|
||||||
|
上星期講印度及 星期一講家族事業，引來兩位商家回應。白手興家嘅創業P來短訊云：「中台港在未來二十年會發生好大嘅企業繼承問題，好多大型、中型家族企業已經發展成為環 球事業（global business），而我見到不少富有第一代/第二代培養第二、三代嘅方法係將子女自細送往英美留學，讀著名商業學院MBA，再入華爾街大行做投資銀行 家，做咗幾年就叫佢地回來預備接棒，殊不知華人家族企業嘅文化、倫理，與西方商業學院及投資銀行嘅理念，有大大不同之處。下一代在西方學晒一啲不適用嘅哲 學、個人價值觀、商業倫理，營運系統、管理工具與技巧回來，根本格格不入。要知道華人家族生意首先講求家族，第二先至講到企業！」（原來短訊為英文，中文 大意如上。） 或者新一代會反駁，創業P呢套講法，不合潮流嘞，佢地飽經哈佛、哥倫比亞、華頓及華爾街嘅訓練，返嚟就係要將家族事業「現代 化」、企業化。講得就幾好聽，做唔做到係另一個問題，只恐怕以後二十年，中台港家族事業嘅兄弟姊妹官司，長寫長有啫。 另一位廠家「大力」來 電郵云，佢與印度人做生意超過二十年，曾研究往印度設廠，但一眾行家（到大陸設廠嘅香港人）可能已經俾內地優勢「寵壞了」，要走出中國設廠，殊不容易， 「大力」到印度考察一段時間，發覺外資點解唔到印度設廠呢，主要係有下列困難：（一）印度除英語外，無共通語言，但基層工人唔識英文，只講方言，印度有一 千六百種方言咁多，工人集中一起，彼此亦難溝通，何況還有宗教、族裔之不同，外國投資者要聘請一萬幾千工人，極難管理；（二）工人不願加班及受最低工資所 限，工廠須提供廠車接送工人上班下班，成本係工資嘅三至四成，加加埋埋就貴過中國了，（三）基建落後，交通困難；（三）保護主義意識濃厚。凡此種種，華人 廠家對印度望而生畏，外資就集中IT服務業方面，所以在印度，學識英語係搵好工嘅基本條件。左丁山以前經常在東南亞行走，本港廠家亦經常抱怨東南亞地區工 人不似中國工人咁勤力。想落，一個外國人，不止西方國家，咁驚中國嘅深層次原因可能係，中國人為咗搵錢，工作得太勤力，將所有外國人都比下去。 |
||||||