，派出諧星陳百祥做火炬手，結果引起輿論非議。毛孟靜又指，「原本都以為ViuTV可能同佢（TVB）分下（奧運節目）都得，點知都冇，（觀眾）基本冇得揀，令人遺憾」。她稱，香港免費電視市場小，令TVB獨大，「其他嘅（免費電視台）又唔夠財雄勢力、老牌子」。她擔心，TVB在沒有競爭下會「得戚、自把自為」，不顧節目質素。
洗腦主題曲
奧運神獸卡
■亞視於京奧邀李麗珊（中）任主持。
香港資訊科技商會榮譽會長方保僑則表示，港人往年均可從TVB和ATV免費收看奧運，「每間電視台評論員嘅水平都唔同，觀眾都叫有得揀吓」。他說，作為一個觀眾，今屆在沒有選擇之下，要看奧運賽事就惟有看TVB，「變相冇得揀，但有好過冇囉」。方稱撇除收費電視台外，免費電視台ATV於今年正式停播，剩下TVB和ViuTV，「TVB始終有多條頻道，就算用一條頻道播晒，唔想睇奧運嘅觀眾都可以睇其他（節目）」。他又指ViuTV現時只有一條頻道，若調動或暫停節目而改播奧運，部份ViuTV觀眾不看奧運就等於「趕客」。
來源:
http://hk.apple.nextmedia.com/news/art/20160804/19722410